活水和風食堂

營業中

休息中

早幾晚約左兩位朋友仔，一行三人來到長沙灣食晚飯，上網搵到呢間日本餐廳，價錢親民，所以就決定去試下。店舖唔算好大，但坐落都唔算太逼。上網睇過其他reviews，好多人都推介牛肉鍋同埋吉列豬扒，所以我哋決定叫一個2人餐，入面有齊呢兩款食物，再另外加啲小食。呢到嘅店員好nice，會主動同我地介紹食物，成餐飯亦會主動走來走去幫食客加水執枱，完全唔洗特登舉手叫人來。~~~~~~~~~~~~食物介紹~~~~~~~~~~~~🤩精選二人餐(HKD 298) 以下為套餐內包括嘅食物:🐂安格斯牛肉鍋牛肉鍋內嘅牛肉份量十分多，牛肉食落新鮮，湯底偏甜配飯食一流，食客可以根據自己口味另外加上芝麻同七味粉。🐗吉列極上鹿兒島黑毛豬我哋最期待就係呢個吉列黑毛豬，上菜前店員先送上一碗芝麻同炸豬排醬，客人可以根據自己喜愛嘅口味同口感去磨碎啲芝麻，再倒上炸豬排醬一齊攪拌，然後用來沾一陣嘅豬扒。到主角吉列黑毛豬，size唔細，咬落十分之脆口，但外層嘅炸粉唔會太多，豬肉唔會炸到好乾身。呢個絕對係今晚嘅VIP🐓鹽燒雞翼相比套餐內前兩份食物，燒雞翼就比較遜色，雞翼有啲乾，食落味道上較淡。~另外仲有煙鴨胸沙律，白飯，味噌湯，日式甜品

今日去咗長沙灣食呢間街坊日式餐廳價錢親民兼份量夠大🧡⇢🍱 照燒雞扒定食 $68定食包咗麵豉湯、螺肉同埋沙律🥗雞扒好大塊 肉質幾嫩滑照燒汁俾得好足 好入味啲汁撈埋飯食真係一流🍚⇢呢間勝在價錢夠親民 份量又大相信男仔都夠飽💛

今次就係晏晝同另外一個朋友過咗嚟呢邊食飯，咁係食飯時間都見到一啲人喺出面等緊位，咁入面懷疑係老細嘅男人就同我哋講好快就會有位，咁入面就分開咗兩個人嘅位同埋四個人嘅卡位，咁大概等咗15分鐘之後就入咗去，咁坐低嘅時候個老細就會同我哋介紹今日有啲咩特別嘅套餐，同埋佢哋招牌嘅極上吉列鹿兒島黑毛豬扒飯。咁我同個朋友就叫咗呢樣試吓，咁好快就有個姐姐上咗一碗芝麻，同埋一支木棍，咁就俾我哋用黎磨啲芝麻，我之後就到個醬汁落去個芝麻度，最尾就用塊豬扒點落去。大概等咗15至20分鐘，一塊超大嘅豬扒就係我哋面前出現，佢已經幫我哋切好咗，而每舊其實望落去都幾厚。如果要批評下嘅話就應該係佢豬扒肥嘅部份都幾多，而且雖然望落去係好厚，但我嗰塊都只不過係個脆漿厚啲，而唔係塊豬扒真係咁厚🤔而且個價錢都比佢餐廳嘅其他食物貴，如果你係好鍾意食厚豬扒嘅話你都可以試吓嘅🤣

走進呢間和風食堂，食到既日式咖哩豬排定食，真係岩晒茶飯無間！豬排嘅外皮炸得脆口，入面既肉雖然略為乾身，但都算夠嫩，沾上咖哩汁食，話唔上頂級但都算滿足日常味蕾。再講講佢個月見極上牛丼呢，實在打正食己啦！飯面鋪滿牛肉，再加上一隻嫩滑既生蛋黃🥚，攪拌之後嗰個口感，滑溜得o地～真係流口水咯！同桌仔嘅中華沙律都出奇地令我回味無窮，啱啱好嘅酸甜調味，解膩又開胃！呢度既食物份量都幾大方，差不多食到撐，飲品就要另外計，咁樣睇落都仲算抵食。餐廳擺設簡單整潔，啲竹藝裝飾添咗幾分和風氣氛。固然間地方有啲逼，不過望望那拉開式既桌板，真係巧妙過人，得個讚👍！而家呢邊越整越熱鬧，熱鬧過火鍋加麻辣燙🔥，吸引街坊街鄰。總體黎講，如果剛好行過呢度，又諗唔到吃咩好，不妨試吓呢間食堂，其實有幾款都算係出色既美食等緊你架！🍛🍜🌟

