景福餐廳

營業中

休息中

之前冇食過呢間，咁啱今日諗唔到食乜就叫咗個外賣自取，先唔講我等咗差唔多半個鐘，叫咗個豉汁蒸排骨同涼瓜䱽魚，講咗個白飯先，啲飯煲過頭爛到一個點，唔講以為食緊醫院流質餐，簡簡單單一個白飯已經完全唔合格。到個豉汁蒸排骨，個排骨好似完全冇醃過咁樣，完全唔入味，個排骨咬到最尾仲要有少少苦苦地，講真真係唔明點解咁簡單嘅餸都可以煮到咁樣，建議廚房重新學過點樣煮嘢食，我自己煮仲好過佢，呢個豉汁蒸排骨係我食過最唔好食嘅一次。䱽魚就普普通通冇咩特別，但係都唔係話好食總結 呢間嘢冇話完全食唔落口，但係以一間餐廳嚟講咁普通嘅住家菜式煮到咁係完全唔合格，有得揀其他一定唔會再試

🍚走入這間又有feel嘅茶記，面對嗰兜普普通通嘅菜單，我興奮地試咗好幾樣食物。先講講豉汁蒸䱽魚，啲魚真係咁滑，咁嫩，仲要豉汁夠晒味，嗒嗒地，正！再黎講下我個煲仔飯，啲飯香喷喷，有香噴噴嘅飯焦，啲排骨好夠味，嚼落有勁，根本就係犯規好食！🤤啊，又唔可以唔提下佢哋杯凍檸茶，簡直就係消暑聖品。而家天氣開始轉涼，食碗熱辣辣嘅煲仔飯，真係再合適唔過。我仲試過佢哋嘅早餐，啲生翼炸得脆口得滯，配上茄汁豆，美味過癮；即使係唔太鍾意熱氣嘅朝早，我都要頂住困意來食一份精美早餐A，哎喲，餐肉厚切得啱啱好，通粉又正，啲忌廉奄列蛋滑得嚟又唔會太膩。講返個意粉，夠曬彈牙，雞件肉質軟嫩，配合煎香嘅餐包，合埋一杯嘅奶茶，實在係完美嘅晨間組合。😋真係每次黎呢度都覺得開心，好似食到家庭嘅味道咁，跟朋友一齊分享呢啲地道又實惠嘅美食，就係一種小確幸！每道菜都有佢特色，但都保持得舊香港嘅地道味道，絕對係一間值得黎幾多次嘅店。👍

上網見到好多人話新蒲崗呢間煲仔飯好好味，好多人排隊，無論天氣凍熱都好多人排隊，於是今晚就去咗試喇喎，但都係要排隊，叫咗兩個煲仔飯，一個豉汁蒸鱔煲仔飯，一個臘味煲仔飯，要達到煲仔飯理想效果應該係啲飯又唔會生米，又有飯焦先為之理想，但飯焦唔夠燶，而且臘味啲臘腸又唔好味，好你食塑膠咁 ，尼個係唯一最差的 ，如果可以改善多啲就更加好，但係餐廳裏面範圍太細喇，好逼夾好逼夾，完全唔可以食得好安樂太擠迫，所以如果有下次可能會試下另一個煲仔飯，畀多次機會佢啦😅😅

12月19日天寒地冬，揾食肥華帶靚媽到此店，食禦寒佳品煲仔飯，而今餐肥華在此店柯打嘅嗰煲，古法黄鱔煲仔飯，平心而論，飯嘅質素並不突出，飯身偏軟口感似食篜飯，而煲仔飯嘅靈魂，飯焦，此煲黄鱔飯亦欠奉，不過因黄鱔肉俾得夠多而撈飯用的豉油，味道亦不俗，價錢亦合理，此店呢個煲仔飯，肥華會俾個B級評分佢。至於今餐其他兩個套餐，菜心炒牛肉及涼瓜蝦仁炒蛋，連同個碗跟餐嘅木瓜雪耳雞腳豬骨湯，味道卻有驚喜，值B+評分，今餐可說是妹仔大過主人婆

