影片
付款方式
以上資料只供參考, 請與餐廳確認詳情
食家推介
今日放工約了舅母在佐敦行街,兜了一個圈想早點吃個晚 飯,就來到佐敦這間牛腩湯河店,在佐敦道餘慶大廈這間餐廳門面乾淨,光線充足,我們行過覺 得比較企理而且座椅不算擠迫,於是便坐下來看餐牌。職員姐姐都非常友善,介紹我們不同的牛腩,我們都各自 點三牛,我吃三牛河,舅母吃三牛撈米線。其實兩個餐都很多餸菜和粉麵。食物很快煮好,熱辣辣香噴噴,牛腩非常之臉,我們點的 是瘦牛腩,真的一啲都不肥,但是也不硬,入口容易咀 嚼,而牛筋更好味,非常軟,而且非常入味。另外牛肚也 非常香,一點都不硬。整體來說餸菜非常多。我們又點了一炸魚皮。一客是比尋常的多,這份魚皮是用一個大碗裝着,不是一小碟,所以基本上整體所有食物包括菜粉麵小食的份 量都是比較多。不同的筋、腩、肚,鮮香可口,味道都深入食物裏面,沒 有多餘的汁流出來,也不會太多香料味。屬於清湯類型。 來一杯飲品,由於接近旁晚,我們都不敢飲茶或咖啡,於 是點了一杯熱菜蜜,味道與清湯腩恰恰中和了,非常舒服。
繼續閱讀
叫咗個牛腩河，嚟到見到只有五六小塊牛腩。見到餐單上有追加蘿蔔。於是同阿姐講話追加。佢話唔得。佢話出咗單唔可以改，我話唔係改，我要加蘿蔔，都話唔得！我話你不兩舊蘿蔔出嚟俾我，埋單時我另外加$8咪得囉！佢都話唔得！！我真係俾佢吹脹！！！😡食物質素：牛腩嘅味係可以嘅，都夠林，不過份量太少啦，河粉份量正常，口感唔算滑。湯好似有味精，食完之後好口渴。阿姐話我，你下次你要追加一早講吖！吓。。。。仲會有下次咩！？
繼續閱讀
向來都鍾意食粉麵多過飯類，所以如果簡單食個晚餐的話一定揀食雲吞麵或者牛腩河。這間餐廳平常大概七點前，最好食的崩沙腩都已經賣完，幸好今次休息早來先至有得食。牛腩大多分成三種，坑腩、爽腩和崩沙腩，崩沙腩更加被喻為極品之選，因為是牛的橫膈膜位置所以非常矜貴，每片腩肉上有一層筋膜連著，肥瘦剛好，軟腍味香。再配鮮甜濃郁的湯底，河粉又軟滑，好味道！仲有我想一讚有少少譚仔口音姐姐的服務同態度都好好。
繼續閱讀
做完運動好肚餓，見大街有呢一間正九清湯腩，就入去醫肚。叫了一個牛三寶河，牛腩牛筋金錢肚，另外叫咗一碟芥蘭🌟牛腩：牛味濃，睇返餐牌，原來可以揀瘦、肥或者半肥瘦，或加$8升級崩沙腩。我無特別揀，但我覺得肥瘦適中，唔會嚡或者韌😋🌟牛筋：滑捋捋，夠腍但又唔會爛，我唔係太夾得起😂🌟金錢肚：都算肥厚，幾入味👍🏻🌟整體上成碗麵嘅份量都好多，所以食完啲餸之後，我已經食唔到太多河粉，唯有飲多2啖湯（牛腩牛骨熬製），都幾好味😋😋🌟加左少少辣椒醬更美味😁🥬油菜都值得一提，難得服務員落單嘅時候會問要唔要腍啲，我覺得都幾貼心播👍🏻見到原來佢都有下午茶餐，咁都幾抵喎～
繼續閱讀
今日去左佐敦買野，經過見到間清湯腩叫正九，馬路巴士站旁，都好多人食，入去坐低食個quick dinner，味道還可，正正常常。清湯牛腩撈粗，加$8 可升級崩沙腩/坑腩/爽腩，叫左個崩沙腩，食落好濃牛既油香味，份量都多，粗麵質地略嫌硬，不夠爽口。另外仲叫左個清湯牛三寶河，三寶分別係牛腩、牛筋同牛肚，河粉超多滿滿的，牛腩夠淋，比起崩沙腩無咁香，但同時又無咁油，2 種唔同口感，牛筋好食，彈牙。跟餐加$8 叫左杯凍檸茶，都濃錫蘭茶既味道，唔錯。
繼續閱讀