烏蠅館 (九龍中心大廈)

營業中

休息中

諗唔到去邊食正宗烤魚又可以打邊爐烏蠅館係唔錯嘅選擇。尤其鐘意食辣嘅 呢度嘅烤魚好夠辣！同朋友撐枱腳先叫左個泡椒湯嘅烤清江魚烤魚原條好大條！清江魚肉多嫩滑又唔多骨！怕食魚多骨就揀佢真係好正～泡椒湯底係帶帶酸辣為主嘅湯底 酸酸辣辣幾惹味～ 個烤魚鄰鍋唔單止得魚 仲有唔少配菜係入面 勁多雞髀菇同雲耳！仲有索晒湯精華嘅芋絲！足料啊！我哋仲叫左豬紅 萵荀 准山 海帶苗 娃娃菜同風琴豆腐串！食麻辣燙嘅最佳配料！必點！樣樣菜都大份新鮮！野飲都好多選擇 揀左超解渴嘅白桃烏龍茶 有透明波波珍珠好有咬口！好fresh!骨友果杯檸檬碟豆花都好好飲唔會好甜仲有鮮檸片！

🐟風味川式烤魚🐟-我去「烏蠅館」食嘢 多數食冒菜套餐 好食又抵食 今晚改一改口味 食川式烤魚-🥘烤清江魚江團魚肥大肉厚 清江魚係佢啲friend 肉地集肥美結實於一身 最正嘅係魚骨大條易揾 香辣汁少辣惹味🌶️ 趁湯滾飲咗兩啖 嘴唇👄有啲發麻 就算滾住食 魚肉依然嫩滑 除咗原條烤魚 有金菇/蘿蔔/雲耳做配菜-🍡墨魚汁墨魚滑🥟魚皮餃食完個煲 飽咗一半 只係追加兩個配料 墨魚滑爽口彈牙 要趁熱食如果唔係黑色墨魚汁有啲腥 魚皮餃細細隻好快熟 煙煙韌韌都幾有嚼勁-🥤蝶豆花檸檬茶🥤檸檬百香果綠茶凍飲唔少得😉 解辣解膩兼解渴 檸檬🍋汁溝百香果 酸酸甜甜 清道清新醒胃- 📍烏蠅館尖沙咀亞士厘道29-39號九龍中心大廈地下G29號舖

以前讀書個陣weekend 無野做，都會同朋友相約上去食個烤魚式者打邊爐出黎要左機會北上消費，系香港市區原來都有好味烤魚海鱸魚要左中價位的海鱸魚，無咩骨啖啖肉，肉質又幾嫩朋友唔系好食得辣，所以要左蒜香味，一上魚成陣蒜香味漂上鼻蕃薯粉 & 寬粉寬粉一定要叫，索曬住碟蒜香味，用熱湯浸埋勁好味蕃薯粉都另有一番風味，感覺似食緊蒜撈米線流心奶皇球食多得魚煲想換下味，可以叫個奶皇球甜甜地轉下口味咬落去仲有流心餡系唔錯黑糖珍珠鮮奶叫左三杯飲品，其中黑糖珍珠鮮奶最好飲牛奶用左3.6牛乳，好rich 好smooth 珍珠彈珍浸滿黑糖汁，好邪惡

烤魚店在香港越開越多，看來烤魚在香港也頗有市場。一進店就聞到烤魚的香氣，食慾馬上就來了！三峽烤魚 | 清江魚 $348招牌烤魚有分珍珠斑、海鱸魚及清江魚$268至$348。店員推介清江魚集鮮甜結實肥美於一身，而且份量最大，有約700g - 800g，倆口子Share非常滿足。不太嗜辣的Order了一隻椒辣度的招牌香辣味，味道香濃，加上以熱鍋盛載小火加熱，保持熱度，湯汁會越煮越濃，惹味非常。太辣的話也可以叫店員加湯，原條清江魚滑嫩鮮甜，以大骨為主，已半起肉，所以吃得輕鬆盡情。自家粒粒粟米餃 $68 | 四川土豆粉 $28吃完烤魚可以Order邊爐配料。粟米餃爆餡足料，本身已7成熟，輕燙幾分鐘就可以了。土豆粉賣相像烏冬，比想像中粗身，吸盡湯汁精華，辣得惹味。四川酥魷 $38 | 紅糖糍粑 $26炸魷魚鬚炸皮薄身脆口，而且暖烘烘，不會太過油膩。紅糖糍粑軟綿綿，口感黏糯，中間有爆醬黑糖，加上一點點黃豆粉，甜度剛好。黑糖桃膠鮮奶 $28 | 桂花寒天綠茶 $28飲品選擇和款式比預期中多，而且很足料，鮮奶類可以解辣，茶類則可以Refresh重口味的味道。

