甜源居

營業中

休息中

個個星期最少幫襯一次，有好多其他地方少有嘅甜品，仲要樣樣好質，最愛”白馬王子”。今日想試新嘢，超好人嘅老板娘推介限量嘅”荔枝螞蟻露”，正到爆👍🏻👍🏻👍🏻 其他地方完全無見過。希望下次去仲有得食😆

尋晚喺西貢食完飯，散左陣步，就已經十點，決定要食埋個糖水。冇得堂食就外賣拎走。不嬲食開滿x,諗住幫襯下小店同試下其他店，結果就瀨咗嘢了。叫左個窩夫雪糕(60hkd)同熱合桃糊(35hkd). 價錢係算貴，窩夫話要整十至十五分鐘，仲諗住新鮮整好期待。結果食嗰時真係大受打擊。個合桃糊，死甜，一啲合桃味都冇。再黎就係稀冧冧，水dumdum咁，仲要有粒粒，真係好難食，食左幾啖真係食唔到落去。個窩夫一啲都唔係窩夫質感，係軟左嘅街邊格仔餅質地，軟瀨瀨咁，又係熱但超難食，咁就60hkd, 街邊格仔餅好味得多，而個雪糕球係夠大個咁囉。我就一定冇下次，寫呢篇野係希望冇人再中伏，真心難食同嘥錢。

過往每次入黎西貢，都會揀”甜源居星級甜品”，今日一家三口又入黎西貢，第一時間都係去食甜品先，之後先去買海鮮。未知是否平日下午關係，店內只有一位職員，收錢、落order同甜品製作都係一個人做晒，所以我哋等等左一段時間先落到單店內牆上同樣貼了”多年前”一D 名人或藝人的合照。餐牌內容同樣多年無變，但我就唔記得價錢有無變1. 榴槤豆腐花($55)，食落無乜榴槤味，豆腐花又唔夠滑，同過往真係差好遠。2. 珍珠綿綿冰($58)，阿囡每次都指定叫的甜味，但今次食咗一半都無就唔食，原來個綿綿冰無乜vanilla 味，同冰片無分別，勁淡無味。 3. 沙冰堡壘($58)，不用多講，同樣個綿綿冰底無vanilla 味。整體來講，甜品水準大不如前，以這樣的價錢，可以有好多其他選擇，真是下次不用再幫襯了備註： 當天店內的冷氣開得超大同凍，令人食完都要快快脆脆走人

去到西貢一定食下甜品，甜源居星級甜品是我的選擇。我哋叫咗 芒果河粉 和 榴槤河粉，兩者皆質素一般。河粉是用椰漿、糖、水和蒟蒻凍粉製成的，冷凍後切成一條一條的形狀，樣子像我們吃的河粉一般。芒果河粉顏色都算漂亮，但芒果肉好像冰了再解凍的樣子，稔稔的有點呈透明狀，不好，唔新鮮。榴槤河粉應該是有一球榴槤蓉放於河粉上，我問服務員榴槤球在哪裏，我怕他們忘記了放入，她回應說在下面，下！不像一個優質甜品。榴槤味是有的，少少甜但比較淡味，唔似我以前食過的味道，可惜。

入西貢食完個brunch之後周圍遊下到下晝兩三點又肚餓行行吓見到呢間甜品屋嘅廣告牌有榴槤嘢食就去試吓啦叫咗個雜果河粉同榴槤甘露河粉係用椰汁整成食落滑滑地幾唔錯個汁就係芒果汁配番啲生果 成件事幾fresh呢個只要生果新鮮都冇乜機會出錯榴槤甘露面鋪滿西米 下面好多榴槤肉但佢嗰種榴槤係金枕頭嗰種清清地如果你要食馬拉榴槤嗰種味呢個就未必啱你喇其實weekend下午時間西貢間間都好多人唯獨呢間唔知點解靜英英咁如果唔係睇到廣告牌 我都未必會行入嚟

入西貢食完海鮮 兜咗幾個圈又開始肚餓離遠見到呢間甜品 諗都冇諗就入咗去餐牌選擇比想像中多眼花撩亂最後都係上openrice睇人食評 哈哈最後揀咗芒果河粉 上枱果下成為成枱人焦點個個都爭住影相打卡真係好似成碗麵咁🤣要用筷子食甜品都係第一次而家都唔係好知白色嗰啲係乜嘢 有少少椰汁咁嘅味 口感好好之後個芒果汁唔會好水 有份量芒果好多 仲要一啲都唔酸 西米就正正常常 如果有小丸子會仲夾 哈哈整體黎講好滿意 而且見到好多格都有叫應該真係佢哋嘅招牌 8/10

由前幾年去食都ok,今日再入去食，食左個榴槤既糖水，點知..............................中伏，超難食，差左好多，差得好緊要，完完全全係食緊糖溝水，勁難食，完全再冇理由令我再去幫襯，失去信心，係疫情下，我知係生意難做，但冇理由會差到咁，從此以後不會再幫襯，係永不幫襯，各位，如果以前食開，已經食唔返以前味道，仲比起任何一間糖水鋪更垃圾

西貢有兩個出陪既甜味店一間照牌黃金金既滿X 同喱間我由細到大都對滿x 冇乜興趣共實我唔太好 中式甜品 所以唔算係成日食今晚就帶左朋友嚟食甜源居一坐洛 D姨姨冇乜招呼 一個餐牌 西洛嚟😒又唔講句 差d整到個朋友😓我地明明8個人 又同人地2個人搭張長枱好鬼死迫！ 🤷🏻‍♀️ 係咪趕客走？仲要唔多人等跟住大家冇乜心情食 兩個兩個咁叫左4碗甜品食雜果五色雪花冰 得個死甜木糠布甸 又小又唔夠木糠😅叫個一個榴連既甜品 OMG好臭💆🏻‍♀️ 我係唔死同食個朋友格三張枱都嗅到 想暈低🤷🏻‍♀️雜果唔知今鬼野😅終結 冇下次又一間自己鋪 唔憂做生意 冇禮貌冇招呼既甜品！

