百芳池上便當 (希慎廣場)

營業中

休息中

 I found a Taiwanese restaurant near the company, so I bought takeaway and went back to eat with my colleagues ❤️It mainly focuses on Taiwanese cuisine and Taiwanese beverages. The staple food and drinks are almost equal.🍱 Crispy Pork Chop Dry RiceThe pork chop is very big, the meat is so tender and fragrant🍱 Bubble TeaPearl Q bomb, smooth milk tea

開始掛住台灣夜市同埋台灣特色食物而家唔使飛去都食到當地味道百芳池上便當滷雞扒便當便當盒份量夠晒大配料有：粉絲 粟米 菜 滷蛋雞扒大大份係預先醃好食落去夠晒嫩滑呀招牌百芳牛肉麵湯底好濃郁 係用特製湯製作而成整個牛肉味都散發晒出嚟配埋軟硬適中麵條加大大塊牛展牛筋食得到當地嘅味道小食唔少得花枝丸 外脆內軟夠晒香口台灣特色飲品 夏日必定叫黑糖珍珠鮮奶 珍珠夠Q彈 奶味重芋頭鮮奶小芋圓 芋頭就係我最愛！而且呢度外賣或者堂食都無問題

中午時份去了希慎food court 買外賣, 但唔知食咩好算? 見到百芳便當人來人往, 排隊的人源源不絕應該質素也不錯吧。好奇之下買了兩個套餐, 主食餐牌款式精簡，3個類別(飯的有便當、肉燥乾拌麵、紅燒湯麵)，亦有各款小食和台式飲品套餐～今次點了一份堂食，一份外賣給家人吃！肉燥鹽酥雞乾拌麵，麵質幾彈牙，不錯食用前需完全拌勻肉燥醬～鹽酥雞賣相是吸引的，又幾juicy. 豬扒便當豬扒份量足-便當配菜好豐富，有粟米、粉絲、肉碎、榨菜粒、炒菜，仲有半隻滷水蛋。豬扒切好四塊，冇骨方便食用，外皮冇炸到好脆，但係食落好入味。 招牌豬腩 刈包， 內有芫茜、豬腩肉口味獨特好似去咗台灣街邊嘅小食咁，味道好香！ 最後少不了臺灣飲品 order了一杯黑糖仙草鮮奶及紅豆紅茶拿鐵，台灣風味即直上心頭又滿足。

放工係希慎廣場行街, 順便買埋外賣返去食, 我不嬲係銅鑼灣做野就食開百芳, 佢灣仔同銅鑼灣都有店舖, 而另一半咁耐以黎仲未食過百芳所以就買比佢食喇😄1/ 紅燒牛丸牛筋麵🍜 $64屋企住得山尾, 餐廳好貼心會湯麵分離, 所以麵埋食落仲好彈毋牙, 而湯底味道濃郁, 牛筋件數都幾多, 膠質滿滿😊2/ 鹽酥雞便當🍱 $61鹽酥雞炸得好脆口, 內裡肉質嫩滑😋而佢既飯底仲有粉絲, 岩哂我地中意少食但中意多樣化😁3/ 台灣夜市香腸🌭$25切開左一片片, 味道真係好有台灣夜市食既感覺, 好好食🥹🥹兩個人share一條岩岩好👍🏾3/ 芋頭鮮奶🧉 $27芋頭料做得好足！芋泥感加鮮奶充滿住係口腔內☺️好滿足！4/ 黑糖珍珠鮮奶🧋 $22佢地既黑糖珍珠鮮奶味道好岩我, 因為我中意黑糖味重, 而佢地呢個味道好足, 好好飲！！😋😋

台灣美食一向也喜歡吃的，平常也會外賣回家慢慢享用🤤。在希慎廣場美食廣場，有家台式便當小店，可以選擇堂食或外賣，以前吃過覺得味道挺的🙈。便當份量用料多，另可用優惠價加購飲品。-💥鹽酥雞便當 HKD$61，便當賣相吸引，而且用料豐富，包括：粉絲、炸菜、粟米及娃娃菜。鹽酥雞用紙袋裝著，大大件份量多😆。鹽酥雞味道微咸肉質嫰滑，做到外脆內軟的口感。-💥紅燒牛肉牛筋麵 HKD$64，麵和湯是分開裝的，可保持麵條的質素。湯底味道濃郁帶點甜味，牛肉牛筋吸入湯汁更香口。牛筋滑到質感像膠質，牛丸口感彈牙😋。麵條是粗身的，口感較煙韌。-💥台灣夜市香腸 HKD$25，這個是台灣經常看到的小吃，所以也來一份吧😚。香腸外皮煎香過，口感脆口肉味濃郁，帶點油脂挺香口的。-💥芋頭鮮奶 HKD$27 | 珍珠豆乳 HKD$14，飲品有優惠價加購，邊飲邊吃挺好的。芋頭鮮奶口感綿密🤩，鮮奶味道清甜。珍珠豆乳味道清香，珍珠口感煙韌。-

