炯記餐室 (美麗閣)

營業中

休息中

今日同爸爸撐枱腳，久唔久都會黎食呢間😂「炯記餐室」除左燒味，仲有豬手、秘製煙燻燒鵝同埋手撕雞，選擇頗多。店內光猛又整潔，以港式燒味茶餐廳來說，環境的確不錯，坐得舒服，而且食物定價合理，店員態度友善親切。炯記二人餐 $198🔹️鹽焗手撕雞手撕雞皮脆肉嫩，香味濃郁，嫩嫩的雞腿肉同雞胸肉撕成一塊塊啖啖肉的，充分吸收了鹽焗粉的味道，香濃鮮嫩。🔹️冬菇豬手必食推介！豬手幾大隻，有4隻豬手，用秘製配方細嫩慢熬 3-4 小時而成，炆得軟腍，入口即化，豬手吸收哂啲醬汁，非常入味，充滿骨膠原，配搭埋鮮甜嘅冬菇仔，平衡番膩感。🔹️鹽焗雞腎雞腎十分爽口有嚼勁，鹽焗鹹味剛好。🔹️酸辣雲耳雲耳好爽脆，味道甜甜酸酸帶微辣，好開胃嘅前菜。🔹️郊外油菜今日有菜心同生菜選擇，我揀左生菜，鮮甜爽脆。🔹️鵝油撈麵必食推介！太子鵝油撈麵用上粗麵，每條麵沾滿鵝油和秘製鼓油，入口有陣陣油香，麵條較滑口，惹味但又不油膩。🔹️瀨粉口感爽滑，米香盈溢，可以中和番滯膩感。🔹️老火靚湯今日係紅蘿蔔豬骨湯，飲番啖湯滋潤下。🔹️阿華田五穀麥芽特飲冰凍嘅阿華田帶著麥芽香味，配上五穀麥芽雪山，啖啖豐富口感。🔹️咸檸七這杯鹹甜微酸的咸檸七，是夏日的味道😂

平時都會係呢度買燒鵝飯、叉燒飯、燒腩仔，店舖位置好昜搵得到。店內環境舒適，座位闊落，張枱擺滿哂野都得。燒鵝髀飯，大大隻髀好多肉，一上枱睇起來光澤十足，燒鵝脾肉味香濃，最鐘意個皮好脆而肉質好嫩，上枱時仍然係暖，配埋燒鵝醬一齊食，真在係太棒了，送飯一流。叉燒蛋飯【黯然銷魂飯】，叉燒燒燶邊好正，又厚簿切，肥咬口唔係乾爭爭；黯然銷魂飯唔少得要配荷包蛋，又煎燶邊好正，蛋下有條菜心，係齊既黯然銷魂飯，有比埋薑蔥餸飯，成碗清哂。手撕雞分量很足，肉質嫩滑，雞皮更有少許爽脆感，讚位係吃不到雪味，配埋芝麻好香口，味道幾似台灣夜市嘅鹽水雞。至於豬腸粉，都算做得薄身同滑溜；至於麻醬，很香的，聞落麻油味香。

今日心思思好想食瀨粉😋之前食過炯記幾次 都覺得唔錯特別係燒鵝做得幾好😋所以同朋友去咗北角嘅炯記食lunch🥰因為朋友都好想食燒鵝😆所以我哋就叫左個 例牌秘傳煙燻燒鵝 $138上菜嘅時候 仲有最鍾意嘅燒鵝髀😝碟燒鵝下面有好多燒鵝汁🤤我仲撈左啲汁落個瀨粉🤣好香😍不過好邪惡😆我哋仲叫咗 炯記叉燒瀨粉 $50叉燒食落亦都好多汁 唔會好乾身而且瀨粉係粗身嘅瀨粉🥰配埋薑蓉食 真係唔錯😋記得之前個瀨粉係無豆腐宜家仲送多一塊豆腐添😯豆腐亦都好滑身🥰最後我哋都跟餐 加咗一杯凍檸茶😙

