百芳池上便當 (希慎廣場)

營業中

休息中

呢間百芳池上便當喺希慎food court入面，位置喺Pepper Lunch隔離。我朋友話佢成日都食呢一間百芳池上便當，話覺得佢啲台式飲品好飲，所以我今日就決定試吓佢！百芳滷雞扒便當 ($63)我哋點咗滷雞扒便當，除咗有雞扒同飯之外，仲有4款唔同嘅配菜。配菜係佢已經揀好俾你，入面有粟米、粉絲、娃娃菜、菜脯，另外仲有半隻滷蛋，都算幾豐富！便當嘅飯口感都幾軟腍同埋香，可能都係屬於靚米～雞扒實際比餐牌更加大塊，而且都好入味，肉質又唔會好嚡！紅燒湯麵拼酥炸豬扒 ($65)湯底唔係好重中藥味嗰種，而且只係好輕微嘅辣味，唔鍾意中藥味同唔食得辣嘅人都一樣啱食！酥炸豬扒冇炸到好熱氣，亦唔係有一層粉包住，所以食落就覺得健康啲冇咁有罪惡感～ 台灣古早味香腸 ($25)台灣香腸永遠冇得輸！芋頭鮮奶 ($35) + 芝士奶蓋碳培鐵觀音($30)另外仲嗌咗兩杯台式嘢飲，分別係芋頭鮮奶同埋芝士奶蓋碳培鐵觀音。鐵觀音茶味都算幾濃，味道正常，如果我哋記得嗌少甜應該會更加好。最令我覺得特別嘅係，佢嘅芝士奶蓋比其他嘢飲鋪嘅奶蓋多咗份鹹味，飲落都唔會唔夾。芋頭鮮奶入面芋頭份量都好多，甜度亦適中！

公司位於灣仔和銅鑼灣的交界就是幸福反正就是「搵食」十分方便附近就有兩間百芳，偶然都會來買個足料便當做LUNCH慢滷豬手便當 $63之前是買開灣仔分店的滷肉飯便當，覺得十分不錯便當感覺營養很均衡，尤其是蔬菜和肉的量都比較平均於是今次來CWB這間試試豬手便當配料方面分店不同也沒有太大的差別，類別都是統一的就是有粉絲、粟米、娃娃菜，辣菜莆和半隻滷蛋但CWB這間菜莆好像比較辣一點，而粉絲就比較濕潤輪到主角滷豬手了看色水似是滷了很久，很入味但肉的口感比想像中Q彈呢，覺得是下飯抑或當小食都不錯炸花枝丸 $20花枝丸炸完好香，而且價錢不貴廿蚊有五粒，性價比不錯南投桂花烏龍 $17這個茶值得一試！有獨特的清香，飯後解膩一流！

台灣鐵道便當百芳池上便當非常出名， 每次到台灣必食， 現在香港都有，所以決定去試下。餐廳位於銅鑼灣希慎廣場11樓美食廣場。多款台灣經典便當，台式地道美食可供選擇慢滷豬手便當豬手皮、蹄筋入口即化，嚼勁十足，飯配上粟米、肉燥、粉絲、鹵水蛋、娃娃菜配菜份量十足。紅燒湯麵拼酥炸豬扒湯底濃厚，香而不膩，麵闊身口感彈牙，豬扒酥脆，肉汁鮮甜。台灣古早味香腸瘦肥比例完美，瘦肉帶油花，油而不膩，味道鮮美。阿薩姆紅茶茶味香濃，甜度適中。碳焙烏龍回味甘鮮，口感順滑。

我今日出咗去銅鑼灣希慎入邊food court搵好嘢食，兜咗個圈，見到一間食台灣野嘅舖頭，睇吓佢個Menu又好似幾啱食，其實都有一段時間冇食過台灣嘢，不如就叫過外賣返公司食啦！池上百芳便當嘅豬扒麵真係超正，塊豬扒炸得香又軟，麵底彈牙，分量剛剛好！另外個豬手飯又係超正，豬手超級入味，加埋啲汁落個飯度，就算超飽你都會食得晒，因為就係超級好食！飲品就唔使講啦，台灣嘅飲品不嬲都叫好叫座！食台灣野唔叫返杯台灣飲品，好似爭咁D野咁。

