澳門翠苑餐廳

營業中

休息中

冬至的下午，打算食少啲，所以就去左旺角熟食中心尋寶，打算搵個平靚正嘅下午茶嚟食!同個老闆傾左兩句，佢就叫我揀常餐A，而且一定要配凍啡咁佢都極力推薦，我就決定好了！呢個熟食中心睇落環境唔算好好，但勝在夠平又好食，而且呢一間翠華會送埋餐比你，所以你叫完餐，只需要坐係位慢慢等，野食就會送到過嚟架啦！先介紹一下呢杯凍啡，一個字：正！非常滑嘅咖啡，叫左少甜之後甜度啱啱好，而且仲有少少朱古力粉放係面，真係一流！未飲過咁正嘅凍啡極邪惡嘅脆豬加庵列！大家見唔見到塊牛油加埋熱辣辣嘅脆豬，真係絕配。相比之下，庵列算係中規中舉。最後見到呢個通粉，真係正到想喊，料夠多，未夠濃。對於一向唔鍾意食通粉嘅我嚟講，呢一碗真係五星級嘅享受一定要嚟試哦

是日嚟到旺角做野，做到中途想搵個地方坐低做，又咁啱想食 lunch，就決定過嚟呢度喺地圖上見到呢度係酒店，但點估到酒店底會有綜合大樓，仲要係有天橋去朗豪坊嘅由地下搭扶手電梯，一入門口就係呢間舖，二話不說即刻叫翻個農夫包試吓起初入門口我以為個場好細，買完野行入去搵位先發現原來可以行入啲，不過有位就坐啦，做野要緊呢個包要等大約10分鐘，坐低之後就做埋啲野，做吓做吓就有野食啦咖喱豬頸肉農夫飽（$62：$60包餐湯同熱飲，凍咖啡加$2）其實用膠刀叉係幾難切開個包，而舖頭都好貼心咁比咗對手套用個包都幾大個，仲大過我個拳頭，用錫紙包住，我估同佢整嘅方法有關，一嚟可以固定個包切開咗嘅蓋面，二嚟都可以保持溫度，個包外層幾脆吓，而入面係鬆軟嘅，幾易入口咖喱汁就係分開上嘅，上面有加香草，大大兜唔驚唔夠用一開始我倒咗小小汁入去包入面，浸一浸啲豬頸肉，之後就將個包逐舊逐舊撕出嚟、點咖喱汁咁食，我覺得啲咖喱汁入面有好微小嘅辣，係食完大半先開始有啲啲辣嘅感覺，同埋個汁唔係甜咖喱，配農夫包食都唔差至於啲豬頸肉就有小小彈牙，都比較易咬，份量亦都係正常嘅；個湯酸酸甜甜咁，食完啲肉飲翻啖湯都算有助消化至於凍咖啡都係呢間舖

過去旺角朗豪坊做野，要搵快、靚、正嘅野食，梗係去番商場有天橋連接住嘅旺角熟食市場。常餐A $ 42葡式鮮茄牛腩通粉 - 之前食過一次，試過個湯底之後，對佢念念不忘。湯底味道除左有紅蘿蔔、洋蔥嘅清甜之外，仲有牛腩嘅香味，同濃郁嘅蕃茄味。牛腩煮得好腍，通粉彈牙。火腿奄列 - 火腿份量足，蛋嫩滑唔會老，仲有蛋汁。鮮牛油豬仔包 - 即叫即整，好脆口。但今次入面牛油搽得少咗啲，搽多啲應該會更好食。熱奶茶 - 好飲，茶同奶比例剛好。

