搬左新舖就去試試喇，環境舒服好多，地方也大了不少，但未知是否大了，人手有待改善。黎到梗係order 至愛既生蠔啦～ 呢個時間，法國蠔就最肥美。配埋白酒，生蠔就打折，十分優惠。食左2 rounds 蠔就進入熱食前菜-八爪魚。 再黎一客自家蟹餅 未夠飽呀，主菜都未食 雖然好多選擇，但仍然鐘愛龍蝦意粉，但今次似乎有d失手，龍蝦過了火喉-過熟，呢個係唯一有少少失望。 到尾聲喇，點都要食個甜品作為完滿。tiramisu 好味呀，唔太甜，濃濃咖啡味，口感軟軟滑滑，沒有“膩”既感覺。滿足滿足！

襯天氣好，開始有秋意，想去西貢邊吹吓海風，邊食海鮮。每次都會選擇呢間全記，我覺得佢地服務不錯，海鮮又新鮮，最重要，價錢合理。好喇，出去揀海鮮喇 先揀左海中蝦，白勺，冇得輸，次次都食。呢日番左蝴蝶蚌，正呀～煮法：鹽油 蚌肉肥美鮮甜，又冇沙。呢隻蚌只係秋季出現，亦只得2-3個月有得食，所以一見到就即刻order啦。 然後揀左隻象拔蚌做刺身，價錢好合理架，師父抓上手後，會先推走d水（合理啦…用重量計算費用嘛）。個胆仲可以用黎煲粥或椒鹽，但我選擇帶走 開始熱食了，揀左d花螺，烏冬辣酒煮啦，夠辣呀，又野味，但覺得烏冬太少了，可能佢唔係主角呱，若果多少少就好了。 黎喇黎喇，叫左隻大奄仔，師父話保證多膏。果然冇食言，鹽油焗出黎，一打開，爆膏啦！蟹膏鮮甜甘香，肉質嫩滑。 最後加多碟薑汁介蘭，隨後餐廳送上免費紅豆沙，唔太甜，有沙有果皮味，好味呀。

呢到地點方便，令我每次有聚會都會想起櫻田，服務有禮貌又細心，師父nice，次次都會有精心推介。今晚又有好野食，入秋了，有最肥美的秋刀，一條可切6件左右，處理秋刀要求的刀功極高，因為多細骨，要每條抽起而又不影響外觀，少d心機都做唔好，加上，秋刀做刺身一定要極新鮮，我只信呢到。伴住酸汁食，秋刀另一番風味，肥美鮮甜完全引出（我唔係專業攝影） 店長推介法國藍龍，師父推介象拔蚌，由於我地都係鐘意刺身啦，選擇了象拔刺身，師父為了令其口感更加爽脆，於是切條，味道十分鮮甜濃厚呀！請留意，上碟都經過一番心思，視覺都滿足埋！ 好喇，進入中段，再黎個刺身set，每次晚飯都order，冇失望。雖然係set，但水準高。 想食點飯了，於是叫左炙燒佐口魚邊壽司，最鐘意佢肥厚多脂、肉質柔軟細膩! 火炙後，香，口感豐富，落爽又甜，甘甜魚油緩緩滲出，濃郁甘香，入口即溶。正！我以前唔鐘意食架，係自從係櫻田食過就愛上，試過其他餐廳，都係呢到水準高。 最後黎碟鐵板雞肉炒烏冬為結尾。 服務員仲好殷勤地問要唔要雪糕。美妙的一個晚上。

平時行過見好多人幫襯都唔想入去，今朝見仲有一張吉枱，即管試吓啦…既然佢叫魚蛋餐廳，我就試吓叫碗魚蛋河粉配熱奶奶。一上枱覺得好香，就忍唔住掛住食，冇留照片分享 一碗有3件魚片，其中一件係魚片頭，再有3件魚蛋，大大件，有魚味，好彈牙，但糊椒粉味都重，相信怕人覺得腥，但我又幾鐘意呢陣糊椒味。平時食呢d粉麵都會有蔥，但佢好細心，d蔥加左炒蒜（我覺得係蒜，唔肯定），好香口。河粉都算滑，比我相像中好食，36蚊包熱飲，抵啦！ 杯奶茶岩我口味，茶味岩岩好，唔苦唔重奶味，飲完冇苦澀味

