烏蠅館 (已搬遷) 新店位置

朋友知我鐘意食冒菜，二話不說推薦我要黎一試。原來冒菜係四川菜之一，有點似麻辣燙，但冒菜較為少油，入口辣而不躁不膩，啱曬香港人口味。原來烏蠅館個名都有意思嘅，係餐廳食物需要做到頂級，才會被人稱為「烏蠅館」。既然被認為係一哥，今晚就試下先。餐館位於亞士厘道大廈內，店鋪以木色為主，乾淨簡潔。一入口門已聞到麻辣燙嘅香味。我地點了個小麻辣烤多寶魚，跟三款指定前菜，雞脾菇、木耳同芋絲。多寶魚好大條又滑，入口先麻後香辣，好好味。三款前菜亦新鮮、好味，吸收曬湯底味道。我地點了雪花肥牛，鴨血，寛粉，油麥菜同蓮耦片。肥牛質素比我預期嘅好，偏厚切，有牛味同咬口。寛粉亦推介，肥嘟嘟、滑嘟嘟、 煙煙韌韌咁。蓮藕片亦爽口，夾味。油麥菜新鮮、爽口，但我覺得唔太夾酵魚食，因為油掛滿菜面，裡面又無咩味。總括黎講，今晚好滿意又滿足，當我想食冒菜時，一定會再番黎。

尖沙咀。想食車仔麵。無乜地方好選擇朋友介紹食依間叫做烏蠅館。又幾好食啵58$8個餸。最重要係個湯好特別叫做藤椒食得辣嘅朋友記得叫佢比辣椒。。重好味今次試左土豆粉。有啲似烏冬。不過比烏冬煙韌。重點推介。風琴豆腐串。朔晒啲湯汁好好食😋

虽然不是地铺，他们的生意非常火爆。晚上过了七点已经不容易马上找到座位。由于是单人匹狼马，只稍等了10分钟就有安排了。一个人吃不了烤鱼，唯一选择是吃川式车仔面。材料跟外面的面店一样，大概有二十多款餸供客人选择。听朋友介绍牛腩和你贡丸都很不错，再加了二种配料。如能吃辣，下单时最求加点辣。我只要求微辣及加了一些蒜蓉，吃时带点川式口味，跟传统的车仔面不一样的风味。餐厅只收现金，如果几个人打算吃烤鱼，最好准备点现金。

突然好想食辣野，喺OpenRice發現到烏蠅館。早兩日book定枱，前一日會Whatapp你問定你有咩海鮮想食，因為要早一日預貨的！食飯時間上到去，已經好多人喺外面等位了。入座後好快就上菜，條魚已經熟，所以等一陣就有得食！嗰鍋底真係好食！又濃又辣，不過食得辣嘅朋友仔可以點大辣，因為途中會加湯的！另外，推介花甲，蝦滑，白鱔片同黑豚肉，個黑豚肉好食到好似牛肉咁。另外值得一讚就係服務，雖然好多人，但係都跟得好足，定時定候就收拾碗碟。一開始上條魚時比漏咗啲時令配菜，之後補返時有位侍應哥哥解釋返點解廚房比漏左，真係估唔到。讚！會再Encore的！

🔸三刀魚泡椒烤魚 $288🔸空運無得輸鴨血 $78🔸鮮墨魚滑 $88🔸四川寬粉 $28🔸魚皮餃 $42🔸娃娃菜 $32🔸人參烏龍茶 $18🔸新會小青柑普洱 $18-今晚嚟到朋友最愛嘅冒菜餐館，陪佢食泡椒烤魚，我都係第一次食咋！泡椒聽個名好似好辣咁，對我嚟講係真係勁辣，不過辣辣吓又好過癮～除咗泡椒，湯底再加咗大量酸菜，又酸又辣好開胃。魚身叫咗三刀魚，店員介紹話會多肉啲，又少啲骨。除咗成條魚上之外，仲會送多三款配菜：冬菇、木耳、窩荀，越浸越濃味好正！之後再加多幾款餸，推介墨魚滑好彈牙、四川寬粉掛晒湯底好味、鴨血實淨唔易散～邊食邊嗌辣但又越食越過癮😆

之前系尖沙咀搵食時，見到呢間小舖門口經常有人龍，加上名字好特別 “烏蠅館”，已經對佢念念不忘，今日終於有機會試到啦，好彩早到吾使等位。初頭見到門口招牌好好奇究竟食咩，咩叫冒菜，點解又有飲茶，經查問之後原來老闆系茶藝師，吾怪得店舖入面甘多特式茶壺，又有茶葉餅賣。冒菜就系成都特式菜。好似去左茶藝博物館招牌香辣烤魚（三刀魚） ～ 附送3樣配菜 （豆卜，木耳，芋絲），骨少多肉嘅三刀魚，香辣程度適中，店員果然無介紹錯魚皮餃，皮薄餡靚，吾會食到成口肥豬肉雪花肥牛，入口即溶，本來想叫多碟安格斯牛肉粒試下，可惜今日無貨。西洋菜餃，同樣都系皮薄，餡料十足，最鐘意就系佢地每樣餃送上枱之前都會淥過，所以吾會將個湯底攪到杰晒，值得一贊冬瓜索晒湯底嘅味道炸魚皮好好味，夠鬆脆，大塊，好有口感

