潮．悅 (始創中心)

營業中

休息中

兩個3月壽星今日黎到新開既潮州菜館「潮．悅」試菜同慶祝生日❤️一坐底就上左2個前菜，分別係醃酸菜同豆腐菜圃，本人特別偏好後者，豆腐菜圃醃得相當入味，而且帶有少少辛辣感，令人胃口大開。燒乳鴿皮脆肉嫩，味道偏濃，送酒一流👍🏻椒鹽九肚魚炸得外脆內軟，炸皮厚薄適中，魚肉肉質鮮嫩，非常香口😋😋胡椒豬肚湯火侯夠，辣度適中，飲完成個人即時暖笠笠😘滷水拼盤（五花肉、鵝片、鵝掌、豬大腸、蛋、豆腐），一碟有6款食物，岩哂有選擇困難症既我，每款食物都滷得入味，五花肉入口膠質重，食到舔舔脷😋😋😋龍蝦伊面🦞麵條吸哂龍蝦精華，令人忍唔住一口接一口，龍蝦殼本身已經開左，所以就算蟹鉗都可以方便食到，絕對啖啖肉🥰生日點少得壽包，但呢個造型真係未見過🙈加左拔絲糖漿成件事升左級，高貴不失禮，好睇又好食😋仲係少女們必要打卡既位置🙊聽聞仲有反沙芋頭及拔絲香蕉，期待下次再黎試🥰總括黎講CP值幾高，食得出廚師既手藝同功架，亦都感受到食材既新鮮，臨走見到有個$188套餐包3餸一湯，有多款小菜可供選擇，搞到我都心思思想下次再黎試埋佢添🙈

呢排屋企因為有啲事而好忙， 所以媽咪唔係成日可以煮到晚餐，今晚去始創茶樓，點知有幾間都無開，見到有間新茶樓（即係以前嘅譽宴）就上去試吓～ 八寶荷包海參 一件好厚肉嘅大海參，裏面包住好多不同嘅材料粒，包括鮑魚粒，山葯粒，雞粒，帶子粒等，由於食材新鮮，㕑師只係加左很少調味，已經食到個配料嘅鮮味而又沒有蓋過海參嘅味道！ 太極素菜羹 上菜時，覺得碗羹好靚，因為佢好清晰將綠色同白色嘅湯分開咗形成一個太極嘅圖案。 唔好因為佢係素菜，所以覺得佢好淡，其實廚師精心用咗高湯加上蛋白花造成湯底， 再以菠菜打成蓉 形成綠色嘅太極,夠曬清淡但係可口. 鮑魚黃酒炆雞喜歡香港雞煲嘅不能夠錯過這一道菜,醬汁係似平時香港食開嘅雞煲，而件件雞都厚身啖啖肉, 爸爸唔係好飲酒 所以佢覺得酒味特別濃， 煲內有四隻炆得好好味嘅鮑魚，唔太 韌，又入味！好抵食！ 黃金叉燒叉燒超級鬆化,肥瘦分明,蜜糖嘅份量剛剛好係我喜歡嘅味道,真正做到內軟外脆嘅效果, 外層被燒得有少少燶，但係唔影響食物嘅質素。 糖醋麵 坊間少有地將糖醋麵煮成心形， 店員很細心咁 問我哋會唔會影相，如果我地需要影相，影完先幫我切。 好耐未試

因為疫情的關係，由新年開始已經大多數留在家！當今個月的疫情稍為緩和，終於約咗幾個朋友仔一齊聚一聚！揀咗地點方便嘅太子始創中心，原來商場開咗間新嘅潮州餐廳 - 潮悅，新開張仲有優惠，咁就試咗一下！當晚食客都幾多。食潮州菜，一定要試吓佢個滷水拼盤！好喜歡佢個拼盤，每樣都非常入味，尤其係個滷水豆腐！滷水鵝+鵝翼亦肉質鮮美！跟住叫咗個鹹菜胡椒豬肚湯。分量應該至少有八碗。我最鍾意係佢個黑椒味，食完令我成個身都暖暖的，湯裏嘅豬肚同雞腳都已經煮到非常柔軟。好掛住阿媽啲湯嘅我，真係仲飲咗兩三碗！蠔餅亦一定係潮州食品嘅精髓。估唔到蠔餅裏便有非常多嘅蠔，同埋每隻都幾大隻，加埋嗰蛋餅，亦非常飽肚！最後加個菜，炒芥蘭加咗啲魚乾、冬菇，唔會過老，亦感覺比較健康！呢度嘅餸都好大碟，而家新開張有七折，真的性價比非常高！