🔸主角：香辣味清江魚魚方面我地揀咗最肥美嘅清江魚，主要嘅原因係店員介紹呢款魚超！少！骨！而且每條重量有成700-800g，可以啖啖肉超級正！口味我哋揀咗招牌香辣烤魚（小辣），個湯底係用咗超過 30種材料烹調，我飲咗一啖味道超香濃，而且唔會太辣，好惹味！同食雞煲一樣食完條魚仲可以打邊爐，唔會晒咗個湯底！上菜後我哋都比條魚嘅size嚇親，因為我哋得兩個人🤣，魚肉好結實好多肉，而且一啲都唔腥！同埋廚房已經幫手起曬骨咁濟，只留返魚尾條大骨，唔識食魚嘅港孩如我都食到，超級推介大家揀返清江魚！！*店員提醒如果想有埋海鮮打邊爐要提早一日預訂，確保海鮮絕對新鮮又高質！🔸配菜：蓮藕、海白菜，龍口粉絲海白菜真係必試（香港好少食到），佢嘅口感係介乎於海哲同海帶之間嘅爽口度，配埋呢啲辣辣地嘅調味加上本身嘅少少海水味好正，絕對要試！蓮藕雖則係好普通嘅食材，但呢到嘅蓮藕做到每片岩岩好厚度煮完都勁爽脆仲要超甜就唔普通！鐘意食辣蓮藕嘅人一定明我講咩！粉絲唔洗多介紹，索曬湯底味=好好食🤣🔸檸檬蝶豆花 （走甜少冰檸檬百香果QQ（寒天 雪燕 桃膠）嘢飲方面呢到水吧簡直係川style嘅台式飲品店，超多選擇！我地叫咗兩款比較f

這次我來試試烏蠅館的招牌香辣清江魚。這家餐廳位於尖沙咀，以其美味的冒菜聞名。我先前在午餐時間也常光顧這家餐廳，但這次是我首次嚐試他們的烤魚。點了招牌香辣清江魚。魚肉新鮮嫩滑，質地緊實，入口即化。辣度揀小辣，所以非常溫和。配菜方面有少少金菇、雞髀菇和雲耳，為整道菜增添了層次感和口感變化。除了烤魚，我還點了其他菜品，包括花雕雞、皇帝菜和四川土豆粉。最好味是四川土豆粉，質地煙靭，吸收湯汁後非常惹味。至於飲品，我點了黑美人紅茶和百香果寒天綠茶。黑美人紅茶的味道濃郁，帶有茶葉的香氣，喝起來很舒服。百香果寒天綠茶是一道清涼解渴的飲品，百香果的酸甜味與綠茶的清香相得益彰。

今天lunch time…午餐我叫左外賣，揀左一份冒菜套餐，價格為59元，但配菜需要額外收費。最後加上運費，總共花了90多元。整體而言，味道還可以，但糖水的甜度有些過高。冒菜是一道富有特色的川菜，它的辣味和豐富的配料讓人垂涎欲滴。但今次我叫左蕃茄湯底，健康啲，冇咁多油！味道還算不錯，這此外，運費也讓總價增加了不少，對於一份外賣來說，這可能有些偏高。不過，我對食物的味道還是比較滿意的。冒菜的湯底香濃，配料豐富，口感也很不錯。唯一的遺憾是糖水的甜度過高，這讓整體口味顯得有些不平衡。希望店家可以在糖水的調制上做出改進，以提供更符合顧客口味的選擇。儘管價格方面有些不太理想，但冒菜的味道還是值得一試的。如果店家能夠調整糖水的甜度，提供更加平衡的口味，那將會讓整個用餐體驗更加出色。

