甜源居

營業中

休息中

尋晚喺西貢食完飯，散左陣步，就已經十點，決定要食埋個糖水。冇得堂食就外賣拎走。不嬲食開滿x,諗住幫襯下小店同試下其他店，結果就瀨咗嘢了。叫左個窩夫雪糕(60hkd)同熱合桃糊(35hkd). 價錢係算貴，窩夫話要整十至十五分鐘，仲諗住新鮮整好期待。結果食嗰時真係大受打擊。個合桃糊，死甜，一啲合桃味都冇。再黎就係稀冧冧，水dumdum咁，仲要有粒粒，真係好難食，食左幾啖真係食唔到落去。個窩夫一啲都唔係窩夫質感，係軟左嘅街邊格仔餅質地，軟瀨瀨咁，又係熱但超難食，咁就60hkd, 街邊格仔餅好味得多，而個雪糕球係夠大個咁囉。我就一定冇下次，寫呢篇野係希望冇人再中伏，真心難食同嘥錢。