之前見朋友面書上post左幾張農夫包相好吸引，上開飯網一搵，原來係旺角鬧市中，咁就趁今日收早黎試下啦。餐廳位於朗豪坊對面既旺角熟食中心，相當易搵，雖則環境一般，但勝在地方夠大，好易搵到位。黎得呢度梗係要食咖喱農夫包，有牛有豬有雞同魚任你揀，農夫包餐仲包鮮茄牛腩湯同飲品。落完柯打後，店員就會俾個牌你，之後就會有專人送餐俾你，非常方便。今日食咖喱牛腩農夫包，由於係即叫即焗，所以個包非常燙手。牛腩炆得非常淋同入味，農夫包外脆內軟，餐廳仲提供埋手套，方便俾你慢慢撕開麵包食，每舊麵包點埋咖喱汁，話咁快就食晒。跟餐既鮮茄牛腩湯亦好味，蕃茄味濃，配料亦足夠。總括黎講，呢度既咖喱農夫包真係好好味，雖則個餐只有一個農夫包再加餸，睇落唔係好多，但食完都非常飽。

星期六本應返半日工，但今個星期實在太忙，唯有自己留喺公司做埋啲嘢。到三點鐘先走得，唯有近近地去附近嘅旺角熟食中心食lunch。星期六嘅熟食中心比平日嘅 lunch time 少人好多，但有啲店舖就無開。常餐A - 葡式鮮茄牛腩通粉 $42 ，凍咖啡 +$2買完拎住個牌搵位坐，等佢送餐。豬仔包超脆，微暖配埋牛油，好食。火腿奄列就比較一般，屬正常。牛腩通粉湯底有驚喜，湯底足料好甜，用咗牛腩、紅蘿蔔、蕃茄、洋蔥淆成。飲晒，正~凍咖啡都有驚喜，咖啡味好香濃幼滑，奶味十足

週四晚接女朋友放工本身有d 病病地無咩胃口去到朗豪坊走個圈都無咩邊間想食諗住求其找個地方食下就回家突然想食羅宋湯通粉即刻走去熟食中心晚上8:15 都仲好多人叫左快餐a羅宋湯通粉炒火腿蛋招牌面包羅宋湯味道仍然好有水平通粉又唔太冧只是炒蛋比較普通面包配上湯比好多西餐廳好味好多42 蚊連熱飲仲想點？

呢間餐廳食左好多年，次次兩個人去都會叫個咖哩牛腩農夫包餐慢慢嘆，一排冇去幫襯，今次一去都幾失望。講返個環境，都係一般街市熟食檔，當然唔好期待周圍好乾淨好好坐。但今次去到，執台又冇人執，到有人執台，又將台面垃圾掃落地，惡性循環，咁嘅環境只會越黎越差講返食物，其實除左咖啡牛腩農夫包餐以外，我咩都未食過。以前每次去都好滿足，咖哩好香，少少辣，牛腩又淋份量又足，一搣開個包直情係熱到辣手！麵包皮外脆內軟，點落咖哩汁到係人生一大樂事！今次再去，首先個餐已變成60蚊，不過兩個人share都算平。跟餐嘅葡式牛腩湯一如以往咁好飲，酸甜度適中，好香牛味。咖哩汁另上，唔會整淋晒個包。打開錫紙，搣開個包，依然係熱辣辣，牛腩香撲鼻，個包外脆內軟的確係一絕。可惜，敗筆在於咖哩汁，冇左以前陣咖哩香，食落好淡口，冇咩味。但個汁又唔係稀架喎，我估可能係調味唔同左？總知同以前爭好遠。其實個包嘅精粹在於個咖哩汁，希望餐廳可以改善下，令我可以重溫昔日美味。

呢個咖哩牛肉農夫包餐 無記錯的話要$60 個包係熱辣辣好脆，唔錯，內面d肉就基本上無特別調味，牛肉唔係好腍啤啤，腌鬆晒個種，食到牛肉味，還好但我覺得作為靈魂嘅咖哩汁其實有d遜色，唔特別香濃，又唔夠香辣，我覺得似葡汁加左少少辣，可能我預期係類似中式個種黃咖哩汁，有少少失望反而個羅宋湯好飲又足料呢到仲有其他鋪好似比起呢間更有吸引力，只因呢間位置係門口就試左呢間，下次去試下其餘嘅

