牛角日本燒肉專門店 (黃埔天地享膳坊)

營業中

休息中

今日接完囡囡放學好肚餓，一家三口就決定係黃埔搵食突然好想食燒肉，就去附近既牛角試下lunch先！因為之前都係食夜晚燒肉，去到見到都有set lunch都唔錯老公叫左個期間限定~石鍋鮑魚海鮮飯~當中包括左鮑魚、帶子、、魚柳及泡菜！味道還可以，沒有太大驚喜！反而更喜歡它的鍋底飯焦好脆！正！而我就選擇~牛角特選牛五品盛合~set有幾款不同牛的部位可以自己燒。必食嘅牛角飯更加係可以無限添加😗😗我自己都食咗兩碗值得一讚嘅係服務態度好好見到佢哋好忙，好有耐心講解同落單

牛角係小朋友們的至愛，不能出街的時候，我們也經常外賣🥡，誠意推介紫菜雞蛋飯 通常未到小朋友都食咗半碗，牛肉的質地在這個價錢算係很不錯👌🏻 繁忙時間真係好難等位，所以我們一般係食下午茶時間 😆

辛勤工作一個月獎勵自己去食牛角燒肉。假期前一日唔知係未特別多人，6左右到可以直入，但食食下已經好full。叫左燒肉拼盤(最平個隻)，唔洗煩，可以咩都試下。雞好食，燒完仲有肉汁，唔會柴豬頸肉燒到條邊微焦好正，腩肉本身就鐘意食，正。牛俐還可以，牛肉就一般，小小韌，單點和牛好食啲，當然一分價錢一分貨。一個人食一盤有點太多。另外仲叫左菇同多春魚，正。不過燒多春魚要小心，個肚受熱會爆。Btw, join 左會員，盛惠$200，不過今餐可以直接扣$100 Coupon，不錯！

限聚令9點，8點31分無叫埋單自己印定單要你埋。我話我有會員，職員話:開單後30分鐘內要掃qr code，咪同你講左囉！我望左張單，係8點05分開既，埋單係8點31分，明明就未夠鐘。職員就叫我地準備定qr code。等左好耐，過曬d時間個職員先話過左時入唔到會員，幫你唔到。最後free左個雪糕作擺1.帶位職員係無心幫客人反而去責怪客人點解唔早d出示qr code。2.如果職員可以快快手過黎掃qr code ，所有問題就解決左。3.就算最後真係過左時，起碼我見到你有盡力去幫個客而唔係比我覺得你故意超時。4.我唔覺得張單真係改唔到，只係你有無心去改總結: 無心幫客人

牛角日本專門店響好多區都有分店，通常見親都係排長龍所以我冇試過。今次係第一次食。 當然今晚要外賣自取啦！ 疫情關係呀嘛！ 佢OpenRice落order唔使10分鐘就有啦得拎。 仲有個open trice外賣手抽袋仔， 好精緻啊！ 我叫咗兩個丼，第一係玉子蒜香牛肉飯，第二係牛角燒牛肉飯，仲有汽水配飲！玉子蒜香牛肉飯，味道與一般市面牛肉飯差不多。牛肉是肥牛片，比一般肥牛片厚少少。 牛角日本燒牛肉， 味道不錯啊！ 牛肉片份量很多， 肉質鬆軟。 今次有7折， 真低啊!

