焼き鳥。来

營業中

休息中

#chuchu食在荃灣📍 焼き鳥。来 喺荃灣做完嘢，食飯前去左路德圍醫肚！見到有間串燒，好香就吸引左我過去！即叫即燒！又可以嗌幾串頂下肚！💡見到有promo Follow Like Share ig 比3個朋友即刻可以用$9換生蠔！—————————————————————❣️ 雞軟骨串 $15食串燒嗌雞軟骨是常識吧！雞軟骨每串4粒，粒粒都好有咬口！鐘意佢個自制汁！.❣️ 豬頸肉串 $18燒得外面焦香，唔油膩幾有咬口！加埋啲自制汁好食！.❣️ 紫蘇無骨雞中翼 $23推！！一串有2件，燒得皮脆入面好juicy，起左骨啖啖肉，無骨真係好方便！入面仲包住紫蘇葉，好夾！.❣️ 雞皮 $15脆卜卜！勁正，燒到啲雞油逼晒出嚟，完全冇油膩感，又唔會有燶味.💬即叫即燒，都要等一陣間！—————————————————————不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 焼き鳥。来 (荃灣)荃灣荃興徑10-18號富榮大廈地下11號舖👉🏻太子九龍城元朗都有分店！🕑營業時間: 13:00-00:30——————————————————

✨日本雞皮串雞皮燒得乾身 唔油膩脆卜卜 甘香可口✨雞軟骨串雞軟骨 軟骨爽脆 帶少少油脂✨雞全翼串雞全翼大大隻 皮脆肉嫩 夠入味 必食推介✨豬頸肉串豬頸肉 肉質結實 口感帶爽醬汁味道甜甜地 好惹味✨芝士竹輪魚蛋芝士竹輪魚蛋 口感彈牙一咬爆芝 芝味十足 唔錯✨焦糖燒菠蘿就算係外賣 都排得好靚仔菠蘿焦香 味道酸酸甜甜 好醒胃 解解膩都唔錯總結：即叫即燒 種類選擇多食味可以 環境正常 雖然以外賣為主 但旁邊都有少量座位供堂食服務唔錯 價錢可以 可以一試

荃灣一向都係美食天堂，路德圍嗰邊更加多小食檔，個邊開咗一間串燒店，當然唔可以錯過啦，見到poster寫住只要like and follow 社交平台 及tag 三個朋友，就可以用優惠價$9叫蒜香燒生蠔🦪一隻，真係好吸引依間舖頭叫外賣又得，堂食都得，堂食嘅話有四至五個座位✨金菇肥牛卷串$25金菇同埋肥牛，可以話係絕配，肥牛生熟程度整到剛剛好，燒汁非常惹味✨雞軟骨$15超鍾意食雞軟骨嘅口感，好爽脆，食到索索聲✨豬頸肉串$18豬頸肉肉汁豐富，肥瘦度適中，油脂感突出，但又唔會過分肥膩✨一口炸芝士（3PCS）$28芝士粒炸到非常香脆，芝士有拉絲嘅效果，車打芝士味非常之濃郁，鍾意食芝士嘅朋友必定要叫✨免治雞肉串配日本蛋$38雞肉裡面有粒粒雞軟骨，雞肉串燒到每邊金黃色，配合埋橙黃色嘅蛋黃一齊食，好creamy

是晚約咗朋友喺荃灣食飯！未夠鐘開飯已經肚餓😜就去出名掃街嘅荃興徑買啲小食先🍢見到有間賣日式串燒嘅小店！食住醫吓肚先！柯打完之後見店員即刻落手燒！燒好再放入鍚紙袋！以確保食物外帶都保持溫熱👍🏻. ✨牛肉串🐂肉味香濃！肉質一啲都唔難咬👌🏻. ✨京葱雞肉串經典配搭組合☺️☺️多汁京葱+肉嫩雞肉！令人回味無窮嘅滋味！！. ✨雞全翼串皮脆肉滑🐔尤其搽上咗滿滿燒汁喺表面再烤！惹味非常！. ✨蒜蓉牛油燒雜菌推薦款🎈將金菇, 冬菇, 本菇以蒜蓉牛油調味再烤好並加入調味粉！乾身得嚟唔會太dry！味道非常之好😍😍