在北角地鐵站附近，無意間發現一間超好食嘅燒味小店，呢間<炯記餐室>，除咗有一般嘅燒味，例如叉燒、燒腩仔、油雞、切雞之外，仲有秘製嘅煙燻燒鵝同埋手撕雞，比一般嘅燒味店更加多選擇。<叉燒、燒腩仔雙拼配鵝油撈麵>叉燒蜜汁味非常濃厚，而且唔會好肥，肥瘦度適中，咬落去又軟又腍，非常好食。燒腩仔個皮特別脆，咬落去有少少脂肪，食得出係高質素嘅五花腩肉，非常美味。<秘製煙燻燒鵝配鵝油撈麵>煙燻燒鵝我哋加咗10蚊要鵝胸肉，入口啖啖肉，外皮烤得又脆又香，帶有微微嘅煙燻香味。另一個主角就係呢度嘅鵝油撈麵，餐廳用上粗麵，油香感十足，麵質咬落去又滑又彈牙，而且份量充足，滿滿一大碗，絕對係抵食又好食！！～<手撕雞配腸粉>從來未試過手撕雞原來係可以同腸粉來一個絕配，手撕雞雞肉非常之嫩滑，配有麻油嘅香味，上面仲放有粒粒嘅芝麻，配埋下邊墊底嘅滑滑腸粉，加埋甜醬同埋麻醬，非常好食，絕對值得推薦！！～<蠔油冬菇配菜心>呢個蠔油冬菇配菜心只係20蚊，價格嚟講真係非常之抵，估唔到佢仲有好多菜心同埋唔少嘅冬菇仔，抵食又好食。加五蚊仲可以配凍飲，真心抵

好耐之前試過呢間舖頭嘅其他分店突然間好想再食 因為佢真係每一樣嘢都好有水準叫咗個二人套餐都只係$198嘢食多到成枱都係老火靚湯 (兩碗）一坐低店員已經即刻俾咗兩碗湯我哋飲住先個湯都幾清甜冇味精嘅由於唔想食太多辣 所以都係叫咗唔辣嘅鹽焗手撕雞（半隻）手撕雞鮮嫩 好入味冬菇豬手（例牌）冬菇豬手都係好入味豬手好彈牙麻辣雞腎（一碟）麻辣雞神真係有啲辣 不過好爽口酸辣雲耳（一碟）之後食番個清新啲既小食清一清郊外油菜（一碟）菜心都淥得好味 軟硬適中鵝油撈麵 /白飯（兩碗）最特別係個鵝油撈麵好香鵝油味 份量多好飽肚冷熱飲品 /特飲 (兩杯)叫咗兩杯凍檸茶之後先發現原來可以叫特飲㗎個套餐一路食緊嘅時候都見到有好多人買外賣真係好好生意呀下次想試吓佢個手撕雞腸粉見到隔籬枱食好似都幾好味😋

之前一直鍾意去食甘牌的太子撈麵 但係因為最近人太多 所以跑來哩度試下出品有驚喜 調味啱啱好 唔會太過油膩 但都唔會冇鵝味 份量很足👌🏻手撕雞質素也OK 唔乾柴 食完唔會口渴總體來說性價比🉑️ 味道🉑️ 可以再去

北角附近都有好多間燒味店同事介紹呢間最好食門口掛住各式燒味，另一邊有小雪櫃放麻辣冷盤店舖光猛乾淨，座位舒適午飯時間比較多人，都好多人叫外賣侍應手腳非常快，所以都唔會等好耐太子鵝油撈麵，完全冇鹼水味，濃厚鵝油香，配上自家秘製醬料，麵質好彈牙，份量好多，可以加埋佢哋秘製辣椒油麻辣手撕雞，最鍾意啖啖肉冇骨，調味非常好，麻辣夠惹味秘製煙燻燒鵝，皮脆肉嫩，鵝味香濃，帶點煙燻味，燒鵝皮連油脂及鵝肉一齊食口感勁豐富仲有無味精老火湯

