瑞士咖啡室 (已結業)

今日去外賣早餐，㨂左「香煎雞扒公仔麵」配火腿奄列加波蘿油。拎起份外賣已覺怪怪地，個波蘿油係壓左喺個長方形盒入面，下面放左舊奄列... 返到屋企打開就知瀨嘢，舊菠蘿包底係濕嘅，因為有啲蛋汁，而面頭最正果啲皮係全——淋，淋得好緊要，同埋扁左，見到都唔係好想食...；雞扒話係香煎，但似蒸雞扒多過似煎雞扒...如果真係要㨂菠蘿油，堂食好嘞，千祈千祈唔好外賣，或者問下阿姐可唔可以用袋裝住個包而唔入盒!!!!!同埋公仔麵㨂肉丁似乎穩陣啲!!

大家千祈唔好去將軍澳個間 佢地D侍應差唔多可以係日日落錯單/無落單9/4 堂食叫焗咖哩豬扒飯 2個字後可以比焗芝士豬扒飯上尼 跟住話個侍應話成張依家先落叩人硬食好唔好 跟住比返個焗芝士豬扒飯照上11/4 外賣焗咖哩雞扒飯 佢比普通咖哩豬扒飯我 侍應話成張依家先落要等三四個字 我話唔要 佢仲問個咖哩豬扒飯仲要唔要 我都係唔要....依間野D 侍應唔識聽中文 求其落單 完全係無責任心 得過且過諗住就算錯 個客都會因為時間先耐D而硬食

又到食茶餐嘅時間，但係將軍澳真係到到都咁多人，想搵間有位嘅餐廳食野都難。呢度位於比較隱敝嘅明德商場。實在太肚餓，所以叫左三個餐食。西多士西多士好平，仲要好厚，但係可能用嘅包唔係咁好，所以切落去好困難，好難切得開。沙爹牛潛艇堡配薯條潛艇堡就只係將啲沙嗲牛肉放係個包上面（如圖），略嫌有啲普通。不過薯條熱辣辣都唔錯，可惜份量唔算多。多士配炒滑蛋 呢個餐都係不過不失，多士都幾脆，而且滑蛋都唔錯，炒得啱啱好，唔會話太生或者太熟，都幾滑。瑞士雞翼原本應該係兩隻雞全翼，但係佢賣哂，唯有轉做4隻雞中翼。瑞士汁食落甜甜地，雞翼大大隻，唔錯！公仔麵 成碗麵就真係咩都冇，好普通。

初嘗有好多分店嘅瑞士餐廳！起初對佢哋嘅招牌常餐充滿期盼一去到即刻要見個嚟試下味道就真係比較普通 唔係太差但絕對係唔太抵食如果價格再平啲會更好啦 暫時都無咩意欲再食住～

呢排多左留係屋企,叫多左外賣,試多左好多間食店,今日就叫左呢間,好抵食啊。豬扒大大塊,仲要好好咁分湯,唔會浸淋哂啲麵,最正既係佢有得揀菠蘿油！好耐無食過咁邪惡既野,不過外賣到屋企之後自己再焗熱番個包,好好食。

之前都有幫襯開幾個月一次咁啦都係叫早餐估唔到而家咁離譜竟然將"白烚瘦肉"當"五香肉丁"我知百物騰貴, 都唔係咁㗎,我寧願你加返價, 而家係平，外賣折咗$32但估唔到畀啲咁嘅質素得炒蛋方包係正常杯阿華田完全冇味，得個色係冇味， 隔離百分百餐廳都唔會咁差好啦……重點嚟啦……我知如果叫沙爹牛肉，咁平都唔知畀啲咩牛肉你，只會奶嘢先至叫五香肉丁正常( 應該話所有)茶餐廳的早餐/常餐"五香肉丁"都係用罐頭五香肉丁la呢個唔使問係咪呀？點諗到佢用瘦肉完全貨不對版係咪可以去消委會告佢？仲要係完全冇味㗎，嗰下真係呆咗成碗湯得个色最後好彩喺屋企加返d辣椒油先食到碗粉啲瘦肉我就冇食啦絕對唔會再幫襯估唔到佢越做越差而家明德商場開咗咁多鋪頭汰弱留強下呢間鋪真係要好好反醒我真係佢寧願加返價畀番啲有質素嘅食物畀顧客

把鬼火 諗住見到茶餐好似好抵食咁所以試下外賣自取 9折點知中曬伏，攞上手個飯盒細到⋯⋯食落口 飯又硬 仲要得幾啖飯排骨完全係散修修 好似食緊雞絲咁 啲骨多冇肉（附圖）好似餸頭餸尾咁好失望呀！！！食隔離兩餸飯都冇咁嬲