今日去開紅磡做少少野，行過見到牛角呢間餐廳，聽人講呢間公司嘅老闆係暗黃，係唔係我就唔知，我哋嘅食物真係唔錯。今日等三個飛，估唔到等咗我45分鐘。入去之前姐姐會比張A4紙你保存口罩，行入去枱途中會不時提醒小心，坐咗落張枱之後店員會細心解釋如何落單等。由於之前我儲咗一啲積分所以我問店員可否優惠券和積分同時共用，其實我本身都諗住用唔到嗰個店員話可以共用，這樣令我有點喜出望外。因為同行的朋友唔食牛肉所以我哋只係集中叫豬肉雞肉，如果用積分就換一份A5和牛同埋兩隻蝦同兩隻生蠔。 講真食物嘅質素真係無可挑剔，雖然以呢個價錢可以有好多選擇，但同等質素的情況下一定冇呢間做嘅都冇咁好。和牛食落去好有油香，入口有即溶嘅感覺，如果下次有機會我都會買返。朋友對嗰隻蝦讚不絕口，完全一食落去就彈牙的感覺，如果隻蠔亦都有好有生蠔的味道。雖然店裏面人手明顯不足，但每次我們舉手時他們也很落力招呼，而且很耐心解答我們的問題。同埋個人推介大家一定要食牛角飯，唔知點解佢真係超級超級好食，每一張枱上面有一個醬汁我每次都會加落個飯上面，之後將佢撈埋一齊食簡直係人間美食。到最後店員提醒，食夠$200就送一張$50嘅現金卷，因為我哋唔

如果想食烤肉，牛角數一數二值得幫襯，價錢合理，好食之餘既可以滿足自己燒烤意欲。叫咗兩個套餐，當中最好食係「和牛牛肋肉」同「美國極上和牛板鍵肉」，前者肥而不膩，肉汁飽滿，後者比較爽口。燒烤完可以蘸上醬汁，個人喜歡蘸鹽醬及少少檸檬，更帶出肉嘅鮮味，脂肪比例完美，不會太肥膩，入口有一種溶化嘅感覺，幸福滿滿。追加了牛油金菇，鹽味牛油帶子，牛油簡直係聖物，可以將本身淡而無味嘅食物昇華到另一層次。至於服務方面，大致愉快良好，環境舒適。

耐無見朋友，耐無行街！放工來黃埔四圍行下行完街搵食，打邊爐，燒肉，食咩好！我地兩邊舖都有拎飛仔最後燒肉係快d既😬今餐主角每人一客特意點了飯去撈飯食燒一陣，把蛋黃撈起齋食得，撈飯食又得😋爽yy好豐富呀！多春魚超多春雞臀厚肉，大大粒😋燒肉併不過不失有點冰冰的感覺整體ok連鎖店之中，可以一來再來的！牛角飯，必試⭕️進店前量度體溫⭕️提供酒精搓手液⭕️全店職員戴上口罩 ⭕️座位間有距離感, 亦有隔板✅提供放口罩信封

好耐冇同同事們team lunch，今次嚟到牛角燒肉，一解哈日族們的思鄉情懷，限聚令期間一行七人要分兩張枱，麻煩小小，但都無損興緻肉質依然新鮮，牛肋肉四食比特選五食價錢貴d，但好味得多，肉味濃肉汁多又唔韌，愛食牛簡直不能抗拒🤭配埋招牌香蔥玉子飯，滿足感爆燈👍🏻 食一碗唔夠可再添飯，食到飽為止！餐飲可選，食燒肉點都應該飲杯凍野才行，活乳酸梳行可一洗油膩感。飯後再加點了牛角雪糕🍦，愛食雲尼拿味比綠茶味好味得多，完美為這餐偽日本燒肉畫上句號❤️

今日同個fd 食牛角，佢話由佢做主叫野食，所以我無揀比唒佢揀。佢首叫牛舌，親手燒比我食，真係好好食😋*只燒底果面，上面放d洋蔥，燒到7成熟(面還有少少紅），放上碗，再加一滴檸檬汁卷麻食。牛角飯係紫菜+温泉蛋飯，普通得來但會成碗食唒🤷🏼‍♀️和牛手肋肉～燒到5成熟，濃厚牛味，入口即溶。仲叫左雞肉， 多春魚 ，牛油帶子。最後，介紹要食佢個雪糕銅鑼燒，係要自己燒的，豆沙包咁樣不過入面就係雪糕。職員有講解點樣燒，兩邊燒到有格仔網就可以，大概每邊燒一分鐘到就可以。外熱內凍好好口感，^_^