原隻煙燻燒鵝腿飯、配鹹蛋、醬皇豬手和鵝油菜心。整體而言，這裡的美食味道相當不錯，值得一試。首先是他們的招牌菜——原隻煙燻燒鵝腿飯。這道菜的煙燻味道非常濃郁，鵝肉肥美鮮嫩，搭配上鹹蛋的鮮味，令人回味無窮。此外，飯粒也很有嚼勁，口感不錯。接下來是醬皇豬手。這道菜的豬手質地韌勁十足，但仍然很容易入口。醬汁的味道也很特別，口感豐富。豬手表面的糖漿烤得恰到好處，讓人垂涎欲滴。另外一道菜是配鹹蛋。這道菜的鹹蛋口感十分嫩滑，蛋黃的味道濃郁而不膩。配上一點點辣椒，非常開胃。最後是鵝油菜心。這道菜的菜心炒得恰到好處，保留了蔬菜的鮮味和口感。鵝油的味道也很香，讓人一口接一口。

這道手撕雞、鵝油撈麵、豬手的組合簡直是美食愛好者的夢幻組合！首先，手撕雞肉口感鮮嫩、細嫩，肉質清甜，搭配上鵝油撈麵的香氣，讓人食指大動。豬手則是煮得十分入味，肉質軟嫩多汁，吃起來口感十分豐富。特別是豬手滑嫩的肉質讓人一口接一口，不禁讓人回味無窮。整體而言，這道菜品的味道層次分明，每一口都能感受到不同的滋味。醬汁的味道濃郁，卻不會讓人感到油膩，讓人吃得心滿意足。而且，這道菜品的份量十分足夠，可以滿足饑餓的胃口。如果你喜歡口感豐富、美味可口的菜品，這道手撕雞、鵝油撈麵、豬手組合絕對是一道值得品嚐的佳餚。無論是單獨享用，還是搭配其他菜品，都能為你的用餐體驗增添豐富的口感和味道。

我最近到炯記餐室試了他們的二人套餐， 包括了招牌菜醬皇豬手、鵝油撈面、鹽焗手撕雞、還有木耳和雞腎。整體而言，這裡的菜式非常好吃和大份，絕對值得一試。醬皇豬手是我的最愛之一，豬手煮得好淋nor, 好有骨膠原既感覺， 應該會係女士最愛既選擇，配上濃郁的醬汁，非常美味。鵝油撈面也很不錯，鵝油的香味非常濃郁，撈面的口感也非常好，好有質感。小食既份量驚人意表， 好大碟。鹽焗手撕雞的味道不錯，雞肉很嫩滑， 令人想一口接一口，份量都好大， 同同行友人一齊食都差唔多食唔哂，鹽焗的味道非常適中，不會太鹹或太淡。木耳也很新鮮，口感爽脆， 可以用黎解膩同開胃。總的來說，炯記餐室的食物非常好吃，價格也非常實惠，如果你喜歡中國菜，那你一定不會失望。

位於北角街頭有好多間燒味店，而呢一間炯記餐室午市時間經常滿座，一試餐廳招牌「鵝油撈麵」，令我明白呢間餐廳魅力所在！炯記四寶飯 $60炯記四寶撈麵 $64炯記四寶與普通認知燒味飯既四寶略有不同，炯記四寶有惹味手撕雞、嫩口醬皇豬手、秘製醬皇腩叉、大人細佬鍾意紅腸，每寶都係餐廳招牌！當中皇牌系列「鵝油撈麵」真係非常邪惡，每啖麵沾滿啡黃色鵝油，食落口感滿口油香，再加上四寶或者其他餸既配搭真係完美！當然如果比較重視健康既朋友白飯會比較好！海蜇手撕雞小食 (加辣) $40另外再點一款小食，因為跟餐四寶既手撕雞係唔辣，即刻試試辣味手撕雞更加香濃而且辣度更加刺激，加上海蜇爽口彈牙又可以解膩，配搭主食都唔錯。