平時好鍾意食燒烤，貪口痕一串串好好食！今日經過荃灣見到新開嘅串燒店，全部係即叫即整，非常之新鮮，遠處就聞到香噴噴嘅燒烤味，令我忍唔住走去幫襯吓！價格方面其實都超級抵，我只係用咗$100就買咗好幾款嘅串燒！俾我想像中好食又驚喜，而佢嘅燒汁都特別處理，調味適中又唔會太過搶😍我就叫咗以下幾款串燒：⭐️雞軟骨雞軟骨燒得好香脆，永遠都唔會厭嘅口感😂雖然明知佢係骨，但就係忍唔住會想食佢！⭐️京蔥雞肉串京蔥雞肉係當中嘅出色之作，本身呢個配搭都唔會輸，而且佢用嘅勁蔥味道已經好香，加上雞肉同佢嘅烤汁，簡直係絕配⭐️洋蔥五花腩肉串我鍾意佢五花腩肉肥瘦適中，再加上洋蔥嘅味道中和左嘅肥膩口感。⭐️金菇肥牛卷串金菇肥牛卷又係一個永遠唔會輸嘅配搭，再加上金菇吸晒佢嘅燒烤汁，令到成個串燒更加惹味😜⭐️芝士竹輪魚蛋芝士竹輪一咬落去就爆晒汁，而且魚蛋本身個口感都好彈牙！

荃灣呢條食街最近開咗間串燒店，望見師傅嘅手勢，忍唔住整返幾串過吓口癮原來都幾多嘢食，除咗串燒之外都有便當、炸物等嘢食師傅用火烤慢烤，平均等候時間為15分鍾🐓京蔥雞肉串 $15-燒汁搽係雞肉上面 肉微嫩🫀日本雞心串 $20-雞心爽口 有種甘香味🍗日本雞腎串 $20-雞腎同樣爽口 🐤雞胸脆骨 $28-鍾意食軟骨爽口口感 微微🐖豬頸肉串 $18-豬頸肉串食落有少少羊肉串感覺 微微焦香總括嚟講，味道可以，過吓口癮唔錯

荃灣新開咗間串燒店，有次行過見到好似幾正，今日想食輕食，所以決定叫幾串嚟過下癮🤩🤩⭐️日本雞心串好好食，好爽口，無啲腥味👍🏻👍🏻唔錯⭐️京蔥雞肉串雞肉啖啖肉，好好食，配上京葱好香口😋😋⭐️洋蔥五花腩肉串呢個超好食，五花腩啲油脂咇晒出嚟，同洋蔥好配搭，五花籃唔算太肥，啖啖肉👍🏻👍🏻⭐️紫蘇無骨雞中翼無骨真係好正好方便，中間釀咗紫蘇，好香，推介！😋😋⭐️燒菠蘿食串燒我必定揀燒菠蘿！多汁又夠甜，最後先食當食甜品咁，好滿足🤗🤗

荃灣即叫即燒串燒店 — 焼き鳥。来 今日喺荃灣行街經過荃興徑，就喺附近掃下街，見到燒き鳥喺呢度開左間分店，喺太子、九龍城同元朗都有分店～呢度嘅串燒係即叫即燒，可以堂食或外賣，今次路過就買咗幾串試吓～$100左右就可以食到幾串同嘅燒物～豬頸肉($18)燒得好香，咬落彈牙免治雞肉串配日本蛋($38)加上蛋汁一齊食，食落更滑溜，亦配上左醬汁，味道甜甜地，同雞肉串好夾～燒墨魚鬚($20)好爽口！厚切牛舌($48)勁大舊🤣🤣成隻手指咁厚！好抵食😂😂地址：焼き鳥。来 荃灣荃興徑10-18號富榮大廈地下11號舖。

呢間荃灣新開日式串燒店開喺路德圍嗰邊，平時掃街可以過黎食，佢亦有幾個堂食位，都幾方便，行過嚟已經勁香，標榜即叫即燒，一定係熱辣辣送上嚟Menu 上有各類串燒，雞/牛/豬/蔬菜/海鮮咩都有今日試左紫蘇無骨雞中翼，超貼心☺️☺️勁方便，每一啖都係肉，好嫩滑，又唔會到太乾，牛肉串大大串，燒完勁有火喉味，仲試左燒墨魚鬚串，牛油燒粟米，都好惹味😋😋😋除咗串燒之外，仲有炸物同便當set，鰻魚便當、金菇肥牛卷便當、日式炸雞便當，lunch過黎食都有好多選擇！！

今日行經荃灣荃興徑，餓餓地諗住搵下附近有D咩好野食，發現原來焼き鳥起呢度開左間分店。呢間日式串燒店太子、九龍都有分店，原來依家黎到荃灣，我好鐘意佢嘅蔬菜串，蔬菜新鮮，加上醬汁，真係又香又惹味。-我輕輕叫左6款過下口癮，分別叫左韮菜、冬菇、翠玉瓜、豬頸肉、雞軟骨、金菇肥牛卷。燒得好香，加上餐廳特製嘅醬汁，味道好吾錯。我特別鐘意冬菇串同豬頸肉串。冬菇本身濃郁嘅香味，加上特製醬汁，食落好惹味。而豬頸肉肉質肥瘦比例岩岩好，咬落彈牙有口感。

