煲底海鮮火鍋料理 (已結業)

係屋企食完火鍋，未夠喉！少左秘制的醬料及特色丸，心掛掛為食癮又起，咁辛苦搵錢，當然要同屋企人去搵間高質的火鍋犒勞自己。今次尖沙咀火鍋選擇都好多，屋企人其實有好多樓上鋪的火鍋都好高質，所以佢拍板，揀左煲底海鮮火鍋。🌟#杏汁豬肺湯暖冬之選，一定要揀潤澤心扉的湯底，杏汁味唔算濃，好香，岩晒我！每一啖都好香，好滑，真係好飲！必試~🌟#牛爪邊火鍋點少得牛肉，牛爪邊雪花均稱，牛脂味唔重，肉味濃，入口即化，好食！值得欣賞係份量十足，算抵食！🌟#豬頸肉擺盤用心，好靚，味道亦不錯，爽脆清甜。🌟#秘制爆汁丸雞肉酒心丸，梅菜豬肉丸，芝士蝦丸，流沙墨丸，每款2粒，好鮮甜爽口，食得出是鮮肉制。但真係好Juicy~小心燙親~🌟#蟹黃飽滿滿蟹黃，鮮香惹味，超好食。🌟#前菜小食︰#酥炸蝦油條+冰火魷魚蝦油條好香口，入口酥脆，蝦Q彈，唔油膩，好好食。冰火魷魚好惹味，唔會太辣，好開胃。🌟#紫貝天葵不得不讚，用料足，味道佳，甜味淡，好健康。飲過咁多次的紫貝天葵，呢家真係算用心！今晚食得十分滿足，環境舒適，座位寬闊，最重要係食物質素高，值得encore~

椰子花甲蟹鍋 $229就咁望啲湯係濃度好高嘅奶白色，飲落去果然係好香濃嘅椰子味，仲帶鮮甜嘅海鮮味道，建議淥嘢食之前要飲返碗先潮牛 $319吊龍係指牛背脊內側，吊龍伴係吊龍下一小部分嘅肉，即係肉眼邊，係肉同筋膜中間，肉質肥美，多肉汁，牛味濃自家製蟹皇包 （半份）$69有啲似一隻脹卜卜嘅小籠包，一咬落去係會爆湯汁，加咗蟹皇，係升級版嘅小籠包流沙墨魚丸（半份）$64中間係嘅流沙咸蛋黃，彈牙得嚟味道有驚喜冰火魷魚 $109呢個魷魚係即食嘅，口感滑溜爽口，有種冰涼嘅感覺，醬料辣辣哋又惹味，加埋就係冰火，呢個做開胃菜唔錯花樣油條 $79脆卜卜嘅油條入面包住嘅係蝦滑，食法似響鈴，浸幾秒就拎返上嚟自家製墨魚韭菜餃(半份）$45加入咗墨魚嘅韭菜，口感有提升金桔熱情果四李春 $98呢個好飲又同解膩醬油費 $18除咗一般嘅醬料，仲有幾款自家醬料，例如黃薑豉油同自家製xo醬埋單先知餐廳做緊優惠有9折

今日收工無意中發現呢間樓上火鍋店地址位於金馬倫道一幢商廈3樓地點非常方便上到去嘅時候比一般火鍋店企理環境好乾淨 空氣唔會好侷促 而且裝修得好靚睇得出老闆好注重細節位上到舖頭一出𨋢 見到流水座冇多餘嘅雜物 第一個印象已經好好講到食物見到佢哋嘅火鍋有好多湯底真係好難揀 傳統嘅創新嘅都有相信每一個人心目中都會有佢想食嘅湯底可以滿足晒所有人 今次揀咗佢哋椰子花甲蟹湯底 初初飲比較清淡都打邊爐，打到尾聲嘅時候 再飲嘅時候，確實好鮮甜 飲完都唔會好頸渴 唔係味精湯嗰隻加上佢嘅湯底裏面已經有晒花甲螃蟹粟米蘿蔔同秀珍菇 所以真係性價比好高 可以嗌少幾樣餸而佢哋嘅食材都好新鮮最令我印象深刻嘅係佢哋有四寶丸 酒心雞肉丸 同流沙墨魚丸 芝士蝦丸 梅菜豬肉丸 四隻都好好食 而且呢個組合 真係好少見 好有噱頭 老闆喺研究新菜式方面 都非常用心 椒鹽粟米同孜然單骨雞翼都好好食 大家一定要嗌嘅 我覺得係 無骨醉豬手 醉雞就食得多 豬手嘅味道同口感一流 重點係冇骨同埋配菜涼拌雲耳都非常好開胃 所以下次一定要點 服務質素都好好 定時會有人行過嚟跟進我哋嘅食物 同關心我哋食後感冇諗過喺呢度都會受到五星級酒店嘅服務而且