名物😎太子鵝油撈麵+煙燻燒鵝😍見到賣相超吸引，緊係要試下啦！煙燻燒鵝撈麵🦢鵝皮唔太香脆，但食落有好豐富油脂！一份嘅鵝肉份量都好多，有7-8嚿但鵝肉肉味嘅煙燻再突出啲會更好！撈麵係燒鵝油加上秘製豉油製成🤩粗麵條彈牙有嚼勁！雙併飯（叉燒+油雞）叉燒選用半肥瘦脢頭，脂肪唔算好香滑但食落肉質軟腍～～油雞肉質都好嫩口配埋大量薑蓉撈飯一流🫣超邪惡呀📍 炯記餐室 (美麗閣) (北角)北角英皇道376-380號美麗閣地舖#北角美食 #炮台山美食 #香港燒味 #燒味 #港式燒味 #燒鵝

炯記餐室 港九新界都有多間分店～必食經典鵝油撈粗～叫左個抵食兩人套餐$198 ～ 。手撕雞🐓半隻。醬皇🐖豬手6隻。酸辣雲耳 1碟。麻辣雞腎 1碟。生菜🥬1碟。老火湯2碗。同2杯飲品🥤～炯記撈粗純手工😙人手製作入口完全無鹼水味👍🏻配上自家秘製醬料混合鵝油～撈粗麵食落帶鵝油香～好好味🤤一定要試～醬皇豬手🐖好正～骨膠原滿滿又入味～入口Q彈～～跟菜小食～酸辣雲耳夠爽口～開胃～麻辣雞腎～夠哂惹味*店員服務態度超好，值得一讚👏🏻👍🏻📍北角英皇道376-380號美麗閣地舖

北角抵食燒味店🇭🇰環境不錯蠻喜歡掛上「燒味」的畫，很有格調。不用港幣2百元，吃到超級無敵豐盛的2人餐！套餐包括：鵝油撈粗、麻辣手撕雞、冬菇蠔油豬手、鹽焗雞腎、酸辣雲耳、生菜、雞湯、凍檸茶非一般的燒味店，有很多特色菜。味道也獨特，源自於1976年土瓜灣落山道的新光燒味。聽說這裡的鵝油撈粗很好吃所以特意來吃吃一試！濃厚的鵝油香味用來撈粗麵真是絕配大大碗，份量非常多！吃極也吃不完呢！這裡也難得有豬手吃豬手沒有毛，很好！也很入味，配蠔油一口冬菇，很淺味感覺補充了很多骨膠原呢！麻辣手撕雞也是主打菜式辣度定好了是中辣可以接受到的一向不嗜辣的老公也吃到手撕雞要了麻辣，雞賢就選了鹽焗，迎合老公口味出街不用煮，平價位，又吃到郊外油菜，很健康！

炯記餐室一直都好受歡迎，之前食過外賣，今日又試下堂食😋叫咗 1. 手撕雞鵝油撈麵 2.燒腩仔、叉燒雙拼 3. 燒鵝飯我好鍾意食燒腩仔🐷，每次遇到好食嘅，都一定會記得店舖名，因為香港做得好嘅燒腩仔並唔多。今次真係好驚歎炯記咁高水準。呢碟腩仔展現咗完美嘅三個原素：脆波、肥膏、瘦肉。😚😆😆肥瘦比例真係好正：脂肪同瘦肉層層相間，約有三四層….真係好耐冇食過咁香、咁脆嘅燒腩仔😍鵝油撈麵都好美味🙈 撈粗真係好經典，加埋鵝油，好惹味🍜！粗麵條彈牙有嚼勁，鵝油味非常濃郁，兩樣加埋令麵條更加滑嫩，增加了口感的層次感。呢碗鵝油撈麵真係非常好吃，回味無窮。😌炯記好似仲有好多菜式好味，例如叉燒、燒鵝等等。另外好多謝呀儀招呼我地🤣🤣🤣 勁親切，見到佢好忙但都同每個食客有傾有笑，好敬業樂業！如果你想品嚐正宗燒味，炯記絕對係一個值得推薦的地方！