神輿日本料理 (已結業)

個人很喜歡吃日式放題，香港很多大型連鎖店都曾經光顧過，想試試其他放題，不過又擔心食物質素，碰巧朋友推介，今晚便來到這裡試試。這裡的門面和店內都裝修得很日式，坐位寛敞而舒服，比起大型連鎖店坐得更舒服。星期一至四，晚上18:00-21:00，成人收費$238。星期五、六、日和假期加$20。放題食物有多款，只需在落單紙，寫下數量便可以交給店員，食物很快便會送上。刺身和其他放題店一樣，有多款刺身，其中以帶子和赤貝最為鮮甜可口。壽司方面，飯的份量不多，配上美味的剌身，一口一件，就適合貪吃的人可以吃多幾款。海膽壽司內的海膽份量豐富，以放題來説是很多，加上紫菜，味道鮮美，要點多些實在不為過。爐端燒的菠蘿，經過燒烤之後，味道鮮甜。海蝦燒得很香，肉質爽口彈牙，蝦殼表面的鹽帶出了蝦的鮮味。炸榴蓮，外脆內軟，榴蓮味道濃郁。最後當然是甜品，除了自家製的甜品，還有四款雪糕。吃完甜品，就飽到一個點了。

日式放題成行成市，今日選擇這一間吃放題是因為口碑不錯。這裡裝修簡單，有卡座可以好舒適地享用食物。侍應親切有禮，服務周到。廚房出品相當之快，點了食物約5分鐘就已經可以上桌。最開心是點多少他就上多少，不會成日要我們追單。食得開心又安心。食物種類繁多，有刺身、壽司、爐端燒、天婦羅、鍋物、一品料理、小食、卷物、手卷、主食、飲品和甜品。刺身有希靈魚、三文魚、北寄貝、帶子、赤貝、油甘魚、甜蝦和象拔蚌，其中以油甘魚和象拔蚌最為鮮甜。海膽壽司內的海膽份量多，而且鮮甜，點些豉油，更加可以提升鮮味，最後忍不住點了好幾次，直到有點飽，才吃其他食物，這個海膽壽司絕對是返本必選。飲品有汽水，啤酒和酒精飲料，只需加$28，就可以任飲，這個價錢值得追加。

約左好友到旺角食日本嘢，最好就選放題，因無論你有幾好胃口，都一定食包包。款式仲有好多選擇，如炸物、主食、鍋物、卷物、壽司、刺生等等。每款主題食幾款都足夠曬！刺生：三文魚、甜蝦、松葉蟹棒。都不可小，鮮甜味美，我仲點左兩次。大灼芝士三文魚壽司，呢度都可以食到，都幾好味，花之戀整個放入口，回味無窮。炸物有炸鮮奶、芝麻脆皮雞翼和炸魚餅。軟殼蟹手卷，脆脆地，海膽手卷都是我喜歡食的。尤其紫菜特別爽脆。除了一般有氣飲料外，仲有凍/熱利賓納、花茶，還有酒飲，但要另外加錢。我就選了凍利賓納，甜度剛好。最後食番杯芝麻雪糕加入棉花糖粒，就是完美的飯局。

想在旺角食日本放題，必選神輿日本料理，呢度有好多年青朋友來食。原因好簡單就是食材新鮮，款式多，地方夠寬敞舒適，坐得舒適。海膽壽司、手卷都是任叫任食。一口一件海膽壽司，美味鮮甜。刺身有多款選擇，都是新鮮味美，尤其甜蝦，油甘魚，都好好味。秘制雞翼，黃金外層包含嫩滑雞肉。要食多幾隻。芝士生蠔、芝士味濃郁。黃金蝦外層味美，蝦肉爽口。每次都會叫日本番薯🍠，好好食。一口牛入口溶化。另外甜品有蛋糕🍰布丁和雪糕等。我就喜歡食簿可雪糕，再加上珠古力粒。蕉糖布丁都唔錯。飲品可以飲健康一點花茶，都是唔錯之選。