🐽 杏汁香菜豬肺配秘製牛湯沙嗲鍋豬肺配上杏汁的獨特風味，絕對係滋陰補腎既好選擇；秘製牛湯沙嗲鍋鮮香濃郁，食落有好濃濃嘅沙茶風味🐽 牛肉拼盤牛肉切得薄而嫩，入口即化。牛肉嘅油花分布亦都好平均，放落沙嗲湯底度食絕對係沙嗲牛肉嘅高級版🐽 流沙墨魚丸墨魚丸好有驚喜，每一淡都有流沙內餡。墨魚丸本身口感彈牙，搭配流沙內餡好特別！🐽 墨魚釀豆卜墨魚釀豆卜結合左墨魚和豆卜。墨魚的鮮美和豆卜兩個唔同口感完美融合🐽 自家製蟹皇包自家製蟹皇包麵皮好薄，內餡則是用新鮮蟹肉和特製的蟹黃製成。每一口都充滿左蟹肉的鮮甜和蟹黃的濃郁🐽 自家製墨魚滑絕對係海鮮愛好者的最愛。食落口感好爽彈，搭配埋自己調配嘅調味料，更加突顯墨魚的鮮美和原汁原味

尖沙咀足料樓上火鍋店 — 煲底海鮮火鍋料理 今次嚟到尖沙咀嘅樓上火鍋店，店內環境入邊光鮮企理，坐得都舒服！秘製麻辣鍋拼杏汁豬肺湯($169)杏汁豬肺湯嘅杏汁味唔會話好濃，但飲落好清香、好滑，仲有好多豬肺喺裏面，好似滋補靚湯咁，幾好飲！牛爪邊(細)($319)爪邊其實是牛脊骨伸延的肋條，跟人嘅肋骨差不多，有保護內臟嘅作用。食落比較瘦，帶有咬口，肉味濃、牛脂味唔重自家製蟹皇包 (半份)($69)係升級版嘅小籠包，淥六、七分鐘左右就食得，一咬落去係會爆湯汁，加咗滿滿嘅蟹皇，蟹味都幾濃！鹹蛋黃炸魚皮($129)炸得好卜卜脆，每塊魚皮都沾滿鹹蛋黃百花釀魚肚($139)爽口彈牙！自家製墨魚腐🦑味道好鮮、夠大舊！蔬菜拼盤($69)金桔熱情果四季春($98)味道酸酸甜甜，好解渴！地址：煲底海鮮火鍋料理 尖沙咀金馬倫道38-40號金龍中心3樓。#goeat尖沙咀火鍋#尖沙咀美食#尖沙咀好去處#煲底海鮮火鍋料理#尖沙咀打邊爐

聽朋友介紹個個都話好高質，所以試吓尖沙咀煲底海鮮火鍋🍲嗌咗個竹笙冬瓜花膠湯，湯底嚟到嘅時候嚇咗一跳大大隻雞，仲要即刻係你面前剪開水滾嘅時候，已經忍唔住要飲返碗靚湯海鮮真係好新鮮呢度特色嘅醬料同埋自家製嘅餃子都好高質！食過真係同其他打邊爐，真心可以值得再訪

朋友介紹的寶藏餐廳初試新品火焰龍蝦湯很好吃，底料非常多，整個用餐非常滿意👍他們牛肉種類也很多，望住餐牌，真正眼花撩亂，所以還是聽店員推介！環境：很乾淨，很舒服。沒有火鍋油油的感覺服務:很有禮貌和細心

冬天咁凍就梗係打邊爐啦，放假嘅時候我就去咗煲底度烚吓烚吓，湯底叫左金湯花膠鍋，花膠就梗係好養顏，配合雞嘅香味好正，雞嘅肉質都唔錯頂級手切安格斯肥牛（小）：比較濃嘅牛肉味，脂肪比較少蟹皇包（半份）：蟹肉同埋芝士混疊出嚟嘅感覺＇彷彿好似食緊西餐墨魚腐（半份）：口感比較軟，帶少少墨魚嘅香味椒鹽粟米：相當惹味嘅小食，椒鹽好香百花釀魚肚：魚肚上面嘅就係蝦滑，魚肚爽彈，蝦滑相當有誠意紫貝天癸：酸酸甜甜，打邊爐嘅時候飲一流

