海記合桃坊甜品

營業中

休息中

見到有芋圓同紫薯同香蕉船 掙扎咗一陣先諗到食咩，如果有啲熟食小食一齊食我覺得會更加好。我地就叫左個『鮮果椰青凍』，另外果個已經唔記得左叫咩名😂椰青凍幾足料🙌🏻好多生果舖面有芒果、藍莓、士多啤梨等 甜度岩岩好底部椰青凍先係精粹😽，晶瑩透徹、味道都好清甜，果凍入面係用椰子水同椰肉整成另外果碗每食一啖都好似爆珠卜卜聲，口感好得意呀又唔會太甜 價錢兩個加埋都係好似六十幾蚊 一啲都唔貴 下次我要試芋圓系列❤️

海記甜品食過好多次，今日去開旺角買野發現西洋菜南街又開左間新店，新店環境好啲光線充足 ，成個感覺乾淨企理，店舖主打港式甜品，有多種不同款色選擇，有時興布丁雪糕，亦都有傳統合桃糊，重係店嘅名物🥳沙沙合桃糊 $32 🌟自家磨製、合桃香脆可口、合桃糊加埋合桃粒粒，口感更正😍😍😍芒果布丁配雲尼拿雪糕 $47幾重奶味，不會太甜膩，配雪糕食無得輸可可奶凍配綠茶雪糕 $45最鍾意朱古力配綠茶味，加埋香蕉冇咁甜，又食得健康D宇治金時涼粉 $45呢個比較日式既抹茶雪糕加紅豆配小丸子涼粉超正❤️小丸子煙煙韌韌好好食😋😋😋太多款、樣樣都想食，下次會試佢地泰椰系列😍😍😍

新年佳節一定會約朋友食飯，食完飯之後我哋都會會有下半場，就係食糖水🍨❤️食飯後食糖水呢一個文化已經由我中學時候開始，每次食完飯大家都依依不捨😍👍🏻今晚我就同朋友一齊去到一間用心製作甜點嘅港式甜品店食糖水，甜品店主打出色嘅合桃甜品而聞名，熱門推薦沙沙合桃糊、薑汁燉鮮奶等滋保美顏甜品😋加上夜晚都好旺，都有唔少人喺門口排隊🤓⭐️合桃糊＋芝麻糊 $29嚟一個雙拼先，合桃糊＋芝麻糊味道又香又濃，口感粘稠順滑，重點佢唔會好甜，每一次嚟食都會叫一碗👍🏻😙好好食🤤又養身⭐️杏汁蓮子燉雪耳 $35揉合杏仁香濃味道同雪耳嘅膠質，令到成個口感又綿又滑，而蓮子及雪耳嘅份量都唔少㗎，而且仲非常入味👍🏻有香濃嘅杏仁味！⭐️芒果腸粉🥭 $48白色外層係椰汁皮，椰汁味香濃，食落去爽口彈牙！而且內餡係用咗新鮮又甜嘅芒果肉超厚實👍🏻食落去有香濃嘅椰汁味，亦都有芒果嘅味道🥭⭐️冰青白玉 $38創新創意嘅甜品🍨，唔你間間都有，雲呢嗱味西米露做底，再加入小丸子、金柚肉、Q果及鮮忌廉，俾人有一種多重嘅口感體驗🤤！

傳統得黎，面門又乾淨企理既中式新派糖水舖！😎😎好食既糖水舖愈黎愈少，多左好多食台式芋圓既，想搵中式鋪一係就門面比較舊，一係就逼夾夾咁😕，坐落去就想快快脆食完走人🏃🏻。海記新裝修，既有傳統中式糖水又有新式甜品，坐位空間足夠，好岩幾個朋友仔坐低傾下偈。椰皇燉鮮奶同冰青白玉（即係西柚什果小丸子西米露）正常發揮，價格都合理！旺角有兩間分店，同朋友食完飯，想續攤，大家可以考慮下黎海記食個糖水😋😋

中式糖水老字號位於太子的海記合桃坊甜品餐廳空間感充足～光線明亮坐得舒服～可以慢慢嘆碗靚糖水ꔐ沙沙合桃糊 ($32)店家signature 之一自家磨制的合桃糊選用雲南合桃， 合桃香氣更濃郁甜度控制剛剛好，口感細滑不膩口沙沙是指添加在合桃糊上的合桃碎口感風味更為濃郁ꔐ好拍檔（$46）賣相好吸引，用椰子殼裝住椰汁同芒果雪樂冰還配有柚子肉同芒果等水果 雪樂冰香甜綿密芒果味香甜而椰子味很濃郁無論分開食還是單獨食都非常滋味ꔐ楊枝甘露 ($45)糖水之中最愛楊枝甘露芒果味香濃 ，西柚同西米份量都好多非常足料ꔐ桑寄生蓮子紅棗蛋茶（$29)安神補血必補，飲完馬上暖笠笠微甜配方令紅棗味更為明顯帶茶香無苦澀味雞蛋浸泡得很好，不會過老很適合女生飲用

