澳洲牛奶公司

營業中

休息中

久違了的澳牛🤤通關後依舊長長的人龍🥹每次黎到必食茶餐😂最鍾意食佢既太陽蛋仍然係最好味😋今日既湯底感覺略咸😅意粉及通粉軟硬適中👍叉燒亦保持一貫嘅水準..唔錯呀🤤🤤

今日落完雨涼左好多, 食完飯咁岩經過澳牛, 諗起佢個蛋牛治烘底, 唔使諗都即刻叫咗一份黎食下👅👾蛋牛治烘底 - $27夜晚9點鐘左右, 係門口叫完比錢, 等左2-3分鐘就有得拎, 拎上手熱辣辣💓食落去個蛋牛好滑嫩, 脆皮底又香脆, 味道夠濃郁雖然貴啲, 但係呢度嘅食物質素真係有保證, 值得一試!

相信呢個招牌大家都唔陌生🌚無錯就係出名出菜快 催客仲快嘅澳牛今日咁啱經過又見n年無食就再次闖入去回味下🤣🤣坐低一秒都冇 哥仔就走過來問食咩🤍 蛋白燉鮮奶 (凍)本人由細到大食甜品都例牌叫呢款澳牛嘅蛋白燉鮮奶又真係唔差嘅奶味夠重又濃 而且口感細滑質感似布甸一樣 彈彈下🫣可惜凍嘅咯嫌越食越甜 熱嘅反而好啲💛 杏汁燉雞 (熱)抱歉 本人真係好抗拒杏汁味道….🥹一上枱已經聞到好濃杏仁味我試咗一小啖 杏汁勁重帶點蛋香味 口感細滑 熱食唔錯喜歡杏汁嘅各位可以食呢款題外話💁🏻‍♀️話說餐菜名全部左至右列出我睇極都唔見有「蛋白燉鮮奶」落單哥仔指一指話係最側邊打直寫🙂食完起身走 哥仔9秒9清枱仲講咗句「多謝」我即刻覺得好神奇🤣

澳牛現況 平日夜晚可以直入星期六日晏晝會排到轉角😰今次塊飽有啲燶叉燒通轉咗牛肉通 都無咩特別最好係杯凍奶茶🥤其實上一兩年開始個常餐都尾經無咁好食不過係尖沙咀/佐敦區嘅話依然都係會食佢 當係水準唔會太飄忽嘅茶記如果排隊嘅話就唔值得

平時去開呢頭剪頭髮，都會去澳牛食個Lunch。食咗咁多次都無幫澳牛寫番個comment，今次要寫番支持吓先。閒日晏晝等位唔算要好耐，一坐低就自動波識嗌，澳牛個哥仔都唔駛講啲乜已經搞掂晒。十年如一，炒蛋仍然都係咁好食，香滑唔油，又唔會過火變咗一粒粒。厚多鬆軟仲暖暖哋，火腿就一貫地無乜特別。叉燒意粉，正如飯氣攻心啲叉燒，唔會特別好食，填得飽你個肚就得。但正正係呢啲柴皮叉燒整叉燒意粉先好食，用太靚ge反而會唔夾。食到咁上下哥仔走埋嚟問飲乜，平時喺其他茶記都係嗌凍檸茶走甜，但去到澳牛，因為個茶膽okay，所以會嗌番正常，唔好嘥咗杯茶嘛。前後10分鐘落單到走人，好一個光速澳牛餐。

成日都聽到人講叼到食野乜都要快！話到咩入到去慢小小都會比人鬧🥹好大壓力咁🤣一直都想試下又唔敢試啵！🫠今次終於揾到朋友肯陪我一齊去食啦😋常餐 $52 我叫左雙炒蛋🥚炒蛋係我食過最滑嘅炒蛋🍳好正！而個叉燒湯意粉🍝就正正常常，不過俾我揀多次，我會揀通粉🤣熱燉奶 $32嗰日夜晚食完個常餐，硬係覺得爭啲嘢咁！👀咁就叫咗個甜品啦😌個燉蛋熱辣辣嘅🔥聞到好香嘅奶味✨夠滑嘟嘟，但係食食吓會有啲溜。所以會建議兩個人share一個😆其實入面嘅服務態度真係唔係人哋講得咁惡劣㗎！😗啲哥哥仔嘅服務態度不知幾好😍又吖得又nice🤪入面嘅裝修仲充滿香港特色添🇭🇰好味：❤️❤️❤️🖤🖤抵食：❤️❤️❤️🖤🖤推介： ❤️❤️❤️❤️🖤

這家店以排隊人龍和脾氣暴躁的服務人員聞名，但是他們的炒蛋和燉奶真的是絕對讓人愛上的美食。事實上，有很多人甚至說這是全世界最好吃的炒蛋呢！😱推薦大家可以點個全日套餐，裡面有澳洲牛奶公司的招牌炒蛋、吐司，還有一碗美味的通心粉。而且，他們的炒蛋真的是超好吃，口感鬆軟又入味，一口下去就會愛上它！🤤還有他們家的燉奶，這大概是城中最好吃的牛奶布丁了！甜度適中，口感順滑，絕對會讓你一口接一口！👍雖然澳洲牛奶公司的人氣很高，但等待時間也比較長。建議大家最好早點到店，不過我可以保證，他們的炒蛋和燉奶真的是值得等待的！😋澳洲牛奶公司的分店遍佈全港，你可以在任何地方找到他們。如果你們想要品嚐正宗的港式早餐，就一定要來澳洲牛奶公司啊！

