玉桃軒酒家 (利舞臺廣場)

營業中

休息中

突然間晚餐好想食中菜, 已經戒食好耐因為怕肥. 之前一直想試嗰間冇開, 諗住搵啲性價比高, 又坐得舒服嘅. 見到呢間多人like, 又近屋企, 就試下啦. 同老公兩個人叫咗兩餸一湯. 個燉湯好飲, 唔油, 可惜我冇影到相. 魚香茄子煲係我細個最鍾意食嘅一道菜. 估唔到呢度整得咁好, 搵返我兒時嘅味道, 又唔會好油.最後就係西蘭花炒班球, 魚夠新鮮, 爽口彈牙. 服務都幾好, 可能我哋早去人唔多. 叫咗菊花茶, 都唔錯. 景觀都開揚, 坐得舒服. 到咗夜啲都幾多人嚟食. 證明有質素嘅餐廳都會繼續有捧場客.

今日同屋企人拜完山， book咗晚上6:00來這裏晚飯，這裏座位算寬敞，天花上有好幾盞吊燈，環境算唔錯，食到晚上8:30也沒有太多人，食物質素一般，不太大碟，片皮鴨和燒腩肉，算不錯，燒腩肉非常脆口！這裏的員工有一個比較熱心，其他都態度一般，如果以這價錢，在銅鑼灣茶樓算中上價錢！燉湯龍蝦餐，有燉湯三盅，龍蝦一隻，老虎斑一條，另外片皮鴨假日優惠一鴨兩食👍起初問員工有冇糖水送？個員工叫我地自己叫，但後尾都送咗紅豆沙俾我哋食！算佢啦。服務可以再好啲嘅要留住個客唔好咁吝嗇。🤣

呢家小店，每樣食物都好有家鄉味，真係食得出手工同心思。首先，啲豬扒包就已經令我心花怒放🌸，麵包好軟熟，豬扒又香又多汁，啖啖肉感，真係得嘅好嘢。話說返，啲炸魚蛋亦一樣掂，外脆內軟，每咬一口都好似喺海邊感受一陣微風咁爽。轉個口味，試埋啲煲仔飯，飯粒分明，賣相吸引，個人最鍾意個釀豆腐，腍滑得滑，真係賣相同味道兼備。順帶一提，啲糖醋排骨，甜甜酸酸，同埋啲肉嘅鹹香，夠晒開胃👅。當然，試唔試到甜品都好重要！今次揀咗個芝麻糊，厚滑得嚟香濃，芝麻味真係正！食完啲飯飯，一碗甜品就最啱。總結，呢個食評短短300字講唔晒所有，但係叫我一句形容呢家小店，我會講：「塊面每一啖都有驚喜，實在太正喇！」食得開心，仲要啱晒胃口，下次還要再黎試其它嘅美味👍！

呢間野d點心應該都係數一數二的難食個牛肉球好鹹白切雞勁鞋口無乜邊樣點心好食係得個燒賣叫做正常到底點解咁難食都仲咁多人等位5個人真要8百幾但全枱都係難食的點心個冷氣都好熱明明出面先25度間野仲熱過條街好失望的一餐

中秋假期出銅鑼灣，中午想飲茶，選了這間。不用排隊即有位。 叫了大路的點心菜式：💫蜜汁叉燒腸粉💫瑤柱福建炒飯💫京式小籠包💫潮洲蒸粉果💫蠔皇叉燒包💫奶黃流沙包💫黑糖馬拉糕，不會太甜👍🏻💫蟹籽燒賣皇💫川芎百芷蒸魚雲，這個不錯，很夠味。

之前已經聽過 ,今次姑媽個孫仔<<百日宴>> ,有間房, 坐3 圍枱環境幾好的, 飽欖銅鑼灣的夜景和山景, 房仲有幾部電視.頭盤有<<乳豬上盤>> 好食的, 脆的, 另外 有紅雞旦 ,啤酒 汽水任飲,有大大盤<<龍蝦面>>, 份量多同埋都好食, 個汁都掛得幾好, 食到啖啖龍蝦.正, 食到蒸魚,  夠大條,足夠12人份量, 略有蒸過火小小,我細佬好鍾意個炒飯, 的確出色當然，在百日宴的用餐體驗很愉快！百日宴的菜單非常豐富，利用在享受美食上。最後有<<合核露>> 完美😍

