潮．悅 (始創中心)

營業中

休息中

"時令海鮮併併賞" 自選一款海鮮再配搭二款小菜另散叫了滷水拼盤同炒飯滷水拼盤有鵝片，紅腸，蛋，豆腐，腩肉，豬耳，大腸.. 份量唔少， 滷得入味但唔算突出彩椒菠蘿咕嚕肉咕嚕肉帶點脆口，肉質軟淋，醬汁酸酸甜甜，配埋三色椒同菠蘿，非常開胃上湯焗澳洲龍蝦(伊麵底)龍蝦啖啖肉，蝦肉爽口，伊麵吸收哂龍蝦汁嘅鮮味，麵條完整唔會碎濕濕濃湯海鮮雜菜煲煲仔熱辣辣，海鮮有蝦仁，魷魚，蚌片.. 及各款蔬菜，啖湯幾清甜芋頭咸肉粒炒飯飯粒軟硬適中，乾身粒粒分明，有蝦 ，芋頭粒，咸肉，冬菇及蛋，加上炸蒜好香脆，口感豐富金不換鮑魚雞煲一開蓋就聞到香味，鮑魚質感彈牙有咬口，雞肉厚身嫩滑，煲內洋蔥同芹菜入哂味，送飯一流

到潮．悅 飲茶，位於太子彌敦道750號始創中心4樓402號舖。 店內樓底高，座位舒適。 大約一點到達，好快有位， 我們點了鮮蝦腸粉、牛肚、蝦餃、 潮州粉果、 蘿蔔絲酥、 炸豆腐、 酥炸魷魚鬚、 潮式豬腳仔、 雪山叉燒包、蜜糖脆麻花。 🥢鮮蝦腸粉 ～ 滑嫩口感， 鮮蝦爽口大隻。 🥢牛肚 ～ 入味，夠軟腍。 🥢蝦餃 ～ 啖啖蝦肉，皮薄餡靚。 🥢潮州粉果 ～ 粉果皮煙韌， 裏面肉汁多。 🥢蘿蔔絲酥 ～ 層層酥脆，食落不膩。 🥢炸豆腐 ～ 味道普通。 🥢酥炸魷魚鬚 ～ 口感鬆脆惹味。 🥢潮式豬腳仔 ～ 口感軟而入味， 酸甜清爽。 🥢雪山叉燒包 ～ 熱辣辣，香軟好味。 🥢蜜糖脆麻花 ～ 香脆美味，蜂蜜味道非常香甜。 點心質素不錯， 下次可以試下晚市。🏷️溫馨提示～ 整個用餐體驗均屬個人分享意見， 只作參考😊。

是日元老級同事相聚，已各散東，現餘下三人，不久只有兩人，當中一人，也渴望改變，或許下次相聚，又再不一樣了。今次能見已是萬幸，當然要好好去食一餐。半席人，但大多胃口細，只叫了一個四人餐，再加一嗰龍蝦伊麵，已令大家吃飽飽。有鹵水拼盤，（除腸大家興趣一般）沙汁脆蝦球，（好味，真脆，仲有炸元貝）薑葱焗潮仙𧐢筒，碧綠玉帶蚌片，清蒸龍躉，芋蓉香脆鴨，（剛咳好，怕熱氣，只敢淺嚐）波士頓龍蝦伊麵。當中最愛碧綠玉帶蚌片（脆……每一種食材也炒得好脆），清蒸龍躉（真心可以自己吃畢一整條，如果沒有其他餸，超鮮甜）。最開心係有好味紅豆沙作結。

原本約咗開學日夜晚食呢餐生日飯,  點知遇著10號風球, 之後一星期又遇到黑雨, 最後在風雨過後順利平安同朋友慶祝生日! 一行8人,  叫咗九個餸四支啤酒埋單都係1400蚊左右 , 幾抵食!  呢間酒樓係食潮州加廣東菜式，叫咗個鹵水拼盤好大碟， 鹵水入味，唔會太鹹， 方魚肉碎粥好味，另外叫咗條魚同灼蝦都好新鮮 ， 蝦肉好實淨鮮甜。 咕嚕豚肉， 川椒雞球，豉油王炒麵， 春菜腩肉煲， 海鮮雜菜煲， 樣樣份量都好足夠 ，味道唔錯。 服務都Ok啦。唯一係酒樓收10點， 食飽同朋友傾多一陣，想坐耐少少就無咁方便。

五月同一班舊同事在這間潮菜館食晚飯，當時覺得價廉物美，職員說由於我們有六6個人，送咗半隻乳豬，大家食得非常高興。今日專程帶大家姐來飲茶食點心。蝦餃的蝦彈牙又甜，有水準。韮菜豬紅的豬紅好味，韮菜則太老有渣。义燒飽及蜂巢芋盒味道唔錯。再次食到加了薑絲的大地魚蠔仔肉碎粥，我同大家姐一致認為放胡椒粉已足夠，不需放薑絲，因並不是每個人都喜歡薑絲。菜心夠翠綠及清甜。下次會再來試其他點心。

