甜源居

營業中

休息中

我同老婆6:30行入去，响最入果行坐底。老闆俾個餐牌我地，我地用咗大概5分鐘揀咗食乜然後order。個侍應突然同我地講：呢張枱reserve咗俾其他客，你地坐第二張。我問：咁邊張枱我坐得，佢一指指我坐出門囗。我老婆話我地食兩碗糖水好快啫。侍應回應：張枱七點有人Book咗。我馬上起身走人，完

一心過黎食個甜品，服務態度差到不得了.............貼錢買難受.....................甜品又貴又唔好食..... 食個甜品好似要受氣咁.........真係唔明有咩藉口可以再黎......................唔會推介俾大家.........................咁樣嘅價錢...................其實真係唔需要喺呢度食...............

11點幾，西貢仲開既糖水鋪其實都係果幾間，今次決定去呢間燈火通明既甜源居。去到門口，問我地幾位，之後就叫我地入去隨便坐，坐低冇menu都算，自己拎。然後又問我地幾位，叫我地坐細枱，唔好坐大枱，咁姐係唔係隨便坐啦-打開menu，其實種類係幾多既，不過都係以生果為主，想食心太軟果d就冇啦。-想叫既雜錦拼盤冇，好掃興，諗左好耐都唔知食咩好，求其叫左個窩夫雪糕同煎餃子就算。煎餃子，係熱既，但裡面係水汪汪嫁！仲要冇味，一食就知係雪左好耐，真係難入口窩夫雪糕嗯...就係窩夫同雪糕，冇乜野可以講，不過不失啦。-員工態度差，價錢又唔係平，野食水準又唔得。雖然種類多，創意十足，但真係冇辦法過到自己果關

同朋友難得入到黎西貢食海鮮！！食完之後，梗係要有下一場。轉去食糖水繼續傾多陣計架啦 😁即刻openrice 睇下附近有無d咩糖水舖。睇到呢間都好多人食過，好似又好多特色既甜品咁！所以就揀呢間喇！都唔難搵，係海旁邊沿住條路一直行，就係。大概兩個字時間就到喇。環境都ok,唔會話好逼。見到牆身貼左好多唔同既藝人既合照！我諗呢間都幾出名喎！老闆介紹，要吃招牌 人氣甜品：流沙雙皮奶！流沙包食得多。都係第一次食流沙雙皮奶。熱辣辣，岩哂咁凍天氣食 😉起初我只吃上部份，食唔到佢點流沙法。原來要食落底，就會有d奶皇出黎！好香滑！平時食既雙皮奶都覺得味道淡d,但加埋d奶皇就岩岩好味道喇都唔錯喎！👍價錢$40,不過不失啦！

今日聖誕節，朋友約左去食糖水，其實都好夜架啦，都夜晚1點幾，見仲未關門，咁就入去食啦！其實都已經last order架喇一睇個餐牌，覺得d糖水又加左價3個人，分別叫左3樣野啦白雪公主 $45黑馬王子 $45芒果西米露 $40其實都好貴黑馬王子都幾多清心丸，但其實同西米露都係咁上下野芒果西米露，好彩芒果都唔酸但貴左好多，下次都未必再幫襯

一行4人，吃完海鮮，行過幾間甜品店，看見這間門面不錯，便試一試，點知中伏！超難食，完全唔合格的甜品店。1）木槺布甸-個布甸好似石頭又無味，投訴後換了芝麻糊（唸住安全而簡單制作，應該可以），結果超難食，無芝麻味，結果係無食到2）芒果布甸-比木糠布甸好些，但布甸比較硬3）薑水湯丸-薑水無問題，但粒湯勁大豬油味，結果只喝完薑水4）黑木什麼，已忘記了個名，中規中矩總共$100總括來說，超難食，完全無心制作，制成品不像自家制造，似買粉回來開水便算。忠心忠告勿中伏！

大好一日假期，去咗西貢行下，食下嘢！行到攰人去食個糖水。個場唔算爆，但侍應見住我地揮晒手都唔理，最後見到我地揮手先叫我地等一陣，行到黎黑口黑面，好似欠咗佢地。有時上晒電視，openrice有幾多個笑哈哈都好，咁差嘅服務態度，就算你整到幾好食，第日請都唔會再去。食完影響我地放假嘅心情！

朋友揸車過嚟西貢呢邊食糖水，因為唔知食乜好，所以求其揀左間，呢間係出邊有見到佢貼晒野咁，就覺得應該唔太差，所以入咗嚟，點知原來係伏來嘅，呢個故事就係教訓大家食嘢之前要上openrice度睇下，唔好貪方便一坐低，我哋想要Menu ,講左三次個哥哥仔都唔理我地，真心有啲炆，佢扮聽唔到定係唔想理我地？最尾我哋自己去咗拎menu，落單又係佢，跟住又唔係好聽得清楚我哋講乜鬼，其實佢做乜嘢，太眼瞓？楊枝甘露好苦，冇乜芒果味，豆腐花又冇豆味，其實我都唔知自己食緊乜，食到最尾，豆腐花同埋楊枝甘露混和一體，好似飲緊楊枝甘露咁，不過係怪怪地嘅楊枝甘露白雪公主即係以山竹同奶為主嘅甜品，山竹少得可憐，得3、4粒，個奶幾好飲，同埋好似有啲jelly咁嘅嘢，幾有咬口，尼個算正正常常以呢個價錢，我唔會再試囉

