楚撚記大排檔 (寶光大廈)

營業中

休息中

成日聽人講依間好食，終於有機會嚟試下！拔絲焦糖香燒脆腩仔 - 脆腩仔嘅皮幾香脆，肉亦都唔會好肥，幾好食！拔絲焦糖就甜甜地，鍾意食甜野嘅話都應該會鍾意！懷舊豬油撈飯 - 真係好耐冇食過依味！啲飯粒粒分明，好香！得意嘅係自己郁手將豬油同飯撈埋一齊Haha古法枝竹雙冬羊腩煲 - 羊腩煲（$298）幾抵食！以依個價錢嚟講嘅話，羊腩嘅份量比出面其他一啲餐廳多，羊腩嘅口感都好，重點係羊腩煲嘅味道較得好！酥炸鯪魚球配蜆蚧 - 個人認為蜆蚧偏鹹少少，酥炸鯪魚球嘅味道同口感都幾好，鯪魚球本身就好食，就算唔同蜆蚧一齊食都OK！蒜蓉炒芥蘭 - 正常水準！頭抽豉油皇銀芽炒麵 - 好有「鑊氣」！我唔係特別鍾意食豉油皇炒麵，但依個真係幾香，簡簡單單嘅一味有驚喜，而且麵嘅口感都幾好！鳳尾蝦多士 - 好耐冇食過依個懷舊小吃！依道都做得幾好，蝦多士嘅多士部分唔會好厚，整體嘅口感同味道都👍！馬灣可樂 - 覺得幾得意所以叫左，同我地平時飲嘅可樂唔一樣，佢係冇添加人工香料嘅，個味道有啲似我地細個成日食嘅「酸沙可樂糖」。整體嚟講，每一味餸都有水準，飲啤酒嘅戰鬥碗都好得意！另外，依度嘅環境設計都特別有「香港味」👍！*建議大家提早

門口細細內裡容納人口都頗多，懷舊裝修，不過地下好多紙巾。整體食物欠缺鑊氣，部份食物份量過少，尤其蜜椒薯仔牛柳粒少得可憐。12款食物，無乜邊款出色，味道欠佳可能一切歸咎於過於繁忙煮吾切，入座前都排左一個鐘頭隊，實在多人幫襯，職員上菜時仲要倒瀉啤酒導致大脾涼浸浸。比較正常味道菜式：老火菜乾煲豬肺蜜椒薯仔牛柳粒黃沙豬膶杞子浸菠菜比較失望的菜式：菠蘿拔絲咕嚕肉-拔糖花吾係拔肉脆皮炸大腸鳳梨底-軟皮椒鹽鮮魷-肉吾够厚，吾香口腊味糯米飯-無料，飯粒過爛

楚撚記真係好多人去食,夜晚去食真係長期都要排隊等位😉但好多食物都真係好好食🥹🔸黑松露蓮藕墨魚餅 $108一入口超級驚喜黑松露味真係超級重🤩墨魚餅煎得又香又脆😚蓮藕同墨魚與煎餅混合得好好🤍我哋一大班人係encore咗一次💕🔸椒鹽鮮魷 $103上面有炸蒜,魷魚炸得好脆好香口😍真係大排檔必點菜式之一,呢個我哋有encore一次😆🔸蜜椒薯仔牛柳粒 $113薯仔粒外面脆脆🥔牛柳粒都好淋,配料仲有洋蔥,三色椒🫑好惹味!!!🔸濃湯粉絲海鮮煲 $98叫咗好多炸嘢所以就叫個清淡啲😙菜都住得偏淋少少🥬海鮮有干貝蝦魷魚等等.粉絲都好吸湯汁~🔸腐乳通菜 $72通菜配腐乳真係一個好好嘅組合💕腐乳味好重仲好掛汁添🤭送飯食好適合!!🔸綠豆清心丸呢個甜品係送的,有頗多綠豆💚🤤好味度 : 9/10🔙回頭率 : 10/10

一入到門口，就見到裏面的裝飾是傳統香港大排檔的特色，店舖環境都很乾淨，地下也有地氈，不怕地滑，菜單選擇有很多，而且更加是用QR code來付款，對顧客來說十分方便，菜式選擇很多，份量也很充足，我當時是7:00 Walk in入去的，裏面也有位置，我特別喜歡他們的西檸雞、咕嚕肉和沙嗲牛肉粉絲煲，原汁原味，裏面的環境讓我感到大排檔都可以是很乾淨的，上菜速度也很快， 10分適合做晚餐的地方，下次應該會約埋其他朋友一起吃這間大排檔，有下次！