百芳係希慎food court算係非常熱門嘅餐廳，基本上午飯時間，都要排隊，而且外賣嘅人都好多。今日兩點左右，諗住避過人潮，去買個靚靚便當返公司慢慢食，原來都仲有好多人，可能啲學生返半日🤷🏻‍♀️🤷🏻‍♀️由排隊落單到拎嘢食，大約10分鐘，都OK嘅😊😊每次黎百芳，都會心郁郁想試吓其他小食，不過佢哋個便當份量都唔少，基本上食完個飯，飲埋杯野，真係飽到反艇咁濟😅😅人多嘅話，就可以叫一兩份小食share～My favourite: 焢肉便當一睇就知夠晒份量啦！一大嚿豬腩肉，超正！個人認為性價比非常高！絕對抵過食肉燥😎😎🤭🤭食肉獸夠晒開心！滷水味唔錯，唔會太鹹，送飯一流👍🏼👍🏼同其他配菜一齊食，好似椰菜，粟米，粉絲，菜脯等等，口感豐富，就算係一個飯合，都完全唔覺得單調，深得我心🥰🥰粟米粒粒仲有少少肉粒，幾有誠意喎😎😎碳焙烏龍嘆埋杯凍飲，本身已經有糖，甜甜地，真係飲到碳焙香味，但又唔會苦澀，爽！

銅鑼灣希慎廣場11樓嘅food court，各國美食包羅萬有~ 座位唔算好迫，燈光柔和，等朋友或者攝吓時間最佳不過🙂 樓下就係誠品書店，Hea足半日都冇難度～和朋友行完書店，就到food court 揀咗食台灣嘢🍜🫕😋［百芳池上便當］台式滷雞扒便當這種紙製嘅便當盒，十分有旅行鐵道便當feel。滷水雞扒又厚又大件! 滷水味道恰到好處。朋友是食肉獸都招架不住，其他配料還包括粟米粒，辣菜譜，椰菜和大量炒粉絲😋⋯⋯非常豐富！便當包括指定飲品一杯。轉其他飲品正價減$9這杯「芋頭鮮乳冰沙」夠晒真材實料，飲到粒粒香芋，加入鮮奶非常滑身濃厚，沙冰保持冰凍但又唔會飲到最後冇晒味～非常推介!👍🏻😍紅燒牛肉麵傳統台灣美食，紅燒牛展炆煮得入味又夠冧，湯底清甜不膩，如果個湯再熱啲就更好。麵條唔會太冧有咬口。👍🏻😋大腸拼小腸$32經典嘅台灣夜市街頭小食，白色外層係糯米，鋪上少許酸菜，中和油膩，而台灣腸皮亦很脆👍🏻芝士奶蓋夏日茘枝紅茶鹹鹹地嘅芝士奶蓋和香濃嘅紅茶非常之夾。唔會好凍和太甜，啱我口味！

百芳池上便當我都食過唔止一次la，最鍾意呢度既便當有好多配菜。食個便當有種翻左台灣既感覺😚又豐富又好食，性價比極高。 1⃣️百芳豬扒便當（$61）便當配菜好豐富，有粟米、粉絲、肉碎、榨菜粒、炒菜，仲有半隻滷水蛋🤩淨係食個飯已經好滿足。豬扒切好四塊，冇骨方便食用，外皮冇炸到好脆，但係食落好入味😋  2⃣️滷肉飯便當（$55）配菜一樣係好豐富，望到都已經開心🥰冇乜汁，但係滷肉本身半肥瘦，伴埋飯食，有啲肥膏令到整體食落都唔會覺得乾，而且都幾夠味👍  3⃣️台式鹽酥雞（套餐+$28） 鍾意佢地呢度既鹽酥雞，好有台灣夜市風味🤤雖然雞肉唔算特別嫩滑，但係鹽酥風味夠曬出，亦都炸得好脆。而且份量好多，冇諗過加配小食都會有咁大袋。  4⃣️夜市花枝丸（套餐+$17） 有五粒，調味同鹽酥雞一樣，好香😍花枝丸大大粒幾彈牙，而且入面仲食到原粒花枝。  5⃣️茉香綠茶（跟餐）綠茶幾好飲，不過嗌左少甜都係好甜，建議大家嗌低啲既甜度。  6⃣️炭焙烏龍（跟餐）烏龍有甘香，嗌左無糖飲落好舒服好解渴😌 