平日下午去食 冇乜人叫了榴槤河粉份量都多架河粉當然係椰汁味,不過又唔算好重味，我本身麻麻地椰汁既味道，都接受得到。榴槤肉好好味，好濃郁既味道。個汁都係榴槤加椰汁，好多汁，好似食緊湯粉咁，好好味。不過應該係肥野。

十次八次入西貢，走前一定要食這碗雙皮奶才回家 太心動了金雞海南雞完就到甜源居 一次過食盡西貢的美食可惜近住荃灣的我 難以一日一碗 店舖裝修環境相當之好 近海 希望可以開一間在石梨

今日天氣非常好🌞 熱到無咩胄口食完半個菠蘿包同葡撻之後爸爸話想去食甜品 我就搵左喺海傍既呢一間💁🏽‍♀️甜源居既裝修幾典雅 完全唔似係一間甜品鋪😀睇牆上褪緊色既合照就估計呢間鋪都有d歷史~~我叫左👉🏼 石榴飄香($40)見到menu上寫住成份有「鮮石榴露」我就決定要試了 番石榴既甜品太少見😍果然無令我失望 石榴露充滿果香 好清甜!石榴露有加冰打出露 所以冰冰涼涼好岩夏天食啊 消暑又解渴😋爸爸就試左👉🏼 紅豆冰泥($50)就咁睇價錢覺得幾貴不過見到實體就覺得幾大杯 ⚠️一個女仔一定飲唔哂! 爸爸飲到好飽🤣味道都有驚喜 好紅豆!! 我覺得用紅豆沙味黎形容佢更加貼切~~因為飲到有微微既陳皮味😀整體黎講甜度適中 不過試完一啖再食番自己個石榴露係會無咩味架 我都係比較鍾意石榴露既清甜☺️

西貢墟一進入到夜晚，很多小型食肆都已經提早關門休息，剩下海鮮酒家繼續營業，至於西貢墟裡面的甜品店，可以享用到的甜品，大部分都是中式甜品，食客想食到西式或者日韓甜品，都不容易做到。例如位於西貢舊墟裡面，舖位選址位置跟「翠塘花園」十分接近的港式甜品店「甜源居」，就是最佳的例子。「甜源居」的甜品裡面，具有代表性的招牌甜品食品本來應該是「芒果河粉」才對，但是我以前舊「開飯喇」戶口已經試過，所以我覺得我自己沒必要再試了。所以我今次再次光顧「甜源居」，就沒有再嚐試「芒果河粉」了，反而點了其他甜品。我在進入「甜源居」食店範圍之後，第一時間見到的「甜源居」餐牌，正正就是「冬日精選推介」。我一見到原來「甜源居」也有提供「雙皮奶」甜品，而且甜品的名稱有點與別不同，叫做「流沙雙皮奶」之後，立刻點了一盅「流沙雙皮奶」，試食看看「流沙雙皮奶」是什麼的味道。在一般港式甜品店裡面食到的「雙皮奶」甜品，「雙皮奶」主要的味道來自於甜品裡面的濃厚牛奶甜味，至於「雙皮奶」表面薄膜口感則偏向比較有黏性，裡面則是半凝固狀態的奶糊。至於「甜源居」裡面的「流沙雙皮奶」，口感仍然像我預期，表面薄膜位置口感感覺偏向有韌性，至於「雙皮奶

榴槤飄香$54招牌楊枝甘露$46完成今日西貢一日遊，臨離開之前食埋個甜品先走。楊枝甘露味道尚可，算幾足料，味道濃郁。由於我唔食榴槤，朋友話味道OK嘅，不過唔算話好特，食過就算。甜源居 (西貢)西貢海傍街16號地下

夜晚係西貢食完飯，順便就係附近行下當飯後運動，不過行下行下又有啲口痕，所以行咗去食糖水 😂 去到西貢無理由又食滿記架 😂 出面都可以食，所以就揀咗呢間小本經營既糖水舖，呢間糖水舖可以話係老字號，記得十幾年前行完山都已經幫襯過，當年第一次幫襯呢間小店就係食佢既榴槤河粉，因為覺得咁盞鬼河粉點做糖水呢。裝修都係咁簡潔，無咩特別花巧擺設感覺幾舒服 ; 本身想食椰皇燉雙皮奶，但聞到隔離枱既榴槤好鬼死正，所以最後叫咗碗榴槤忘返。榴槤忘返 ($54) : 價錢同其他糖水舖相若，榴槤肉同蓉都足秤，紫米露亦好多係哂個底到，加上當晚顧客唔係太多，所以職員做嘢都好有效率，整體嚟講都唔錯。

1. 好難食。窩夫唔係窩夫係格仔餅，舊嘢係淋既，強烈懷疑依度D店員同老闆唔識分依兩樣野，裡面仲要有花生醬，完全唔係窩夫黎。仲夠膽賣成60蚊？2. 木糠布甸唔係木糠布甸黎，第一次見木糠布甸入邊有西米，舊嘢係焦糖味嘅布甸上面加啲木糠。人生最難食既木槺布甸。3. 楊枝甘露好似蛋漿咁，勁高密度。4. 有蚊，阻住晒，食都食得唔開心5. 叫左個流沙雙皮奶，等左成三十分鐘都未黎，雖然味道還可以，但係我個fd見住我地所有人食完先有得食，真係登佢慘。