真係好耐好耐無食烤魚～一坐下店員好細心介紹佢地嘅3種魚~其中一個朋友怕骨所以我地選擇了店員介紹最冇細骨嘅三刀魚(中辣嘅香辣味）每盤魚都跟3種配料~今日係豆腐卜,雲耳,芋絲，條魚真係唔多骨啖啖肉好好味😋食完條魚加水繼續打邊爐~正👍頂級安格斯牛肉~ 入口鬆化有牛肉味😋西洋菜餃~多菜少肉好味👍魚皮，響鈴~兩樣都好脆😋冬瓜~打邊爐真係好正可以索曬啲湯汁精華魚皮餃，蓮藕……其實已經好飽不過見佢個牛肉咁正本來想試埋個牛肉粒不過今日沒有留待下次再試少少题外話~見佢有好多靚靚紫砂茶壺同茶葉就多口問問，聽講老闆是茶藝師喜歡品嚐茶嘅朋友可以去試下

成日雞煲火鍋，今次轉食烤魚！為怕去到要等位，所以同朋友一早就book 定枱。基於保障食材新鮮，係用餐前一晚我地收到餐廳職員訊息，詢問我哋當日想食咩魚同海產食物，等佢哋可以有充足準備。第一次食，所以揀咗招牌香辣口味（小辣）配三刀魚。三刀魚細刺比較少，大條而且魚肉多，怕魚刺嘅朋友可以選擇呢個。烤魚會配送3個素菜，職員話日日唔同，我地呢日就係送左芋絲、豆卜同雲耳。條魚上枱時已經煮熟，等一鍋滾熱後就可以開餐！魚肉厚實，啖啖肉不過我就建議一滾起就翻轉條魚食，食左比較入味個一邊先！我個人雖然食得辣，但呢次叫小辣，因為怕辣味蓋過魚鮮味。而我覺得小辣亦剛剛好，因為醬汁會愈煮愈辣。而我同朋友另外都叫左幾個配菜，肥牛、蓮藕、娃娃菜、豆腐、豆皮結、鴨血同寬粉！每樣菜份量都ok。整體來講，我覺得性價比幾高！值得一試！

亞士厘道而家冇以前咁熱鬧，行到盡頭見到呢間烤魚店，上網睇都幾受歡迎，決定試下！平日夜晚來都真係幾好生意，全場坐滿！鋪頭除左烤魚，仲有一碗碗嘅米線、薯粉同撈麵等等，冒菜選擇真係多！好似車仔麵咁，連湯底都有4、5款選擇。 ➡️ 麻辣烤三刀魚 ($288) ⭐️⭐️⭐️⭐️ 經店員介紹，決定叫麻辣口味，佢話麻味重d幾香口咁話喎！當日贈送三個是日素菜，有雲耳、蘿蔔同萵筍。我地另外加料加左寬粉 ($28)、唐生菜 ($32)同脆魚皮 ($38)。烤魚上枱時麻辣味好香，店員提示我地焗5分鐘先開蓋，麻辣味先會出味d！所有配菜加埋一齊食，又飽又惹味。條三刀魚都算幾大條，多肉又冇咩骨，而且好嫩滑，沾埋d麻辣湯汁，食完都唔係好夠喉😝 .............................. 烏蠅館 地址📍: 尖沙咀亞士厘道38號天星大廈1樓B舖 總評分: 8.25/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️💫 抵食💰: ⭐️⭐️⭐️⭐️

今次黎呢間同媽咪食烤魚🥰以前都會同媽咪上大陸食今次就想睇下係香港食會唔會都係咁好味😂麻辣烤魚小辣三刀魚 $288呢到有六種味道嘅烤魚，另外有三種唔同種類嘅魚可以俾你地揀，睇下自己想食邊種多啲 今次我哋叫咗麻辣味烤魚小辣，魚嘅種類揀咗三刀魚🐟 因為唔太敢食多寶魚 同埋店員話多骨啲 所以就試左三刀魚啦☺️裏面已包括三款是令素材菜，今日係冬菇，木耳，芋絲。湯底偏重口味 好重蒜頭味，一開始唔算好辣但煮煮下就越嚟越辣🥵😆魚唔算多骨同埋骨都係大骨多🤔土豆粉 $28土豆粉質感好特別，有小小似彈牙啲嘅烏冬🤤超吸味，正👍🏻茉莉花茶桃膠 $15茉莉花茶唔算好甜好清香，裏面仲有少少茉莉花添，成杯飲落都幾飽因為又有桃膠🙈忌廉 $10