人生第一次寫差評居然俾咗玉桃軒，親戚難得從其他地方過嚟一次，諗住帶佢哋係酒店附近揾間好吃嘅酒樓飲個靚茶，見玉桃軒300幾個讚，都無點睇評論就入咗嚟。點知，今次真係中曬伏。飲茶睇間嘢質素好唔好，必點燒賣蝦餃試下手勢，唔試唔知道，試咗嚇一跳。應該係我人生目前吃過最難食嘅點心！樓下sogo唐記包點10幾蚊嘅點心都好食過佢多多聲！完全就係超市買嘅袋裝蝦餃水準，但價格完全唔符合食物質素咯！之後再點埋佢Openrice推薦懷舊千層糕，超級乾，老人家吞都吞唔倒。除咗奶黃包可以放入口，黑糖馬拉糕、叉燒包都好難食！！！！😡🤬😡🤬一句講曬！我嚟拯救大家，千奇唔好帶屋企人嚟飲茶，屋邨茶樓都好過佢！又貴又唔好食！

Just like typical family gathering, we always yumcha in whatever with short queue especially during weekend. Sadly, short queue possibly correlated with its quality and staff attitude 😂 My family was asking for seats while one staff told the wait took hours and left us there without tickets. Empty seats and tables were obviously seen from the entrance and some were even cleaned up. We asked another staff for tickets to queue. The funniest thing was she led us to a table immediately.😂🤔 Those who

睇其他意見都話服務差同食物好鹹，諗住係個別事件，所以今晚決定試吓，但係今日一試，果然真係，服務差已經不在話下，食物仲要得個咸字，食咗咁多間，呢間都係最差的一間。

嘢食其實都正常唔錯 但係服務真係差到唔會再去 第一輪叫點心就已經叫左其他嘢同埋個魚餃 但係d嘢食曬第二輪點心都食埋個魚餃都未黎 我地仲問左好幾次有無漏單個d都無 次次都話黎緊 等左個幾鐘 都要唸住走 到最後布甸都食完埋單唸住取消啦點知佢地有個男經理or職員埋單 我地話個魚餃唔要唔該埋單 佢係話去廚房睇 我地話唔洗啦直接埋單 佢係都唔肯 堅持去睇 態度仲好差鬧人咁下 我地都未鬧 你咩事 咩態度 d嘢咁耐仲鬧翻我地唔要單？乜原來宜家d酒樓隨便d啊叔都可以請翻黎招呼客人我樓下街市賣魚果個都好過佢

呢間點心水平正常啦⋯但係唔係呢間鋪既重點！呢間酒樓啲員工，態度係極差啲部長經理全部都好似發晒脾氣，語氣惡劣！話說我坐低第一張單已經落左一份魚餃，所有野到齊份魚餃都未嚟，我未去催第一次。過左15分鐘後都未嚟，我再催第二次。之後我再加單叫其他野食，第二張單既野食都嚟晒，份餃依然未到。講緊係差唔多過咗第一張單落單時間既45分鐘。之後我再催多次，啲經理部長係咁話整緊整緊。過多10分鐘後，我因為趕時間要走，所以叫買單。跟住就經典喇！個部長行嚟，我叫佢買單，順便話份魚餃未嚟，幫我取消啦。點知個部長唔知發咩神經，冇啦啦聲大夾惡話：「我未話左幫無睇下囉！我都催左廚房，點知佢地咁耐都未得！」大哥，呢啲係唔係做樓面應有既態度啊？咁樣既態度同客講嘢？總之呢間野，大家想嚟受氣就嚟幫襯

秋季到來，又係品嚐大閘蟹的最佳季節，係時候要搵間酒樓食下咁岩之前係利園買野儲落 D 積分可以換大閘蟹咁就可以去食下大閘蟹，食下小菜，輕鬆一下食物方面:太湖大閘蟹 : 大閘蟹約4兩，雖然唔算大隻，但新鮮多膏，絕對值得一試砂窩什菌牛肉煲 : 砂窩上枱夠曬熱辣辣，牛肉鮮嫩，有多款什菌一起係砂窩炒一炒，加個白飯味道一流瑤柱扒豆苗 : 豆苗新鮮翠綠，加入大量既瑤柱絲及大大粒草菇，簡單又美味網址 : https://www.instagram.com/thegracesrestauranthk/