因為疫情，已經好耐沒有跟朋友外出見面或者食飯了。朋友介紹最近始創中心有間新開的潮州菜　—　潮．悅。有很多優惠，例如有7折、更送大家最需要的口罩。就Give It A Try吧!潮州滷水拼盤潮州菜必食的當然少不了，包括有滷水鵝，豆腐，滷水蛋，滷水五花腩。五花腩油脂味甘香，厚薄度剛剛好，不會吃得整個口都是油膩感，令人想一件接一件。滷水鵝肉質很嫩滑而且味道剛好，不會太咸卻又帶有很香的五香味(八角、桂皮、小茴香、丁香、花椒)潮式煎糖醋麵一度非常潮州的名菜，大廚非常驚喜地將整個糖醋麵整成心形。煎得金黃香脆的麵加上砂糖和醋，酸酸甜甜的，無人不會喜歡吧。鹹菜胡椒豬肚湯胡椒味濃郁，豬肚份量很多而且很容易咬，很暖胃。潮式煎蠔烙非常足料，簡直就是每啖都有蠔仔。金泊杞子桂花糕清甜的桂花糕作為晚餐的結尾。

同幾個同事一夥兒到始創中心試新嘢。逆市開酒樓， 咁大膽！ 咁就要試下有幾真材實料！豬手粒最快到， 很惹味很香口但不確喉。 鹹水角十分趣緻， 形狀似啤梨， 食落又唔黏牙。 齋腸粉都很滑， 不過粉皮似乎厚咗啲。 安納芋蕃薯酥個樣就真係麻麻地， 但係食落好有驚喜！ 筷子一夾嘅時候， 啡色嘅外皮脆裂， 見到紫色嘅番薯， 夠熱又鬆軟， 內裏還有一些黃色的汁醬， 口感一流！ 潮式煎筍果 有潮州風味， 金錢肚及牛肉球也不錯。 海皇煎薄撐 就爭少少啦， 材料唔夠多， 都要 30多元。 韮王炆伊麵夠曬大碟， 材料也很充足。 流沙包真係流沙， 鹹中帶甜。 叉燒包十分正！ 材料足， 汁醬亦唔會傑撻撻！ 接近流沙階段！食個lunch，埋單都有八折， 仲想點呀！？ 真係拍曬手掌啦！

潮悅第一次到潮悅吃飯，它的裝潢和一般的酒樓一樣，沒什麼特別。菜莆煎蛋菜莆煎蛋本是很普通的菜色，但是就是因為普通的菜色，才能顯出廚師的厲害。煎蛋有很香的蛋味配上菜莆，很有層次感。欖菜肉碎炒苦瓜如果喜歡吃苦瓜的人，這道菜也是不錯的選擇，因為欖菜炒苦瓜很好下飯。滷水拼盤滷水拼盤有滷蛋，鵝翅，滷豆腐，調味道也不錯，若是配上一碗白粥就更美味了。總的來說這餐廳可能是因為套餐的關係，所以份量不太足，略嫌少了些。

上兩個星期十點幾路過，見好多人，都等位，無等，今日（13/3/2020）早上九點幾再嚟，可能還早，一到即有位。賣點係一蚊燒賣，當然要食，另叫咗承傳手藝叉燒包、安蝦啤梨咸水角、黑毛豬叉燒腸粉、醬皇金錢肚、潮州蒸粉果、香蔥糯米卷及小心食流沙包，八個點心，三個人食，埋單$138，平均每人$46，抵食。粉果、燒賣及糯米卷，一般，咸水角、叉燒包及叉燒腸，好足料，好食，金錢肚麻麻，唔夠味小心食流沙包，真係要小心食，流沙好熱及多，一咬即湧出嚟

百花釀六頭鮮鮑真係一道考功夫既式，入面既蝦肉彈牙爽口，鮑魚又夠入味，滿足一定高級既享受。海參彈牙，膠原滿滿，係女人必吃的一道菜，而且重有新鮮帶子炒姑，實在番尋味，老人家都應該非常岩食，無骨得黎又軟滑。愛好素食既我每一餐都一定要有青菜，呢道集合左幾款唔同既蔬菜，重有瑤枉同金華火腿調味，清得來又吃得出鮮味，而且擺碟都非常吸引，係一把扇的設計。最後一道係叉燒，真係真係一定要試，燒得焦香，甜道和肉味恰到好處，肉質軟腍，而且滿滿肉汁，送飯一流，剩係呢道菜都已經加晒分。

太子食店食到悶，竟然俾我發現樓下果間酒樓轉咗手，仲要係潮州嘢，梗係約埋班架己冷踩場紫菜踩場試菜啦。入到去裝修冇乜點變，問清楚有潮菜先坐底。招呼不錯，都有心機推介。先試了川椒雞，雞滑夠惹味但d葉不夠脆。水瓜咯有驚喜，有蝦有帶子好豐富，正! 另外蠔仔粥夠正宗，就係大粒珍珠蠔，好脆口。我地幾個架己冷好滿意，以後多一個聚腳點!

