天氣凍, 最正就食凍野, 越凍越刺激!🤭 除左雪糕, 乳酪就最正, 又健康又好味又唔怕肥!😋 去左試試好多人都話正, 全正評既 “小滿定律”, 結果真係好正!👍🏻 一杯希臘乳酪可以揀3種配料 + 醬汁.. 揀左朱古力糯米糍 + 海鹽焦糖脆脆 + 檸檬芝士蛋糕 + 蜂蜜! 份量好多, 乳酪雪糕好滑好挺身, 唔太甜, 少少酸, 好想食完又再食🤭 配料都好足料, 仲有 22款選擇添😍 地址 : 小滿定律 西環西營盤第二街1號東祥大廈地下D號舖 評分 : 9/10

趙bb 好鐘意動物, 不過見到佢特別鐘意貓🐱 所以就約左朋友仔去貓cafe食下野玩下貓🐱 其實上網搵左好多間, 有啲有年齡限制, 有啲有入場費, 有啲係無野食.. 左揀右揀, 揀左 “Urban Cafe”! 而去完今次貓cafe, 令怕貓既趙c9 都徹底改觀🤣 場內應該有 20隻貓貓左右, 每隻都有名牌🤭 每一隻都好乖, 隨意影相, 佢地會周圍行, 周圍望, 但又唔會影響你食野🤣 每一隻都好靚, 可以輕輕咁摸下佢地影下相添😍 至於點解改觀, 因為場地好乾淨, 大小朋友入去都要消毒雙手, 著上鞋套, 非常衛生👍🏻 而且場內❌無貓毛 ❌無異味, 仲要野食好好味😋 下次一定會再去🙌🏻

送完個女返學, 當然要去 mi time 下, 食啲自己鐘意食既野喇!🤭 趙c9 好鐘意食辣🌶️, 酸辣, 麻辣, 辛辣.. 通通都愛, 所以一放低趙bb 我就會去食辣野🤭 今日去左 川之源 食午餐, 一試就上引🤭 首先, 價錢抵食, 大大份, 款式都好多! 環境相當舒服, ☀️日日酷熱天氣警告, 但入到餐廳冷氣十足, 仲要坐位寬敞, 寧靜舒服!👍🏻 食物方面, 真心好食, 辣度好夠好惹味, 而且材料豐富, 一路食一路諗緊下次嚟再食咩🤭 真心推介, 尤其是愛辣既朋友仔🌶️ 另外餐廳有兩間vip 房, 可以約班朋友仔包房添! 地址 : 川之源 (寶豐大廈) 西環正街1-7號寶豐大廈1樓B號舖 評分 : 8/10

前排睇到有間私房菜 簡。兒。蒸 食粥底海鮮蒸氣鍋 + playhouse, 聽落好似好普通, 但只要5️⃣個人就可以預約, 仲要係包場 (係! 成個場係你, 🤩因為店家一晚只做一枱客!).. 咁吸引, 一於約趙bb 班朋友仔去玩去食喇! 店家有幾款海鮮餐價錢選擇, 但款式每次都唔同, 因為店主會喺預訂當日先去街市買材料, 確保新鮮👍🏻 我地揀左最平既套餐 ($398), 而小朋友只計小童價有一人一大碗牛肉烏冬! 小朋友食飽飽就可以玩, 大人就慢慢嘆個海鮮餐呀!🤭 個餐計埋個海鮮粥底有8️⃣道菜! 元貝 / 龍蝦 / 鮑魚 / 蜆 / 龍躉 / 牛肉卷 / 蟲草花蒸雞! 全部都好有睇頭, 好新鮮, 鮮甜... 係真心好食!🤭 (一定次次唔同架, 一定有驚喜🤩) 🛝玩樂方面, 除左有小朋友至愛既彈床, 波波池, 滑梯.. 仲有電動麻雀, 唱k.. 全部都任玩架! 雖然地方唔算好大, 但小朋友玩得好盡慶, 大人又可以食住睇佢地玩, 大家都好舒服!👍🏻 📍地點 : 簡兒蒸 荃灣德士古道168號德豐工業中心一座21樓10室