旺角日式放題有好多間，花多眼亂，所以都係靠朋友推介先會去食。今次就去到朋友介紹，位於創興廣場5樓嘅「神輿」試一試，位置好方面，巴士一落車就已經係創興，晚飯時間好多人排隊等升降機上樓，不過我見普遍都係上高層，而上低層的人龍較短，省卻不少時間。先讚的是該處的環境，比一般放題店寬闊，以往去食放題，座位基本上都係有咁密得咁密，有咁迫得咁迫，務求坐得更多人。但係神輿嘅座位完全唔會迫狹，坐得比較舒服，而且燈光同裝飾睇落比較光猛，令人有一種好舒服嘅感覺。食物方面，刺身點選了三文魚，甜蝦，帶子等，質素不錯，魚生是新鮮的。壽司點選了鰻魚，芥末八爪魚，海膽等，海膽吃落沒有腥味，頗為高質素。熟食方面，清酒煮蜆味道夠鮮，泡菜煮豚肉味道濃郁，還有牛肉壽喜燒同炒雜菜，都烹調得十分出色。甜品方面有好多選擇，雪糕有我最喜愛的芝麻味，仲有薄荷朱古力，士多啤梨同紅豆味，適合一眾年青人口味。另外仲有3.6北海道牛乳奶凍同其他蛋糕類甜品。可惜今日有點喉嚨痛，沒有嘗試炸物，但眼見隔離枱的情侶點選的炸物非常吸引，就好有衝動去食。

跟「人仔細細但食量驚人」的閨蜜約會，最好就是去食放題了！晚餐時段放題，每位$238(另加一),價錢經濟公道。食物種類繁多, 令人眼花繚亂。放題都有得食海膽，很驚喜！有海膽手卷及海膽壽司可供選擇。海膽鮮甜無腥，口感水潤柔滑，紫菜亦好脆。略嫌海膽手卷的海膽份量較少。刺身壽司種類多。三文魚顏色鮮明有光澤，味道鮮美。油甘魚切得比較細片，但很油潤豐腴，值得encore! 象拔蚌爽脆，帶子柔軟鮮甜。松葉蟹棒亦有蟹肉的爽甜。花之戀蟹籽多到掉下來，三文魚夠鮮，沙律醬亦下得多，好惹味。火灸芝士三文魚壽司口感豐腴，入口即化，而且壽司飯比較細件，不會令人很很飽濟。鰻魚壽司汁醬香甜。蟹籽壽司紫菜香脆，蟹籽爽口。牛油果蟹棒卷，牛油果份量不夠多。龍蝦和牛卷，龍蝦份量亦不多，但牛肉加上泡菜，微辣惹味。蟹籽沙律份量足，青瓜絲切得幼細而均勻，像麵條一樣。沙律不會水汪汪，新鮮好食。串燒一口牛一顆牛柳一顆車厘茄串連起來。牛肉不會燒得過熟，有肉汁，肉質軟腍。燒菠蘿是放題必點！菠蘿燒烤後特別香甜，有助解膩。金菇牛肉卷 (下圖右)肥牛不會太肥膩，金菇大大的一梳，食落有水份，不會"乾爭爭"。芝士焗虎蝦  (上圖中)有好多明太子沙律

朋友接收工，見好耐無食過放題，👭就和朋友順道在旺角食個飯吧！這間神輿日本料理，位於創興廣場5樓，每位收費大約二百幾蚊，不妨一試！地方超大超濶落，好有空間感，中間位置就是自助甜品區，食物選擇有很多，厚厚的一本餐紙，刺身壽司，一品料理，炸物串燒，鍋物天婦羅等等．．．大人小朋友都啱食👍🏻👍🏻！所有刺身都好新鮮😋，甜蝦好鮮甜，北寄貝亦好爽口，🍣壽司細細件，紫菜又脆口，剛好一啖一口，進食好方便！👍🏻👍🏻芝麻脆皮雞翼、炸得剛剛好，好香口，肉質亦保持到水份，而且充滿芝麻香，食晤停口！串燒，榴槤球，紫心香芋丸，都整得好好味，一定要試😋😋😋😋泡菜豚肉鍋和關東煮，即點即煮，都好足料又熱辣辣👍🏻！

