樂園魚蛋粉

營業中

休息中

石門京瑞廣場一向都餐廳林立，大大小小不同種類都有齊，港式、日式、西式任君選擇🤭之前見過樂園魚蛋粉其他分店，今日咁啱又遇到就試下啦。一碗粉麵最平麵係$36，下午茶時段仲要包熱飲，價錢相宜貼地😆潮式牛三寶米線金牌牛三寶有齊牛筋、牛腩同金錢肚，牛筋軟稔漿口，骨膠原爆燈，牛腩入味份量多，金錢肚有嚼口但唔會似香口膠咁樂園四寶丸河四寶包括手打魚丸、手工魚皮餃、墨魚🦑丸同豬肉丸，自家製手打魚蛋超彈牙又大大粒，魚皮餃都係日日新鮮自家製👍🏻記得要試下哩到嘅辣椒油，夠辣夠香，配上魚蛋粉一流下午茶餐包熱飲，凍飲就+$4。飲品選擇多，仲可以揀熱西洋菜蜜添

星期六早上開工, 走到京瑞找早餐,  想不到小小魚蛋粉店一早已坐了不少客, 看來有點保證不少推介食品也想試試, 只是怕會眼闊肚窄, 還是保守一點安全記得樂園的墨丸很好吃, 見到有墨魚春卷, 就決定這個吧滿滿的蔥花是粉麵店必備的浙醋也是少不得的墨魚春卷外也加點了很喜歡的魚皮餃, 這裡的魚皮餃外皮很滑溜, 配上店自家制的辣椒油更加不得了墨魚春卷原來加了很多的粟米粒, 每一口墨魚肉也夾著粟米的清甜, 很不錯還是很實惠的收費

近排好鍾意食呢種潮式粉麵，尤其是係牛腩、牛筋麵，今次又來到石門，試下呢間周圍都有嘅樂園魚蛋粉，咁樣嗌咗成枱野都只係$118超級抵食手打魚蛋麵 $36叫得樂園魚蛋粉呢度嘅招牌就當然係魚蛋粉，除咗魚蛋仲有埋魚片頭，全部都好大舊，呢度嘅魚蛋全部都係手打嘅，所以見到佢嘅形狀就唔會係圓形，食落就真係超級彈牙，口感超級好，食到魚肉嘅鮮味，果然係招牌😍😍牛三寶米粉 $54牛三寶咪又係好足料，其中我最鍾意嘅就係牛筋，牛筋煮到好入口，口感超級腍，入口輕輕咬下就吞到，唔似平時嗰啲要咬十世🙏🏻牛肚亦系煮得啱啱好，有口感得來唔會太靭，牛腩亦肥瘦相宜，成碗麵都好高質上湯浸蘿蔔 +$12蘿蔔份量好多，大大舊，煮得好腍，味道清甜好味凍檸茶 +$8估佢唔到呢度嘅凍檸茶居然咁好飲，我嗌咗少甜少冰。甜度對我來講係啱啱好，檸檬同茶嘅味道配合得非常好，比例恰到好處，係近年飲過最高質嘅凍檸茶凍華田 +$8華田就正正常常，勝在夠大杯

今天早去開石門二期做facial， 見此樂園魚蛋粉麵。見隔離枱食牛腩飯， 但賣相一般， 於是轉食雲吞麵。 點知又中伏。早上11點幾人流7-8成， 以為多人幫襯會唔差。$36 雲吞麵一碗4粒雲吞麵麵爽的， 以為ok啦。點知食第一粒雲吞就知唔掂。雲吞皮厚，尤其包褶位，唔掂雲吞餡又梅，蝦又雪藏唔新鲜。食左2粒便放棄， 唔食了+$8 咖啡。 4分茶餐廳以下水準。感覺好差， 是否此店出名魚蛋， 應該食魚蛋才正確？！！！！總評。雲吞麵。 3分環境。 7分。服務。 7分食完唔會再幫襯了。

樂園魚蛋粉是一家經濟實惠且多款粉麵店。他們的招牌菜是手打魚蛋。我揀了手打魚蛋麵，這道菜包含了豐富的魚蛋和魚片，給人一種滿足感。除了魚蛋麵，他們還提供其他多種口味的粉麵選擇，讓顧客有更多的選擇空間。我特別推薦他們的韭菜餃麵，這款麵食有著大大隻的餃子，每個餃子都充滿了韭菜的香氣。另外，我在點餐時選擇了油菜：芥蘭。至於飲品，我選擇了凍檸茶，幾解渴。總的來說，樂園魚蛋粉提供了經濟實惠且多款粉麵可供選擇的選擇，他們的手打魚蛋麵和韭菜餃麵都非常美味，讓人大快朵頤。