受到疫情影響，大家都減少外出吃飯而近這幾個月也改變我的消費模式，大多只去商場的餐廳 因為大多已free parking 對於駕車人士的確是好消息而這家在太子的潮悅更有7折的優惠，價錢折後相當吸引 聽說大廚是由陽明山莊會所請回來做主廚，帶給大家正宗的潮州菜 百花釀六頭鮮鮑來打頭炮，六頭鮮鮑彈牙之餘又夠腍 而所謂的百花看起來似是蝦膠，口感彈牙爽口而呢道太極素菜羹更是第一次嘗試，口感棉密帶有淡淡菜香 剛好中和剛剛較濃味的頭盤，和迎接打後的主菜 碧綠石榴雞賣相非常可愛， 入面是炒香的雞粒和栗子碎增加口感，內外都充滿雞汁香味 潮州滷水鵝片入常入味，而且腍滑，底下的豆腐也香甜 而這煲鮑魚黃酒炆雞更是送飯一流！ 非常惹味而且一邊拌開一邊聞到酒香，雞件嫩滑更吸滿汁香拔絲反沙芋這個甜品一出場大家也呆了因為實在高到像個聖誕樹…而且大家都應該知道反沙芋本來就是高難度考手工的甜品 又要先把芋頭炸完再把糖煮溶而一邊炒一邊收汁…最後更有拔絲雕花 這個脆脆一定要夠多才會把粉粉的芋頭香更升昇華！

近期疫市非常影響飲食業，很多餐廳倒閉，但最近有間酒樓居然係疫市中開張，開張大約兩星期，已經見不少客人光顧，可能是因為有不少優惠，例如：晚餐全單７折，１蚊燒賣等等，重有滿額６小時免費泊車等等聽起來真係非常吸引，所以今日就去試一試呢度既潮州菜。聽聞大廚係高薪請回來，全為了給大家正宗美味的潮州菜，菜式非常考功夫，看賣相已經知道下了不少苦功。百花釀六頭鮮鮑　六頭鮮鮑非常入味軟腍，釀入的吃起來像蝦滑，口感彈牙。太極素菜羹　非常考手藝的一道菜羹，健康又好味，口感像豆腐般細滑，高纖維，味道剛剛好，大人小朋友都岩食。碧綠石榴雞　這款造型像小籠包一樣，外層薄薄的麵皮包著炒香的雞粒，加入像粟子般口感的小顆粒，雞粒很嫩，湯汁入味。鮑魚黃酒炆雞 　非常非常非常香，吃起來野味而不辣，雞件鮮嫩入味，砂鍋熱燙，服務店在我們面前把材料撈均勻，酒香撲鼻，真係非常杼激食慾，陣陣焦香真忍不住口。拔絲反沙芋　可算是藝術級的甜品，以潮州特色甜品反沙芋配上高高的糖漿拔絲，將糖絲包住反沙芋，香脆的糖絲和外脆內軟的芋頭真是絕配，芋頭選材非常好，粉粉的很好吃，真的要一試再試！因為要上４樓需要坐指家電梯，要看到這個位置的電梯才能到達。

同屋企人去親始創中心 麵係飲茶啦 果度有幾層麵係大酒樓 不過，最近見有間新既《潮悅》開咗 就梗係去試吓新野啦。太肚餓既關係 我地第一件事叫咗「黃金叉燒」。上檯就已經目測 顏色吸引、油份適中，筷子夾上去 就直頭有驚喜 因為非常鬆化呀👍🏻 通常中茶食肆既燒味 都係一般貨色 呢度唔係囉！跟住就黎咗「太極素菜羹」 呢個一定係相機食先。除左有顏值 飲落啲 Blend咗既菠菜 好滑溜 真係估佢唔到👍🏻見隔離檯有個厚肉海參 就唔執輸叫黎試吓。 海參長過手掌而厚肉既 實在少見 芡汁配上西芹粒、帶子， 成個鮮味岩岩好👍🏻跟住 就輪到「鮑魚滑雞煲」 呢個煲未打開蓋 都幾香喇！ 以往麻麻地食呢種餸菜 因為通常都會好咸。呢個就唔同 除左「鮑有鮑味」😂😂 用新鮮雞有有少少甜味 相信係有糯米酒醃雞既 真係食得出係心機菜👍🏻最後就黎咗「糖醋麵」， 好欣賞個麵 薄薄脆脆而個醋既酸味唔重 落少少砂糖 就已經Perfect!呢間位置咁方便 我地應該好快就Encore!

