永和海鮮酒家

營業中

休息中

- [ ] 永和海鮮酒家一間好傳統local嘅酒樓。門面細細，地下嗰層得七，八張枱。原來樓上仲有二，三，四樓三層。全部人前前後後都係講廣東話好親切。星期六日工作假期都有特價嘅粥粉麵飯。煎腸粉非常出色，佢嘅蝦米同埋蔥都好多，個面煎到燶燶地。有啲似以前細個推車仔嗰啲煎腸粉。蝦餃燒賣都係傳統做法。蝦餃個皮好薄啲蝦好大隻。燒賣就係冬菇燒賣嚟，大大粒。鳳爪同埋咖喱牛筋質素都係中上之作。牛筋個底剩係得一粒薯仔，性價比超高。

一年一度公司晚宴，同事話想食海鮮，食得海鮮最唔想遇到嘅事就係俾人鋸到一頸血，最後一行12人去永和食，幾十年西貢老店充滿傳統特色。預先幾日搵店長預留一間房，等大家唔怕嘈到其他人。一直以來都知永和嘅燒鵝同叉燒好食，但由於之後有海鮮做主角，怕食得太飽所以第一道菜揀左脆皮乳鴿食完頭盤就迫不及待叫主角出場【象拔蚌刺身】新鮮象拔蚌刺身相信無人不愛爽口又鮮甜，令人食極都唔夠喉師傅仲好有心機咁砌左朵玫瑰花出嚟依道菜100分象拔蚌個膽由於味道比較濃，所以唔係人人都鍾意生食，拎去椒鹽炸完全解決左依個問題，好似食緊炸蠔咁但又無炸蠔咁膩【椒鹽象拔蚌膽潤】之後就到惹味之王【豉油王大蝦】依個豉油王大蝦好似叫鬼蝦（唔肯定）同一般蝦有d唔一樣，除左個頭扁身d外個殼仲好軟身，食嗰陣可以連殼食所以道菜超惹味，仲唔洗整污糟手講到食海鮮點可以漏左佢【豉椒炒大蟶子皇】一大串肥美嘅蟶子，爽口彈牙又惹味唯一可惜係有少少沙，漏左DD分講左咁耐，終於到Final Boss【巨型椒鹽瀨尿蝦皇】依道菜唔洗介紹，見到樣都知無得頂由於唔知點形容隻蝦嘅大細最後決定用把鉸剪係用嚟做對照（依個size嘅瀨尿蝦喺街市買都差唔多成400-500蚊一斤）

喺西貢請食點心🥧除咗可以揀近碼頭嘅西貢全記之外仲可以揀一間和記飲茶🫖我喺平日嘅晏晝飲茶🫖見到好多住西貢嘅當地人🥳都喺度飲茶呢度飲茶有兩層聲浪比較大但係點心嘅質素真係高😍件件大件夾抵食例如金錢肚同埋鳳爪嘅色素就比較唔同平時我哋用嘅比較好可能用嘅色素不同但係感覺色素冇咁勁😯😯😯另外牛肉球真係平時牛肉球嘅雙倍份量版🥹🥹🥹大家睇相就會知道點心份量嘅大細～多人飲茶仲可以叫飯叫面相當抵食

平時我媽咪經常道永和海鮮酒家飲早茶🥢🥰，她很喜歡這裏的點心， 今次帶朋友嚟試下，位於西貢普通道14號A地下。 我們三人點了八款點心和叉燒燒肉飯。 點心即叫即做， 我最喜歡食芋角， 香酥美味， 而家唔係好多茶樓有得食了。 另外燒味亦做得不錯， 叉燒肥瘦適中又夠軟腍。 每份點心都大大份， 真材實料， 值得推介🙌🏻。🏷️溫馨提示～ 整個用餐體驗均屬個人分享意見， 只作參考😊。     永和海鮮酒家地址: 西貢普通道14號A地下

去西貢梗係食海鮮啦，自來海鮮加工，呢間舊式酒樓煮得唔錯。我地自己去西貢街市買了一條斑(好似係老虎斑)再加兩隻龍蝦，澳洲嘅，兩樣野都游水架，夾埋$600，拎去呢間酒樓加工，條魚就清蒸，龍蝦就薑蔥再加伊麵底。條斑蒸得剛剛好，好鮮嫩，龍蝦薑蔥伊麵底都係第一次咁樣食，因為通常都係芝士焗伊麵底，不過薑蔥煮都幾好食，起碼無芝士咁滯。我地另外再叫多個椒鹽鮮魷，好香口好好食。最後仲有薑汁紅棗榚送，真係又好食又抵食。