今日一個人經過荃灣，之前朋友都話好多美食啦，果然真係好多餐廳呢！而我因為就被一間好香嘅串燒店吸引咗😌😌😌！.細看這間串燒店的餐牌好多款式選擇啊，而且價錢亦平😍，我立即都下單了～～串燒不可不試店舖皇牌產品，包括 紫蘇無骨雞中翼、日本雞皮串、雞尾串😚😚😚，都好少在其他串燒店見過也未食過！.我今日自己一個人叫了5串😊😊 ，非常滿足嘅寫意外賣午餐！.#紫蘇無骨雞中翼無點錯～紫蘇葉夾在雞翼中，有紫蘇香同時減少肥膩感！雞肉燒完都好.#日本雞尾串未見過、未食過，係有少少肥😛，但超級好味多汁.#焦糖燒菠蘿🍍超級推介～要點！菠蘿燒完仍然非常多汁而且好鮮甜，係燒物中嘅首三位！.#雞軟骨串好香又燒得剛剛好，不會過硬😬😬 如果送酒一流！.#金菇肥牛卷串肥牛香、金菇吸收哂牛肉汁👍😚自己一個食一串不多！.食串燒一班朋友食開心自己一個在海邊食都開心🥳依家仲有Like & Share 加$1多1隻雞全翼和免費飲品😍😍抵上抵！

有時最鍾意食吓串燒過吓口癮 今日經過荃灣呢邊有間串燒店未見過見到佢個廚房都相對乾淨企理 師傅都有返咁上下功架買咗幾串串燒 等朋友嚟到之際 原來發現$100都可以食到各式各樣嘅燒物！免治雞肉串配日本蛋、雞腎、魚腐同牛肉串 全部即叫即燒 大概唔洗10分鐘 各式各樣 全部都包得好好地 放入外賣盒 方便乾淨又衛生 最後仲叫到一罐汽水 絕對係餐與餐之間或者宵夜嘅好選擇最鍾意食免治雞肉串加日本蛋啲蛋汁可以令到雞肉味道更加出眾 而且呢度嘅雞腎都燒得唔錯呢！

星期五要返屋企處理一啲事，所以就快快趣去買個外賣，經過荃灣見到新開嘅外賣串燒店，呢度啲串燒即叫即燒，一個人食嘅話要四至五串串燒都已經足夠。紫蘇無骨雞中翼🍃🍗 $23雞翼因為冇骨，所以口感好特別，紫蘇葉嘅味道好出位，整到個雞翼，口感清新左。金菇肥牛卷串 $25咁平時食開嘅金菇肥牛卷有少少唔同，啲金菇切到好齊，不過味道都係我正常鍾意嗰種。非菜 $13本身韭菜攞嚟燒，會好惹味，特別係加咗嗰啲燒汁。芝士竹輪魚蛋$21拎到返屋企食仲熱辣辣，啲芝士係流心，一咬個魚蛋芝士就會流出來。洋蔥🧅五花腩肉串$23五花腩肥美，啲洋蔥都幾香。落單之後等10至15分鐘，就可以拎啱啱新鮮燒好嘅串燒啦！

荃灣出名多好野食，今次燒夜搵咗間即叫即燒串燒店，全部即燒熱辣辣，外賣返屋企飲啤酒一流 雖然全部即燒，但又唔會等得好耐京葱雞肉串 $15平時唔多食京葱，估唔到原來燒過既京葱係咁甜，而且雞肉十分嫩滑金菇肥牛卷 $25肥牛厚度剛好，唔會太薄，大量既金菇吸收曬肥牛既精華牛肉卷 $30賣相吸引，香濃牛味，而且仲軟淋淋洋蔥五花腩肉串 $23五花腩肉厚度剛好，油香四溢，仲好大串雞軟骨串 $15新鮮熱辣，好香脆好咬口，送啤酒一流全部串燒都好入味，唔需要再自行加調味料

📍焼き鳥。来 (荃灣)📍荃灣荃興徑10-18號富榮大廈地下11號舖🟡京蔥雞肉串$15🟡雞軟骨串$15🟡豬頸肉串$18🟡紫蘇無骨雞中翼$23🟡金茹肥牛卷串 $25咁岩今日係荃灣返學，又趕時間食唔切餐廳，係富榮大廈個條食街見到間串燒店，叫咗5串串燒當晚餐食！焼き鳥選擇好多，我先叫咗個京蔥雞肉串，啖啖都好juicy，外皮炭燒香脆，仲有啲京蔥嘅香氣，好好食！然後，雞軟骨串都係$15，雞軟骨燒得好脆，加埋啲店家嘅特製醬汁，好正！食串串點可以錯過豬頸肉串！豬頸肉燒得剛剛好，半肥瘦，好滿足。仲有紫蘇無骨雞中翼，紫蘇同雞翼嘅結合，好香好滋味，起埋骨食得好爽！最後，我叫咗金茹肥牛卷。牛肉金茹絕對絕配。聞落勁香，味道好豐富。整體嚟講，呢間串燒店好出色！價錢平民化，每一份串串都燒得好細心！正！