影片
電話號碼
27921835
開飯介紹
街坊粥店，粥底火喉足，油器在店中即炸，店鋪只開早市，食品新鮮。
繼續閱讀
營業時間
今日營業
06:00 - 14:00
星期一至五
06:00 - 14:00
星期六至日
06:00 - 17:00
以上資料只供參考, 請與餐廳確認詳情
當年牛下有間粥鋪，阿叔伯即場做布拉腸粉同炸油條，小時侯好鐘意棟係隔離睇，感覺好治癒米漿一勺，客人要咩腸就落咩料；蓋上，蒸熟透，熱氣騰騰，徒手起白布，扯下粉皮，捲起，切切切，上碟，落豉油。整個過程都好正！金山係我其中一間西貢心水食店，每次經過都會點炸兩或蝦米腸；皮滑，油香，醬甜，油條鬆化。除左好食外，仲私心滿足我眼球，這份治癒感，身心滿足但得知許姑娘唔做，阿姐又話雞粉黎緊都會唔做，真係有點唏噓
繼續閱讀
究竟因為農曆新年所以開晏D？定係已經改咗個營業時間好耐？印象中呢間西貢名物好早收，通常只可以一早黎會一會佢，今日下午3點幾仍然食得到真係行好運。炸兩大大份好味道，入面的油炸鬼微脆。艇仔粥有面有炸魚片，幾搞野。魚片粥D料好足好多魚片。呢碗係魚腩粥，D魚腩都幾新鮮，即叫即滾係唔同D嘅。齋腸味道都唔錯，而且又係好大碟。油炸鬼就麻麻地。
繼續閱讀
走進呢間屋企附近嘅粥店，首先被人潮嘅活力所吸引。今日心血來潮點咗碟炸一兩同叉燒腸粉，味道好正宗，又帶濃濃嘅家常味。炸一兩鬆脆得黎唔會太油，夾住辣椒醬食真係一流🌶️！呢度嘅叉燒腸粉鮮味十足，叉燒豐富多汁，皮滑嗲嗲，淋上特製豉油醬汁，一啖嘅香甜，直頭令人回味無窮。坐喺舊式鐵皮屋裡面，食嚟個種樸素無華嘅氛圍更加突出呢啲平民小食嘅美味。好彩坐定定等咗五分鐘，就有位，間店熱鬧歡喜，食客嘅笑聲同交頭接耳嘅聲音不絕於耳。店鋪陣陣嘅粥香夾雜著米粉嘅醇厚，飄香撲鼻，喺周圍跳躍。望住姐姐手上捲得咁麻利嘅腸粉，真係相當過癮😋。街坊味重過嚟咁貼地，值得一試再試。
繼續閱讀
當知道今年街渡會加開航線連去到平時少去嘅島嶼都可以坐街渡所以呢個星期又入左西貢因為要趕1100班次 選擇唔算多上船前食碗粥打底先 喺碼頭行都要7分鐘呢店舖係睇得出嘅古舊 不過都乾淨的 我地嚟到嘅時間已經近11點了早茶嘅客已經走得7788 但都好好彩俾我見到師傅用即拉腸粉包炸兩我揀左鯪魚球生菜粥好大舊鯪魚球 都有5-6件粥底好綿 都幾大碗另外叫左個炸一腸即係用蝦米腸包半份炸兩新鮮整係熱辣辣 脆卜卜的一次滿足兩個願望總括係搭遲左一班船都值得食嘅早餐！
繼續閱讀
走進這家食堂，味蕾就已經跟我打招呼喇！一啖滑嫩牛肉粥，熱氣騰騰，好像返到小時候媽媽嘅廚房。粥裏頭牛肉嘅滑度噌噌的，入口即化，同埋嗰啲豬腸鮮香又唔膩口。煎堆仔嘛，我啲朋友話係「小」，但頭一咬落去已經爽到噴汗😅，微脆嘅皮同內裡鬆軟嘅糯米，真係配合得好完美！走一轉埋炸兩同蝦米腸度，腸粉滑而唔膩，個表面微微帶點金黃色，啖啖肉，夠晒口感。蝦米彈牙，增添咗層次感。記得啦，要早啲嚟，唔好錯過啲油器，真係熱辣辣嘅狀態最正宗！班街坊嚟買外賣，一過口就知，呢度係西貢嘅味道天堂。留意嘞，要搶好嘅位，記得要提早到。呢度簡單嘅環境，專注嘅味道，才係真食足本嘅享受👍！
繼續閱讀