影片
今日再一次黎到甜嫂....未行到入去...已經聽到佢地係到笑..再一次聽到個水吧女仔把聲...哈哈...呢次都係同幾個朋友一齊黎....我仲介紹左個水吧姐姐俾我d朋友識..而呢次我地幾個都簡左幾樣自己鍾意ge野食..有...什果豆花....芒果豆花...楊枝金路布甸(冇記錯ge話)...榴槤豆花.....鍾意食榴槤ge朋友必食(仲有叫咩大合奏啦...榴槤滑dd...)不過本人對個湯圓就麻麻地...d湯圓可能浸耐左..d皮唔夠彈牙...呢樣差左...但d湯就夠味...夠辣...之前幾次都聽到個水吧姐姐同樓面個阿姐同個老細係到講話d湯圓煮d咁就唔洗個客等....呢點我就唔同意了俾著係我都寧願要個客等幾分鍾都好...湯圓都唔會煮定我反而同意呢個講法...因為湯圓係即時煮先會好食...希望佢地面個都聽取水吧姐姐個建議啦....!!!湯圓有代改善....基本上都幾滿意....服務都唔算差
繼續閱讀
係筲箕灣食完晚餐之後太飽，所以就徒步沿大馬路走至鰂魚涌去。 心情有啲差咁行到西灣河，途經一條小巷，向上一望發現有一間小店閃着招牌，即使知道自己呢排肥咗，但心情唔好就梗係要食甜品(這是錯的，只是借口)，望入店面無乜人，個店員哥哥態度唔錯又幾好咁，又見到有心太軟食，於是就行入去坐低食～
呢度個裝修很港島，窗，地板同擺設都很西式，應是一家西式甜品店～但很美，心情有紓解到的。
點餐是自己劃表的，容易填寫，選擇極多而且可以自己揀雪糕同加topping，好個人化，正！友人同我傾過就揀左椰汁紫米露(凍)同朱古力心太軟伴雪糕，雪糕可以自己揀，我揀了曲奇味。呢度啲甜品算要等得耐，椰汁紫米露五分鐘後上台，紫米味隨住椰汁香氣飄來，真係幾正！但我怕凍，食一啖就好～椰汁係後加既，多咗啲，我寧願自己架～可能凍得耐就有啲杰啦，但夠紫米香架～都幾surprised既，係咪好好食呢，又唔係，但okay既。心太軟要焗，等左廿幾分鐘先到，無乜香味傳出，係到面前我聞到味，擺盤真係唔錯，香蕉幾香但個size真係好細個，係我食過既最細個，都要$46，有啲唔抵。 切開嚟，內心已變超杰身朱古力漿，完全唔流心，好失望，但內裡冒煙出來，肯定係焗爐新鮮焗，唔係微波爐叮，係值得欣賞既，但真係太細隻啦！加上個球雪糕只係雀巢，無特別，又融得快，又甜左啲，$46太唔抵啦！！可否考慮下轉啲靚牌子，例如哈根大師？朱古力漿好濃郁，我估ARD65%既比利時朱古力，唔係好甜，鍾意食80%既我都接受到，只係唔流心而令我有啲灰心。 外皮香脆，朱古力味極濃郁，入口有驚喜，唔漏，但真係size太細，有少少唔多喉啊嗚～香蕉夠蕉又香，外皮好好食，內心又太杰太熟，有少少失望。等甜品期間，水吧姐姐同廚房哥哥互扔冰粒，玩樂吵鬧，令寧靜既店變得嘈鬧，難怪心太軟太熟啦，奇怪既係，老闆唔鬧架喎，真得意。 咁失禮都唔管下啲員工又點得呢？最後食左六十幾蚊，性價比有啲低，有啲唔抵。
繼續閱讀
食完晚飯, 地膽朋友揸車帶我地食糖水 , 見附近無乜餐廳, 原來轉個彎就黎到間糖水鋪, 十點幾已經有好多人坐係室外成班朋友係到食甜品啦 日式朱古力脆皮奶凍$25味道OK啦 , 感覺都幾得意薏米腐竹糖水$17鍾意呢種腐竹厚身啲 , 唔會煲到爛哂, 幾有口感綠豆沙, 同下面嘅合桃露, 都好杰 可能係煲嘅時間落得太多米楊枝金露$28芒果都幾甜, 唔錯薏米腐竹糖水+流沙芝麻湯圓$22都有厚腐皮, 正, 湯圓都OK
繼續閱讀
因為唔想食凍野, 所以決定擺脫次次都係食榴槤的習慣, 今晚要試新野。叫左個無花果蘋果燉雪耳, 秋天當然要滋潤下。份量算細, 不過中式甜品差唔多la, 入面得2片無花果干, 其實少左點lo..蘋果同雪耳就夠多, 蘋果係連皮燉的, 入口即化, 雪耳就夠爽, 個湯底感覺好潤, 食落酸酸甜甜,清得來暖暖地好舒服。老公叫左個香芒雪山, 個甜品主要係芒果沙冰底, 面有芒果肉同埋芒果雪糕, 仲有點透明硬硬地的珠仔..唔知叫咩。沙冰好幼滑, 有好香芒果味, 芒果肉好清甜, 上面的芒果雪糕入面有果肉粒, 奶味較重。沙冰融得好快, 要食快點唔係就變水lo
繼續閱讀
啱啱同朋友食完飯去食糖水，店舖環境一般，貪佢門口可以泊車，坐低叫咗個紫米露豆腐花同香蕉船。先講紫米露豆腐花，賣相已經奇差，味道只有甜，應該落得太多糖水，紫米露又搞到一pat pat。香蕉船好少少，因為無特別技巧，味道還可以。整體感覺失望。
繼續閱讀