熊築地

營業中

休息中

今晚見唔係太肚餓, 諗住食少少嘢就算, 於是去咗附近買個海膽三文魚籽手卷當晚餐, 盛惠$74.外賣拎到返嚟食都只係相隔5分鐘左右, 但係塊紫菜係已經完全腍晒, 我已經有少少失望... 估唔到食食吓竟然食到頭髮, 真係超級嘔心囉! 搞到我舊手卷食到一半都無再繼續食, 大半舊手卷白白掉了落垃圾筒, 嘥晒啲嘢😡. 真係有無搞錯呀, 你身為做壽司手卷刺身呢類理應格外講求衛生嘅店舖, 衛生情況竟然可以咁差, 真係嚇人, 我以後都唔會再幫襯囉.

同朋友想去食蠔 黎左呢間只有企位的小店問店內的A店員有咩介紹 回應態度已經唔多有禮貌都算之後我朋友本身wu 低左少少身睇緊蠔突然後面個男人撞到佢原來係店入面另一個B店員佢要行入鋪頭但當時我朋友擋住了入口的位置B店員（男）痴到我朋友（女）勁埋真係嬲‼️你要入去既一係出聲叫人借借一係就等下而唔係咁痴到人勁埋囉🤬個條「la」唔通你覺得可以sip入去⁉️🤬我朋友一起身就比佢撞到成個人企唔穩坐左個人落佢度撞到人仲要一句sorry都冇都唔知係咪有心我朋友走左先話我知以上事情如果我一早知根本唔會幫襯D9佢即走仲要食左$232以後都不會幫襯

有朋友係銅鑼灣收工，果陣打俾我地大約 11點左右啦，問我地食唔食宵夜呀？食生蠔呀？我地話，咁夜仲有咩？佢就帶咗我地去告士打道，就世貿中心後邊。食間即開即食嘅生蠔。咁我地就叫咗 6隻 韓國蠔呢。佢話係法國蠔種，但韓國養殖。就 $14隻，超抵食。咁呢個係立食店、或者係外賣店嚟。6隻蠔都係為到 $84，連埋開蠔費100蚊有找。咁生蠔海水金屬味重，唔算細隻。我地再配罐啤酒就啱啱好。企係度，吹下水，吸下海風，係幾爽嘅感覺。

外賣自取買咗個三文魚親子丼黎試，因為見個圖好吸引就想試下。返到屋企打開睇，d蝦超細隻，食落去都唔係幾新鮮。之後d三文魚、帶子，我都食唔到咩味…. 因為我落曬佢俾嘅芥末（我平時好食得芥末，但今次出事喇….. ）。佢d芥末唔辣亦都冇咩芥末味，但勁勁勁嗆鼻！我第一次食丼食到又流鼻涕又流眼淚，好彩係喺屋企食啫。因為唔想浪費，最後喊著食曬咗。想親身試嘅朋友，絕對絕對唔好落咁多芥末！最後想講，呢個價位，我有食過比佢新鮮好食嘅。

成日行過都見呢間好多人買，今日有個愛蠔朋友帶靚白酒上黎,試下啦：套餐好低食，但細隻韓國蠔比較多，店主介紹下：買左2種法國＋2種日本，法國1大1細蠔味/海水味都係淡口少少，日本價錢每隻貴幾蚊～2款都外型脹卜卜～蠔味/海水味充足😋😋👍👍物有所值😘牡丹蝦約$15隻，1盒4隻蝦身起左壳算低食，食落有蝦味～新鮮～肉質鮮甜～黏口😋😋

喺銅鑼灣告士打道都可以食到親民價嘅手卷，絕對要感恩。通常食手卷我都會分三樣嘢評分：紫菜，飯同刺身，熊築地呢個甜蝦三文魚腩手卷雖然唔稱得上驚為天人，但係各方面質素平平穩穩，唔錯。首先塊紫菜係脆嘅（呢樣好重要，因為一腍咗就絕對影響口感）；其次，飯粒黏度控制得唔錯，醋味亦唔算重手；最後就係三文魚腩同甜蝦，份量唔算孤寒，食落亦算新鮮肥美，以呢個價錢嚟講，絕對收貨。

有無試過行行下街想食生蠔😏🦪🦪🦪呢到除左🍣壽司刺身手卷之外 仲有唔同國家既生蠔選擇🦪價錢平 又有質素 仲好大隻添絕對唔係某啲食生蠔餐廳等將貨就價最平$14/隻 都唔會係又瘦又細隻個d開蠔好快手 又新鮮 即揀即開即刻有得食😋唯一缺點係冇得坐 堂食只可立食😌希望將來佢開間大D既舖 有位坐住食啦

呢間之前已經食過幾次連之前去附近酒店staycation要買外賣返去食個人覺得最出色係佢哋啲即開生蠔！🦪佢哋有唔同嘅大細分唔同嘅價錢有來自唔同嘅產地🌎可以比客人自己選擇✨不過如果你選擇既開嘅話要加番10% 費用-呢度揀咗兩隻$19 兩隻$28 兩隻$49🦪明顯地最大嗰兩隻就係$49 如此類推生蠔超級鮮甜 😋唔需要配檸檬汁同茄汁都好正食到生蠔嗰陣最原本嘅味道😚$49嗰款生蠔大隻到一啖食唔晒放落口嗰下超級滿足🤤🤤不過真係冇對比就冇傷害我哋由大隻嘅生蠔開始食先食到去最平 即係最細隻嗰隻真係好大分別😂 雖然同樣都保留住即開生蠔嘅鮮甜但係明顯地冇咁大滿足感味道多有明顯嘅落差所以真係寧願俾貴少少享受下-另外都試咗佢哋嘅手卷手卷就正常發揮刺身都算新鮮 以呢個價錢來講都算唔錯-可能因為店舖主要係街邊俾人企喺度食隔離都得一個垃圾桶所以都比較多蚊螆仔喺度飛來飛去😕佢個豉油樽身都有啲黐立立環境衛生方面就麻麻不過食物衛生方面還可以 暫時食咁多次未試過食完肚痛