某日晚上心血來潮想食下粉麵就去左石門 睇下有無好野食行左幾個舖位見呢間個樣好似幾得就坐低試下點知味道都幾令人失望叫左魚皮餃韭菜餃河粉兩款餃都唔係好掂特別係魚皮餃 直情係難食個皮好奇怪 好鞋好乾 又唔吸湯 好似紙皮咁直情係會見到佢個皮d色係好唔均勻唔似一般魚皮餃咁通透未食過質感同味道咁奇怪既魚皮餃韭菜餃就非常少餡 完全唔足料味道都麻麻河粉同湯就無乜特別唔係好食 又唔係難食另外叫左炸魚皮係脆既 但味道一般D阿姐d服務都麻麻地 總之食完一次唔會想食第二次

幫襯過兩次，兩次啲店員態度都十分差勁，第一次上啲餸麵勁大力掉咗枱 ，啲湯都倒咗出嚟，無語，第二次去叫外賣，等咗好耐之餘，外賣到咗叫號碼都冇叫就直接掉落張枱，要問佢先至指話呢度。總之，全部店員啲態度都10分差勁。

馬鞍山一日遊，🚶‍♀️🚶行到攰攰地要搵嘢食，突然之間好想食碗牛腩河，入到京瑞廣場二期，見到有粉面店就即刻 坐低，每人叫一碗河粉，Honey 要牛腩河，我要潮州三寶河，有牛腩牛筋牛肚。店員介紹奶茶好正，🍵☕️我地每人要一杯奶茶試下，尼度好乾淨好光猛，店員好有禮貌，客流不斷，可見D野好食，兩碗粉好快送到，大大碗面頭舖滿牛腩牛筋牛肚，仲有一大羹芫茜蔥， 聞到香噴噴。食牛腩粉當然少不了辣椒醬，尼度的辣椒醬油香鮮辣，令到啲牛腩更加好味，當然加少少醋就錦上添花。辣椒油同醋係食粉麵不可缺少的調味料，檯面的辣椒醬和醋樽是乾乾淨淨的，一點油跡也沒有，非常欣賞這乾淨的環境。奶茶也是名副其實，非常有水準。首先夠熱夠大杯，飲落茶味奶味調配平均，入口絲滑，食粉前同食粉後飲的奶茶味道都有少少不同，各有所長，是很好的體驗。這里的粉面餐早餐和下午茶有飲品送，所以是非常超值的。👍👍😋😋

今日去沙田石門辦點事情，約了朋友下午茶，所以自己先吃個簡單午餐再出發。 一出京瑞廣場二期有好多食肆，各式各樣的食店都有，見到有間魚蛋粉店差不多坐滿客人，應該係唔錯的啊。******餐牌面頁便是印着必食$36招牌手打魚蛋粉，唔使考慮就試這個。魚蛋粉大大碗，有三大片魚片和三粒魚蛋，賣相不錯。魚片炸過的部份一點香口，魚蛋稔滑帶點爽口，不是太彈很彈的那一款，有魚味，質素不錯，河粉和湯底也是爽口和味，$36 好抵食。

今日難得早咗放工就去咗石門樂園食牛雜，如果唔係7pm就已經滿座要等位！一坐低就緊係嗌個牛雜河，每次去粉麵店都係必食。牛肚煮完唔會好淋，仲保持到爽嘅口感；牛肺夠淋，feel到有汁索咗入去。當然仲有牛雜嘅靈魂：牛膀！牛膀煮得淋不特止，仲要索晒湯索晒汁，一咬啲牛膀味湧出嚟，勁滿足！另一碗嗌咗墨魚春卷拼墨丸。朋友一見到個menu就比大大張墨魚春卷圖吸引咗，作為墨丸關注組組員嘅佢，當然係不二之選。墨魚春卷咬落去唔會太淋唔會一咬就散，味道當然好味，配以粟米去整成，而且又大條，好抵食。有個小驚喜就係加菜有蘿蔔揀，啲蘿蔔煮得好淋，有少少糊椒味，食食下就冇晒，下次嚟一定要加配！不得不提及辣椒油！一打開個辣椒油蓋，浸香味已經撲埋嚟，落一羹已經令湯底更加香。咁出色嘅辣椒油當然有得成樽買走，都只係$45，鐘意食辣嘅朋友一定一定一定要試樂園辣椒油。餐牌：