今日三個人去去左楚撚記到食晚飯，6點幾去都好快有位，入坐後差唔到6:30就開始要排隊，所以建議各位唔想排隊就早少少喇😝首先嗌左個炸豬手，泥到賣相幾好，皮佢唔似平時啲燒肉咁脆，有啲脆又有啲煙煙unun 咁！好食！配搭埋雞醬同芥辣醬，即刻中和返冇咁油膩👍🏻之後仲嗌左個菠蘿咕嚕肉，呢個就正正常常，不過系攞盤方面睇得出都好有心思，每一碟都有裝飾下，有叮叮糖同拉糖做配搭🩵🩵🩵然之後成餐飯我最愛既就係呢煲啫啫唐生菜🥬夠熱！味道岩岩好！又有蝦乾👍🏻推介大家食！糯米飯不過不失啦，佢夠味！不過唔係好熱最後仲有甜品送添❤️❤️❤️

香煎黑松露手打蓮藕墨魚餅 $118墨魚餅煎得金黃香脆外表微脆🥠內裏爽口不失軟淋黑松露味突出✅ 白灼鵝腸 $108鵝腸尚算爽脆無異味🫰🏻部份腸連住白色肥膏鵝腸、芽菜沾上豉油食清爽🤓 秘製香辣水煮花甲 $138花甲唔算大粒數量尚可麻味較辣味突出🌶️粉絲吸湯惹味🍜要食得辣先至好嗌 菠蘿拔絲咕嚕肉(梅頭) $119咕嚕肉唔肥炸皮唔厚、無咩存在感👌🏻食落啖啖肉😻味道偏酸🍋個人口味而言幾中意咕嚕肉份量都多性價比高💯 楚撚記小炒王 $108炒得偏濕🥬炒得乾身少少既話會更有鑊氣🍳 猴頭菇蟲草花淮山螺頭煲豬骨湯(細) $118清甜滋潤👍🏻無咩油浮係面🍾 豉汁排骨陳村粉 $110排骨醃得入味🐷瘦多肥少排骨份量仲唔少添陳村粉呈透明狀🍜質地彈牙簡單美味🤤 黃金炸饅頭伴煉奶 $40炸得唔油膩🥠饅頭軟彈唔痴牙沾埋甜甜既煉奶邪惡至極☠️ 清心丸綠豆爽清心丸大大粒軟糯彈牙😬綠豆走殼甜度中偏上🍯免費黎講都幾用心🫶🏻 整體而言，終於試到😇好彩無令我失望食物質素中上👏🏻份量足料比一般大排檔環境乾淨坐得舒服唔洗加一仲有糖水送🍧性價比高💰一定會encore😋

冇得book位 佢做兩輪 用餐時間90分鐘 5:30做第一輪 如果入唔到第一輪就要等90分鐘 所以我5.3陣間去排隊 點知去到嘅時候門口已經有一條人龍出現 好彩都入到 原來入到去都幾大 又係掃QR code落單 

好食評價：🌕🌕🌕🌑🌑CP值：🌕🌕🌕🌑🌑•啫啫滑雞煲•$106熱辣辣 滑雞嚟講佢就唔算㗎啦 算在惹味 夠香 送飯唔錯 冬菇大嚿又香 都正！•豉汁生炒涼瓜片•$72其實炒得幾入味唔會太鹹 涼瓜片嚟講偏苦 但係我接受到 份量正常啦•椒鹽九肚魚•$94炸得可以再脆啲 因為食都仲係feel到有啲骨 如果裏面feel唔到有魚骨嘅話會口感上會好好多！•豉椒鵝腸•$105比我嘅感覺係偏鹹 鵝腸洗得幾乾淨嘅其實 豉椒好似唔夠香 唔夠乾身 比較濕少少P.s. 可以預先book位 5:30去都要等位，等到七點先有得入去食 有少少誇張真係 環境就有格調嘅 有香港嘅大排檔風味！值得一試！

