東海堂

營業中

休息中

🥭芒果的心情・春天的呼喚🥭夏天就泥到🥰又系我最愛既芒果季節🙌🏻東海堂推出左呢個全新芒果限定甜點系列 嚴選新鮮香甜芒果🥭配合不同食材 打造令人垂涎欲滴既精緻香甜蛋糕、甜點😍芬芳香氣與果肉甜美細緻溶合 口感豐富 買來同屋企人生日慶祝團聚💯💓芒果熱情果慕斯蛋糕$269濃郁果香的芒果慕斯與充滿活力的熱情果 酸甜無比兩者口味好夾 夾層加左軟滑既芒果軟心醬香甜嘅忌廉同埋芒果熱情果凍 口感一流🥰💓芒果麻糬巴斯克蛋糕$32濃郁香甜既芒果麻糬巴斯克 一個人自私食就啱啱好表面焗烘至焦香 配搭埋芒果粒同忌廉內裡加入軟糯芒果麻糬同海棉蛋糕芒果的香甜襯托出芝士的細滑 香甜不膩夏天食就係一個唔錯嘅選擇‼️

This is a chain store bakery that sells a range of bread, pastries and cakes located within a busy MTR station.EnvironmentA tiny store that has bread and pastries shelfed fully against the walls with cakes located within a display fridge only accessible by the staff. When busy, it’s usually hard to navigate in with a maximum of around 6 people able to be in the store at the same time.ServiceGood service with very attentive staff. Will usually serve you as quick as possible and will recommend pro

個蛋糕外表幾靚呀，一開頭以為係朱古力蛋糕，原來係椰子蛋糕！最外層有層cream包住個蛋糕，跟住入面仲有椰汁糕，仲幾清新！好少蛋糕係椰子口味！因為食厭晒嗰啲雲呢拿朱古力芒果蛋糕，所以就來一個新意！呢個蛋糕都有餅底，脆脆，蛋糕一齊食咗可以增加口感！總括嚟講呢連我屋企人唔食蛋糕都話覺得好食，平時生日食蛋糕呢系好難先食得晒，但今次呢成個蛋糕都食晒啦！

今天全家去旅行，晨早要到達羅湖關口集合。特地在粉嶺出一出閘，可以慳几蚊，順便在站內商店買個麵包做早餐。看到美X集團旗下的東海堂，一於看看有什麼好西。　麵包組合限定優惠價套餐，只需十六個大洋。任何袋裝麵包配一款飲品。在眾多包包之中，選擇芝士漢堡，配北海道牛乳。付款後，待過關後，旅行團集合之時享用。北海道牛乳芝士漢堡　　　　呎寸細，表面有白色糖霜，一是容易弄污粧容，或者一地都是白粉。所以要趕在上旅遊巴之前，消滅這個有白色粉末的芝士漢堡。先咬一口，包身軟綿綿，中間夾有滑滑的牛乳芝士，但至少是証明是實心包。牛乳芝士帶點酸，味道似Cream Cheese。因為太肚餓，又或者是放假旅行的關係，覺得牛乳芝士漢堡很美味，一口接一口的，很快就將整個芝士漢堡消滅了！但嘴巴和地面，已經有一堆白粉～糖霜。最後來一盒北海道特選3.6牛乳。背包馬上減磅，輕輕鬆鬆上車去。

公司有訓練日，老細要我負責攞西位，因為要早上取餅，所以早兩日去餅店落訂，店員攞出瑋張所有西餅款嘅餐牌比我哋揀餅，我雙眼發光（之前未見過呢張餐單）我要晒所有款式，有多件數先攞多件！一次滿足我要晒所有款式嘅慾望（平時去餐廳，都會特登叫同同事唔同嘅款式）攞餅日好順利，交單攞餅5分鐘攪掂！白桃甜品杯（$22）呢款係餐單上無嘅（不過列印單上見到）好華麗嘅賣相，白桃爽口清甜，啫喱清爽，不過無乜桃味，慕絲軟滑，最底仲有層啫喱，桃味一般，不過一層層食口感幾爽，唔會太甜！幾好！店員有禮，其實我要晒西餅所有款式，佢打單都幾煩！又比餅卡，嘟餅卡要逐張嘟，我都覺得煩，佢哋都好有耐性，仲問埋我想點pack！ 幾好笑容！西餅曬冷

由細到大都特別鍾意食東海堂覺得佢無論麵包同西餅嘅味道都特別好味而且款式好多味道又特別最鍾意食佢嘅蒜香腸仔包鍾意食蒜頭嘅一定要試試腸仔包上邊充滿蒜頭粒底下嘅脆皮腸仔好爽口再加埋黑椒粒嘅番茄汁綜合起來真係好好味！好有意式風情加埋個麵包都好鬆軟帶甜味

朋友生日一直都是食東海堂蛋糕，不同款式都好好味，今年想試皇冠蜜瓜蛋糕，所以去粉嶺分店訂購，雖然是晚上九時左右，但都很多人買蛋糕，我站在玻璃櫃前等，店員有禮貌叫我等等，很快就來幫我，而且態度親切有禮！給人感覺良好，比起尖東站店員服務態度好百倍

個人較喜歡士多啤梨切餅，味道不錯，但咖啡朱古力切餅真係無下次。店員態度好趕客，一開始購買5件西餅，用2張餅卡購買，因不足$100可再多選一件，店員態度隨即變，感覺嫌麻煩，多選一件後，店員先話用餅卡無折扣，只好取走其中一件，冇問到西餅是否ok即包裝，要求店員打開盒內看看，態度愛理不理，只打開小小盒鏠，根本看不到內裡，之後我自己想開盒之際，店員好粗魯地搶走盒西餅，開大一邊給我看，過程盒西餅推到我隻手，仲要黑面哂面，只想看看有沒有夾錯西餅，其實要求真的不過份，今時今日既服務態度真係 唉。總括整個購買過程很不愉快，店員比我感覺餅卡唔係錢，態度惡劣，真係比錢買難受。