我今日嚟到呢度，學識咗一個新嘅菜式啊：炸鯪魚球原來啲鯪魚球一炸起咗之後，就會即刻收水㗎喇，我問個部長，點解你哋炸鯪魚球唔係圓轆轆？佢話佢哋呢度一炸起，因為氣壓嘅問題就會收水，真係好鬼科學㗎！但係我又唔明點解啱啱乍起嘅嘢，唔脆個喎🤔啲部長通常兩三個一齊響度研究一啲話題，就算啲主管叫佢哋唔好再傾，佢哋完全唔理㗎，非常專心投入佢哋嘅討論，比我聽到，佢哋通常都係講：邊個放假，幾時返工嗰啲咁嘅工作性質嘅問題。我諗佢哋呢啲專業態度，我一定可以令到佢哋嘅業務蒸蒸日上啦⋯⋯

中午飲茶， 茶order鐵觀音是茶包，飲完之後覺得嚡脷, 轉飲滾水。 藥膳燉雞腳魚頭 頂點31.8， 雞腳溶溶爛爛浸住藥材水，魚頭入口腥味重。 特點28.8 蝦醬蒸鮮魷 , 暗暗色澤，入口魷魚蒸過頭，趙唔開硬硬。 亦有order蟹籽燒賣，白玉棉花雞，燒賣唔錯，正常兼新鮮。 佢哋嘅辣椒油又香又夠辣。

美滿全包宴 （6人）$1488潮汕滷水大併盤好味指數 4.5/5 🍭🍭🍭🍭🍬{份量很多 款式約有7款 包括有：豬腸 紅腸 蛋 豬耳鵝肉 腩肉 豆腐 每款都好入味又唔會好鹹 每件都好大件}沙汁脆蝦球好味指數 3.5/5 🍭🍭🍭🍬{蝦肉很爽口 沙律醬很多}姬松茸燉螺頭湯好味指數 4/5 🍭🍭🍭🍭{湯又清又甜 用料十足}果皮蒸大連鮑魚好味指數 3.5/5 🍭🍭🍭🍬{鮑魚唔算好大隻 肉質實身彈牙}翡翠炒龍躉球好味指數 3/5 🍭🍭🍭{西蘭花新鮮 龍躉球肉質不夠嫩滑 很乾身}金銀蒜蒸龍躉頭腩好味指數 3.5/5 🍭🍭🍭🍬{魚肉鮮甜 肉質實身爽口 沒有油膩感}竹笙野菌浸時蔬好味指數 3.5/5 🍭🍭🍭🍬{竹笙入味很腍 一碟份量很多 野菌和菜都很甜}乾蔥豆豉雞好味指數 4/5 🍭🍭🍭🍭{一鍋雞肉很多 估計約有一隻雞 雞肉很入味}瑤柱蛋白炒飯好味指數 3/5 🍭🍭🍭{炒飯粒粒分明 乾爽 每口都有淡淡既瑤柱味 蛋白既份量就較少}

可谓是大灰狼，小白兔食堂之一，太子价廉物美潮州菜。跟我老公吃了多次了，这次筹集一堆图，要给他大大的点个赞👍🏻。比较推荐的菜色，鳝鱼系列，烤鱼，带子虾仁滑蛋(大带子，大虾仁)，椒盐鲜鱿(真鲜鱿，不像好多点都是鱿鱼须)，芋泥福果(好喜欢的潮州甜品)。每次都会奉送糖水，种类还不少，有红豆沙，绿豆沙，芝麻糊，椰汁紫米露。饭后来份糖水，满足服务还特别好，员工们都很热情，每次去都吃的很开心舒畅。希望店家好好保持。

1:45拎飛, 2:00就可以入座. 可能因為打風兼閒日嘅關係當日嘅人流唔多, 應該得五成滿. 兩個人食咗7樣嘢, 飽到晚餐都唔使食😂海皇煎薄撐正正常常, 配料唔多不過好彩算煎得香脆, 唔會食落成口粉椒鹽魷魚酥非常惹味, 脆漿薄薄一層, 魷魚酥條條都好大條好滿足薑蔥牛柏葉蒸得好入味, 我最鍾意食下面墊底嘅蘿蔔, 索晒啲精華現場最多人叫嘅應該就係呢個高湯鮮蝦水餃, 水餃大大隻好飽滿. 口感彈牙得嚟唔會落太多肥豬肉所以仍然食到蝦肉嘅鮮甜.奶皇包食咗一個先記得影相. 熱辣辣咬開差啲比啲爆漿辣親口🙈酸菜魚湯鮮竹卷無乜突別, 食唔出酸菜魚嘅味道. 當普通一個鮮竹卷食係可以嘅最後叫咗個炸鮮奶做甜品, 因為即叫即炸所以好好食, 為呢餐劃上完美嘅句號😋

Chiu Garden is a place for yum cha during daytime, and serves Chinese cuisine during night time. They set up a lo sui counter during dinner service, just like other chiu chow restaurants. 滷水拼盤 Assorted Lo Sui PlatterThe lo sui sauce was a bit salty for me. Big portion with Chinese red sausages, eggs, goose feet, goose wings, sliced goose breast, pork belly and squid. 潮悅脆皮雞 Chiu Garden Crispy Chicken Half Portion $98Good deal compared to other Chinese restaurants. Very crispy, still juicy inside.