豉汁白鱔煲仔飯煲仔飯晚市就會供應，有成十幾款配料選擇，每樣都係即叫即整，今次就試咗豉汁白鱔煲仔飯，啲飯吸盡豉汁同白鱔嘅香味，白鱔配上豆豉一齊食夠晒惹味，最後仲可以食埋金黃色嘅飯焦，火候控制得啱啱好，香口得來唔會太燶，超高質！魚香茄子四季豆呢度小炒相對比較濃味，拌飯一齊食就啱啱好啦，魚香茄子嘅鹹魚味夠晒香，四季豆又可以增加口感，加埋肉碎絕對係送飯神器！馬拉盞通菜炒牛肉呢碟炒通菜唔會太鹹，通菜非常爽口，牛肉亦唔會韌，而且份量十足，非常抵食！

天氣開始轉涼口痕想食煲仔飯搵到一間性價比極高嘅係新蒲崗就係Mikiki附近 超方便嗌咗個龍躉球煲仔飯轉香芋飯底識叫即整打開熱辣辣魚香味勁重師傅刀工好好龍躉球完全冇骨啱晒我呢啲唔識食骨嘅人個底加埋香芋同埋粉絲超級惹味再叫多一個蒜蓉開邊蝦煲仔飯要原裝飯底一打開個份量真係嚇親人，全碗都鋪滿咗蝦蒜蓉開邊可以食到蝦嘅原汁原味超級鮮甜爽口另外想食少少菜健康啲叫咗個瑤柱肉碎扒時蔬店主介紹菠菜苗真係冇介紹錯個質地好配合瑤柱肉碎可以解肥膩，清腸胃所有晚飯套餐仲送白飯同埋例湯性價比真係超高冇加一添ga

新蒲崗有好多食飯好地方，而我就最鍾意一啲港式餐廳。今次去嘅景福餐廳，最拿手就係小菜同煲仔飯，好受街坊歡迎。食物嘅份量超級足，係性價比極高嘅餐廳🙌𝐁𝐮𝐛𝐮推介🔥👍 豉汁白鱔煲仔飯一上枱，豉汁嘅香味同埋白鱔嘅鮮味就已經令人流晒口水，面頭滿滿嘅都係白鱔魚件，配上飯焦煲仔飯，簡直令人無法抗拒🤤👍 咸魚肉餅拼豉汁排骨煲仔飯 加窩蛋雙拼煲仔飯絕對係重量級嘅選擇😳 豉汁排骨同咸魚肉餅嘅組合，真係係天作之合。一次過可以食到兩款傳統煲仔飯風味，豉汁排骨同咸魚肉餅嘅美味，再加上滑滑嘅窩蛋，真係超級滿足😋👍 熱奶茶要評價一間港式餐廳，一定唔可以少咗佢嘅熱奶茶☕️ 奶茶滑順無渣，奶同茶嘅比例啱啱好✅📍景福餐廳新蒲崗景福街81號地舖

