甜多1點

營業中

休息中

用APP叫了外賣給家人吃，顯示10:50pm會送到，怎料11:00pm 都未有，家人引頸企盼，於是打電話去詢問，餐廳才回答因為未找到車手所以未開始做單。找不到車手不是餐廳的問題，但如果無法按時送到（甚至不能按時開始整食物），是不是應該主動聯絡客人告知情況？而不是等客人致電才發現真相？由此可見，此餐廳管理極差，完全缺乏責任感，絕對沒有下次幫襯機會。

叫咗三碗糖水。分別有薑汁湯圓，薑汁味唔似薑汁湯，好有住家製作唔似糖水店的糖水，味道係薑辣而沒有太多味。湯圓尚可。番薯糖水，番薯唔夠淋，薑汁又冇乜味，只有薑辣味芒果西米露就水太多，材料太少，沒有椰香，芒果西米露已經係最好食的那一款。，整體沒有驚喜，有點兒失望。希望你們可以認真改善，香港的食物質素不應該如此，特別是糖水是其中一種香港特色，香港人寧願正餐少吃點也要留肚吃糖水，如此的食物質素的確不可以接受。

🦴價格相宜的外賣甜品🦴 #自費❤️‍🔥喜歡程度 6/10－－－－－－－－－－－－－深夜喺美食沙漠都可以搵到甜品，因為大水坑街市外面有唔少小店都開到好夜✨椰汁紫米小丸子（熱）$32因為椰汁嘅比例都多，算係比較濃稠嘅糖水，但可能因為椰汁後加所以有啲唔夠熱。小丸子嘅甜度、煙韌度都適中。✨ 芒果小丸子（凍）$42有芒果沙冰、雪糕同小丸子，絕對係芒果迷必叫嘅夏日消暑之選－－－－－－－－－－－－－想跟懶骨頭搵食同睇最真心嘅食評，記得follow我地🦴鍾意呢篇分享記得like, comment, share & save!－－－－－－－－－－－－－#lazybone_eat#lazybone新界#lazybone大水坑#lazybone馬鞍山－－－－－－－－－－－－－#hkig #hkfoodie #hkfood #hkeat #hkrestaurant #hongkongfood #hongkong #hkplay #hellohongkong #travelhongkong #香港 #香港美食 #香港打卡 #香港餐廳 #香港好去處 #情侶 #拍拖好去處 #couple #popular #香港甜品

原本念住溫溫馨馨開開心心落去買甜糖水，openrice都寫到明12點關。都算啦，之前伙計話系11點50分截單，現在冇啦啦同我話11點45分截單，就咁講句“唔好意思我地截左單”，我真係極之失望同唔開心。。。希望會改進，或者以後可以提供埋電話哎定一系就寫清楚出來究竟幾時截單，唔好中意就早d。。。

椰天使3號😍個名咁靚嘅～原個椰皇裝住椰凍，真係好吸引，一打開就聞到勁香椰青香味，冇過多嘅調味，入口清爽自然，糖水底紅棗鮮奶口味偏甜，其他配料有雪燕、芝麻湯丸、小丸子，混合一齊食就啱啱好，而且充滿口感，好有質素👍🏻楊枝甘露大大碗，芒果、柚子、椰汁、西米，芒果冰沙搭配酸甜柚子果粒，非常足料，每啖都食到柚子肉，幼滑而且充滿口感。比利時窩夫豬扒包豬扒包已經唔係局限用麵包，呢度用上窩夫代替，食落更加香脆，中間夾住千島醬，酸酸地，反而中和左油膩感，唔錯。因為係即叫即整大約要等10-15分鐘架🙌🏻

個日翻工攰攰地，收工就想食啲甜野。知道舖頭收12點，我去到都11:5x，心諗肯定冇得食，點知門面個職員超級nice，諗都冇諗就話幫我整。第一次order就order咗佢哋推介嘅芋圓小丸子仙草，超級好食，個仙草勁正🍻超級爆足料（張圖係我食咗幾啖先醒起要影底）仙草勁彈，芋圓好煙靭，個花奶/糖水底又唔會太甜，有啲紅豆咁，總之就係正！一次一定會翻去再試下其他甜品，簡單係美食沙漠中既一個綠洲🌱馬鞍山人一齊衝！