個皮好厚好硬, 切開後入面已被雪糕漿浸淋咗, 成件事唔知想點, 我食完一件第二件已經冇本事食埋個皮淨係雪糕算數。我冇期望有咩驚喜但個炸雪糕我直頭覺得唔應該出現喺menu。仲有, 待應哥哥態度好一般, 我唔駛你好有禮貌好熱情, 但至少請你唔好俾我感覺到你唔耐煩。

我本身不吃甜品的，齋啡都要走糖走奶，所以對甜品不多認識，壓根底是一竅不通，邊度有甜品食都唔會知。今次就由兩位美女帶我搵食喇，大力推介添！雖然我不喜歡甜品，不過可以選擇清淡一點的。走過海濱長廊，走過海鮮食店，走過公園停車場，轉入住宅村屋區，環境越來越寧靜，從來未走到那麼遠、那麼深入。七點真的非常早，即刻有位坐。薄荷沙冰？甜品個名唔記得喇，坊間稱薄荷對男性身體不太好，輕試一口夠了。嘩，好有趣！完完全全 100% 係綠箭香口膠既味道，不過就超級冰凍透心涼，清爽甜味不過份。淮山杞子雪耳炖蘋果凍，聽到個名都知夠清又夠潤，所以我決定食您。舊雪耳可以發得咁大既？巨形版雪耳，菊花咁大舊，隻碗都係剛剛夠放乍，勁搞笑，哈哈﹗清甜滋潤冰糖味道，夾雜蘋果芳香，不錯不錯。香芒忌廉卷，阿力神必食推介，人氣招牌甜品喎。卷住半隻鮮芒果肉，一半芒果一半係忌廉，超級足料。微酸帶甜芒果肉添上清淡忌廉，好味啊！十分喜歡。薄荷沙冰、淮山杞子雪耳炖蘋果凍、香芒忌廉卷，每人一款甜品 share 食，大家可以試多幾樣，好開心﹗係西貢住宅區夠靜，坐底飲杯野，食個甜品，跟朋友們暢談，真係好舒服，直頭唔想走呀。不過遊完船河已經好疲累，先黎

40% food on menu were inavailable. Bad mood. The dessert was a little cheaper price and the same taste with 滿記

一行三人捨棄左滿記泥試下呢間野點知我同友人第一轉叫乜無乜 再叫第第二轉都系 最基本既綠豆沙都無 其實無貨吾系問題 但起碼客人坐底時會講聲無啲咩 又或者系menu到遮左佢囉 最大問題店員態度極差 令人咩食慾都無哂 作為食客 我吾清楚什麼水果系時令 什麼水果要岩季節先有得食 應該無乜大問題掛 所以咪更加需要你地將無貨既項目刪去囉 真心講句 我鬼知咩 店員一面嫌棄同我講先系真正令人討厭既地方 到我地叫哂食物 店員指使我們 '比番啲menu我' 唉 服務性行業喎

食完飯，友人話入西貢食糖水～ 我咁鍾意食甜品梗係話好架～ 泊好車，我地就行去甜源居啦～ 其實都唔係第一次黎，大部份朋友黎西貢食糖水都幾乎指定黎呢間～哈哈～朋友話呢度既流沙雙皮奶一流，於是我就跟風要一碗熱既流沙雙皮奶喇～ 外表望落去無乜特別，似一般既燉蛋白。原來一篤落底係流沙奶黃黎～ 第一次食～ 出面都好似未見過，真係幾特別～ 個人覺得味道太甜，有啲漏，而且唔夠熱，因為上台時只係微暖， 相信如果熱啲都唔會咁甜～ 亦因爲唔熱，流沙效果未見好突出～

「一台獨大 」的殺傷力真的比想像中來得更大，令旁邊的同行競爭對手失去空間，亦令內裡的從業人員選擇大減，看完昨晚大台的台慶頒獎典禮後，令我有感而發。西貢其實都有點同病相憐，因為糖水甜品店「X記」有西貢成名後，生意急速擴張發展，現在全香港都有它的分店。「X記」的出現，大大影響它西貢總店旁邊，其他甜品店的生意額。這些甜品店最終不是被迫結業，就是要搬到其他地區，避開「X記」的風頭，「甜源居」正正就是受害者之一。最初「甜源居」在「X記」旁邊營業，「X記」每天大收旺場，店內逼滿食客，連帶「甜源居」的生意額亦大受影響，最後被迫搬到魚類批發市場旁邊繼續營業，才能尋回一線生機。雖則「甜源居」搬到魚類批發市場旁邊，市場街近年也成為了遊客的出沒點，但「甜源居」始終處於比較隱蔽的位置。如果「甜源居」不刻意宣傳，外人不認識「甜源居」的話，即使進入西貢的遊客，也未必能輕易找到「甜源居」。「甜源居」是獨立甜品小店，只此一間，不像「X記」儼如一個品牌般，開到全香港都是它們的分店店舖。「甜源居」有着「X記」現在沒有的，貼地又親民的街坊氣息，牆上掛着大量名人幫襯過「甜源居」的留念照片。跟「X記」相比，「甜源居」一樣有榴槤

放假入去西貢行吓食吓野，感覺好relax～臨走好多時都會去甜源居食個甜品，做個圓滿ending我哋叫左個芒果河粉，另外加左我至愛嘅西瓜～芒果好甜，鍾意個椰汁河粉夠滑同厚身，口感好好，配埋個芒果汁因為山竹甜品好少地方有得食，所以黎親都會叫一個～最鍾意山竹獨有嘅清香味