尖沙咀烤魚專門店餐廳以吃烤魚為主，店員推介這款清江魚，魚質嫩滑，啖啖肉的魚肉，吃得很爽快！《清江魚》 $348香噴噴的烤魚有著金黃的外皮，散發出誘人的香氣。肉質鮮嫩多汁，口感細膩滑潤，入口即化。魚的味道濃郁鮮美，帶著微微的焦香，讓人忍不住一口接一口。清江魚生長水域環境優良，肉質細嫩，無泥腥味，食用安全，烤魚可選擇辣味、大辣、小辣，不吃辣的可選蒜香味！吃烤魚的可先趁熱吃魚，之後更可加入湯底，變成打邊爐，點選其他配菜。《自家西洋菜餃》$68自家製的西洋菜餃，本身已是七成熟，只需要滾一滾，便可以進食，西洋菜的味道很香濃呢！《鮮淮山片》$38.00《皇帝菜》$35.00《牛丸》$48飲品方面也有特色！《檸檬蝶豆花》$18《黑糖冰粉鮮奶》$28

👧🏻朋友仔誠意推介的🪰 條女勁鐘意食烤魚 川菜堪稱烤魚達人😹自從佢同佢嘅朋友食過之後 成日同我推介烏蠅館嘅烤魚好好食🥹講成千上萬次 今次終於同我去食！！！🐟海鱸魚$298海鱸魚重650 - 750g！細骨比較少 唔識食嘢嘅朋友仔最好就揀呢個品種嘅魚 比較eater friendly😍魚肉口感結實 爽滑 啖啖肉🤤叫傳奇麻辣小辣🌶🌶4小時熬制底湯 朋友仔話仲辣過佢上次個次 呢個辣更加惹味 香口！配左三款配料 分別係：雞肶菇 雲耳 芋絲😍全部都勁索湯汁好入味！🥛豆腐$28👧🏻係咁話要食豆腐 不過佢呢個選擇都好明智🤓豆腐超索汁因為兩個專門係為咗食烤魚入去🐟胃口又細 食到半條魚已經開始飽所以就冇咗嗌其他配料🤣🍻麒麟啤酒邊食魚邊飲酒🍻

知道尖沙咀有間烏蠅館吃烤魚很不錯，就約左朋友一齊去😋😋清江魚 $348三款魚可選，有珍珠斑、海鱸魚和清江魚。店員特意推薦食清江魚，魚肉口感結實有咬口，啖啖肉又肥美👍🏻👍🏻小編同朋友都唔食得太辣，所以簡左香辣烤魚味，用30種材料烹調，味道香濃。配料有白蘿蔔和雲耳。蕃薯粉 $28吃烤魚一定要叫蕃薯粉，索滿烤魚湯汁勁惹味。奶皇球 $32中意食香芋丸和奶黃的你，一定要食😋外脆內裡係流心奶黃。蒜泥白肉 $32原來是冷盤，蒜泥、蔥和辣醬份量多，香而不辣。韮菜豬肉紅油水餃 $28大大隻水餃，餡多皮薄。四川酥魷 $38魷魚勁香脆，炸粉不多，魷魚彈牙。

我哋於前幾日中午3人去呢間餐廳食飯，其中一位朋友因為係掃QRcode下單提交訂單時，發現有重復訂單就找來佢哋同事詢問，佢哋個男經理，当時語氣非常差，語氣差都唔緊要，最緊要佢最後幫我哋落完order之後話‘呢個係大陸人傳落嚟㗎喎，你哋點會唔識用呀’？因為我朋友嘅廣東話吾正，個經理就可以咁樣潮笑人？之後我哋話佢態度差，佢仲同我哋嘈，講咗啲好難聽的俗話，呢間餐廳好歧視內地人，當時我哋問你哋经理你唔係中國人咩？個經理話佢唔係中國人，當時好多客人都在場。仲叫我哋唔食可以走，態度非常之惡劣。仲話係經理，怪唔得生意越做越差，因為有呢啲經理😢😢

由於鍾意食冒菜，所以身邊嘅朋友一知道，就介紹咗我嚟食烏蠅館🤭.一入到嚟烏蠅館，覺得環境都好闊落乾淨，揀咗食佢哋嘅冒菜麵餐，可以揀自己鍾意食嘅餸，揀多都唔會話太貴，值得一讚🥰.可惜最後食起上嚟並唔係咁鍾意佢嘅味道😣不過我相信冒菜間間都會有出入，煮嘅手法唔同。一個人過嚟嘅話比較適合叫碗麵，我見到其他枱叫嘅小菜都十分之吸引，如果下次嚟嘅話，可以叫埋三五知己，去試一試佢哋其他嘅餸。期待下一次過嚟再試一試☺️