最近阿媽屋企樓下商場翻新，開咗好多新店舖，住咗咁多年，呢度終於有甜品店lu，唔洗每次返娘家，都喺第二區買返嚟😄✨椰天使3號-小丸子✨孖寶椰椰～兩者都有一個凍冰冰嘅椰凍，即係椰青凍，食落非常清爽無添加，口中慢慢溶化，解渴又低甜健康，非常高質！前者椰凍和糖水係分開，糖水底係淡奶口味，入口幼滑，底下一條條嘅，有啲似龍眼肉，幾有口感。後者有桃膠雪燕配料，相對冇咁甜，啖啖都咁足料，混合一齊食，好味又養生。✨奥爾良烤雞棒～有啲似墨西哥雞卷嘅風味，甜甜地BBQ醬汁滲入雞肉，經過烤焗嘅雞棒，夠晒入味，如果size再大點就好了，會食得更夠喉😄

放假玩完一日，想食番個糖水作為今日既完美句號。馬鞍山區開得夜既糖水店唔多，一係遠，一係好早閂😮‍💨搵下搵下經過錦泰商場出面，見到一間糖水店，行去問原來閂12點！岩晒！🥳門口仲有d枱可以堂食，不過我地想反屋企慢慢嘆好大個餐牌係門口，一眼睇到晒有咩食！我地兩個人每人各叫左一碗🍧我就試左一個我未食過既糖水（鮮雜果大菜撈），另一半就叫左楊枝甘露。走果時另一半見到芋圓糖不甩想試下，最後叫埋。先講份量，糖水勁大碗。楊枝甘露入面芒果既份量多，而且好甜！整體除左芒果，西米唔會太甜👍🏽鮮雜果大菜撈既水果鋪滿係面！糖水底用咗大菜糕加埋桂花汁撈埋黎食😋出面好少有大菜糕既甜品，都值得一試芋圓糖不甩份量正常，加埋花生碎夠香，芋圓食落好煙靭 😜下次可以Encore推薦比住馬鞍山之友👍🏽美食沙漠中開始多反一d值得再食既舖頭

💛 甜多1點 (馬鞍山)本身想去富安食糖水，發現錦泰都開左間糖水舖！就去咗試吓🤣連食糖水都要簡滋補＋養生＋美顏📋$45 薑汁雪燕配小丸子(熱) -微微既薑汁唔會辣但又夠薑味，雪燕份量都好多，每一啖都有雪燕😍，再配上煙靭嘅小丸子👍🏻正。甜度適中，唔會太甜。🔅$60 孖寶椰椰(凍) 🌟推介🌟 -濃香的椰奶配上、口感煙韌的桃膠、養顏的雪燕，一大塊的椰凍，好滋潤養顏又飽肚。首先，桃膠同雪燕份量都好多，非常足料🙌🏻 椰凍好大一塊，係椰汁水整成嘅果凍。建議整碎佢，撈勻落個糖水度一齊食😋令口感更加豐富。🔆28 黃金炸雞翼(五隻) -炸到熱辣辣，表皮好酥脆，咬落去爆曬啲雞油出嚟😋正呀。💁🏻‍♀️每份糖水都好足料，去嗰日都比較多人，大約等咗10分鐘到。🏘隔離有啲露天枱櫈，見到有唔少人都選擇坐喺嗰度食。💰人均消費大約43📍 地址：馬鞍山寧泰路31號錦泰商場錦泰街市地下30號舖

晚上想吃個湯圓，發覺馬鞍山的糖水舖買少見少，見到這間新舖，就膽粗粗試試......店舖的裝修都不錯，乾淨企理、餐牌都清晰。只是今晚只想吃湯圓，都疑惑薑汁花生湯圓小丸子會是怎樣的新花款，原來......都是平時食的類型，只是，真夠薑啊～等10分鐘，見到3位店員都忙個透，都知道她們都盡了力。店員表示可以電話落單，但繁忙時間可能連電話也來不及聽，可以選用網上外賣平台，遲點可以選用網上外賣平台......明白嘅，其實好多好味甜品店都要等......如果可以快一點，就更好了而已