於銅鑼灣逛逛逛，逛到晚飯時間，於希慎廣場 food court 搵到台灣美食~《百芳池上便當》，上到11樓行入啲轉個彎就見到。鹽酥雞便當~ 好可愛的圓型便當盒，除了主角鹽酥雞，配料有鹵水蛋、粟米、肉碎粉絲等，仲一個不得不提的是既可口又爽口的菜脯，味道好正！鹽酥雞啱啱炸起，件件脆卜卜，鹽酥鹹味剛剛好，味道好吸引。台灣夜市香腸~台灣香腸肥美好食人人知，但這個食落不算肥膩，一件接住一件吃不停。紅燒牛丸牛筋麵~這個紅燒只是輕辣，一般人絕對可以接受，湯底味道香濃，附有一大湯羹酸菜，提升整個湯麵的層次感。牛筋有多件，好淋好滑，骨膠原豐富補關節，牛丸爽口彈牙，配有一兩件紅蘿蔔、白蘿蔔；採用粗麵，麵質爽口，放湯浸了一段時間也不會太淋，依然爽滑。珍珠奶茶~這個珍珠奶茶珍珠味比較強烈，奶茶冇叫少甜都唔會好甜。紅豆奶茶~ 紅豆有益，配奶茶都非常夾，好好飲。

對上一次去台灣已經係兩年前嘅事，真係好回味當地美的。放工去搵食，來到Hysan 11樓美食廣場，竟然俾我搵到正野食，百芳池上便當。🥰便當🍱款式多，有飯有麵，台式小食，飲品不少得珍珠奶茶，黑糖鮮奶，原味鮮豆乳等等，種類繁多到眼花撩亂。紅燒湯麵🍜拼炸豬排🥩，最失賞佢既炸豬排金香可口，超份量！配合軟滑既湯麵🍜香濃湯底，超讚。慢滷豬手便當，骨膠原滿滿，豬手非常有口感，配搭每種伴菜，獨特的台灣飯粒粒有咬口，很有台灣風味。點了小食台灣夜市香灣，這個小吃是我既必食至愛，一食傾心。 近年愛上台式飲品，呢杯原味鮮豆乳很清新可口（右），不過如果試左黑糖鮮奶後才飲豆乳就會變得淡味，始終黑糖很甜耶。不過真心兩杯都好好飲。好希望香港能保持美食天堂的美譽，我愛香港。

▶️九點幾就快冇堂食😢，拿拿臨喺food court行咗一圈，畀佢嘅便當吸引咗，但最後揀咗鹽酥雞同麵😆台灣鹽酥雞肉燥乾拌麵🍗🍝麵少少彈牙，有啲漿口；肉燥唔夠肥唔夠香同少咗啲；鹽酥雞幾惹味香口，但係唔夠熱🙈⚛️杯飲品正常，鹽酥雞份量都幾多，呢個價錢嚟講都👌

便當是一種心思，除了味道，更重要是當中的那份溫暖。台式便當眾所周知，每每遊台都總要吃上一次。慢滷豬手便當甚有特色。台灣滷水技術一向不差，以慢滷方式處理，豬手軟嫩入味，確是滋味。加上便當中的粉絲、滷蛋和青菜粟米，每一口都有家的味道，很台灣！紅燒是燒的其中烹調法，即是持續加熱，加入醬油、八角、冰糖等調味成紅褐色。紅燒湯麵當中的濃香簡直不可言喻。配上炸豬扒真是很飽足的一頓。台灣香腸也不能錯過，油脂甜香在口中散發，小小一片大大滋味。再來一杯芋頭鮮奶小芋圓，濃郁的芋頭配上鮮奶，加上QQ芋圓，幸福感滿滿。

經常進食，但昨天外賣做好後應該放得太耐，飯已經凍了，明白可能假日外賣多，要準備，但可以預計訂購時間作出適當安排，避免食客取外賣後，進食開始轉冷的外賣，整體來講這食店都是好的

冇過去台灣食野，但黎到百芳池上便當就有台灣既風味。我地叫左慢滷豬手便當$63豬手調味好好，份量非常多，因為慢滷既關係非常入味。再加上便當上有唔同既配菜，粉絲，西蘭花，菜甫，粟米等等。紅燒湯面配炸豬扒$65湯底好濃郁，有少少惹味但唔會辣。炸豬扒係百芳既賣點，調味得好好，好惹味又厚切。台灣夜市香腸$25香腸燒香左，少少咸又好彈牙，好食，必叫。跟餐飲品有加配優惠既芝士奶蓋玫瑰鐵觀音$29芝士奶蓋有加左海鹽，好特別，無論係配鐵觀音定荔枝紅茶都好夾。芝士奶蓋荔枝紅茶$24