最近雖然肺炎疫症肆虐，但在逆市之中，始創中心默默地開了一家以傳統潮州菜風味及高級粵菜為主打的酒家，無論食材，賣相，菜式味道的水準都非常高，的確值得一試。餐廳對衛生情況都有多加關注，入口放置了消毒搓手液和探熱器，可以確保食客和職員安全。另外餐廳空間感足，枱與枱之間距離亦夠寬，環境整體舒適。現時新長期間，餐廳亦推出不少折扣優惠，包括7/8折，泊車優惠，抗疫禮品等。餐廳除了傳統潮州菜式外，另有不少高級粵菜，通通採用優質食材，選擇多之餘亦不失質素。【鹵水鵝片拼豆腐】鹵水鵝片的肉紋條理分明，滷水上色均衡，油香十足，而且薄切鵝片的肉汁豐富、咬口軟嫩。鹵水汁味道濃淡得宜，略帶香料的豐富層次～【百花釀鮑魚】百花釀鮑魚的賣相非常精美得體，擺盤細緻，就連伴碟的芥蘭都略有造型，可見師傅的用心。菜式將蝦膠釀入鮑魚中，蝦膠非常爽彈，配上長時間燴製的鮮鮑，完全不韌，口感豐富之餘，層次分明。【菊花石榴雞】原來菊花石榴雞裡面沒有菊花，也沒有石榴(笑)～餐廳經理推薦了這道潮州名菜，外形有如福袋，由薄薄的蛋白皮做成小袋子，相當考功夫。小袋子裏面包裹着滿滿豐富材料，雞肉、冬菇、配菜等。這道菜賣相與風味俱備，而且在其他餐廳甚

近日因為肺炎疫情，已經好耐冇去酒樓飲茶食飯，老公一向喜歡上酒樓，知道太子始創中心有新酒開，終於忍不住要我陪他去試試，酒樓名潮·悦，主打潮州菜和粵菜，酒樓裝修擺設高雅，座位寬敞舒適，每張椅都有椅套套上。侍應招呼也很殷勤，店內設有防肺炎的消毒用品供客人用。每位侍應也有戴上口罩，枱與枱之間也有距離，讓客人食得放心。太極素菜羹:綠色是用蔬菜配上湯攪成菜茸，味道比較淡，白色加左蛋白味道比較鮮甜和濃味，呈太極圖案，食時將之伴均勻，味道互相平衡，味道剛剛好，鮮美又creamy。黃金义燒:肥瘦適中，燒得焦香肥美，口感細嫩，甜蜜可口。八寶荷包海參:海參厚肉又大條，經過繁複的烹煮程序，再用蝦、沙葛、瑤柱、菇菌等切粒放入海参內，烹製後，問再淋上特到調製的蠔油獻汁，海參燜得十分入味，口感又滑又彈牙，骨膠原豐厚，餡料也很爽口，沾滿醬汁甚惹味！鮑魚黃酒炆雞：用沙鍋盛載上枱，一打開蓋，沙鍋熱騰騰發出沙沙聲，香氣四溢，四隻鮑魚最奪目，鮑魚都算大隻，炆得入味，口感彈牙。雞件食得出是用鮮雞，炆得夠入味有口感。雞味香濃，醬汁調得好惹味。

呢間新開張嘅餐廳，喺呢個環境逆市開張，心諗，一定好有信心和實力，於是今晚來支持一下，況且呢段時間，香港人都悶左好耐😅而且消費到指定金額，有免費泊車，最多可以免6小時添，慳返好多喎😬今晚上到嚟，已經成九點，呢個鐘數，客人都唔少喎，睇嚟大家都好知定👍🏻👍🏻👍🏻潮州滷水鵝片$148，件件靚位，啖啖肉，咸味啱啱好，好耐無食過咁有肉味香濃嘅鵝片了，正😍碧綠石榴雞$38/位，好精緻，好巧功夫，將豐富嘅餡料包起蒸煮，精華集中，入口回味無窮👍🏻百花釀六頭鮮鮑$128/位，鮮芥蘭伴碟，賣相滿分，用刀叉品嚐，百花餡料爽香彈牙，六頭鮑更加鮮嫰滋味，一片片細味，極品👍🏻會影金蔬$168，精緻又美味，不肥不膩，食得健康，啱哂愛keep fit 嘅我，特別係望落好似帶子嘅蘿蔔，望落有啲似分子料理😍😍😍買單人均消費三百多，已經食到咁高質素嘅粵菜，絕對值得推薦比大家🤗