牛極 (皇后大道東）

營業中

休息中

自己一人自助午餐先係自助機買票，比錢出票後之後自己揀位坐低坐低後職員會來收票套餐包主菜及所有自助吧食物🔆白飯、日式牛肉湯、椰菜絲沙律、檸檬水白飯可以加配芝麻紫菜粉日式牛肉湯，超好味！蕃茄味夠曬濃郁，仲有好多好淋好入味既牛肉，無限飲真係好抵！椰菜絲配胡麻沙律醬，清新爽脆！主食我order左🔆厚切牛舌燒上菜用紙巾封面，keep住熱度！厚切式真係好厚身，配上小小黑椒，味道不錯，肉質淋滑！再配埋餐廳提供既醬汁，真係一流！成個餐，正！

由疫情時新開張到家下,  牛極一直係我公司班肉食獸之選.一進門就會有售票機, 唔駛驚唔識用, 基本上係有職員係旁邊教你. 除左用八達通或者電子支付工具外, 連現金都得. 重識得找錢.呢度的燒肉, 包括有牛(不同部位不同價錢), 豬都有豬扒或者係豚肉. 什至雞扒或者饅魚都有. 真係愛食肉的總有一款岩你.除左主食外, 呢度的湯, 沙律同飯係自助的, 食幾多要幾多, 唔夠食重可以encore.飯可以加芝麻紫菜粉, 除此之外都有d醬料可以比你加落d肉類度.不過初開張時, 沙律除左菜外重有d蕃茄仔, 但是日就唔多覺, 唔知係比人夾晒定係無再提供.佢地的湯絕對推介, 試過有味增湯, 不過大多數都係牛肉湯. 湯味好濃, 什至幸運重可以見到牛同紅蘿蔔. 每次係度都會食到好飽.一排無黎. 今次發現重有豬扒+亂切三粒的牛, 呢個都係七十幾蚊, 好推介. 可惜我叫左先知. 下次再見. 要提一提係豬同牛本身已經好夠味. 唔駛特別再加調味, 但佢枱上都係有pepper同鹽比你. 再唔夠味都重可以落調味料.豚肉片. 呢個不過不失. 但份量是可以的. 最後一提, 牛肩肉點都有條根係度. 所以切走左就無問題, 咪都會

經過咗間餐廳好多次，一直都未試，因為唔係好信係灣仔區幾十蚊可以有個午市鐵板見有一日有多啲時間就去試吓啦，呢個價錢真係好吸引，幾十蚊，有時晏晝都想有啲新意，有個版燒下咁呢度就幾適合，選擇都好多啊！今次試左個雞扒，佢係自助形式，係門口八達通買飛後，就安排入座，有人送個鐵板來，飯，湯同茶就自己岀去拎，任食。依個價錢，有得燒，有茶，湯同飯任食，真係抵到爛雞扒正常雞扒啦，鍾意可以燒耐啲，晤中意可以晤燒咁耐，我覺得整體感覺非常好

牛極是一家位於灣仔皇后大道東的餐廳，提供美味的牛肉、椰菜和羅宋湯等菜式，是一個不錯的用餐選擇。其中，主打菜式神石燒提供了多種不同部位的牛肉，讓食客可以根據自己的口味和預算進行選擇，並且可以選擇揀重磅數，使用餐體驗更加滿足。個人非常推介亂切，當中會隨機選擇不同部位給食客，有種抽獎嘅感覺，價錢非常不錯！除了牛肉，牛極的椰菜和羅宋湯也是非常推薦的菜式。無限添加的椰菜和飯也讓這個餐廳成為一個性價比很高的選擇。此外，餐廳採用的自動點餐機也讓整個用餐體驗更加便利和快捷，增添了一份日本餐廳的感覺。用餐環境也很舒適，讓人感到放鬆和愉快。總的來說，如果你想要品嚐美味的牛肉、椰菜和羅宋湯，牛極絕對是一個值得考慮的餐廳。用餐過程中的自由選擇、無限添加、自動點餐等特點，都讓客人享受到便利和舒適的用餐體驗。如果你正在尋找一個性價比高的用餐選擇，牛極絕對是一個不錯的選擇。