中秋節正日同屋企人做節🌕通常做節都係食中菜，哩間係利舞臺，不過上到去又唔算好裝潢。仲好熱鬧，比較親民感覺。😋北京片皮鴨二食+香辣珍菌炒鴨粒 $446包片薄，熱辣辣包住d鴨肉，加埋青瓜條韮黃條乳豬醬，好好味。本身我唔係好食鴨，但間中又幾鍾意食片皮鴨。不過要塊包皮夠薄先好食。同埋哩隻鴨食落唔會好蘇，好怕陣蘇味。不過哩度d鴨就片得唔夠薄。😋菠蘿咕嚕肉 $138酸甜味好適中，咕嚕肉亦唔會好肥，脆漿唔會好厚。啖啖肉，正。配菜菠蘿青椒都好爽脆好味。😋白飯魚煎蛋 $128經耐冇食過哩味菜啦，不過白飯魚唔夠多，味道亦唔算重，所以好似只食到蛋。😋西蘭花炒帶子 $238西蘭花爽脆唔會太淋，帶子都中size ，不過不失。份量就比較少。但唔算好油。😋蒜香脆燒雞半隻 $168哩道雞反而炸得好嫩口，同埋唔會好肥。雞皮亦炸得剛剛好。😋金絲雞蛋散 $24又係懷舊野，糖膠加蛋散，我口味唔係食得太甜，唔係太岩我，不過哩d懷舊野真係見少買少，都要珍惜下。總括中評啦，唔算話超好食，但每道菜都算ok， 價錢銅鑼灣黎講都算經濟既。⭐️⭐️⭐️（5星為滿）玉桃軒酒家 (利舞臺廣場) (銅鑼灣)銅鑼灣波斯富街99號利舞臺廣場20樓#飲飲食

得閒係附近行開街想試下片皮鴨，上網見呢間comment唔差，又就腳，所以book左試下，點知中伏。本新已經先打去問定駛唔駛預訂左先，聽電話個姐姐態度已經麻麻，好唔耐煩咁，不過費事煩再諗，所以照訂。我地叫左個片皮鴨268+薑葱爆炒鴨件兩食78,可能因為已經預訂左，所以片皮鴨上得好快，但唔係熱辣辣，只可以話仲暖。但鴨肉偏鞋，而且鴨唔知有冇醃到，感覺冇咩底味，要全靠個醬先有味。呢個都算，仲要都幾un下，有好幾次都咬唔開。食到呢度已經幾失望，諗住等埋個炒鴨件睇下會唔會好d, 結果等左半粒鐘都未等到，明明場內空位頗多，唔係好多人食野，而且有店員同熟客係度吹水。食片皮鴨塞到飽哂本新谷鬼氣想叫經理未有炒鴨件既話索性取消，但阿媽想試埋，唯有叫經理催單，經理態度都麻麻地咁話跟下啦。但比我媽見到佢行去督電腦，疑似岩岩先落單。最後終於等到個炒鴨件，肉仍然都係un, 同埋冇咩味，我媽話去燒味舖買既都仲好食過佢多多聲。最後真係無心機再食落去，叫姐姐比個外賣盒同袋拎番去，都係等勁耐先有。總結唔好食又受氣，唔會再黎第二次。

我都未食過啲咁老嘅片皮鴨，啲肉仲老過我呀嫲，咬到我牙都軟，好似食緊香口膠咁，嗰塊餅皮又厚，仲有個醬汁勁鹹，最好食就係個青瓜架啦，都算係我人生食過最難食嘅片皮鴨叫咗個六人套餐，個龍蝦伊麵同條魚唔錯嘅，但係揀三個小菜嗰度，全部得啲齋既小菜，得個咕嚕肉同埋豬頸肉炒雜菇叫有啲肉，不過味道還算可以既。性價比黎講絕對極低，場地環境唔靚，一入到去就感覺到伏，酒樓黎講都算係最差，總括嚟講唔會再去，唔怪得知去到冇乜人。