我真係好鍾意食中式糖水 試過好多間都中伏🥺二訪 #海記合桃坊甜品 原因係用心製作甜點既港式甜品店 真係會繼續食落去❤️沙沙合桃糊🍨個個食客黎到都話佢以出色既合桃甜品聞名上次黎已經冇沙沙合桃糊 今次終於食到喇😚合桃糊味道濃郁 香味同口感都幼滑可 加埋上面粒粒既合桃食落去有咬口又香脆 大愛大愛😘 桑寄生蓮子紅棗茶🥚上次飲過覺得好好飲 最重要係行氣活血同滋陰養顏飲落佢係甜甜的 加埋隻蛋 飲完暖粒粒蓮子又唔會苦 食落去口感豐富 好滋潤😘燉奶🍼好似好簡單 但做得好嘅燉奶係好嫩滑的入口滑嘟嘟又濃奶味😌😌芒果腸粉 🥭滑溜嘅腸粉包住大大嚿芒果肉🤤腸粉咬落去有口感 如果腸粉皮再薄啲會更加出色😆📍海記合桃坊甜品 @hoikeewalnut旺角西洋菜南街238號#港式甜品 #合桃糊 #合桃甜品 #滋保美顏 #太子港式甜品店 ‪#薑汁燉鮮奶 #滋保美顏甜品 #太子美食

除左傳統糖水仲有啲新式啲甜品都有, 完全迎合曬所有年齡層既人, 所以食完飯都有好多人排隊等位😎紫薯雪樂冰芋圓豆腐花🍨($35)芋圓系列有好多唔同既配搭揀, 最後揀左有大量煙韌大粒既三色芋圓, 粒粒食落都好濃味, 配埋紫薯味既雪糕同好香豆味又滑既豆腐花食完真係超滿足😍宇治金時涼粉🍵($45)大量紅豆, 小丸子, 涼粉, 加埋好濃郁既宇治抹茶雪糕同少少椰奶呢個配搭簡直係冇得輸😋糖不甩🍡($26)最笠笠既無餡湯丸佈滿花生碎, 砂糖, 黑芝麻, 食落特別香又唔會過甜, 食完凍野食返粒即刻暖返曬😌呢度仲有好多其他唔同款式既甜品, 今次去呢間係新分店都有源源不絕既客人幫襯, 可想而知有幾受歡迎👏🏽

係旺角去親夜街都會搵糖水甜品食，選擇夠多，分享下我成日食既海記合桃坊甜品～旺角西洋菜南街呢邊就一條街都有兩間分店好方便! 啲位都算多，坐得舒服。小店多年黎用心製作港式甜品，除左合桃露出色之外，佢既芋圓系列都好受歡迎🔸糖不甩$26加多個糖不甩，都係一人食幾粒，好夠熱好煙，有黑白芝麻、砂糖、花生碎，好滋味。🔸香芋雪樂冰芋圓西米露$37推薦！！佢中間個舊係香芋味雪糕，勁香　芋圓份量都多，佢係珍珠咁既形狀，口感都唔錯。🔸椰皇燉海底椰 + 桑寄生蓮子紅棗茶$68佢有頁menu係兩款甜品一set咁，可以兩個人share。冬天滋補食燉海底椰同飲桑寄生蓮子紅棗茶就啱晒！椰皇入面有薏米、海底椰，都係養生之選。可能有啲人仲未飲過桑寄生，以為係黑媽媽係苦茶，其實唔係。通常糖水店會落Ｄ糖，飲落甜甜地，我成日都叫，飲左對女仔身體好，可以改善血液循環，而且熱辣辣飲完好暖心！仲有，加蛋呀，$2炸，啲蓮子都好大粒，好抵食～📍#海記合桃坊甜品 (#太子美食 #旺角美食) @hoikeewalnut旺角西洋菜南街238號➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟#港式甜品