This resto offers a very unique dining experience: This restaurant allowed us to take control of our own cooking, which was quite a fun and interactive experience. For me, I ordered a 270g Au Rib Eye steak.The steak itself was of the highest quality, with a beautiful marbling of fat throughout, ensuring a juicy and succulent texture. The meat was perfectly seasoned with just the right amount of salt and pepper, and the aroma of the steak was truly irresistible.As we cooked the steak to our desir

前兩日落大雨🌧️, 完全行唔到去搵食, 咁就是但見到咩就食咩, 入左 “牛極” 食個快飯!午餐幾抵食, 有幾多選擇, 但就無牛類選擇 (因為唯一既牛舌都 sold out), 如果要食牛就要貴少少! 因為同小朋友一齊, 所以叫左份雞扒, 雞扒唔算大塊, 肉嫩, 個汁就唔太好味😅 不過白飯, 牛肉湯, 沙律都任食, 味道都正常, 飽又一定夠飽, 所以平平地是但一餐喇!地址 : 牛極 (皇后大道東）灣仔皇后大道東238-240號地舖評分 : 6/10

外出食飯如果要嚴酮不外乎是火鍋☕️或燒肉🥓，不過火鍋店和燒肉店多以放題式經營，就算朋友願意遷就自己，吃一餐動不動每人都花費幾百我也不好意思，所以如果可以各自點自己想吃的食物和份量就最好不過了。這種日式石燒牛扒店🥩在香港已流行一段日子，而且價格親民，最平$85便有交易，想豪氣一點也可以選擇日本和牛。牛扒🥩以一人一個燒熱了的熱石🔥奉上，用熱石燒過後的牛肉風味十足。如果不想吃牛，店內也有其他肉類提供，加上沙律🥗、牛骨湯🥣和白飯🍚任食，無論是否生酮都一定可以吃到飽！

試過幾次，12:30排隊排第一個位排咗半個鐘，呢半個鐘入面佢會不斷比後面岩岩先黎嘅二人、四人入座先，你問佢點解未有位 佢只會答你：「好快有位架啦」某程度上都幾bad feeling所以附近返工又得一個人食嘅話，一係外賣一係早少少落去食⋯⋯唉

不要嚟食 叫左個咩亂切部位餐 全部都係垃圾 筋又多 切都切唔開 點樣切細舊啲煮？點煮都係出面韌 入面仲係滲血 舊舊都係咁百幾蚊要我食垃圾 你畀番百幾蚊我都唔食啦食到一肚火 唔使食都飽曬 270克最尾食淨成碗都係筋 我諗都有200克 你睇圖見到個碗係咁都黎食嘅話你哋加油 我未試過openrice比差評 你哋幫我開咗齋 我都幫你開齋 。我朋友仲專登介紹我哋食 換來只係牛筋套餐 我諗呢間野最好食係沙律同飯一分錢一分貨 可能140蚊既餐就係差

喺皇后大道東附近返工，成日經過呢間牛極，但就一路都未試過，前排因為疫情，見佢人唔太多，唔太洗排隊，於是決定入嚟試一試！入嚟要做第一樣野，首先係喺自助售賣機，點選自己想要的食物。因為係午膳時間，見佢有套餐，就叫個豚肉腩片黎燒下燒下。主食未到之前，首先要為自己餐前準備：包括裝湯、裝飯、裝沙律，以上都係任食，真係好抵！佢個湯一啲都唔hea，都會有牛肉烹調，配合一啲洋蔥蔬菜，味道都好濃郁，唔係求求其其。而我最欣賞佢嘅白飯，除咗因為係珍珠米，口感好煙韌，最重要係佢可以俾我哋任用嘅紫菜粉，加上啲飯度，真係飯都會食多幾碗。搞下搞下，主食都好快上到枱面。由於佢係原塊石板上檯，你鍾意啲豚肉整幾耐就幾耐，有幾燶就幾燶，鹹魚青菜，各有喜愛！而佢嘅份量都唔少，肉汁都比較濃厚，食完都想再encore！