一入到店鋪就已經聞到陣陣嘅烤魚味道，刺激口水分泌。店員服務態度好好，會介紹下啲嘢食嘅特色。餐廳環境嘅擺設具有特色。當然要試下佢嘅主打烤魚，加上受歡迎嘅麻辣味，多寶魚好入味，魚本身就已經預先烤過，所以等個鍋滾起就可以開始食啦，有蘿蔔、萵筍、木耳做配菜，味道有花椒嘅麻而且香，魚嘅肉質唔錯，啲魚差唔多食晒就可以加湯食其他嘢，呢間有特別嘅四川寬粉，令人意外嘅係佢唔使煮好耐，口感煙韌，好鍾意食，完全吸收到個湯底嘅味，墨魚滑同蝦滑口感彈牙，味道鮮甜，配埋杯玫瑰蜂蜜茶，有種可以互相中和嘅感覺。

幾個月前已約了朋友黎呢到食烤魚，點知疫情反反復復，延期了幾次...依家先終於黎到！呢間烏蠅館係另一位朋友介紹的，話啲烤魚好正😍 呢到有三款魚可以揀～有多寶魚、三刀魚同龍躉，我哋就揀左價錢居中的三刀魚☺️ 就連烤法都有好幾款選擇，有招牌香辣、麻辣、豆豉、蒜香等。雖然自己係麻辣控，但由於朋友唔食得辣，今次就揀左蒜香味～ （諗住下次先拉男朋友黎試下個招牌香辣烤魚😛）首先個賣相已經超讚，一上台就聞到濃郁的蒜香味。烤魚旁仲有雲耳、蘿蔔、雞髀菇。條魚亦比想像中仲大條，既新鮮、啲肉又好厚實👍🏻食完條魚就可打邊爐啦～ 我地叫左個四川寬粉，放落個湯底勁惹味，好正！最後仲叫左兩杯烏蠅館的自家特飲～好凉爽真係好耐無出街嘆番餐好，今日真係盡興而歸😆

之前疫情好擔心以後冇得再食烏繩館自從晚市放寬同疫情緩和，呢兩星期第三次食☺ 最鍾意煙煙韌韌的土豆粉揀左八個餸 😂 萵筍、金菇、芋絲、豬紅、魚皮餃、芝士腸、雞翼、鵪鶉蛋，索晒啲味 🤤 不枉我早餐午餐留肚到 tea time 落雨都去 食完成個鐘仲回味緊佢夜晚係食冒菜嘅，我都食過幾次 可以whatsapp 訂定魚，店員會好耐心解釋唔同魚有乜分別 食完魚就可以打邊爐，好似雞煲咁呢度嘅響鈴好脆 土豆粉都係必食暫時食到小辣，怕辣嘅有唔辣可以揀，希望之後挑戰到中辣如果唔想等位，閒日 tea time 同星期六 lunch time 係好嘅選擇

🐟新派冒菜烤魚火鍋🐟冒菜係四川成都既一個系列，一般是由豆瓣、辣椒、花椒、薑以及各種香辛料在油中炒制。烤魚呀、酸菜魚呀、麻辣野都係呢幾年既風氣，無論春夏秋冬最緊要熱辣辣圍埋打邊邊如果食得濃味又鍾意食魚，呢一間新派冒菜火鍋你就要試試啦！🐟招牌麻辣烤魚：辣味、蒜味辣勁十足，汁料濃郁，沾滿哂落條魚度，鍋入面再有木耳、芋絲扎配搭，香噴噴地食完條魚之後，再加水落火鍋配料：魚皮餃、墨汁墨魚丸、火鍋麵、魚皮、鵝腸、海帶

#烏蠅館 位於尖沙咀其中一條美食街，主打成都冒菜🌶️🌶️成都嘅冒菜，冒菜較麻辣燙少油，入口辣而不膩。湯底用22種香料炒香，加上藥材，黃油、芥花籽油同三種辣椒熬煮而成，最後再加芝麻、生蒜、葱同芫茜，令到個湯更香！ 晚市時段都要排隊等位，建議要預訂位會比較快😉😉🔹香辣烤魚 $338 由於龍躉魚缺貨，換上海斑魚。冒菜湯關係，上枱時已目測到濃厚香辣料，香氣撲鼻。每份魚都配有三款時令素菜，有芋絲，木耳等。食得大半到，烤魚湯揮發晒而變成干鍋，跟住就可以加入水或者原汁，再點叫其他配料變身火鍋，另一食法。🔹空運四川鵝腸 $98 我覺得比較好的火煱料，因為鵝腸好爽口，配合香辣湯底熱浸，極有風味😁😁🔹其他火煱配料都正常，價錢也大衆化。🔹桂花蜜 $18 吃濃味食物，飲番杯蜜水就最fit😊烏蠅館地址：尖沙咀亞士厘道38號天星大廈1樓B鋪電話：2606 2722