去完深水埗做運動，求其搵咗間食肆食lunch，呢度11:30就已經開咗門，有好多lunch set 選擇，價錢都大衆化，最緊要坐得舒服，服務又唔錯。🥢日式炸雞烏冬 $75 ⭐️⭐️無南蠻炸雞唯有叫炸雞，炸漿唔厚，咬落外脆內軟，不過我覺得佢無雞嘅口感，口感過份諗，而讚岐烏冬煙靭好味。🥢吉列極上鹿兒島黑毛豬 $128 ⭐️⭐️⭐️呢個餐一啲都唔馬虎，同吉列豬專門店做法一樣，白芝麻要自己磨碎加醬，而豬扒厚切味濃，不過略嫌太瘦口感唔夠豐富，如果係豬柳就perfect。🥢日式唐揚炸魷魚 $39 ⭐️⭐️⭐️⭐️⭐️炸魷魚佢真係no.1，由炸漿夠薄脆，到魷魚夠軟諗，大大隻份量又多，完全係味覺享受，感覺好新鮮，真係好食過所有酒樓同小食店。二人共消費：$242

因為近運動場，而且地方夠大、坐得舒服，差不多每次跑步後都同跑友來到此吃飯。餐牌以定食為主，有足夠三人份量的二人餐，亦有小食，任君選擇。誠意推介：2人餐Set C有入口滑溜的#西京燒，再配炸得剛剛好的#吉列廣島蠔 ，非常惹味。仲有壽喜燒牛肉鍋/泡菜豚肉鍋，二選一。我喜歡壽喜燒，有不少蔬菜的微甜味，用湯撈飯剛剛好。還包括：鴨胸沙律、餐前小食（螺肉/中華沙律）麵豉湯，飲品、甜品，2個女仔一定食唔晒～#月見豚肉丼定食也很抵食～薄切豚肉軟滑，加埋生蛋黃更惹味。#照燒雞扒定食這個我每次必點！雞扒燒得皮脆肉嫩，加點照燒汁，很惹味。香港夜繽紛，各位跑友去完深水埗運動場可以捧吓場，支持小店💛📍#活水和風食堂地址: 長沙灣福華街571號曉悅地下3號舖電話: 23181318

朋友聚會，因為知道會傾好耐，book位時特登問有冇限時😅結果坐咗4個鐘，都冇俾人趕走😂5個人食兩個二人餐，再加啲小食，埋單$640幾，好抵食。吉列黑毛豬扒配埋芝麻同醬汁，一啲都唔馬虎；牛肉壽喜燒亦好足料…不過幾道菜都偏咸，要撈飯比較好。

話哂，呢區小店小舖多羅羅，找間和風小店，牆上壁畫吸引，門口水車與流水雅致，令人欣賞。選擇了滑蛋鰻魚定食及三文魚海鮮鍋：已預期鰻魚粒上再炒滑蛋，竟然是差不多原條上，再加一滑蛋洋蔥，配上湯汁令飯吸收了滿的洋蔥及蛋香，超好吸。而三文魚海鮮鍋我們沒有加8蚊做定食，因唔算肚餓。。。兩大塊三文魚肉，帶子，青口，蝦，蟹柳，仲有不少蔬菜，超吸引，如果有埋豆腐就完美了。一定藉值一去再去的地方。#下次要試安格斯牛肉鍋定食#next order is 原隻軟殼蟹#仲有想食黃花魚一夜干#睇嚟要4人行，才可以樣樣食啦

午餐時間呀囡放學話要食烏冬，行過曉悅商場，見到活水餐廳無咩人，平時次次都排隊，所以立即走入去試下。大約70蚊左右一個set lunch，今次叫左烏冬拉麵套餐同炸雞套餐。烏冬湯底味夠，而且多料，呀囡一個人都食左大半碗。炸雞唔會多炸粉及唔油，一口一件，啖啖肉。