之前已經吃過一次了，覺得非常好吃，今日男朋友生日所以再來之所以再來這裡，是因為這裡的刺身壽司比其他放題出色。帶子非常甜，三文魚很肥美，貝類的口感很好甜甜的，甜蝦也很QQ的很甜～海膽給的量很多，而且非常甜～炸蠔外脆入軟，芝麻雞翼也非常香，咸度剛剛好而且一點都不會乾～串燒都炸得剛剛好不會乾，特別是車厘茄那一串，咬下去就爆汁了，酸酸甜甜的中和了肉的油膩感。甜甜咸咸的壽喜燒！加上蛋汁真的超棒的～牛肉軟軟的牛味很濃，豆腐非常嫩。綠茶雪糕超濃郁！薄荷雪糕甜甜涼涼的，飯後來一杯非常滿足

來到旺角食日本放題見到網上面話呢度嘅有海膽壽司提供，即刻來食。放題必叫刺身刺身好新鮮，試咗三文魚，甜蝦，吞拿魚，帶子等全部都好新鮮。壽司海膽壽司味道甘甜左口魚壽司好肥美燒物鹽燒黑豚肉串-黑豚肉肥瘦適中鹽燒海老串-海老大大隻，肉質結實夠彈牙芝士焗蝦-上面鋪左芝士蛋黃醬，蝦肉彈牙芝士焗蠔同芝士焗帶子都好高質素。清酒煮蜆-蜆肉鮮甜，有濃烈嘅酒味。炸物炸榴槤炸得好脆，好流心，榴槤味好濃烈另外炸蠔炸芝士年糕都好好味。大量食物提供好抵食，而且上得好快， 最重要係有海膽壽司提供。

呢排食壽司食上癮，OpenRice 睇到食評都嘢食都唔錯，試下水同朋友2個人2315入座，應該係比較夜，唔係特別多客，位置幾舒適，唔會太逼，嘢食唔算多款多樣，但order 嘅食物都👌，刺身夠新鮮，友人唔太敢食三紋魚，都認唔住誘惑芝士焗蠔整體食物夠新鮮，秋刀魚的滋味 貓跟你都想了解，🎶🎶 秋刀魚有小小失望，無味，加$28可以order 氣酒或啤酒，試左白桃同巨峰氣酒，都覺得唔錯，甜品就比較少選擇，下次會再黎 ，

日本放題香港有唔少選擇，但點解今次揀呢間呢！因為見佢價錢吸引可以有海膽軍艦壽司同海膽手卷食！而且睇相見佢嘅裝修好有日本風調，座位又唔會好迫，環境幾闊敞！所以決定一試，因為有帶小朋友！如果去啲好迫嘅餐廳就會唔方便！價錢$238可以食到海膽壽司的確幾吸引，不過留意番佢就唔係任食㗎！佢會比幾張紙你嗌，每一張紙就最多嗌15件！刺身選擇唔少，而且都幾新鮮不過就唔會好似其他放題咁樣，做到好大碟好華麗😂😂食物選擇都多，熟食方面我哋嗌咗牛仔骨同豬頸肉都幾juice!雪糕方面就係維記雪糕而且可以添加配料！出邊亦有好多唔同嘅甜品可以俾你自取任食嘅！飲品方面如果加$28可以任飲酒類飲品！岩哂鐘意飲酒的你😆

這間一直都是在我放題list榜首頭幾位，除左人氣高之外，它的日式裝修和可以任吃海膽這個賣點吸引着我一進門口就被鳥居的設計吸引⛩️配合一些燈籠等非常有日式味道🏮打頭陣來個甜蝦、帶子、赤貝、象拔蚌刺身，保養得非常新鮮爽甜，絕對不像放題平時質素，沒有將貨就價吃過滿意後，我們重複叫了這個組合三次接着當然要吃重點：海膽壽司，沒有令我失望，同想像中一樣新鮮放題來說種類真的很多，有刺身、壽司手卷、爐端燒、鍋物、沙律等等，每個種類款式不少很少放題可以提供酒類除了刺身，全消小食我都覺得做得出色，我燒麥和雜物做得乾身，上碟時還是熱辣辣只是甜品已經有三個專櫃，我可以一次試勻蛋糕、奶凍和雪糕，每一個份量做成一口份量，很適合想試多幾款的朋友