今日同男朋友喺將軍澳竟然係一個小區入面有中環好出名嘅瑞士咖啡室嘅分店入到去好有港式茶餐廳嘅感覺我見到有新產品所以我就叫左呢一個櫻花蝦炒蛋雞扒撈公仔麵呢個名看似複雜 但係其實超級好食佢個滑蛋真係好滑 又唔會太油配埋個瑞士汁真係一流男朋友就叫咗個五香肉丁炒蛋撈公仔麵佢話呢個都好唔錯嚟到呢度又點可以唔叫佢嘅招牌瑞士汁雞翼呢啲雞翼好嫩滑 而且非常之入味之後我哋仲叫咗兩杯新飲品一杯叫旺來冰茶 佢個菠蘿味唔會太重 仲保留左啲茶味仲有呢個草莓冰茶 不過呢個就有啲太甜

和友人們在將軍澳跑完步，又餓又攰，緊係要去hea吓食吓嘢，結果佢哋帶左我去瑞士咖啡室，佢哋話原來其他地區也有分店，咁我又真係未試過，不妨一試。呢間茶餐廳隔局環境都頗懷舊，天花仲用緊吊扇，每個卡位都放置左高高的膠板和另一卡位隔離，感覺都幾安全。餐牌選擇非常豐富，樣樣嘢都想試下，令人有選擇困難症。四個人緊係叫4個套餐啦，包埋嘢飲由$43-$60好抵食。瑞士雞翼撈公仔麵$48~2隻雞全翼加公仔麵，瑞士汁另上。瑞士汁甜甜的，雞翼除了非常入味外，肉質也很嫩滑，瑞士汁用來撈彈牙爽口的公仔麵也十分滋味。川味酸菜金菇滑雞米線$60~湯底酸酸辣辣，有大量酸菜和辣椒，非常惹味，雞件亦好滑嫩，好驚喜! 估唔到在茶餐廳食到四川風味。鴨腿湯飯$58~本身好鍾意食鴨腿湯飯，但又不是好多地方有得食，所以見到就一定會order。 湯底以雞和豬骨淆製，加入芫荽和陳皮，所以湯頭好鲜好清甜，好好味。伴以整隻鴨脾和冬瓜，非常消暑。鴨皮好腍，鴨肉還很滑嫩，整體配合得很好，湯加埋飯一起吃超正!特濃蕃茄意式雜菜火腿通$43~其實湯底的蕃茄味不算特濃，反而是清甜，加入西芹，火腿絲，紅蘿蔔絲和椰菜洋蔥，非常健康，所以餐牌歸類為傷風感冒

身為香港人，當然很喜歡港式茶餐廳，瑞士咖啡室便是其中一間。由於疫情關係，每張枱也有隔板隔開，防止交差感染。瑞士雞翼常餐瑞士汁將雞翼醃得入味，雞翼肉質嫩滑多汁。火腿奄列的炒滑蛋香滑無比，火腿份量足夠而且切得碎，味道更濃厚。米粉爽滑彈牙，上湯味道濃。多士經烘烤後更為香脆。大大杯港式凍檸茶，茶底香濃，檸檬新鮮多汁。自家製櫻花蝦炒滑蛋雞扒撈麵雞扒煎得香口，份量十足，櫻花蝦香味濃，配炒滑蛋一流，味道相輔相乘。還可以加錢轉樽裝鮮奶，美味又健康。粒粒金磚套餐粒粒金磚其實是港式西多士的變身，西多士切開小件後，可以炸香的位置變得更大，而且還可以一口吃下，味道更香濃吃得又方便。炸雞翼配薯條吃港式下午茶，怎可少得炸至金黃色的香脆薯條，用了比較粗身的薯條，薯仔味道更香更滑，比連鎖快餐店的好吃百倍。雞全翼是生炸的，香脆無比，外皮炸至卜卜脆，豐富肉汁仍能鎖在雞翼內，非常吸引。

今日過黎坑口揾男朋友食午餐，佢帶左我去瑞士咖啡室食。餐牌有好多選擇，好多都好想食，結果叫左好多野食，食到飽飽。早餐供應到12:00勁晏，所以叫左一個西多士早餐。西多士厚身，中間搽左花生醬，面頭有一舊牛油，俾糖漿你自己落。食落唔油膩，外脆內軟，邪惡既食物總係好食既。瑞士常餐B，火腿奄列足料，瑞士雞髀軟腍入味，意粉正常水準。咖哩牛脷飯唔算辣，牛脷軟腍，咖哩汁撈飯好下飯。散叫一份公司三文治，材料豐富，夾住生菜、番茄、芝士、方包、蛋、火腿、午餐肉，好飽肚。三個餐有三杯野飲，叫左咸檸七、紫薯藜麥特飲、熱奶茶(茶走)。食到中途，侍應姐姐好熱情甘講我地既芝士蛋沙律多士好好食架，得我地先有架。搞到我地叫左份黎食，的確好食，甜甜地，推介！