返工放lunch去左Hysan 11樓foodcourt食早幾日嗌完韓國野先發現依間台灣野係最入個陣見到個menu都幾心郁郁一於今次試試佢本身想食雞脾可惜得炸 好彩仲有一個滷雞扒既選擇滷雞扒便當＄64佢地係用仿竹製既飯盒裝住 幾有台式風味所有既配料都鋪晒係面 一覽無遺除左滷雞扒之外都有唔少餸有半隻滷水蛋 菜脯 粟米炒肉碎 炒椰菜 炒粉絲個人黎講唔太好全熟既烚蛋 但佢地滷得幾好食 我竟然會食晒我見之前d食評都係娃娃菜 今日既係椰菜有d切到都幾大塊 可以細塊d岩一口size就好 味道正常啦 冇咩好彈估唔到粟米仲會加肉碎去炒 撈飯食好正 有口感 仲要份量都幾大方炒粉絲好食！如果可以出粉絲代替埋飯就正 又低GI要讚既係 菜脯整得幾出色！有少少香辣、又爽脆 每粒我都好矜貴咁食講真 幾願意為左個菜脯再食到最後講下主角滷雞扒都算大塊幾入味舊雞亦冇滷到好老飯量睇落得2cm左右厚度我就覺得食完好飽男仔可能就冇咁夠跟餐有野飲跟有3款揀 阿薩姆紅茶 烏龍茶 仲有一款唔記得咩黎我就揀左阿薩姆紅茶（＄0）飲落有d甜甜地 而且都幾大杯 同出面飲一杯手搖既size差唔多有得揀凍仲唔洗加錢最後我飽得濟都飲唔晒飲淨1/

前（24-10-2021 Sun）日老公生日,我哋喺銅鑼灣食完tea,買完嘢行街,行到攰,老公話要上food court坐,然後佢喺喥買杯嘢飲.等咗好耐拎到嚟,佢係用$35.00買杯芋頭鮮奶,睇見顏色唔吸引,飲落,飲到芋頭蓉,但味道唔夠,奶味亦淡淡,又唔甜.如果話要嚟解喝都可以嘅.其他:我老公買咗後等咗一陣whatsapp我,話我知要等,我睇睇單上嘅時間,竟然比我實時收到嘅時間快15分鐘.分數:味道: 2  環境:3 服務: 3  衛生: 3   抵食:  2

因為趕時間 所以沖上希慎嘅food court！本身想食韓國嘢，點知排隊等得耐，轉左入d哩間百芳便當🍱食物質素：不過不失（如只為填肚絕對冇問題嘅）飲品 ：只有熱or凍 ⚠️希望會有暖 供應趕時間者。付款方式：慣咗用alipayhk俾錢 順便用優惠卷⚠️如標明有咩支付方式會更好，唔洗排隊淨係問俾錢方式，問完原來冇理想嘅支付方式，之後掉頭走會浪費很多時間！

想試呢間好耐！都見有幾間分店之前係太古都見到有但一直未食到🤪🤪琴晚黎hysan個foodcourt見到有終於食到！嗌咗個台式滷雞扒便當 $64下面係白飯，上面係勁大塊嘅雞扒再加每日精選配菜三款（炒菜，玉米同埋粉絲）再有滷水蛋半隻好大份 多餸都足料最欣賞係啲滷水唔會太鹹！唔會愈食愈頸渴～本身跟餐都有野飲但見呢間好多台式飲品可以揀就+$8 原味鮮豆乳可以走甜同埋要熱飲！勁好！😙😙飲落雖然無咩豆味但真係好大杯同熱熱地幾舒服～我覺得幾抵食幾好！

放工買外賣，剛到food court即下單，去到店前還是待接單， 柜檯上有一盒便當，未己再有杯飲品。等到佢接單6:35pm ，取餐時間6:56pm，以為還未做好，就繼續等. 終於等到通知取餐時，鋪面職員就將櫃台上之前一早就做好的便當和飲品給我. 原來我份單正在OpenRice 正在show 待接單時，已做好。為什麼明明order 已做好，但沒有通知客人,累客人呆等15mins. 廚房快手就好，但門面就掛住傾計

50幾蚊一個飯你比咁少飯我（形容比你聽，個層飯得2-3cm厚炸），菜脯當1個餸珍珠奶茶啲珍珠痴埋一舊，啜到面都紅晒都啜唔到上嚟。認真好差，比咁嘅價錢食埋啲咁嘅垃圾。

喺希慎廣場個food court嗰度兜咗一圈，見到呢間都好多人排隊，冇得去台灣都想食下台灣嘢食，就諗住試吓啦！排隊真係排長龍咁，同埋等嘢食都等咗15分鐘。我就嗌咗一個百芳牛肉麵，台灣嘅紅燒牛肉麵真係我嘅最愛，呢間啲牛肉麵食完都會諗翻起台灣嘅味道，上面仲有蘿蔔、白蘿蔔同埋滷蛋，非常足料，同埋呢一間值得稱讚嘅係，牛肉夠足料，同埋食落口感啱啱好。食台灣野點少得手搖飲品，叫咗一杯珍珠奶茶，珍珠好多好多，但係冰都好多，奶茶都OK。整體來講都唔會太貴。