成日行過銅鑼灣分店都見到排哂長龍, 咁啱喺東薈城行過見到無人排, 當然即刻入去試下喇!😎 叫左個 “二人飽飽豬套餐”🐷 -燉牛肋骨蛋包飯 牛肋骨甜甜地, 都算腍! 蛋包飯出嚟先切開, 半熟炒蛋咁, 好滑好香, 吸引😋 -炸芝士豬扒忌廉年糕 忌廉年糕好似烏冬咁, 但煙煙韌韌好好食, 但炸芝士豬扒炸得太乾身, 就唔太好食🙁 -初雪芝士炸雞 灑上勁多芝士粉, 炸雞肉啖啖肉, 仲要有勁多薯條, 好食! 地址 : 반찬앤쿡 Banchan and Cook (東薈城) 東涌達東路20號東薈城名店倉3樓334號舖 評分 : 7.5/10

友人勁想試呢間不籽是咖啡, 見到環境好舒服, 個menu又唔錯, 當然一試無妨喇!🤭 🦞龍蝦湯配牛油果大蝦稻庭烏冬 -特別的, 龍蝦湯另外用壺上, 自己加入烏冬中, 但味道普通, 同埋與配菜味道唔係好夾咁, 而且蝦唔算大隻! 🦀味噌蟹醬蟹籽蟹肉扁意粉 -蟹肉好多, 好creamy, 味道唔錯, 好食! 🍗柚子醬蜜糖雞翼 -炸得脆脆既單骨雞翼, 酸酸甜甜, 好食! - 地址 : 不籽是咖啡 (藝里坊) 西環西營盤忠正街8號藝里坊地下1號舖 評分 : 6/10

好耐無飲茶, 好多野都想食, 飲茶放題就啱!🙌🏻 左搵右搵, 搵到間又有位, 價錢又okay既御名園! 放題加一加茶介後約 $200 一位, 一米以下小朋友免費! 食物款式都多, 全部都係正式size, 點心有啲係逐粒叫, 咁人少都可以食多幾款都唔怕! 推介 - 🦐鮮蝦腸粉 - 鮮蝦大隻又彈牙, 腸粉仲好滑添! 七味椒鹽豆腐 - 外脆內滑, 少少辣, 好惹味! 叉燒包 - 包好軟熟, 好好味! 地址: 御名園 大角咀大角咀道38號新九龍廣場1樓168-187號舖 評分 : 7/10

去北角行街, 行行下見到有間好光猛, 樓底又高, 感覺好舒服又乾淨既 hap coffee, 二話不說, 坐低抖下! 叫左兩個午餐, -蘑菇湯🍄 好香, 好飲, 好重蘑菇味, 又有口感, 正! -德州煙腩片燒烤牛肉漢堡包🍔 份量都大, 又有薯條🍟同沙律🥗, 個牛肉唔夠 juicy, 乾身左啲! -金沙軟殼蟹咸蛋黃意大利飯🦀 軟殼蟹同意大利飯都唔錯, 但完全食唔到金沙 (咸蛋黃香), 所以有啲失望! 地址 : Hap Coffee 北角渣華道133號北角匯三期地下P3G2B號舖 評分 : 6.5/10

啱啱母親節去左灣仔會展薈景食自助午餐慶祝💗 揀呢間因為聽聞好食, 環境又好, 仲要6歲以下免費添!🤭 真係超級抵🤭 一入去, 落地大玻璃又望住大海景, 再加上超高樓底, 感覺真係好舒服!😇 野食同飲品種類都好多 🍷紅酒, 白酒, 啤酒, 可樂, 鮮榨橙汁, 咖啡茶.… 🍴凍蝦, 凍龍蝦, 青口, 海螺, 威靈頓牛, 豬腩肉刈包, 琵琶蝦, 壽司, 刺身, 芝士, 各款甜品都樣樣出色, 而且 refill 得好快! 因為節日, 每位媽媽仲送左個小小粉紅色既日式芝士蛋糕, 唔只靚, 仲好好食添!😋 地址 : 薈景 灣仔港灣道1號會展廣場6樓 評分 : 9/10

前兩日落大雨🌧️, 完全行唔到去搵食, 咁就是但見到咩就食咩, 入左 “牛極” 食個快飯! 午餐幾抵食, 有幾多選擇, 但就無牛類選擇 (因為唯一既牛舌都 sold out), 如果要食牛就要貴少少! 因為同小朋友一齊, 所以叫左份雞扒, 雞扒唔算大塊, 肉嫩, 個汁就唔太好味😅 不過白飯, 牛肉湯, 沙律都任食, 味道都正常, 飽又一定夠飽, 所以平平地是但一餐喇! 地址 : 牛極 (皇后大道東） 灣仔皇后大道東238-240號地舖 評分 : 6/10