影片
港鐵啟德站B出口, 步行約13分鐘
繼續閱讀
電話號碼
23213633
營業時間
今日營業
07:00 - 22:00
星期一至六
07:00 - 22:00
星期日
全日休息
以上資料只供參考, 請與餐廳確認詳情
之前冇食過呢間，咁啱今日諗唔到食乜就叫咗個外賣自取，先唔講我等咗差唔多半個鐘，叫咗個豉汁蒸排骨同涼瓜䱽魚，講咗個白飯先，啲飯煲過頭爛到一個點，唔講以為食緊醫院流質餐，簡簡單單一個白飯已經完全唔合格。到個豉汁蒸排骨，個排骨好似完全冇醃過咁樣，完全唔入味，個排骨咬到最尾仲要有少少苦苦地，講真真係唔明點解咁簡單嘅餸都可以煮到咁樣，建議廚房重新學過點樣煮嘢食，我自己煮仲好過佢，呢個豉汁蒸排骨係我食過最唔好食嘅一次。䱽魚就普普通通冇咩特別，但係都唔係話好食總結 呢間嘢冇話完全食唔落口，但係以一間餐廳嚟講咁普通嘅住家菜式煮到咁係完全唔合格，有得揀其他一定唔會再試
繼續閱讀
🍚走入這間又有feel嘅茶記，面對嗰兜普普通通嘅菜單，我興奮地試咗好幾樣食物。先講講豉汁蒸䱽魚，啲魚真係咁滑，咁嫩，仲要豉汁夠晒味，嗒嗒地，正！再黎講下我個煲仔飯，啲飯香喷喷，有香噴噴嘅飯焦，啲排骨好夠味，嚼落有勁，根本就係犯規好食！🤤啊，又唔可以唔提下佢哋杯凍檸茶，簡直就係消暑聖品。而家天氣開始轉涼，食碗熱辣辣嘅煲仔飯，真係再合適唔過。我仲試過佢哋嘅早餐，啲生翼炸得脆口得滯，配上茄汁豆，美味過癮；即使係唔太鍾意熱氣嘅朝早，我都要頂住困意來食一份精美早餐A，哎喲，餐肉厚切得啱啱好，通粉又正，啲忌廉奄列蛋滑得嚟又唔會太膩。講返個意粉，夠曬彈牙，雞件肉質軟嫩，配合煎香嘅餐包，合埋一杯嘅奶茶，實在係完美嘅晨間組合。😋真係每次黎呢度都覺得開心，好似食到家庭嘅味道咁，跟朋友一齊分享呢啲地道又實惠嘅美食，就係一種小確幸！每道菜都有佢特色，但都保持得舊香港嘅地道味道，絕對係一間值得黎幾多次嘅店。👍
繼續閱讀
上網見到好多人話新蒲崗呢間煲仔飯好好味，好多人排隊，無論天氣凍熱都好多人排隊，於是今晚就去咗試喇喎，但都係要排隊，叫咗兩個煲仔飯，一個豉汁蒸鱔煲仔飯，一個臘味煲仔飯，要達到煲仔飯理想效果應該係啲飯又唔會生米，又有飯焦先為之理想，但飯焦唔夠燶，而且臘味啲臘腸又唔好味，好你食塑膠咁 ，尼個係唯一最差的 ，如果可以改善多啲就更加好，但係餐廳裏面範圍太細喇，好逼夾好逼夾，完全唔可以食得好安樂太擠迫，所以如果有下次可能會試下另一個煲仔飯，畀多次機會佢啦😅😅
繼續閱讀
12月19日天寒地冬，揾食肥華帶靚媽到此店，食禦寒佳品煲仔飯，而今餐肥華在此店柯打嘅嗰煲，古法黄鱔煲仔飯，平心而論，飯嘅質素並不突出，飯身偏軟口感似食篜飯，而煲仔飯嘅靈魂，飯焦，此煲黄鱔飯亦欠奉，不過因黄鱔肉俾得夠多而撈飯用的豉油，味道亦不俗，價錢亦合理，此店呢個煲仔飯，肥華會俾個B級評分佢。至於今餐其他兩個套餐，菜心炒牛肉及涼瓜蝦仁炒蛋，連同個碗跟餐嘅木瓜雪耳雞腳豬骨湯，味道卻有驚喜，值B+評分，今餐可說是妹仔大過主人婆
繼續閱讀
豉汁白鱔煲仔飯煲仔飯晚市就會供應，有成十幾款配料選擇，每樣都係即叫即整，今次就試咗豉汁白鱔煲仔飯，啲飯吸盡豉汁同白鱔嘅香味，白鱔配上豆豉一齊食夠晒惹味，最後仲可以食埋金黃色嘅飯焦，火候控制得啱啱好，香口得來唔會太燶，超高質！魚香茄子四季豆呢度小炒相對比較濃味，拌飯一齊食就啱啱好啦，魚香茄子嘅鹹魚味夠晒香，四季豆又可以增加口感，加埋肉碎絕對係送飯神器！馬拉盞通菜炒牛肉呢碟炒通菜唔會太鹹，通菜非常爽口，牛肉亦唔會韌，而且份量十足，非常抵食！
繼續閱讀