生日當然要食得豐富D, 食放題就岩哂我心水! 屋企人揀左大半年前去過既"神輿日本料理", 印象中當時食完覺得食物唔太出眾, 但至少唔係伏! 事隔咁耐, 今晚再踏足試試啦!餐廳內裝修帶有日本神輿感覺, 設有大部份卡位, 座位舒適, 唔會話過於擠迫。食物、飲品以order紙落單, 甜品就設有自助區食物款式比起大半年前多, order薄都厚厚的冷盤order左螺肉、芝麻8爪魚, 8爪魚好大隻, 好爽日式放題重點在於刺身, 款式都over 10款,刺身以冰墊底, 魚類刺身均為厚切, 三文魚有淡淡魚油味, 甜蝦鮮甜, 赤貝、馬刀貝、象拔蚌都很爽, 帶子大大粒,每款刺身都很新鮮, 再encorn多幾款, 黎既份量都足料!壽司就有軍艦、卷物、手卷、火灸壽司軍艦跟手卷的確即叫即包, 上檯時紫菜還是脆口, 海膽有壽司軍艦同埋手卷選擇, 手卷standard size, 但海膽份量就過少, 還是軍艦比較滿足, 海膽鮮甜冇腥味野飲方面有罐裝飲品, 更有餐廳自調飲品串燒賣相都幾吸引, 唔會燒得太乾身雞腎爽口唔硬, 雞軟骨爽脆, 表面有些少鹽吊味不過對蝦就有D失望, 唔夠爽口炸物亦很出色, 表面唔會太油膩, 很

今日朋友話要慶祝爆數，所以請我食好嘢， 最終他帶左我去食日式放題。呢間日式放題都好大間， 座位非常多，夠曬闊落， 感覺非常舒適。 罕有係旺角區有咁大間餐廳，令人驚訝。刺身拼盤分別叫咗三文魚，吞拿魚， 北寄貝 ，象拔蚌，甜蝦和帶子。 刺身夠曬冰凍新鮮， 款式又多， 食完忍唔住encorel咗兩次!壽司也隨意點咗鰻魚，芥辣八爪魚，火焰三文魚，左口魚等等。 壽司細細嚿，放落口剛剛好， 即叫即整，上菜快速。炸物都有好幾款，我隨意叫了雞翼，蝦，南瓜，蟹柳和秋葵。炸物炸到金黃色， 炸粉香脆粉薄， 即叫即炸，送到黎還是熱辣辣的，非常滋味。海膽壽司比較罕有， 如果有嘅話價錢一定相當高。 呢度只需要畀一個咁經濟嘅價錢，就可以任食海膽壽司，真係抵食。燒物分別有雞翼，豬頸肉，金菇肥牛卷， 海蝦和菠蘿。 烹調時間調教得好好， 唔會太乾太鞋之餘仲好juicy!最後梗係食過雪糕和北海道奶凍啦! 綠茶雪糕夠濃郁， 而奶凍奶味好重，夠曬滑， 忍唔住食咗兩碗。呢個價錢有咁高既食物質素，真係比較罕有，值得推介。

上網見到呢間放題咁光猛闊落，入到神輿已經覺得比一般放題餐廳坐得舒服，唔會暗暗地帶點居酒屋既味道！要講空間感會有五粒星刺身佢會用好細既碟上菜，唔花巧之餘都幫你檯面節省好多位。刺身味道方面，甜蝦、帆立貝同蟹柳係可以的，不過size黎講就真係比較細左d。呢個左邊既芝士燒蝦幾好味！芝士同醬多之餘，個蝦係彈牙既！！可以再叫既菜式炸物還好，粉多左少少，右上角既炸栗米唔錯，似食緊炸栗米湯蓉，口感特別覺得呢到既串燒或熱野食較為出色，大家必須試最下面個串一口牛。牛肉非常淋有少少似食緊和牛，有燒過唔係就咁煮完串起黎。燒左既蕃茄仔同呢個一口牛好夾的說芝麻豆腐唔會並得去邊！清酒煮蜆不過不失唔會細粒，份量二人食係剛好燒豬頸肉要試因為真係好好味有炭火味道。神輿既壽司都係一口size,仲有任叫海膽壽司！叫左兩三轉加上紫菜好脆口，滿足！呢個蒜香茄子就未必會再叫喇，食落味道唔係好吸引，有生生地既感覺。