樂園魚蛋粉是一家超出名的簡單小吃鋪，首先，讓我介紹一下他們的「崩沙腩幼麵」。這道菜的主角是崩沙腩，腩肉經過長時間的燉煮，肉質鮮嫩多汁，一入口就化開。配上幼麵，口感細緻滑順，完美地吸收了湯汁的鮮香。湯汁則是用各種香料和配料熬煮而成，有濃郁的豬骨湯底的風味，讓整道菜更加豐富美味。崩沙腩幼麵的獨特之處在於，每一口都能感受到腩肉的鮮味和麵條的綿密口感，這種絕妙的組合讓人回味無窮。還有一道值得一提的菜是他們的「牛三寶河」。這道菜以新鮮的牛肉、牛筋和牛腩為主要配料，牛肉經過燉煮後變得軟嫩多汁，牛筋有嚼勁，而牛腩則是肥瘦相間，肉質鮮美。再加上寬粉條和濃郁的湯底，每一口都能品味到牛肉的鮮香和湯汁的濃郁。牛三寶河的湯底煮得十分入味，牛肉的鮮味和湯底的香濃完美結合，令人胃口大開。總而言之，樂園魚蛋粉的牛三寶河和崩沙腩幼麵都是絕對值得一試的美食。不論你喜歡牛肉還是崩沙腩，這裡都能找到令人滿意的選擇。如果你喜歡小吃和美食，我強烈推薦你去樂園魚蛋粉嚐嚐這些令人垂涎欲滴的美食。你絕對不會失望的！

石門好多小食店 價錢相宜所以有陣時都會過去食吓嘢前牌開咗呢間魚蛋粉咁就去試吓，見到個餐牌勁平點知有驚喜！嗌咗個牛腩魚蛋米同埋四寶河個牛腩好林 一啲都唔柴啲魚蛋都係手打 唔係街市買嗰啲估唔到咁平嘅價錢有咁嘅質素如果大家想試吓平靚正嘅午餐 可以一試絕對推介

平時行過見好多人幫襯都唔想入去，今朝見仲有一張吉枱，即管試吓啦…既然佢叫魚蛋餐廳，我就試吓叫碗魚蛋河粉配熱奶奶。一上枱覺得好香，就忍唔住掛住食，冇留照片分享一碗有3件魚片，其中一件係魚片頭，再有3件魚蛋，大大件，有魚味，好彈牙，但糊椒粉味都重，相信怕人覺得腥，但我又幾鐘意呢陣糊椒味。平時食呢d粉麵都會有蔥，但佢好細心，d蔥加左炒蒜（我覺得係蒜，唔肯定），好香口。河粉都算滑，比我相像中好食，36蚊包熱飲，抵啦！杯奶茶岩我口味，茶味岩岩好，唔苦唔重奶味，飲完冇苦澀味

呢日星期六要朝早去石門，經京瑞商場二期，近正門口位置，有間都幾多幫襯關嘅魚蛋粉店門：樂園魚蛋呢間店似乎係新裝修，牆上邊掛住香港特色霓虹光管裝飾，都幾得意😊佢有個早餐優惠，任何煮食送一熱飲，都幾抵食，所以都吸引咗好多人嚟幫襯平時好少朝早食魚蛋粉麵類嘅早餐，今日我哋就去試吓古法鮮蝦雲吞河雲吞大細適中，一碗有四粒；河粉都幾滑, 加埋少少湯汁食都幾好味秘制牛腩撈麵牛腩份量都好多，秘製汁好惹味；幼麵麵條彈牙，加埋少少蠔油同埋上湯送口幾好食，或者加醋又係另外一個感覺，更開胃菜心油菜菜心軟身，有菜嘅清甜味，加少少蠔油更佳港式奶茶港式奶茶估唔到都好有水準，茶味香濃，幼滑鴛鴦鴛鴦味道濃郁，香口😊 令朝早勁醒神好飽嘅一餐早餐😊 呢個商場附近嚟講，間雲吞麵店都算抵食😊 不過真係好多人，要有心理準備要搭枱，坐得迫少少

見石門新門試下，難得見到梅菜扣肉，大大袋拎走，分好晒扣肉一盒，飯一盒，再有紫菜湯送又一碗，凍熱飲跟餐都係$8, 梅菜扣肉飯$48…但無諗過生菜低加梅菜低，而扣肉係會碎上感覺…有驚喜係可能你喺多多梅菜內好彩搵到一粒或兩粒肉仔