20170131--過年前團購了東海堂的北海道元貝蘿蔔糕 (每個約850克)和芝士年糕 (每個約600克)，共$158。選擇了在粉嶺港鐵站分店領取，在20170122限期前要領取，領取時店員問是分要分開包裝，正好我會將蘿蔔乾送人，所以分開2個袋子，包得靚靚，服務貼心。北海道元貝蘿蔔糕是送給朋友，所以不知道味道如何，但打開看時，看到糕面佈滿不少元貝，賣相討好，蘿蔔糕先放在一個金黃色紙盒，再放入店員送的保温保冷袋，大方得體。芝士年糕留待年初三在家休息時吃，拿出來切時，已聞到芝士味，切糕時糕身較硬，需要加一點力度才切好。用易潔鑊放少量的油，放糕後要轉細火，如不，會很快變焦濃，其實方法就用煎傳統年糕的火喉一樣，但我沒有放雞蛋，年糕在中間有芝士，所以有部份會散成兩邊，但這樣也好，可以小件小件地品嚐。芝士年糕糕身軟糯，不會像傳統年糕一樣過甜，甜度剛好，最重要是那股日本芝士味，既濃且香，口感特別，不消一會兒，大家便吃清光了。這次嘗試新口味年糕，東海堂算是有保證的選擇。

又係同事調職，佢買咗東海堂餅請我哋食，包裝企理，紙盒加膠袋，因為12月，已經出咗聖誕節款式，啲餅好靚，尤其係鹿仔布甸，件件都想試，呢期好似出咗朱古力系列，最後揀咗：可可甜品杯（$20）賣相靚仔，膠杯企理，睇到甜品杯嘅層次，用膠匙𢳂起，頂層朱古力忌廉好濃好滑，味道帶點微甘，中央朱古力慕絲好滑，牛奶感重啲，中央仲有層朱古力蛋榚，鬆軟好味，整杯都係濃濃嘅朱古力味，而味道有層次，味道香甜好味！祝願同事新工作地方一切順利

雖然母親節已過，但因近日常吃東海堂蛋糕，它的蛋糕令我驚喜不斷，還想補寫之前母親節東海堂推出Lady Arome系列的Red Velvet草莓絲絨蛋糕的食評鋪上紅色蛋糕蓉製成的絲絨外型優雅，襯上新鮮草莓、白朱古力羽毛和以朱古力製作而成的寶石作點綴，更鮮豔奪目，突出其時尚感。媽媽十分喜歡我們送上這紅紅心絲愛意。內層包著紅菜頭汁絲絨蛋糕及粉紅色的蛋白蛋糕，層層交疊著原粒草莓和草莓醬，口感具層次感，酸酸甜甜，而且蛋糕口感綿密但略嫌粗糙，不太柔滑，食落紅菜頭汁絲絨蛋糕層並不突出。雖然如此，但此蛋糕重點是草莓，所以可以接受。蛋糕整體卻普普通通，沒有太大驚喜。

香港紫薯熱還未退散，東海堂推出沖繩紫薯系列，讓我們感受沖繩夏日紫薯氣氛！🍠🍠🍠整個紫薯蛋糕是100%用沖繩宮古島農林水產部都推薦的沖繩紫薯外層充滿以沖繩紫薯忌廉製作而成的可愛造型，配上紫色花帶更突出其高貴大方的感覺！整個蛋糕層次感豐富，外層的沖繩紫薯忌廉包著內層的朱古力蛋糕，再夾住一層白芝麻忌廉，底層以紫薯忌廉、朱古力蛋糕層層對夾，最後以可口的肉桂焦糖脆脆作餅底。整個蛋糕結構好結實，餅底不會一刀切後就瞬間瓦解，食落扎扎實實，而且甜而不膩的紫薯忌廉在口腔瞬間爆化，再在舌尖間慢慢溶化，加上朱古力海綿蛋糕濕濕軟軟的鬆軟感，大大滿足！

趁著母親節才捨得買這個美人の赤莓 蛋糕食，因為原價$338（因為用上日本士多啤梨），恆生enjoy card 88折後都差不多$300，以東海堂價位算貴。好多粒日本士多啤梨，不算甜也不是酸，可能不是當造季節。蛋糕鬆軟，忌廉份量剛剛好，最吸引我是底層的可可脆脆，至於中間的啫哩就一般般，試一次就好了！

東海堂出左個赤莓蛋糕，一路都想試，甘岩屋企人生日，就買左個赤莓之戀黎試，其實即係草莓芝士蛋糕。d草莓又大粒又好食，真係好正。不過個蛋糕就係普通海綿蛋糕，有少少草莓加芝士cream，中間有層草莓醬啫喱，個人覺得個層啫喱好奇怪。如果無左應該會好味d。個蛋糕其實就普通d，不過d士多啤梨甘好食，都值得一試。難得整蛋糕既水果甘新鮮，試下都無妨。

東海堂宇治抹茶系列有數款，要試的話也要分幾次。今次未齊人，唯有自私食這個 宇治抹茶寒天芝士杯 $22，價錢不算貴，所以不用考慮便買下。因為只買一個，店員就小心翼翼地放進膠袋再貼膠紙穩固好，夠細心！賣相有一小塊金箔在啫哩上顯得份外名貴。不過抹茶寒天啫喱未夠QQ，但茶味濃，再配下面的鬆軟抹茶蛋糕、軟滑忌廉芝士、最底甜甜酸酸的草莓紅桑子果凍，沒有想像中芝士的膩滯感，感覺幾耳目一新。