食物上枱之後發現有幾樣都係凍😅😅真係有啲失望凍嘅菜式，包括:脆皮炸大腸, 一生諗住同朋友嚟食一啲懷舊香港味道, 以前呢一味菜一般都係街邊食即做，所以好熱, 但係今日 一上枱即食已經係凍咗😅 味道就變成比較差。 另外楚撚記 原隻脆皮炸豬手，上枱嘅時候都係凍咗，唔係好明一道菜應該係炸出嚟，炸完出嚟上堂應該係熱，但係去到我哋張枱上邊我哋食嘅時候已經變凍咗，呢一個炸豬手，當佢係凍嘅時候淨係食到佢啲鹹味，只係覺得隻豬手好鹹。凍嘅炸豬手同埋凍嘅 炸大腸，我哋都對佢比較失望。 另外點咗風沙蒜香中雞翼，雞翼食嘅時候發現熱到非常之好， 失望嘅地方係 雪味比較重。服務比較失望，我哋舉手向服務員提示需要幫忙，服務員見到我哋舉手 冇任何反應，只係繼續同另外一位服務員傾偈，估計佢係覺得 張枱係應該其他同事負責， 所以佢冇理到我哋嘅舉手。冇錯係有兩位服務員都見到我哋有舉手 不過佢哋只係企喺 餐廳較前嘅位置而無理我哋，咁樣我哋一直就舉左手好耐。 佢哋又睇到我哋有舉手，但係一直都冇理我哋……

非常多人排隊，我們早到都要排20分鐘才有位置。滿桌的菜最最最念念不忘的是豬油撈飯真是可以千到2碗飯會峇娑香煎黑松露蓮藕墨魚餅 墨魚彈牙裡面還有蓮藕爽脆加上黑松露香 要試興沙拉骨 酸酸甜甜又是下飯菜⑨興脆皮炸大腸 上菜要快吃才好吃噢，放久了就不酥脆興馬拉盞通菜 份量夠多都好吃 這個是必須點炎薯仔牛柳粒 不過不失炎原只脆皮豬手 皮酥脆 肉嫩下次一定要來試下「家鄉五柳炸蛋"都忘記點菜了，太失望了，下次一定要記得最後還送糖水了

朋友生日，去咗呢間特色大排檔，唔記得咗8:30定9:30入左右八五折，本身都覺得OK，同埋平時多人排隊，宵夜時段入去有位坐唔使等。因為太肚餓，叫咗個豬手一上枱就瞬間食晒，忘記咗影相，我覺得豬手係今日呢餐最好味嘅餸菜，因為個豬皮夠脆，豬手肉唔鹹，好味。然後嗌咗個咕嚕肉，咕嚕肉味道都正常。個粟米冇太大特色，只係整熟舊粟米，然後沾上蛋黃醬兜兩下，唔係好鹹嗰隻，但唔覺得值呢個價。個魷魚遍辣，味道不過不失小炒王，成碟韭菜有渣，難食！戰鬥碗救冰凍，倒上啤酒飲特別好飲，缺點隻碗好快唔凍，倒上啤酒好似飲緊熱啤咁。總括嚟講食物唔夠熱，除咗個菜，其他味道正常，服務正常。 但地點較遍。一次可以。

聽就聽得多，以為只係名氣，原來楚撚記d小菜真係堅出色，食到我lam lam脷😋秘製熱辣辣麻辣雞煲（半隻）超香既雞煲!! 醬汁超惹味麻香辣🌶️足料豐富，雞件多肉掛滿汁啖啖都超香😋另外好中意個蓮藕好爽脆，仲有豆卜又係索哂汁超正!燕麥金沙蝦球好特別食落有燕麥香又甜甜地，蝦球大粒彈牙加埋燕麥片既口感有唔同層次。黄沙豬潤杞子浸時蔬豬潤大塊新鮮無腥味，咬落去爽爽地哩種我就最中意👍🏻白菜仔爽脆配上清甜湯頭，平衡番哂雞煲既膩!懷舊豬油撈飯(復刻版）哩度竟然有豬油撈飯，肥都要食呀真係😈仲要用懷舊感十足既砵黎裝飯，香到不得了🤤係值得長期捧場既小菜館👍🏻