有多間分店的瑞士咖啡室，是一間歷史悠久的老店，今次就去左位於將軍澳的分店食。menu好多選擇，😘樣樣都想食，最後食左3樣野。食左招牌套餐 - 💟瑞士雞翼公仔面套餐，雞翼我自細鍾意食，真係好香好吸引，💕雞翼都幾入味。佢瑞士系列套餐都有多款選擇ga，仲有撈面。另外，食左西冷牛肉飯和薑蔥滑雞煲，🐥份量都幾多，雞好滑，啖啖肉，好香薑蔥味。食到好飽呢，平靚正，真係食盡香港味。而店舖位置是在商場裡面，郵局再行入少少就會見到，商場附近是屋苑呢。店招牌是用麻雀砌成的。地址：將軍澳培成里10號明德邨明德商場地下14B號舖（坑口站B1出口）

今日同中學同學同埋朋友去咗將軍澳出船釣墨魚 因為而家天氣熱 係墨魚上釣嘅季節 出發前梗係同佢哋一齊去搵食 經過一番網上搜索之後 決定去呢間瑞士咖啡廳嗰度試下 因為有朋友好鍾意食瑞士雞翼 其實我就一般鍾意食入到去裝修有少少懷舊有簡約 非常之合我嘅心意 事不宜遲就叫咗嘢食同嘢飲我就食咗一個焗芝士牛脷意粉 芝士味非常之濃郁 而牛脷亦都好有油脂嘅甘香味 食到我停唔到口 同埋呢間餐廳嘅牛利用咗好多塊 非常之足料跟住就到今日嘅主角 瑞士雞翼 瑞士汁甜甜鹹鹹咁樣 完全令到雞翼入哂味 而且雞翼都整到好林 令到我呢個唔係好鍾意食雞翼嘅人都食到舐舐脷之後就叫咗一支玻璃樽裝嘅朱古力奶 我個人鍾意飲朱古力奶 非常之濃朱古力味總體而言呢一餐係我好滿足嘅一餐

歷史悠久的瑞士咖啡室，又真係幾特色，連個招牌都係用麻雀砌出來🤣⋯⋯曾經係其他分店食過，價錢同食物都唔錯，唔知其他分店係咪一樣水凖，裝修環境飾物給人懷舊感覺，坐位亦算舒適，而且價錢街坊價，都幾抵食😋😋1-八味珍味帶子海鮮炒飯——-呢個特式炒飯有鑊氣，上枱時已香氣四溢，材料多不勝數⋯⋯炒飯內滿滿的海鮮，有帶子、🦐蝦、魷魚🦑、青口、肉粒、蜆肉、蛋花、菜粒及其地多種配料，而價錢平民化，味道更是👍👍👍😋😋😋配飲品—-凍檸茶，冰凍消署又解渴⋯⋯2-男人的浪漫🌹💕（男人的浪漫，豆腐火腩飯⋯⋯哈哈😄）🔺聽個食物名，我都以為係，錯🤣🤣原來係.....男人的浪漫🌹💕（豬扒香腸奄列蛋....食埋菠蘿🍍油就更加棧）🤣🤣🤣🔺炸豬扒麵——新鮮即炸梅頭肉豬扒，咬落新鮮欶熟，滋味👍😋火腿奄列——火腿奄列蛋，大人細路都會揀🤣菠蘿🍍油——菠蘿🍍，大大件牛油🧈🔹（食個菠蘿🍍油，做嘢唔會好滋柔😝😝）🔺（😝😝鐘意講爛gap，做人做事唔舍借🤣🤣😝😝）🔹講完爛gao再講杯咖啡😅😅配飲品——熱咖啡☕️，咖啡味道濃郁，奶香入口香濃滑溜的一杯瑞士（咖啡☕️）室👍😋😋😋😋🔺原來茶餐.....男人的浪漫🌹，會係大人細路都啱食既，豬扒奄列蛋配菠蘿

近排身體有不少痛症出現，感覺很焦慮.....不斷找不同的醫生求診，而今晚就去了睇物理治療。治療時，物理治療師不斷話我「無肉」，大家唔好誤會，我並不是晒命，其實我體質不好...身體不好，就要好好養身子，三餐要吃得好，那便馬上吃晚餐，就附近的咖啡室吧！環境設計帶點懷舊色彩，特別是牆上的海報畫，還有放在最入的大招牌。地方不算很大，設三排闊落的卡座和一排長椅配二至四人枱，而每排座位都有行寬敞的通道。每枱都放了兩本厚餐簿，選擇甚多，逐一細閱。分別有常餐、公仔麵餐、茶餐、傷風感冒餐、營養餐、特色焗飯餐、咖喱餐、炒公仔麵餐、星級推介、炒粉麵、中式飯、濃湯飯餐、美式扒餐、大碗飯餐、輕便組合餐、粒粒金磚套餐、孖寶小炒王、晚巿小炒、晚巿煲皇、酸菜米線餐和全日精選套餐，還有牆上的是日精選。************************要養好身子就要有營養，所以決定要份營養餐（$51），包有一碗意式雜菜火腿通粉、一客烚蛋沙律、一份單拼三文治（雙拼+$2）和一支樽裝鮮奶，的確夠晒營養。意式雜菜火腿通熱辣辣上枱，散發着陣陣酸香，味道濃郁，開胃醒神。內有數款雜菜，包括薯仔、甘荀、椰菜、洋蔥、西芹等等，用料都幾豐富