20
17
11
營業時間
今日營業
06:30 - 02:00
星期一至日
06:30 - 02:00
以上資料只供參考, 請與餐廳確認詳情
食家推介
雖然西貢好多嘢食，但係林記好近巴士總站，空肚入去，一落車就衝過去食！腸粉好滑，醬汁好多！燒賣好煙韌，個汁都好好食呀！炒麵正常，唔會好淋！下次一定會試埋其他小食！
繼續閱讀
夜麻麻喺西貢搵宵夜食，同老闆娘吹水得知喱到開到凌晨2點！等我仲擔心夜左無野食！因為好少入西貢，記得十年前食過喱到既砵仔糕！係好好味！所以今次入黎，都一定要幫襯！事關喱到既砵仔糕係好夠熱，因為係長期放蒸爐，但又唔乾！加上佢係用傳統做法，用玻璃碗裝，並非岀面用膠盒裝住既現成貨！所以真係手工野！最重要係超平！10蚊有2大個呀！好可惜，我今次未影得切相就食左落肚，分享吾到俾大家！除左砵仔糕，今次仲試左佢既腸粉同其他串串！魷魚，生腸，牛柏葉，豬耳同1份腸粉，共$50！買滿40蚊就有個盒，吾洗加錢！老闆娘好好人，落重汁俾我地！食喱D串串！汁先係精華所在！食物都係配角😂喱到既汁吾會好油，稀傑程度岩岩好！實在和味！
繼續閱讀
自從認識了這間小店之後，每次來西貢都會來買燒賣。今次買了腸粉，由於是平日下午時間，店舖沒有其他食客，可以坐下來慢慢吃。腸粉都算滑，價錢亦合理，燒賣唔會只得麵粉味其實這間店賣的食物種類都算多，假日往往大排長龍，希望可以一路保持食物質素，價錢亦不要愈加愈貴
繼續閱讀
同朋友行行下，突然間好想食腸粉難得仲有位就買左坐低食佢腸粉係熱辣辣，幾滑幾好食，仲加左大量醬汁，好好味魚蛋就好普通，反而豬皮係比想像中好下次行完山餓每地，都會過黎食腸粉
繼續閱讀
好耐冇食腸粉！今日食咗少少嘢先入嚟西貢，所以就唔坐低食一碗粉咁樣啦平時都會買下嚟食嘅腸粉燒賣， 今日難得西貢冇咁多人有位坐低同媽咪一齊食腸粉最低消費$12.4條， $15就有五條如此類推！我哋呢度係四條嘅份量，再加一份六粒燒賣再加佢所謂嘅秘製醬汁！真係好正！但係，其實覺得佢啲秘製醬汁同平時嘅醬汁味道差不多，都係甜醬辣醬麻醬再加辣🌶️辣椒油醬但係阿媽覺得佢啲辣椒油麻麻哋，雖然有少少辣，但係一啲都唔香非常之普通當然唔算差，但係絕對唔係特別好佢仲有好多唔同嘅小食，喺旺角呢啲旅遊區唔算特別貴反而門面好多其他粉麵店都好似成$50口痕好好嘅選擇
繼續閱讀