海記已經係西洋菜南街開左2-3間分店, 無論中式糖水定西式都幾出色👍🏻 以合桃甜品最出名🍨 鮮果椰青凍 $56· 呢個凈係見個面滿滿水果, 底下仲有椰子條加椰青水做嘅Jelly, 食落好滿足好清爽🤤 有芒果、青提、士多啤梨同藍莓, 樣樣都甜唔酸🫶🏻🍧 芒果小丸子雪冰 $47· 中間夾咗層用低溫放芒果整既雪冰, 口感比較綿滑, 有楊枝甘露底再加小丸子同芒果汁, 成碗樣樣野都木有口感😍🍵 沙沙合桃糊 $32 + 湯圓 $7· 呢度最出名梗係合桃糊, 面仲有好多合桃碎, 香濃合桃味不停湧出🤤 果然好有水準呢啲凍凍地既天氣都幾適合食, 我地仲加左湯圓仲要係流出黎既芝麻湯圓🤤

/海記合桃坊甜品🇭🇰/#sa太子篇 #sa甜品篇➖➖➖<合桃糊果然係幾好食🤤> ➖➖➖呢間甜品舖開業多年最近係西洋菜南街都開左另一新店新店環境好啲 光線充足 成個感覺乾淨企理店舖主打港式甜品 有多種不同款色☺️例如平時食到嘅港式糖水新穎啲嘅水果甜品合桃糊係店嘅名物 當然要試下❤️特別依家冬天滋補下幾岩 另外都見唔少人推薦佢地嘅芋圓適合做飯前飯後甜品😋😋➖➖➖1️⃣沙沙合桃糊 $32 🌟合桃糊自家磨製～質感濃稠同幼滑加埋烘烤過嘅合桃碎粒 好香口 都增添口感👏🏻👏🏻冬天食暖笠笠好正☺️☺️不過都有凍嘅 ！ 係會有啲滯🤣🤣➖➖➖2️⃣套餐組合: 鮮果椰青凍+椰子糊 $74 一凍一熱都幾好😹椰青凍幾足料🙌🏻好多生果舖面芒果、藍莓、士多啤梨等 甜度岩岩好底部嘅椰青凍先係精粹😽 晶瑩透徹、味道都好清甜 果凍入面仲有啲椰肉夏天食應該更正🤘🏻椰子糊會食有椰絲～還不錯 係甜度稍高🙌🏻➖➖➖3️⃣芒果腸粉 $48🌟係平時最愛甜品之一🤙🏻腸粉係椰汁皮整成 滑嘟嘟 再卷住芒果肉 唔酸幾好食🙌🏻➖➖➖ 4️⃣紫薯香芋雪樂冰芋圓紫米露 $39 見芋圓都有唔少人食幾鍾意紫米露入面嘅紫米 有咬口 亦會食到椰汁味 另外分別有紫

夜晚喺太子轉車，想買下糖水返屋企做宵夜，路經呢間店，諗住呢個時間都好難搵到另一間糖水店，就試下呢間外賣。叫左香芋雪樂冰芋圓西米露，楊枝金露，芒果椰果小黑子。呢碗香芋雪樂冰芋圓西米露算最正常，不過啲芋圓除左有色外，根本一啲味都無，三隻色同小丸子一樣無味。呢碗楊枝金露，心諗點都唔會伏掛，個樣都正正常常，但唔知點解啲西米入面係混左啲爆珠入去，而且芒果食得出好似係啲大陸芒果咁，唔甜仲有陣好特別既味，個芒果汁底仲好似溶左既芒果雪糕咁，個味就係雪糕味，完全同我回憶中既楊枝金露有好大分別。呢碗芒果椰果小黑子，真心伏中之伏，想伏必點。我食過好多間甜品店都係正常芒果汁底配呢個小黑子，但呢間未食已經聞到有陣怪味，碗野望落去係紫色，食落不得了，難食到一個點，好似食緊化學野咁，連個芒果汁底都唔係芒果味，3個人分都食唔落幾多，就知唔想浪費都捱唔住。總結，呢間個名有合桃坊，咁可能真係合桃先好食，其他甜品真係試唔過，奉勸各位試其他比較好。想試下有幾伏就必定要點芒果椰果小黑子呀！