因為我的偶像華晨宇（花花）昨天的視頻說喜歡香港的奶油豬，我今天跟朋友就立馬去吃找來吃了～.這是一家在旺角的熟食市場，不錯吃哦～而且應該因爲是位處於熟食中心，價錢蠻便宜的～二十來三十塊就有一份奶油豬再加沙拉跟凍檸茶，烤得脆脆的奶油豬當下午茶真的一流～喜歡花生醬的朋友可以試試點奶醬豬，我朋友說也很不錯經過旺角的可以一試哦，聽說咖啡也蠻有名的哦～.#閒晃 #吃貨 #香港 #hongkong #奶油豬 #華晨宇 #📷 #poyee🌻#小食

之前食過呢間的農夫包，印象中OK。今日唔係特別肚餓，所以叫個常餐算。不過發現價錢比之前貴好多，記得中一丶兩年前個常餐都係卅幾蚊，而家已經加到＄42！相比熟食中心其他鋪頭，呢間係特別貴。買完後返座位等佢送嚟。等咗大約10分鐘個餐就送嚟。個包d牛油溶曬，都幾脆。火腿煎蛋就麻麻地。個通粉湯底甜甜哋，但唔係好香濃。不過不失。印象中以前好食d。最嚇人係杯檬水。其實好難出事！但有陣怪味，唔知係個杯唔乾淨定個檸檬有問題，飲咗一啖想吐返出嚟！從來未飲過咁難飲的檬水。

星期五晚我同三個女同我妹等我老公放工後一齊到朗豪坊行街，因為朗豪坊有lego store 同spider man 睇。咁我地怕朗豪坊食野一定好多人所以我地就上OpenRice 睇下附近仲有咩好食，咁就見到熟食中心有間食農夫包好出名嘅就決定一齊去試下啦。朗豪坊過去熟食中心十分方便，過條天橋就到啦，一去到熟食中心門口就已經見到啦。我地共叫左2個農夫包餐同一個意粉加一個湯飯。蠔仔肉碎泡飯：呢個係我妹叫嘅，佢本身好鐘意食蠔仔肉碎泡飯，所以每到任何一個地方見到有呢個泡飯佢都會叫黎食。估唔到呢度嘅蠔仔有咁大隻，足足有5豪子咁大，平時出面個d可能得手指尾指甲咁細，但呢度又多又大隻。個湯底就唔會話好重味精味，食得出係佢地自己煲個湯底出黎嘅。芝士白汁焗海鮮意粉係叫比小朋友食嘅，因為怕咖哩辣所以就叫左呢個。估唔到又幾多芝士，入面嘅海鮮當然係急凍海鮮但都唔會話成陣雪味，仲有一塊炸過嘅魚柳，白汁又唔會太水，味道有少少淡但對小朋友黎講剛好。咖哩雞農夫包：上檯時十分熱辣辣，仲有鍚紙包住個包，d肉就係哂包入面，d雞係炸過嘅，亦都有醃過所以就咁食都好有味。個包十分脆，咖哩汁好香，一入口唔會立即覺得辣，係慢慢滲出黎，但

外表高大，火熱，夠趣（脆），很有內涵，容量。農夫包是澳門豬仔包的升級版，與葡汁是絕配。在香港能吃到靚澳葡菜，地點卻十分市井，位置是在朗豪坊旁，真正是隱於鬧市，是街市大廈熟食中心的格局，所以價廉。60元全包（凍飲加錢）超級化算，蕃茄牛肉湯十分濃味，比很多餐廳好，惜坐到不舒服。焗製時間當然要15至20分鐘。打開錫紙，看到香脆的麵包，內部的牛扒都先炸得酥脆。提供大砵的咖哩汁，椰奶味濃，其實是葡汁；把汁液自行倒入麵包內，便可以進食。女客有二難:格局頗低，未必接受；份量頗多，一人難消化。亦有三好:一是麵包夠香脆，滋味數倍於豬仔包；二是汁醬特別，葡汁洋溢著澳葡菜風味；三是性價比高。