今個星期朋友撩我去打邊爐，原本諗住去佐敦任食，但突然我醒起月頭喺太子始創中心潮悅，因為真係好食，同埋眼見食材新鮮，嗰次朋友請唔知咩價錢，所以番兜。我朋友知道呢度唔係任食，怕食唔飽，又肚餓，食完一碟花生🥜，仲問人可唔可以俾多碟花生🥜，話啲花生好好味😂😂，但點知食到飽時，發現仲剩烏冬、菜、龍躉魚片、些少龍蝦🦞未食晒，仲有甜品桂花糕+椰青水馬豆榚，我朋友都話所有嘢食真係好好味😋其實我哋叫咗個$818二人龍蝦海斑套餐(未計試食價7折)，湯底麻辣鴨血。埋單時，睇番個價錢每人$344，我朋友都話平，但後尾發現呢個promotion做到10月尾🙈🙈

同事farewell去太子試新野同事話呢間酒樓做開潮州菜, 最近加入埋火鍋同埋川菜, 試過好抵食於事我地就襯同事farewell去會一會佢喇全部火鍋野7折都幾底食幾款肉都好高質, 海鮮新鮮😍4個人嗌左兩個二人餐 好夠食 埋單1151蚊, 平均280蚊位, 唔加野食都好夠飽麻辣鴨血鍋, 湯底味濃, 愈食愈辣 愈辣愈過癮百花脆條好有驚喜, 用油炸鬼釀蝦滑去炸, 食完飯唔到轉頭套餐包任飲啤酒汽水同果汁, 雪櫃有凍杯超級加分!!同場有做七折川菜, 因為太飽無機會試, 聞到旁邊有人食緊香鍋好吸引

星期日本來係樓下商場用app訂咗檯食飯，準時去到竟然要我地重新攞飛等檯，仲要等咗好耐明明有檯都唔都無比位，嬲得滯周圍搵地方食行過見到潮悅，問下有無位？竟然有就馬上轉場。價錢唔算貴好合理，例牌八個人都夠食。最正人唔多，坐得舒服。香酥鴨鬆化，併盆好見食咕嚕肉啖啖肉無骨頭，炒龍躉頭肉厚唔硬，幾滑口。蠔仔了大大煲，仲要有好多蠔肉。豬軟骨夠淋又入味臨走前仲有糖水送，埋單送咗幾張cash coupons 絕對會再去試下！

朋友很喜歡吃中式菜， 所以我們今次選擇去酒樓吃吃！ 這間在太子的心潮悅， 環境富麗堂皇，氣魄雄偉，樓底非常高，完全沒有局促的感覺，而且枱與枱之間的空位很多， 在疫情下出街吃飯完全沒有感到不安👍🏻👍🏻還有房間提供， 真的完全合乎喜歡自成一角的我們！ 將來結婚， 還可以考慮在這裡擺酒🙈講番菜式， 我們選了很多很特別的菜。 -皇牌鵝三寶（鵝片、鵝肝、鵝腸）食西式的鵝肝我就食得多， 中式鵝肝又是另一個層次及味道😋-鹵水併盤幾款鹵水紅腸、蛋、鵝片…等等併合！潮州菜必叫的好味菜式-汕頭煎蠔烙這個煎蠔烙又是吃不停口，喜歡吃蛋的人必定要試！ -梅菜焗馬友魚這個馬友魚真的好香口，食落口卜卜脆！ 每口配上梅菜，又脆又甜-金湯海皇紹菜包用紹菜包肉再用上湯吃，清新感覺-紅燒遼參玉掌玉掌好味真的好興奮😆-麻辣鮑魚雞煲雞控的我， 真的好喜歡吃這個雞煲，麻辣味不會太辣，雞肉滲出點點香吃麻味， 其他雞煲專門店也未吃過這味道， 好好味喔-糖醋煎伊面很有心思的一道菜式，師傅將伊麵煎成心形！ 好漂亮， 色香味俱全😍-反沙芋條這個芋條我第一次吃，好特別的甜點！ -鴛鴦水晶包不同顏色的水晶包，甜上心頭每一樣都非常特別，而且價錢