本身同朋友都好肚餓，諗住去Sogo 後面買嘢食，點知行錯路，經過見到呢間同呢天神門面好吸引。我就即刻去左熊築地買咗個丼同海膽手卷。啲壽司飯唔熟，有生米，個親子丼啲三文魚無三文魚味、帶子有海水味但都係無帶子味，整體好難食。真心係人生食過最難食嘅壽司。本身好鐘意食海膽，叫左個海膽59蚊手卷，啲飯都係唔熟，海膽只有少少，完全唔似張圖蓋滿表面，可以清晰見到白飯。而海膽唔太新鮮，不過係香港係好難食到鮮甜味，呢個唔怪佢，但單係飯都唔熟，啖啖都咬到硬粒，真係一邊食一邊好想嘔。 別天神也不是善類，我朋友都覺得好難食。

宵夜恩物☺️大件夾抵食 仲要平靚正 生蠔🦪必須食 即叫即開 好新鮮😍鵝肝手卷真係無得輸熱辣辣 全個口都充滿住鵝肝既甘香 油香四溢😋加拿大海膽手卷 好鮮甜👍食到底都有海膽😌

男朋友特登帶我黎食因為知我好中意食海膽，佢呢到出名成板海膽放落去去手卷，超級重料好吸引，勁好食😂😂首先食左個59蚊一整格既馬糞海膽手卷，質感非常滑溜溜，仲有淡淡既海水味，最正係咩啊？係有勁濃郁既海膽鮮甜味！對於我呢啲海膽fans簡直好似去左天堂咁😂😂佢仲有其他手卷都好抵食都只係廿幾蚊，唔係男朋友推薦都唔知銅鑼灣有間咁平靚正既手卷店之後我地仲叫埋即叫即開韓國生蠔，每隻都只係14蚊，即開會有10％費用，細細隻但同樣勁鮮甜，加檸檬汁仲正，推介👍

因為男人晏就食左放題唔肚餓唯有搵冇最低消費野食見到生蠔。。。。最少6隻所以食唔到赤貝壽司(最少6件)。。。。個女仔:你地兩個食?我好可憐)唔係。。。佢唔食。。。Wow上左第一係法國皇沙卡雅:最肥美,creamy同甜甜地,正上中間係雪梨:本身店主話最甜,但一食好咸,但入到口慢慢甜味出黎,好surprised!!!!上左三係法國蠔種韓國養殖:咸。。。要加檸檬汁先好味啲😝😝😝😝都係一分錢一分貨。。。但中間價既雪梨品種好食啲。。。。

秋高氣爽，特別想食好東西。知道銅鑼灣有此小店專賣生蠔，壽司手卷的，特意前來外買生蠔回家吃。鋪面細細，因為要麻煩師傅們幫手開蠔(需另收加一服務費)，所以預先打定電話落order，省去少少等待時間。點選了combo A , 再另加2隻$39 的生蠔。$14 以下的生蠔，就真係好一般的一般，始終一份錢，一份貨。$19 和$29 以下的生蠔，味道ok。$39 的生蠔，肉質飽滿，海水味濃道剛好，真係冇得輸。成個set 有茄汁，膠手套，兼大量檸檬附送。下次叫一打Size N00的生蠔都不為過

銅鑼灣一向小食店多，以壽司小店做小食店較少，依間壽司小店手卷不錯即叫即整，當小食買手卷食依間小店除左手卷、壽司仲有生蠔🦪賣手卷仲有好多款式，有拖羅、魚籽、海膽、三文魚等，可以配搭不同刺身可以配想食既刺身，都係平民價錢生蠔以小食店黎講吾錯，而且有幾款簡即叫即開即食🥢小店門口有企枱位，買完可以企係度食，但繁忙時段企位要等如果想堂食就最好平日黎試，或吾好簡假期時間就可以等到企枱位，享受即開即食生蠔服務員友善，亦會推介小店食物，客人吾會心大心細吾知買乜好

今次特登黎食生蠔都算多選擇既，有加拿大，法國，日本，美國...除佐法國蠔，我會揀jumbo !!! 呢間既jumbo 係加拿大既，$39一隻！要佐兩隻雖然蠔味無法國嗰種甘勁，但係始終不失jumbo 食落去既口感！好滿足！39蚊隻，算ok既！另外揀佐一款美國，一款日本x2, 一款法國日本蠔同法國蠔個味好唔同，法國蠔始終海水味同金屬味都相對重啲，但係法國蠔通常都好似細隻啲甘！美國嗰隻18蚊，無乜特別 🤣總括黎講，我鍾意法國嗰款同加拿大jumbo多啲呢間熊築地只做外賣，有兩張圓檯俾你企喺度食，見到佢都有其他手卷同魚生飯，見到人地食魚生飯好似都幾多魚生！下次可以試下！