成日行旺角，都唔知係朗豪坊附近，原來有個咁平民嘅熟食中心，上openrice見到呢間最多like，好多人都推介呢個咖哩農夫包，睇落好似好吸引，於是衝住咖哩農夫包而黎。呢度環境似商場啲 food court 咁，有好多間餐廳，睇啱邊間自己買，買完自己搵位坐。澳門咖哩牛腩農夫包套餐 (包: 葡式鮮茄牛腩湯+熱飲) $60 - 農夫包即叫即整，要等大約10分鐘。點餐後，老闆會畀個號碼牌。放係枱上面，整好後會有專人送黎。鮮茄牛腩湯 - 即係羅宋湯，味道濃郁又足料，入面仲有幾粒大大粒嘅牛腩。主角出場: 打開錫紙，熱辣辣出晒煙。農夫包好大個，入面約6，7件牛腩。咖喱汁另上。餐廳仲貼心，有一對膠手套，唔怕食到成手都係咖哩汁。農夫包外脆內軟，牛腩整得好淋，非常竹容易入口。咖喱汁顏色同出面食嘅一樣，但就偏稀身，椰味亦比較重，點包食一流係略嫌唔夠辣。熱飲要左杯奶茶。總括黎講，以$60黎講，性價比好高。份量多到我一個人食唔晒，下次可以同朋友share。

「朗豪坊」是旺角區近年最大型的購物商場，還吸引了成千上萬的遊客，和市民慕名遊覽。「朗豪坊」最近更因為發生嚴重的扶手電梯意外，震驚全港的「恐怖通天梯」意外，反常極速下滑達十四秒，導致十八位乘客意外受傷。自從「恐怖通天梯」意外發生後，朗豪坊發生意外的扶手電梯被迫關閉維修。我之所以突然提及「朗豪坊」，不單跟因為「恐怖通天梯」意外，還因為「朗豪坊」連接天橋的對面，香港遊樂場協會所在的政府大樓樓下，還有一間隱世「旺角熟食中心」，跟遊客眾多的「朗豪坊」有相映成趣之妙。「旺角熟食中心」之妙處，在於在「大名鼎鼎」，吸引成千上萬遊客參觀的「朗豪坊」商場的不遠處，竟然有間匯集不同著名食肆的熟食中心，遊客在「朗豪坊」瘋狂掃貨購物的同時，竟然連身邊有所著名熟食中心，卻是懵然不知。更令我感到意外的是，「旺角熟食中心」裡面，竟然有一間，在開飲網內擁有過千食評，好評眾多，卻偏偏在食店選舉中，從未聽聞過有它的名字的「隱世食店」，叫做「澳門翠苑餐廳」。澳門對我來說，是負面多於正面印象的「罪惡之城」，賭場數目多不勝數，曾經是黑幫肆虐橫行的地方。我媽曾經長期流連澳門，累我要花上銀行積蓄去幫助她，澳門這些地方，要我在那裡留下

澳門翠苑餐廳是一間以咖哩農夫包為招牌的葡式食肆，位於旺角朗豪坊購物中心背後的小巴站上蓋，即政府旺角綜合大廈二樓的旺角熟食中心內。澳門翠苑茶餐廳在Openrice旺角區食肆裡的評價一直超高，主打葡國料理，而其中的咖哩農夫飽更是人氣招牌食品，幾乎獲得一面倒的好評，被受推介。旺角熟食中心給人的感覺類似台灣和日本的地下美食街，有許多不同食肆可供選擇，環境較簡單，座位數目很多，而且出乎意料的明亮乾淨。這裡用餐的客人以本地人居多，其中當然亦有不少是參考旅遊書刊推介慕名而來的外地旅客。 澳門的葡國菜種類繁多，但澳門翠苑餐廳則獨沽一味，靠咖喱農夫包傾倒食客。所謂農夫包是一種圓形的烤麵包，店家將麵包芯掏空後放入咖喱肉類（或其它菜肴）供顧客食用。由於其咖喱農夫包現叫現做，大大個熱騰騰，外脆內軟，配以香濃的咖喱汁和餡料，確是旺角區中平靚正之選。店家採用快餐店形式運作，顧客點餐付錢後店家會給號碼牌，再選座位，然後店員會按號碼牌把餐點送過來。冷開水和杯就放在店前的桌上，由顧客自助。 店家採用快餐店形式運作，顧客點餐付錢後店家會給號碼牌，再選座位，然後店員會按號碼牌把餐點送過來。