CP非常高嘅居酒屋！坐得舒服，環境清潔乾淨。如果喜歡食燒物炸物嘅一定不要錯過！尤其是炸蠔炸豬扒，日式炸雞，燒銀鱈魚，一口和牛，永遠唔會失望！外脆唔油！正！炸雞醃得好入味，內嫩juicy！尤其是燒銀鱈魚嘅魚皮，又香又脆，肉香嫩滑！飯後甜品都非常有驚喜，布甸唔會太甜，仲食到蛋香，還試咗佢哋個芒果雪糕好香，唔會一陣香精味！服務好有禮貌和周到，睇得出老闆們好用心去做！尤其是經歷完肺炎這幾年，食物質素都一樣keep到！一定要讚！

路經長沙灣經過見到呢間活水和風和食，就入咗去食壽喜燒安格斯牛肉鍋定食及極上牛丼定食當中定食有包左前菜，味增湯，沙律，白飯，壽喜燒汁香甜，岩晒撈飯，配料有娃娃菜、金菇、豆腐、波菜，仲配隻日本生蛋，味道開胃一流😋極上牛丼配蛋黃定食牛肉份量好多，肉味入味，肉質嫩滑，加埋生蛋，絕配👍🏻食物質素好，CP值高，價錢👍🏻，餐廳設計裝修日式風格，環境舒服😊

下午三點才找吃，時間有點尷尬，店員迅速有禮地安排入座，並提醒廚房10分鐘後便休息。於是隨意點了期間限定的日本喜魚天婦羅定食（ $82 ）。喜魚體型小，已去骨比較薄身，肉身雪白有淡淡香味，被薄薄的天婦羅麵粉包着。上菜時又熱又脆，好好味！但一定要趁熱吃，否則放涼後除了變淋外還有少許腥。另外，見網上推介，追加了炸芝士年糕（加$19）。年糕外脆內煙靭，裏面的流心芝士香噴噴，好正！同樣必須要趁熱吃，因為凍了的話味道和口感大減。餐廳裝修以青色配木材為主，感覺清新恬靜。播著一些外國舊流行曲的鋼琴演奏，原本很配合那閑逸的氣氛，但因為餐廳要打烊了，唯有匆匆吃好儘快離開。埋單見有九折，驚喜。

先講總結：大件．正路．港式日風料理, 有機會會再訪🍴月見豚肉丼（中華沙律、麵豉湯、沙律菜）💰HK$68洋蔥甜，豚肉唔乾，有隻流心蛋黃俾你撈飯🍴一口和牛（中華沙律、麵豉湯、沙律菜）💰HK$92欣賞佢勁多三色椒配菜，牛肉唔乾唔韌🍴鹽燒靖魚（中華沙律、麵豉湯、沙律菜）💰HK$68份量足，唔係淨係俾半邊你另外仲嗌咗小食：明太子雞翼💰HK$48｜燒厡條茄子💰HK$40 (比較失望係呢個，因為我唔鍾意茄子太軟，但俾落啲木魚碎毫不手軟，果然大份) ｜天婦羅盛合💰HK$78 (全份都好好食，唔會話粉漿好多，蝦同秋葵嗰個尤其出色)

附近做完運動打算快食😂朋友話要食日本菜 就盲舂舂走咗入嚟本身以為伏伏地 因為老細店員好好招呼😂仲話好多野食要唔要搬大D張檯叫咗二人餐點知真係好大份黑毛豬睇返其他人comment略乾但我呢次食 炸得皮薄又豬肉嫩口 好得wor！真係大塊到以為四人餐😂😂壽喜燒就湯底正常但牛肉又係新鮮、牛味重夠蔬菜份量添300蚊兩個人食真係CLS😂下次再來希望keep到🫶（好似打手😂但真係唔係，驚喜到第一次寫食評推薦！

今晚去左長沙灣覓食，偶然發現呢間鋪頭，就入左去試下叫左一個壽喜燒牛肉鍋同吉列黑毛豬。定食套餐包左前菜，味增湯，沙律，白飯。壽喜燒牛肉鍋牛肉好多，配菜也好足料。湯底唔會太甜太鹹吉列黑毛豬炸得略乾，但整體都唔錯。兩個定食的份量都幾大，全部食曬都幾飽下好彩冇叫2人套餐，如果唔係應該會食唔曬哈哈食物質素整體黎講唔錯！價錢唔算貴，非常合理，仲要免加一，性價比幾高餐廳環境好乾淨，職員服務態度好好會再encore