我美食博士去完誠品打書釘，上一層就係美食廣場，開動為食mode時間，揀咗間台灣嘢食下。🍜紅燒牛丸牛筋麵 $64🐓鹽酥雞便當 $59🍡炸花枝丸 $20☕️碳焙烏龍 (跟餐)☕️珍珠紅茶拿鐵 $20我同朋友叫咗一個湯麵同一個便當一個小食。個麵嘅牛丸同牛筋算多，啲麵嘅質感又滑又彈牙，雖然係有少少辣🌶，但我朋友唔食得辣都一樣啱食。便當嘅鹽酥雞香味夠，花枝丸咬落去幾彈牙。我朋友飲烏龍茶，諗住清清地，不過佢話都係幾甜下，所以建議大家要走甜，至於我杯紅茶拿鐵，我覺得幾好飲，好香濃，珍珠份量適中。呢間好抵食，我美食博士覺得可以encore。🍽百芳池上便當 - 銅鑼灣軒尼詩道500號希慎廣場11樓

我一心已選定香酥炸雞腿，想落單時服務員說要等20分鐘，當時已三點幾，好肚餓，但太想食，唯有等。等的過程發覺平日三點幾都竟然那麼多人，堂食與外賣同樣多人，有點意外。.等的過程再看看餐牌，有便當、湯麵、乾拌麵等。.下午茶有刈包，大家知道刈字的發音是什麼？哈哈，我查了字典，讀”艾”，我還以為”超”音😅😅🤣🤣.過了20分鐘都未有，忍不住去追下，再等多5分鐘先有。唉，餓死我，服務員解釋炸所以耐，但我估不知是否太多外賣單！.香酥炸雞腿便當 包飲品 $63⭐️⭐️⭐️⭐️💫(4.5分).便當盒內有滷水蛋半隻、粉絲、西蘭花、粟米、葱菜/菜圃。味道不錯，感覺多餸。.主角香酥炸雞腿來了！剛剛炸好，熱氣迫人，當然我選擇食便當盒的飯先，吃了半盒飯再吃雞髀，嘩，還熱到咬不到😅😅.再隔一會，終於品嘗到美味，皮脆，不會炸得過硬，雞肉亦入味，肉質也算嫩，亦夠大隻，啖啖肉，香脆感我覺得新蒲崗那家百芳稍稍勝一籌。.飲品我要了凍茉莉綠茶，微糖走冰，味道剛剛好。😋

以前周不時都會去台灣走一轉因為食得好，而且又平又多選擇，現在只好在香港尋找，幸好本地亦有好的店，早前發現了八芳池上便當，單聽名已經很台灣，主要賣小食、便當之類的方便餐，食晏晚飯皆合適。因為要保持社交距離，美食廣場少咗位，四座位皆以膠板分隔，有消毒手型及量體溫，有專人清潔，措施做到足，但繁忙時間會難搵位，避開人潮較為聰明。閑話不講，講食物，便當五六十、小吃廿幾、飲品廿幾，買便當小食飲品有優惠價，食齊三款，每人平均消費一百有找，價錢親民。我們兩個餐。紅燒牛丸牛筋麵 $64芝士奶蓋金萱青茶二重奏 $29 (優惠價)湯底些少辣，牛肉湯味，麵好，台灣麵，粗身有力，最好是牛筋，夠林，入味，幾滑，咬落感到骨膠原，牛丸爽，整體來說真唔錯。芝士奶蓋金萱青茶二重奏味道清甜，不過應該唔好用飲筒飲，我冇攪勻，飲到尾才有非常好味的芝士味，浪費了！台式滷雞扒便當 $63黑糖冬瓜檸檬 +$10 (優惠價)便當好多餸，首先滷水雞扒極大件，肉厚有份量，皮滑，滷水味清香，有半隻滷水蛋，仲有粉絲、青菜、粟米粒、冬菜，汁夠，所以很足餸。飲品冇過甜。花枝丸 $20因為飲品享受了套餐優惠，花枝丸原價食都唔貴，有五粒，唔油，香、惹

第一次在希慎广场 food court 吃东西，发现他们有台湾便当。看到百芳池上便当的摊档也颇为干净，而且以前也在其他分店吃过，个人评价不错。中午较早到达，还没到午饭繁忙时间，客人不多，就花了点时间选择吃什么。由于肚子有点饿，集中注意力在一起各款套餐，有汤有面，选择也不少，价钱都是60多元，在铜锣湾来说，是正常价格水平。要了一份卤水鸡扒肉燥干拌面，肉燥很大粒，带点肥肉，但炆得很腍，再加了点卤水汁，与面混在一起吃，味道好不错。主角的鸡扒很大块，没有骨，啖啖肉，吃得很爽。这家店的东西水准不俗，下次路过可以再吃。

This was surprisingly a very good Taiwanese restaurant in the food court of Hysan place.The first time I came to the food court, I did not dare order from this restaurant, because I saw a cockroach on the counter where people's food were put, so I was quite scared of the hygiene of this place.The second time I came, I decided to ignore the hygiene and try the food anyway, as the menu seemed quite attracting.I ordered a braised pork mince bento, which was presented very well in a circular bento,