話說，我啱啱去咗間土瓜灣嘅小食堂食晚餐，懷舊裝潢，唔駛太講究，已經好有食慾。首先，佢哋啲黃金豆腐嘛，外皮炸到金黃酥脆，內裡卻軟綿綿，啖啖豆香，一試難忘。再嚟個鳳尾蝦多士，酥香嘅多士撈嗮果汁，蝦仔Q彈鮮甜，食嗰陣真係啖啖肉，好滿足架！嗱，麻辣雞肚子裡面糜糜啲，麻麻辣辣正嗒嗒，舌頭稍為抖下，真係過癮！邊個話港式唔食撈飯，一份傳統豬油撈飯，勁香嘅豬油配上熱騰騰嘅白飯，簡簡單單，但食落得咁滿足。終於，來個黃金炸饅頭配煉奶，呢個甜品真係話唔到嘅完美收場，炸得香脆嘅饅頭，加上香滑嘅煉奶，甜味啱啱好，代表一個圓滿結局。總括來講，呢間店令人驚喜，食物質素同埋服務都算是上乘。這家店等候時間可能會幾長，但食物味美價廉，值得一試！下次如果想搵啲平民化正宗港式菜，記住喺屋企附近轉下，搵下呢啲寶藏小店，可能會有意想不到嘅收穫嚟㗎！🤤👍🏻🎉

一路都好想食尼間，要一早book定先食到，終於比我食到啦，完全吾失望🥰樣樣都好好食七味黃金炸一口金磚豆腐外層炸至金黃酥脆，咬下去發出脆脆的聲音，內裡的豆腐則鬆軟細嫩。七味調味料帶來獨特的香氣和微辣的刺激感，每一粒都占有七味粉，入口依然係熱辣辣，好滋味菠蘿拔絲咕嚕肉(梅頭)用梅頭肉整，咕嚕肉的外層炸至酥脆，內裡的肉質鮮嫩多汁。菠蘿的甜度與酸度完美平衡，炸粉亦吾會太多，每一口都真材實料的梅頭肉脆皮炸大腸外皮炸到脆卜卜亦吾會太乾太油，配上甜酸醬系另一種享受，加上佢仲有菠蘿，菠蘿仲要有燒過豉椒炒蜆大碟好多蜆，蜆洗得好乾淨食落完全無沙，可以放心大大啖食，青紅椒都夠爽脆仲好夠鑊氣，每粒蜆都有沾滿醬汁濃郁又惹味啫啫唐生菜煲啫啫唐生菜煲真系我第一次食，生菜好甜好有個有鍋氣，喊香剛剛好楚撚記原隻脆皮炸豬手份量多，豬手啲皮勁脆吾乾吾油，肉質非常嫩滑同彈牙在點少少醬更惹味金沙黃金白飯魚上枱熱辣辣脆卜卜，白飯魚完全俾鹹蛋黄包住鹹鹹香香咁炸得又香又脆，第一次食好新奇好特別

楚撚記應該都係新式大排檔嘅王者，次次經過都超多人，今次終於一個月book定位😂可以唔使等位咁入去，感覺好爽hahah😏所以一係去到等位，一係就係一個月前book位，同埋溫馨提示：90分鐘要交枱！！✨脆皮豬腩仔帶外國朋友嚟食，呢個係佢至愛，一層肥一層瘦肉，真正呈現五花腩🥰✨啫啫滑雞煲🍲$108一上枱已經有五感嘅享受，滋滋聲，香味撲鼻😍雞肉因為煲底嘅煎煮而有少少焦香，而且份量都幾多！✨七味黃金炸一口金磚豆腐$75見到台台都叫就知係王牌啦💕外脆內嫩，配上微辛既七味粉，增添風味👍🏼✨楚撚豬油撈飯🍚$25用缽仔蒸出黎嘅飯更加粒粒分明，按次序加入豬油、豉油，香味撲鼻～邪惡至極😂不過無可否認豬油真係好好食🤩✨炸饅頭由細食到大，簡單嘅材料，已經做出誘人料理😳餐廳敬送飯後甜品二揀一😙1️⃣ 番薯糖水🍠2️⃣ 清心丸綠豆爽兩個我都覺得好好食，絕對唔會因為飯後甜品所以hea，番薯糖水好香薑味，啱晒冬天食。清心丸綠豆爽簡直係我至愛，耐唔耐都會走去九龍城食😂 清心丸Q 彈滑韌，綠豆爽清熱氣，啱晒作為大排檔嘅飯後甜品