一向都鍾意食有鑊氣小菜但係要講即叫即抄真係有鑊氣好食嘅小菜餐廳而家真係買少見少了之前經過新蒲崗見到有一間地舖餐廳門口經常有好多人排隊等食飯今次就搞到我心思思排咗一陣想入去食晚餐試吓佢嘅威力特別係佢哋嘅首創芋頭底煲仔飯今晚終於有口福了❣️去到餐廳雖然環境比較簡約但勝在夠晒傳統有風味感覺而且店員服務態度殷勤親切還向我們推介這裏的招牌菜式當然來到要試吓呢度嘅馳名煲仔飯只有晚市時間先提供仲可以揀選香芋飯底出面真係好少食到啊我哋兩個人最後Order咗幾款菜式估唔到每一款菜式都係好有份量大大碟最重要係小菜中菜來講真係好好食又可以同朋友嗌番啲啤酒一邊飲一齊開心Share食先夠盡興❣️⊰⊹════════════════⊹⊱💬 ✎ 食後感 ：✨🧡 「 #金蒜龍躉球煲仔飯 」本身我都好鍾意食魚特別係啖啖肉嘅龍躉肉見到牆上有一款新推出係我最鍾意嘅龍躉球煲仔飯大約等咗20分鐘就有得食啦金色香脆蒜粒份量都頗多加上提鮮的蔥花及芫荽滿滿的鋪滿在龍躉球及飯粒上加上熱辣辣嘅煲能夠保存熱度所以食落去熱得嚟好惹味加上龍躉球大大塊好爽口滑溜每一塊都連帶着龍躉皮魚肉魚皮之間又有一層膠原黏黏的一啖放進口裏魚肉非常新鮮美味食完都覺得

最近在新蒲崗工作，同事介紹了一間老字號餐廳，煲仔飯🔥更是真材實料皇牌之選！他帶我來到這間小店「景福餐廳」，人情味濃厚，店員認得我這位已常幫襯的朋友，最重要價錢夠晒親民食物好吃😋😍龍躉球煲仔飯 即叫即製的煲仔飯，一開蓋香味四溢香噴噴實在吸引， 多塊龍躉魚肉厚嫩滑，而且飯底好特別是芋頭飯底，一粒粒芋頭增添風味口感！米飯🍚軟硬適中，金黃飯焦脆卜卜又帶點焦香，實在無法抗拒！豉汁白鱔煲仔飯同樣惹味十足，豉汁同白鱔是絕配，整個煲仔飯都充滿豉汁香味，白鱔彈牙肉嫩，一定要品嚐！小菜套餐仲包一碗自家製老火湯，紅蘿蔔雪耳雞腳湯，足料好味🤤📍景福餐廳 新蒲崗景福街81號地下

今日學完first-aid有啲攰，決定同朋友喺附近食嘢🙈 今次去咗景福餐廳食嘢，呢間餐廳不嬲都係平民化餐廳周圍🍴所以經常都多街坊食嘢係度食野～👅 XO醬排骨煲仔飯 $62👍佢上嚟一陣香氣撲鼻，好開胃😋。排骨肉質鮮嫩，啱啱好煮熟咁，同XO醬嘅辣味同香味好夾🤤。飯嘅口感綿密，飯底仲有一層金黃色嘅飯焦，好好味，一定要試下！👌🥬 瑤柱扒時菜 $54有得比你揀咩菜，有白菜，豆苗，波菜苗，芥蘭，生菜同通菜。而我就試左波菜苗。佢表面睇落好簡單，但係味道真係好好👍。瑤柱嘅鮮味同波菜苗嘅甜味好夾，令人好驚喜😱。呢道菜適合想食清淡啲但又想食好味嘅人，如果叫左好多肉/重口味既菜，可以試下呢道菜中和返😉🥔黑椒薯仔牛柳粒 $64牛柳粒好嫩滑，配上香脆嘅薯仔同濃郁嘅黑椒汁，味道豐富香濃，令人回味無窮😍🐠 咕嚕魚腩 $64魚腩煮得剛剛好，魚肉鮮甜，配上酸甜嘅咕嚕醬汁，口感豐富多變，令人食指大動🥳😎價錢合理，服務亦好友善，環境舒適，值得一試🤍總括而言 (5個💛係最高)好味指數 : 💛💛💛💛🤍服務態度 : 💛💛💛💛🤍環境打卡 : 💛💛🤍🤍🤍回頭指數 : 💛💛💛🤍🤍📍景福餐廳🏢 新蒲崗景福街81號地下🕗星期一至日 07:

新蒲崗景福餐廳既煲仔飯真係超扺食，幾十蚊就食到鮑魚即叫即煲，仲可以揀芋頭飯底飯同餸既份量超多真係成日去食都ok例湯：冬瓜雞腳湯質素超乎相像既靚湯唔係普通味精水鮮甜足料有驚喜鼓汁排骨煲仔飯拼窩蛋免治牛肉煲仔飯煲仔飯都有得雙拼餐廳都好貼心㗎啱曬🐸🐸呢啲花心鬼排骨大大舊又啖啖肉鮮鮑魚煲仔飯推介菜式冇諗過鮑魚煲仔飯可以咁鮮食落爽口彈牙㗎下面仲有粉絲食到最底既飯焦脆卜卜同樣係呢個飯既重點黎凍奶茶香滑濃郁既港式奶茶重現經典滋味

煲仔飯雖然隨處可見，但要搵好食嘅真係唔容易🥲好多時唔係落得太多水淋哂，就係啲米硬到入唔到口😰今次去到新蒲崗，估唔到發掘到間寶藏小店「景福餐廳」✨煲仔飯一絕之外，小菜同樣出色，最重要價錢夠晒親民😍.🍴麻辣滑雞煲仔飯💰$62一開蓋麻辣香加米香立即湧上嚟🤤先講飯底，米飯粒粒分明軟硬適中🍚底部輕輕一刮，金黃飯焦立即出嚟😍飯焦脆卜卜又帶焦香，試問誰能拒絕？🤪雞件份量都幾多，肉質非常嫩滑😚麻辣醃製過後十分惹味🌶️味道嚟講都唔算好辣，但就好香🥰.🍴窩蛋免治牛肉煲仔飯💰$62將雞蛋撈勻，整個煲仔飯都充滿蛋香🥚免治牛肉似牛肉肉餅多啲，彈牙多汁，撈飯一流😋.🍴鹹蛋蒸肉餅💰$52肉餅都相當厚身，差唔多成寸厚🤪內裏肥瘦適中，食落有口感😙最重要肉餅汁，好充滿鮮香，同樣撈飯一流😆.🍴酸辣土豆絲炒豬頸肉💰$52土豆絲非常爽脆，酸酸辣辣夏天食好開胃😋豬頸肉好爽彈👍🏻.小菜套餐仲包一碗自家製老火湯🥣今次係紅蘿蔔雪耳雞腳湯，勁足料👍🏻.煲仔飯除咗普通飯底外，仲可以揀芋頭飯底，有埋粒粒芋頭夠晒特別😝下次一於過嚟埋🤓

終於搵到以前食大排檔火腿煎蛋湯通粉既味道，而家成日都係螺絲通粉，好少有呢隻細滑冇紋通粉，另外味道非常好，而家常常都係蕃茄湯忌廉雞湯，此湯風味很懷念。另外價錢相而，有興趣朋友黎試吓。

新蒲崗景福街近Mikiki寵物友善商場，附近有間茶記專門食煲仔飯，店外邊有盞霓虹燈好有懷舊feel！入邊睇睇個menu價錢平到嚇死你，蒸條魚都只係$60左右，叫咗個豉汁蒸䱽魚啲肉勁滑，來貨新鮮有保證！另外煲仔飯又大又足料，最正係有飯焦，呢啲真係可遇不可求，平時啲排骨周圍都唔好食，呢間就份量多且味道好，仲有好多青蔥花灑喺面頭熱辣辣，冬天食更加正。另外臘腸蒸雞，配埋南瓜薑蔥，仲有大大件雞件非常白滑，好似食緊住家菜咁溫暖。最後飲埋杯凍檸茶good fit!

📍 @king.fuk81 in San Po Kong ChinesePrice :💰 $300 Favourite:💖 Claypot rice ------------------------------✅ Located at King Fuk Road, near Mikiki shopping mall.✅ The menu offers a wide variety of Chinese cuisine, including claypot rice, fried noodles and rice etc✅ Menu spans from regular affordable set✅ The set includes a complimentary soup ✅ Good value for money. Nice place for a quick meal✅ Portions are generous