椰子花甲蟹鍋材料份量十足！花甲吐沙乾淨，蟹肉厚身，入面仲有蘿蔔粟米同菇類，椰汁🥥既甜味煲曬岀來，係開始打邊爐前都要飲翻碗先！潮牛 牛頸脊牛味極濃，肥瘦適中每次打邊爐一定要有牛牛！炸午餐肉 卜卜脆勁香口！自家製蟹皇包(半份）呢個蟹黃包淥左六，七分鐘，入面滿滿蟹膏同蟹肉，食落會爆漿！蟹味都幾濃！爆汁四寶丸最印深刻係入面既芝士蝦丸濃濃芝士味好正😋澳洲黑豚肉我地叫左細份，份量都算好多！冰火魷魚作為前菜，尤魚大大塊好爽口，而且辣得來好香，忍不住食完一口又一口冰搖蜜糖檸檬茶桂花玉露入面有柱花 雪梨🍐 ，岩打邊爐下火！

打邊爐要有個煲～ 煲底就黐住個爐～ 煲面就裝住湯底～ 至於湯底….. 清潤解燥得嚟打卡又靚嘅冬瓜盅湯底你又啱唔啱呢？天氣涼涼地，今次同朋友嚟咗✨煲底海鮮火鍋料理，嘩～ 一入去～成間舖周圍都貼滿Mirror嘅應援，睇嚟店主都係鏡粉喎😆！打開餐牌，都幾多嘢揀～ 最特別嘅係佢仲有廚師發辦，證明店家係對自己嘅食材好有信心、令客人享受到最優質同新鮮嘅食物！咁又講吓我哋食咗啲咩先～ 首先，梗係揀咗唔同嘅調味料先啦😆當中三款唔同口味嘅XO醬係最正！🍲竹笙花膠冬瓜盅鍋Wow!!! 非常打卡able🤭 冬瓜上面有半隻雞，雞上面係素翅~湯底以雞、花膠、紅棗、松茸等精心熬製而成，夠晒清甜滋補呀！🦑冰火魷魚（辣）呢個開胃菜都幾特別～ 冰凍魷魚加上惹味辣汁，製造出「冰火」效果！🫔花樣油條以新鮮蝦滑釀入油條再炸～ 脆卜卜就咁食又得，1秒索湯濕濕地又另一番滋味～ 夠晒香口我超鍾意食呀😁🐮潮牛（小）今日潮牛既精選部位係牛頸脊～ 係牛牛經常活動既部位之一，油花分佈平均，肉味較濃有咬口～💦爆汁四寶丸好似我咁鍾意食丸又多心嘅，叫四寶丸就啱晒啦，而且爆汁得好有創意！ 🦐蝦丸配芝士漿，🦑墨魚丸配流沙蛋黃漿，🐔雞肉丸配花雕酒汁，

有mirror應援既打邊爐不過我地一行人都唔係鏡粉職員好友善，超級多湯底，湯都好好飲，就咁飲都唔錯蝦水餃／蝦雲吞好出色，蝦肉大隻，爽口彈牙有蝦味，唔係得個彈字果種牛肉都幾好，軟淋濃牛味至於其他食物質素正常發揮，冇食過特別難食既佢都有唔少熟食，熟食都炸得唔錯，乾爽香脆餐廳好大不過人唔算多，可能因為我係平日夜晚黎其實整體唔算好差，特別係服務好友善，不過佢cp唔高，冇食海鮮只係叫左一盤牛，4人正常食量，酒只叫左2杯啤酒既情況下都埋單人均五百幾

今次去嘅係尖沙咀打邊爐餐廳，位於金龍中心3樓，環境闊落、舒適。湯底叫左出面少見嘅菜膽肘子燉翅裙雞鍋好足料，而且味道濃郁❤️鍋入面有雞、翅裙同肘子（即豬肉）都好多，食落啖啖肉。配料肉類點左牛爪邊，賣相吸引，脂肪分佈均勻，肉質嫩滑，亦係餐廳一大賣點。冰火魷魚🦑用咗秘製辣醬🌶️，香辣之餘入口亦好彈牙。墨魚韭菜餃韭菜味香，餡料飽滿。四寶丸一共八粒，有四款口味，丸嘅餡用料別出心裁，分別係芝士🧀海蝦、流沙墨魚、梅菜豬肉同酒心雞肉。四寶丸入口多汁, 味道令人驚喜。另外叫嘅兩杯特飲🍹，煲底賓治同桂花玉露味道爽甜，係配火鍋嘅佳品, cheers ꧁☬小編食左咩☬꧂✅菜膽肘子燉翅裙雞鍋✅潮牛（小）✅墨魚韭菜餃（半份）✅爆汁四寶丸✅冰火魷魚（辣）✅煲底賓治✅桂花玉露(◔◡◔) ♥️ 人均傷害💰：~ $400 ♥️