朋友介紹要試吓呢一間嘅燒鵝，於是打電話訂位嘅時候訂埋，另外問吓仲有乜野要預訂，佢叫我試埋乳豬，仲建議我訂半隻，因為費事食唔晒會浪費。隻燒鵝真係唔錯，真係可以燒到皮脆肉滑，有少量肉汁仲留喺D鵝肉入面。隻鵝偏瘦，所以幾乎係無乜皮下脂肪，唔洗一路食一路咬走D肥膏。佢層皮既薄且微脆，唔食皮嘅我都忍唔住要食少少，果然係名不虛傳。半隻乳豬專登留半個頭比你都真係好有誠意，皮燒得夠脆，肉身比較厚，脂肪層算少，另外佢嘅豬腳仔唔會燒到燶晒黑媽媽食唔到。除咗燒鵝同乳豬之外，我地仲叫咗個菜，豆腐蒸菜膽，呢個餸就比較一般D。

永和酒樓是一家地道的西貢點心酒樓，提供了多款點心選擇。店內裝潢簡單素雅，有著地道的氣息，給人一種很舒適和親切的感覺。點心方面，他們提供了各種傳統的粵式點心，如燒賣、蝦餃和叉燒包等，味道非常地道而美味。不僅如此，永和酒樓的價格也十分大眾化，讓顧客可以在不花太多錢的情況下品嚐地道的點心。此外，他們的服務態度也非常友善熱情，讓人感到非常舒服和歡迎。總體來說，永和酒樓是一家非常值得一試的地道西貢點心酒樓，提供了多款美味的點心選擇，且價格大眾化。如果你正在尋找一個可以品嚐地道粵式點心的地方，那麼永和酒樓絕對是一個不錯的選擇。

永和酒樓，作為這個繁華都市的一個重要標誌，以其豐富的點心品種和獨特的氣氛吸引著無數的顧客。街坊生意與熱鬧的氛圍讓這些酒樓成為了一個值得品嚐的地方。在這些酒樓裡，你可以找到多款選擇的點心，如蒸餃、燒賣、腸粉等等。每一款點心都有自己的特色和口味，讓顧客在品嚐過程中享受到味覺的盛宴。這些點心大多是手工製作，注重食材的新鮮與口感的細膩，讓人回味無窮。永和酒樓名副其實的“街坊生意”，意味著它的生意主要來自附近的居民。這樣的經營模式讓酒樓與顧客建立起了緊密的聯繫，並使得酒樓的氣氛變得更加熱鬧。這裡的賓客往往彼此認識，相互問候，分享著各自的生活點滴。在食評方面，酒樓的評價中等。儘管可能無法與頂級的餐廳相媲美，但它們的味道絕對是可以接受的。而且，這樣的評價正好反映出這些酒樓的特點：平易近人，親切友善。總的來說，永和酒樓的傳統點心以其多樣化的選擇和熱鬧的氛圍，成為了香港市民日常生活中不可或缺的一部分。雖然食評中等，但這些酒樓依然是讓人樂而忘返的地方。在這裡，你可以品嚐到道地的點心，感受香港這個城市的獨特魅力。

#confidante_foodblog西貢覓食 粉果每一個都塞到好滿，十分足料，完全唔吝嗇鹹水角即叫即整，可以食到啱啱炸起嘅鹹水角好脆同好香鳳爪顏色偏橙，容易咬開，底下好多花生粒蝦餃每一個都有三隻蝦，蝦嘅肉質爽滑彈牙，餃皮厚度適中蟹籽燒賣大大粒燒賣，大粒到一啖都食唔晒腐皮卷味道較為清淡嘅一款點心叉燒包當日所點過嘅點心之中嘅MVP，顏色同味道都較為出色奶皇包做到流心效果，好吸引！牛肉球一啖咬落去，充滿着牛肉嘅香味，調味都啱啱好，唔會食完好頸渴鮮竹卷脆卜卜嘅外皮包住先鮮蝦，口感豐富燒鵝半隻肥瘦適中，唔會食咗幾嚿就覺得好膩服務態度好好，更會主動提供醬汁俾客人！因坊間依家好多都係要自己去拎回頭⭐⭐⭐好食⭐⭐⭐服務態度：⭐⭐⭐⭐⭐環境：⭐⭐⭐

就係因為隻燒鵝所以專登黎試吓，果然名不虛傳，燒得好香，鵝皮微脆，鵝肉新鮮且結實，成隻鵝的脂肪比例算唔錯，唔會太肥，下次要叫一隻，應該會仲好食D。見佢燒鵝咁掂，於是叫埋個例牌燒肉試吓，又係唔錯，燒肉皮咬落去好脆，不過舊肉就肥咗少少。自攜海鮮加功都幾抵食，炒蟹收$100，白灼蝦收$75，整得幾好。臨尾想試埋乾炒牛河，因為見隔離叫D炒粉麵好似幾正，點知無河粉，所以改做星米，炒得好乾身，咖哩汁又香，入面D料都好新鮮。