之前食過一次，覺得d生蠔好新鮮，價錢又實惠，於是今次約多2個朋友一齊黎食團圓飯。我地先揀支白酒啦，跟住叫既蠔都有6折先黎一打各4款法國蠔，樣樣試下。相信時間配合，d蠔好大隻又肥美新鮮，試完再集中食鐘意既蠔，再黎多一打。勁滿足啦！ 食完蠔再黎食頭盤，有佢最出名既自家制蟹餅（有蟹味有蟹絲），海膽阿根廷紅蝦刺身（鮮甜），蟹肉牛油果醬塔配黑魚子（味淡，下次應該要先食，我地次序錯了） 再黎蒜片辣椒炒蝦，好野味呀，唔算辣，鐘意食蒜既人一定要試。主菜黎喇，黑毛豬（菜單名唔記得喇）偏咸，牛尾骨配意大利飯，牛同飯都好入味。最後甜品時段tiramisu，原來星期六日既甜品係不一樣，要去幫襯brunch 先可order特別款式。不過，呢餐已經令我大滿足，期待下次再去食。

由於疫情，都好耐冇去過飲茶食點心。就諗起張公館，景靚同坐得舒服。早一日訂位，都仲有位，但上到去已經全館滿坐。 先點左個前菜，麻醬海淅。口味尚可以啦，海淅都係海淅頭口感好d。呢個似我平時買既即食海淅。 由於職員多次推薦义燒菠蘿包，於是即管一試。岩岩出爐，除了特別香之外，其實又冇咩特別。 然後點左蝦餃，大大粒，裡面d蝦好大隻，仲有個碟‘’竹笙蝦卷‘’ - 實際個名唔記得叫咩，呢個小小特別啦，出面茶樓比較少見。最後食埋牛肉腸，牛肉都有牛肉味，如果有少少果皮味就更加好。一個午餐時間就咁消磨了。

襯未倒水，食多幾餐呀。今晚先點隻日本生蠔，鐘意佢有d酸汁伴住，好開胃，好鮮甜。其實可以食多幾隻，但又想留位食其他，食住一隻先。配埋杯白酒，正！ 經專業既師父介紹，點左今晚極之新鮮既伊佐木，又名雞魚，5-7月最肥美（事後搵資料咋，當刻都冇留意），薄切配上“秘制”酸汁，更加帶出魚既另一番鮮味，唔識形容。 今晚想食d飯，所以點左壽司，好味，又飽肚。 最後黎個熱食“燒魚”。 都唔可以話我咀刁，一食已經覺得跟以往不一樣，一問之下，原來呢個係另一師父處理（原本的放假）。 呢餐又食到“大滿足”。

做完一整日既工作，最想就係食餐好，減吓壓。一想食好嘢，就會諗起黎呢到。呢到d刺身、壽司、鐵板燒令人十分回味。 今晚師父推介池魚2食，其實係3食：薄切、切碎加葱、炸頭骨尾（成條食晒，一d都冇浪費）。 然後再要左隻北寄貝做刺身。 我係個冇飯唔飽既人，點都要有飯氣，所以叫左赤貝、左口魚邊壽司， 好味到不得了。吞拿魚手卷又係至愛。 其實食晒都已經飽了，但天氣凍，想暖暖個胃，於是叫左酒煮硯。 呢餐真係食得開心，餐廳服務又好，感到賓至如歸既親切。

因為天氣突然轉冷，打算去食sa bu sa bu。但點知去到發現有新menu ，又咁岩係2人餐-龍蝦併蟹腳鍋推介，餐廳介紹可以選擇以用火鍋形式上或餐廳煮熟比你～以往黎親都係刺身、鐵板燒，咪即管試試，我揀左自己‘’涮涮‘’ 鯛魚湯底冇欺場，湯白白濃濃，好足料熬製呀，龍蝦係新鮮準備，蟹腳大件又鮮甜，加埋龍蝦膏蔬菜盤新鮮，夠份量，2個人食都覺得好飽。本想額外加3xx（套餐優惠價）添加（好似係鹿兒島）牛肉，但最終吃不下沒有order。我飲湯都湯左幾碗呀，越飲越濃味，越飲越想再飲。 最後，食埋豆腐雪糕，我最愛呢隻味。 好滿足既一餐。