澳洲牛奶公司🇭🇰 佐敦白加士街47-49號地下如果係香港我最愛嘅餐廳一定係澳牛😆😆一個月都起碼食一次唔食就會心掛掛佢唔係話超級超級好食 但我食嘅回憶🫰🏼同埋香港快餐嘅特色啲人話入去係俾錢俾人鬧其實唔係㗎 啲伙計嘅態度已經比以前好咗超級超級多有時超級nice添😋 常餐 $52（叉燒通粉 炒蛋多士 熱華田）叉燒係薄切 瘦嘅有意粉同通粉揀 我通常都食通粉 因為覺得意粉有啲奇怪😂佢個湯係濃雞湯 好味其實佢嘅炒蛋同煎蛋都好好食 我睇心情選擇嘅炒蛋超級滑 好正 煎蛋就會好夠火候 煎得好脆多士去咗邊 烘得脆脆的 加上少少牛油 正仲有兩塊火腿 我通常會浸落湯食或者擺上多士上面食😋 凍燉奶 $33好滑 唔甜 有奶味 好食總結 一世人真係起碼要有一次去試吓😂👍🏼 不過佢質素有時都參差有時好食有時好一般

平日早上 10:00去食早餐，隊伍已經排到後面兩個舖位，本身只想等一下，需時太久便放棄，誰知人龍消失得極快，3分鐘後我們便被安排入坐了 😂 今次坐在餐廳角落，面向卡位背脊的坐位，雖然桌面細小，但其實比舖面中間的方桌好，起碼不會被往來食客/ 伙記撞到 👍旅客佔了餐廳大多客量，伙記比以前有禮貌太多，沒催促、沒瞪著食客，甚至會說多謝（是較好的待客之道，但澳牛文化好像衰退了感覺很可惜）幸好食物質素沒變，熱乎乎的厚多士被牛油香覆蓋著，炒蛋軟綿香滑，燉奶香甜入口即溶，吃完感覺像充滿了電 ✨

服務態度越嚟越好，食物水準穩定。中意食嘅人同我一樣，有品味。去澳牛不求驚喜，但求炒蛋夠滑，多士外脆內軟，通粉啱啱好。唔好同我講，周圍都有，因為真係唔係周圍都水準咁平均。

去得澳牛就預咗係快食快走，體驗下光速之旅。今次嗌咗招牌常餐加凍朱古力，叉燒湯意不過不失，煮得太快原因覺得 d 麵有啲硬，炒蛋好食！食得慢的確係會有啲壓力，不過一年間唔中食一兩次都係值得😝

長期都要大排長龍，今日見冇人排就沖入去食個光速餐!環境就一般而且坐得迫,不過D野食好食搭救到~澳牛食早餐從來唔洗諗直接黎個早餐就OK早餐$43火腿通粉湯底非常之好味,出到好順滑軟棉棉概FEEL，通粉又夠爽口彈牙烘多士外脆內軟,成塊多士烘到脆一脆,再搽埋牛油不得了炒滑蛋質地嫩滑同埋好香蛋味澳牛概炒蛋咁多年都係招牌黎好滿足~成個早餐20分鐘內完成哂~澳洲牛奶公司地址 :佐敦白加士街47-49號地下電話號碼:23117363營業時間星期一至五06:45 - 20:00星期六06:45 - 18:00星期日全日休息#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #佐敦美食 #早餐  #性價比 #上班一族恩物 #澳洲牛奶公司 #炒滑蛋 #烘多士 #火腿通粉 #光速餐 #澳牛

今次黎到依間位於佐敦既澳牛冰室食野，澳牛既晚餐同午餐都係得常餐，個烘多士搽左牛油，表面上烘到脆，外脆內軟，而另一個火腿奄列既雞蛋味十分香濃，而蛋又唔會太乾，叉燒意就較普通，熱奶茶十分香滑，值得一試。

晨咁早有事到佐敦，一心過黎澳牛食個早餐，過到黎完全唔洗排隊，揀野食野飲諗左一陣，都無俾澳牛哥哥問候🤭仲好nice同我地講笑•ᴗ• 早餐 $43 火腿通粉🍜牛油方包🍞炒蛋🍳凍奶茶(+$2)火腿都算多，通粉唔會好淋，多士烘底好脆，搽埋牛油夾炒蛋一流。好耐無食，炒蛋依然咁滑😌凍奶茶奶同茶嘅比例岩岩好•ᴗ• 蛋白燉鮮奶$33好平滑！完全無泡泡。佢係唔凝固個種燉奶，好動L🥹一入口 口感好軟綿柔滑，好純粹嘅奶香🥹推薦🖐🏻

超過六年冇黎，皆因每次嚟都例休日，無緣。今日要排隊，不過好彩全部都係本地人，長龍但一個人好快。以前讀書食完個餐仲食得落燉蛋，而家半個餐都KO唔到，哥哥仔好有禮貌，會主動比摺櫈放背囊😃🍳🥪炒蛋多士仲係好好食，雖然坊間多咗咁多類似嘅茶餐廳，但佢始終好食，通粉湯底有別於其他，食完唔口渴。☕️ 原來而家食完野先可以叫飲品，因為枱面無位😅凍檸茶依然好味🦠疫情的時候就咪搞啦，避免同陌生人太接近。💵記得帶現金