9:40去到聲稱已關門，質問之下說分店還是開門的，是閂10:30的但佢哋已經收緊嘢所以唔再歡迎有客人，旗下所有在港島的分店都會blacklist而且會同朋友講唔好去幫襯，佢係旺角既分店側冇問題，職員態度非常好，牛扒亦會推薦

又係食過好多次 終於寫食評我次次嗌親都外賣 未試過堂食堂食就任裝 飯 湯 同沙律菜不過可能每人都石燒牛 都幾大陣味講番外賣先 d牛每次都好似唔太一樣個部位有時有筋 有時太生 不過就每次都夠瘦充滿牛味 呢個價錢 包湯 沙律菜 其已經無得輸之前試過係備註要求將飯轉沙律菜 職員都比到 呢個細心位要讚

通常石板燒價錢都幾貴，但路經見呢間價錢親民又質素唔錯，仲係半自助式用餐，就同親故嚟試下1/ 番茄薯仔牛肉湯想講餐湯都好開胃出色，除咗有眾多蔬菜之外，真係有好多牛肉係入面，所以個湯係好有肉香，而唔係出邊味精味好重嘅羅宋湯成日都會覺得放題飲湯唔抵，但呢度要飲多幾碗就真2/ 180g牛肩排石燒上枱嗰陣仲係粉紅色，渣渣聲，自己嚟決定要幾成熟，今次煎咗2分半鐘，成功外焦內嫩，牛肩排比較厚身，肉味重，餸灑滿芝麻紫菜粉嘅日本米一流3/ 日式雞扒石燒雞扒份量幾大，石板燒嘅製法keep住雞肉保持嫩滑多汁，BBQ醬唔會太濃啲石板燒上枱嗰陣會有紙巾鋪面嚟防止彈油，仲提供紙圍巾，見微知著，呢間店喺提供用餐體驗好用心

約了朋友放工來食這間半自助式放題形式的石板扒燒，好味又好玩，好適合友人的大細路性格～自助區：日式蕃茄牛肉湯、日式沙律、珍珠米飯Japanese Beef Soup with Tomato, Salad with Sesame Dressing, Pearl Rice蕃茄味同牛肉味非常濃郁，入面配料幾豐富，撈起見滿滿牛肉、洋蔥、紅白蘿蔔、西芹等配料，相當鮮甜；特別一提，珍珠米飯記得要灑上店內嘅芝麻紫菜粉，增添鹹香風味牛肩排180gTop Blade Steak 180g有隔油紙蓋着，不用擔心熱油飛濺，熟度及焦香程度都由自己決定，今次煎了約2分鐘，相當於5-6成熟，牛肩排肉身厚，帶有釂勁，外皮微焦，內裡豐富肉汁，牛味香濃日式雞扒燒Chicken Steak友人點了雞扒燒，上枱見份量有手掌大，煎得嫩滑多汁，帶有孜然醃味，加上BBQ調味粉，增添乾蒜黑椒等風味

❤️灣仔性價比高之石板燒❤️為左午餐食得健康些，吸收健康的蛋白質，我決定午餐食個雞扒set 😂喜歡店舖自助形式買飛，而且好方便易用，當然响店員落單也可以😌沙律🥗、湯🥣同飯任食自助區好企理，衛生👍👍👍為保持衛生，岩上菜的扒會有塊廚房紙，就算岀去拎沙律、湯都ok🤣雞扒大大塊，厚身、滑肉，咬落口，雞皮仲脆，啲汁又bi 岀來，個燒汁好惹味，而且有椰菜伴碟，雞扒不會燒焦，十分健康同有心思👍🏻沙律:芝糊麻醬(自己另加蒜蓉)，絕對開胃同唔洗怕飲食不均衡日式牛肉湯湯味濃，但唔係味精既濃，係煮過蘿蔔、洋葱🧅既濃，真係見到舊牛肉响入面，湯煲既餸真係真材實料🉐️