訂了枱週末晚4人打邊爐，不需要等已經可以入座。安排了一張卡位枱給我們，位置寬敞舒適，只是冷氣間中太凍。雖然理論進餐時間係2小時，但唔滿座，冇催我們埋單一直由食咗3、4小時，可以盡情傾談。各員工都很殷勤和有禮，非常滿意。食物方面很美味且美觀，選了椰子海鮮湯底，先飲湯食海鮮😋後加豬骨湯開始打邊爐。叫了海鮮拼盤，新鮮美味。潮牛双併，肉質柔軟有牛香味😋。蟹粉湯包有香濃蟹粉和蟹肉，推介🤤。包芯丸和蝦滑都好彈牙。叫了7款食物，平均每人$500。

❤️‍🔥呢間港式火鍋店素有美名，Bookmark 已久但一直搵唔到時間黎試，今次同朋友終於夾到期黎食啦！🎇🎆🔹 椰子花甲蟹鍋入秋後打邊爐都想揀返啲養生少少既湯底，見到呢款椰子花甲蟹鍋就忍唔住點黎試下～🦀一大煲乳白色既椰子湯，浸泡住一隻花蟹及無數花甲，滾泡後傳來陣陣椰子甜香，淨係湯底都可以好飲到令人飲唔停 😖😖 浸泡不同既火鍋料都無違和感～至於花蟹，早被剪成不同既小部分，夾上黎食都可見蟹肉爆出，一湯二食，實在不錯 💜🔸 潮牛（小）話係細份，實情係一大碟、份量十足既牛肉，顏色嫩紅帶片片雪花，淨係睇出眾既賣相就知絕非普通肥牛之流。果然煲滾後食用，就算點醬食亦不能蓋過濃厚突出既牛肉味，而口感亦係柔軟嫩滑。簡評：靚牛 💜🔹 自家製蟹皇包（半份）以蟹肉混合鹹蛋黃作為內餡而成嘅蟹黃包，食嘅時候味道極為濃郁，不過稍嫌有啲膩濟，多人分食就岩哂～🔸 酒心雞肉丸（半份）雞肉丸泡滾後食用，雞肉丸鮮美彈牙，最特別係丸子內藏清酒，食食下可以品嘗到酒香，感覺相當新奇 👅.🔹 花樣油條一份 6 條，墨魚滑 Mix炸油條，滾一陣係油條半脆半軟之際食，既有雙重口感，又可食到爽滑既墨魚滑，nice！👍🏻🔸 冰火魷魚（辣）餐廳

今次識得上嚟係因為識食朋友推薦，度度都有得打邊爐，但呢度既食物款式同埋自家製嘅餃子小吃都好高質，食過之後都覺得與別不同，值得再訪！ 🤍菜膽肘子燉翅裙雞鍋先飲一碗真材實料、香甜無味精嘅滋潤雞湯先開始打邊爐，入面真係有三四塊又肥又厚既魚翅架！雞肉夠滑，湯底仲加埋紅棗，秋冬天必點。🤍潮牛（爪邊）第一次食爪邊就愛上了🥹🥹牛肉邊緣帶有一點點簿筋膜，略帶爽身有咬口，鮮甜味美；牛肉既部份脂肪均勻，超級好食！🤍花樣油條油條釀上蝦滑再拎去炸，脆卜卜係無人不愛嘅小吃🤍自家製黑松露帶子湯包大推！黑松露味係驚喜的濃郁，加上鮮甜嘅帶子，整個配搭無可挑剔🤍自家製墨魚韭菜餃大推！皮薄餡靚，估唔到韭菜加墨魚嘅口感會係咁正，香之餘又有咬口🤍椒鹽粟米爽口鮮甜嘅玉米披上一層薄薄嘅椒鹽炸粉🤍金桔熱情果四季春酸甜度適中，後調滲出茶味，絕對唔係勁假死甜嘅飲品