今天同朋友行山前搵食店，有朋友提議飲茶，好耐未嚟過西貢，行經過呢間永和，一間舊式酒家睇嚟不錯，好彩未到最繁忙時間，好快有位開餐，我哋點了一檯點心，吾小得义燒包、义燒腸、馬拉糕、豉油排骨、鮮竹卷、牛肉、燒賣、鳳爪，統統都最傳統點心，老實講味道無大驚喜，全部都一般般，勉強合格，本身都吾係抱住好大期望，最緊要呢間算就腳，所有評分都不過不失，眼見都好多人入座，午飯時間都爆棚，出面有人等位，總結想傳統飲餐茶都是一個好選擇。

今日試了西貢呢間老字號酒家，D點心好得，試咗12樣，似乎都係自家製，另外D伙記好禮貌兼服務好，好有人情味。咖哩牛孖筋已經好少地有食得到，佢D牛孖筋煮得好淋，而且吸晒D咖哩味兼無梳打粉味，好食。乾蒸牛肉又係唔係好多地方食得到，佢D牛肉好有牛味，唔係已經「乸」到無晒味嗰D，而且無乜肥肉，好味。蝦餃嘅皮同餡都做得好好，皮夠薄夠爽口，入面隻蝦同埋D筍都好好味。燒賣結實彃牙新鮮好食。叉燒包的包做得好好，乾濕度適中，入面D叉燒都好食。大包真係好大個，個包嘅皮都一樣好食，下面幅相比大家對比一下大包同叉燒包於size上的分別。棉花雞都做得好好，魚肚(棉花)用嘅料係靚嘅，咬落去嘅質感唔錯，D雞又唔會比D頭頭尾尾你，仲加幾粒杞子，好食。鵪春蛋燒賣又係絕種點心之一。芋角都唔係好多地方有得食，呢間都OK，不過D芋頭好似唔係太靚。春風得意腸即係春卷腸粉就中規中矩啦。芋頭鴨腳札整體唔錯，都係衰舊芋頭唔夠粉。

每個月都去兩至三次食午餐, 覺得佢嘅夏門炒米同 乾炒牛河很不錯今日一點半去到見好多人, 地下己坐滿, 自動自覺上二樓, 二樓D呀姐話冇位喇叫我哋再上去, 三樓又冇開, 再上四樓, 見有吉枱就去坐低, 跟住有個服務員走埋嚟話今晚有酒席, 而家要清場, 我望下個錶當時仲未夠兩點, 據我理解一般酒席都係四點幾至交場, 究竟係D員工唔想做趕客走, 定今晚嘅酒席咁早交場, 既然人哋唔願做, 我哋就唯有走, 再經過二樓時又聽見二樓呀姐叫人客上樓上, 我覺得佢哋咁點人客行上行落真係好差

再次自帶海鮮到西貢觀塘買海鮮用咗$1,440酒樓煮工加燒鵝 $1,0071️⃣上湯龍蝦🦞伊麵 龍蝦買咗$600/3隻本來叫上湯龍蝦米粉俾錯咗伊麵上次食過龍蝦米粉好好食😋今次伊麵有啲乾龍蝦有啲硬今次有啲失望2️⃣豉油王蝦🦐蝦買咗$110味道👍🏻3️⃣椒鹽賴尿蝦本來$200/3 隻暫收工減價$150/3隻買咗$250/5隻味道👍🏻可炸脆啲更好4️⃣鹽焗黃油蟹買咗$340/5隻 $68 一隻5️⃣蒜蓉粉絲蒸扇貝$140/10隻味道👌🏻6️⃣燒鵝 $270/半隻值得食 又唔肥 💯分7️⃣送咗紅豆🫘沙、紅棗糕和薑汁糕唔太甜👍🏻5人食咗$2,447

朋友介紹，話燒鵝好食，就去試下。開咗茶，聽到個伙記串個買外賣嘅姐姐，話攞外賣認單唔認人，冇單點俾。姐姐話冇單喎，第一次買唔知喎，個伙記繼續大聲串佢。已經覺得少少中伏feel。因想食多幾個餸，就問下有無燒鵝下庒，呀姐入機落單，隔咗一陣，個廚房出嚟好串咁講，無下庒，就走返入去，咁個呀姐就提議叫半隻，我哋咁好啦，叫左半隻，點知黎嗰”半隻”燒鵝，擺明係用啲賣剩嘅例牌砌成，好似頭頭尾尾咁，真係火都黎埋😤，味道仲要係好唔掂，肉又鞋又太喊，皮又唔脆，食得燒鵝，就想肥肥地，唔係就叫燒鴨啦，但真係好鞋，唔好話比深井嗰啲，就算屋企樓下間酒樓都做得好佢好多。跟著個椒鹽鮮魷，又一經典，完全係粉漿加白灼魷魚，完全冇椒鹽味，咬落出水，但又好韌，仲要催幾次，你唔話埋單都唔嚟，真係食到一肚火。