🍯閏蜜聚會意猶未盡想再吹下水👯🏻‍♂️Girl's Talk梗係要揀間夠滋潤嘅糖水鋪㗎啦🤭而椰子系列就係我哋睇中嘅目標🥥門口menu仲有套餐set揀添😋於是我哋就嚟到海記合桃坊續攤啦🥰☃️冬日系列甜品套餐：鮮果椰青涷➕️椰子糊(熱) $74椰子糊我哋嗌左熱食🥥一上枱已經聞到好大陣椰香味😌食落好似食緊溶左嘅椰子肉咁🤤而且味道唔會太甜😊椰香味最為突出！椰子茸打到好細好茸😳入口好順滑！After Taste仲有陣陣椰香味湧出🌊俘虜咗鐘意椰香嘅閏蜜🤣鮮果椰青涷顏色好鮮艷🌈上面舖滿左不同嘅生果🥭芒果🍇青提🍓士多啤梨🫐藍莓！生果食落都幾清甜！意外地而家冬天嘅芒果好甜🤤食落好甜好香芒果味！下層有充滿椰肉嘅椰子涷❄️椰香雖然冇椰子糊咁重但勝在有咬口😬彈牙嘅果涷配搭滿滿嘅椰子肉😋加上新鮮嘅雜果 哩個套餐都幾抵食！芒果腸粉 $48甜絲絲嘅芒果被椰汁皮緊緊包上🥭椰香配上芒果簡直冇得輸👍🏻椰汁皮咬落有椰奶香味🍼而且微微煙韌嘅口感同爆汁芒果好襯🤝🏻芒果果肉大大舊同椰汁互相輝映💪🏻好好味！可可奶涷 $45奶涷上枱已經吸引眼球👀動L動L嘅佢睇落好好食😝側邊仲有綠茶雪糕同朱古力香蕉🍌一款甜品有齊三種口味😋綠茶雪糕保留左綠茶嘅

近來氣溫驟降，晚飯後總心思思想來碗中式糖水暖暖身。是日與朋友經過太子港式甜品店【海記合桃坊甜品】，被其招牌甜品吸引，便來嚐嚐。沙沙合桃糊 ($32)店內名物，合桃糊香濃順滑，最特別的是糖水上鋪上大量新鮮合桃碎，不但誘人好看，也增加脆脆口感，創新組合可見其製作用心。餐牌上有6款套餐選擇，每款含2個特定糖水，比散叫平宜10多塊錢，相當超值。椰皇燉海底椰套餐 + 桑寄生蓮子紅棗茶+雞蛋 ($68 +$2)"椰皇燉海底椰"有燉椰汁、椰肉及海底椰，椰香滿滿口感滑溜，加入薏米及馬蹄，吃起來特別有嚼勁。朋友本來點了"桑寄生蓮子紅棗茶"。桑寄生糖水甘而不澀，喝下非常滋補。蓮子去芯煲得軟腍，幾乎入口即化。好拍擋 ($46)以半邊椰皇盛載，上面放滿新鮮芒果肉及柚子，散發夏日氣息。鮮果下有椰子和芒果雪樂冰，口感介乎雪糕與沙冰之間，有點像Sorbet。芝麻豆腐花 ($24)黑白配搭很經典，芝麻糊濃稠適中，質感細膩順滑。豆腐花嫰滑輕滲微微豆香，整體甜度不高，一濃一淡啖啖滋味。

食飽飯，點都好似差少少，經過「海記合桃坊甜品」當然要入內嚐嚐。最最最出名的👍🏻，便是那澎湃足料的「合桃糊」，合桃糊上還會加上大量合桃，真係見到都流哂口水！而他們更有甜品組合，真係樣樣都想食！沙沙合桃糊 (熱)他們的合桃糊都是自家磨製，製成味道濃郁的合桃糊，而且更會在碗面上加上粒粒合桃，非常足料。合桃糊質感較稠身，濃郁順滑可口，配上粒粒合桃口感豐富，絕對係真材實料，難怪被稱為必食的港式甜品店。椰皇燉海底椰 🥥用上原個椰皇燉製，他們更加入了大量海底椰、椰肉等…入口更有咬口，椰味清香甜美，滋潤潤喉。桑寄生蓮子紅棗茶 (熱)來到時已聞到桑寄生的香味，入口微微清甜手，配上蓮子、紅棗，更添香甜嘅感覺，真是不錯的飯後甜品！芒果腸粉🥭賣相吸引的腸粉，當中用上椰汁皮卷上厚肉清甜芒果，入口香滑彈牙，鮮甜味美。

🥜海記合桃坊甜品 《太子》好耐冇食過港式甜品 😮行完Mk 見到呢間海記甜品鋪 上網search 原來有好幾間分店 就一於試吓喇 呢度除左有馳名嘅合桃糊之外仲有好多其他款嘅甜品 今次就叫左呢4樣 🧉椰皇燉鮮奶🥛（$46）熱辣辣 燉鮮奶香濃又滑 又有椰子水嘅清香唔會太甜！好好食👍🏻🥭芒果腸粉（$48)椰汁皮卷住超甜嘅芒果肉 滑啫啫咁 好快啪晒🧉鮮果椰青涷+椰子糊🥥（$74）呢個係冬日限定套餐 雜果下面係椰青凍 超清甜仲有好多一絲絲嘅椰青肉！ 好有口感 食完凍野再飲返啖椰子糊 即刻暖笠笠 椰子糊好多椰子蓉 椰味香濃 口感超濃郁！叫左4樣甜品都唔洗$200 抵食推介👍🏻👍🏻