之前已經吃過烏蠅館，但是吃薯粉麵類。上次已經bookmark了這間店要試一下烤魚。晚飯時間 幾乎每枱都吃烤魚，相信烏蠅館的烤魚都累積了不少人氣。清江魚 $348有三款魚類可選，有珍珠斑、海鱸魚和清江魚。小編點了清江魚，魚肉味道鮮甜，口感結實肥美。至於烤魚的口味有4款，有招牌香辣、特色泡椒、麻辣和蒜香。小編點了招牌香辣，用細火慢慢煮，令魚肉和配菜吸收了辣湯，非常惹味。而配菜有雲耳、雞脾菇和蘿蔔片。四川蕃薯粉 $28吃烤魚怎樣可以沒有薯粉，將薯粉放入鍋底慢慢煮，煮至軟身就可以吃，口感煙韌，每條薯粉吸滿辣湯，很香濃。四川酥魷 $38即叫即炸，欣賞炸粉不多，口感酥脆，魷魚口感彈牙，配上味粉更惹味。蒜泥白肉 $32薄薄的白肉，配上辣汁、蒜泥一起吃，美味可口。韭菜豬肉紅油水餃 $28皮薄餡料多，但小編略嫌花椒的麻不夠。奶皇球 $32超好吃😋外脆內裡是流心奶黃。黑糖桃膠鮮奶 $28

烏蠅館既冒菜同埋烤魚都好出名，今晚本身想黎試下冒菜，但係坐低見到隔離枱條烤魚，ok fine女人話變就變，食烤魚🖐🏻魚都分三隻，就揀左話最多肉既清江魚，又真係好大條厚肉兼且無乜細骨! 魚肉結實又細嫩，夾落去唔會散修修，無腥味無泥味，新鮮😋招牌香辣湯底口味算刺激，有辣勁🔥湯底自帶幾款配料，好似木耳同竽絲咁，索左湯汁食好惹味。條魚食到八八九九，店員自動波幫手加湯，我地叫左黑豚肉同埋西洋菜餃併雲吞，其實食完條魚都飽左大半，再加埋佢個餃同雲吞大粒飽滿，差d食唔哂呀! 百香果檸檬QQ是日解辣飲品，食哩d又香又辣既野真係要飲番杯酸may may清爽飲品，熱情果味係我不二之選。

烤魚是一種深受歡迎的美食，天氣冷的時候吃可以暖胃，天氣熱的時候吹著冷氣吃十級爽快，位於尖沙咀的烏蠅館的烤魚更廣受四方食客熱愛，讓人欲罷不能，烏蠅館開業多來累積了不少人氣，幾乎天天都是人潮。蒜泥白肉給得大器，切得又大又薄，白肉肥瘦相間，肉質吃起來一點都不乾柴，白肉搭配蒜泥醬，調味恰到好處，蒜泥白肉口感清爽，非常下飯，輕鬆地被我們掃空。本身我十分喜愛玫瑰花香，所以選喝雪梨玫瑰檸蜜，芳香的玫瑰花，混合清甜的雪梨果肉和清新的檸蜜，雪梨玫瑰檸蜜喝起來微酸微甜，玫瑰花瓣與雪梨肉多了些咀嚼感，私心認為這輕盈的雪梨玫瑰檸蜜相當適合女生喝。酸梅寒天綠茶以清香甘美的綠茶為基調，加上酸香的酸梅，酸梅綠茶產生微妙的變化，裡頭還吸得到晶瑩的寒天，酸梅寒天綠茶每一口都有著天然冰涼的好味道，舒爽解渴，賞心悅目。招牌香辣烤魚我們選了江團魚，烤魚使用「先烤後燉」的料理手法，讓香料及醬汁可以完全融入到魚肉裡，烤魚表皮吃起來帶點酥脆焦香感，魚肉品味起來鮮嫩肥美細緻，而且江團魚的骨刺不多，招牌香辣烤魚吸附滿滿辛香湯汁，香辣惹味，如果是重口味的朋友會喜歡這烤魚。另外招牌香辣烤魚亦附有配菜，是晚招牌香辣烤魚附上雲耳、雞脾菇與蘿蔔