因為邊爐家族發生之後.....香港的火鍋同燒烤真係突然冇曬人...亦因為咁，大家都出左唔小優惠...好似呢間咁...就出一個299任食和牛的PLAN....見到真係好吸引就同班朋友一齊去....當日去到人唔算多~都仲有吉台!坐低之後就緊係不停食蠔同食和牛....我地6個人差唔多食左150塊牛同100隻蠔...老實講...材料真係非常好.....絕無欺場!!但小插曲就係....可能真係因為小左人....全個場得3-4個伙記....有的叫天不應.....想搵個人幫下手都冇....一定要等...之後仲衰.....部點餐機死左.....差唔多20分鐘....然後追幾次先俾張紙你填....最後當然係的單亂到無輪喇....但係伙記又唔夠....又冇人幫手....成餐只係食90分鐘...但中間有差唔多30分鐘完全冇野食同無人理...真係幾多謝嫁.....總括黎講成餐係好抵食....只係間餐廳的配套真係有問題.....唔係呢排真係可以食多幾次.....

牛角第一次食,預左食牛肉為主。其實仲有雞肉及豬肉。每種肉都有10幾種唔同部位或烹調方法，選擇尚算唔少。肉質都幾好，尤其係牛肉。肉味都唔錯。除左肉，仲有蝦，魚，牛油帶子仲有蔬菜，沙律，牛油金菇等，味道都唔錯。醬汁就少選擇少，只有燒汁，鹽味醬及辣漿，燒汁味道甜甜地同肉幾夾。爐火其實都幾猛，反而擺一陣唔理就會燒焦。有電子下單，會展示落車時間有跡可尋整體食物質素不錯，惟獨蜆有腥味扣分。價錢$328並要加10%服務費，有會員卡則可85折。價錢都唔平，但如果食量大以及鍾意食牛肉，其實任食都真係值回票價。法定時間只有90分鐘，準時截單，但唔會趕你走。都夠時間食飽晒，食物來得快，抵讚，唔需要好趕落單。

疫症下，無懼感染風險，去到黃埔牛角友聚！入店前要先量體溫，亦會問你是否需要個封暫存口罩，店內亦有消毒酒精比你用，夠衛生好貼心！之後落order，例牌燒肉定食，選了牛肩肉同牛脊肉，跟田園沙律麵豉湯，另加$21轉配玉子飯，跟一杯汽水...玉子飯食過返唔到轉頭，玉子拌紫菜係最佳拍檔，撈飯一流，仲要任我追加，$21呢個價係值的，大胃王一定有賺！燒牛肩牛脊肉真係好味，即使唔點醬都夠晒味，可惜份量比較少，或者下次要轉任食放題先得！最後，一定要加$12配牛角雪糕，好味，同出面雪糕零舍唔同😋

牛角推出丼飯外賣🍱🎏牛角飯配醬炒牛舌 ($59)🐮可能外賣關係影響左佢地既質素😥牛舌有啲乾 🐮應該煮得太耐 有少少硬不過的確幾香幾濃牛味 又唔太羶啲汁甜甜地 配埋熟洋葱都唔錯嘅💁🏻‍♀️不過成個飯都好硬好凍🍚整體黎講賣相麻麻地而且份量有啲少真係有啲失望😥如果大家有機會試 叮翻熱佢應該會好好多♨️

牛角下午茶有七折，因為次次去牛角都會食晚上放題，今日有朋友叫我去試下下午茶，仲有七折。有分一些定食同燒肉，來到都要過下引，叫少少肉食，但最欣賞還是牛角的飯，就是蛋跟紫菜，但真係好好食，原來仲可以任加。。食左一碗半，那來的胃口。哈哈。而肉亦保持一貫的質素，仲有得簡咩汁的。