影片
港鐵天后站 A2 出口, 步行約1分鐘
繼續閱讀
電話號碼
25111106
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
食家推介
噢呀，今日黎這家食刀削麵，真係一個驚喜！🍜 地道既香味，一啖咬落去，係品嚐到個中原風味咁神奇。香濃既豆漿同清新既柚子茶，正！🍹佢地個醋椒黑木耳，食落脆脆地，夠晒開胃。啱晒夏天！個炸餃子，外皮炸得金黃鬆脆，一啖嘅豬肉餡真係鮮味十足。而家講返啲刀削麵，勁！個面真係唔同平時食嘅，有啲彈牙又唔會太硬，同啲醬料嘅配搭，正宗得嚟又唔會太重口味。啲配的豬頸肉，豐腴又多汁；東坡肉，微微地熔喺口裡面，佢地嘅牛腩更加係做到外腍內嫩。😋 麻辣手撕雞嗰份香辣過瘾，量又足，一試難忘。總結，呢度既美味同老闆嘅用心，係每一啖嘅幸福感喺味蕾之間綻放。天后唔再遠，好味就喺眼前，下次還要再嚟開開胃！🔥
繼續閱讀
很喜歡麵食，今天就來試下刀削麵，本來只想簡簡單單吃一碗麵，見到餐牌各式各樣的小食， 非常吸引，而且價錢實惠，於是這樣那樣就點了好幾樣，我們點了口水肥牛🐮，涼拌青瓜🥒，花雕醉雞🐔，兩杯豆漿🥛，兩碗刀削麵🍜🍜。食物未到，我們就看老闆娘削面，面團揉到好似一條大羅蔔，老闆娘技藝超群， 手起刀落，一條條均等的面片飛快地掉落鍋裡，好似看雜技一樣，真有療癒的功效，看得心情愉快。☺️☺️看過刀削麵就吃刀削麵， 面片依韌爽口，湯鮮味美，加些山西老陳醋更加好味，湯裡配搭了糖心蛋，水餃，木耳，營養均衡，健康又好吃。幾款小食都很出色，花雕醉雞🐔🐔酒香濃郁，雞肉鮮嫩，皮脆肉香。口水肥牛🐮🐮份量不少，伴以青瓜炸花生，越嚼越有牛肉味。涼拌青瓜🥒🥒更是爽脆清香， 用醋調味開胃又健康。兩杯豆漿豆味豐郁🥛🥛，少少甜正合我們口味。兩個人吃了這麼多的東西，都只是200多元，真是美味實惠兼地道的刀削麵店。
繼續閱讀
今日行花市諗住可以食啲好嘢，見OpenRice咁多好評就諗住試吓，點知中大伏 😫叫咗兩碗刀削麵，點知隻匙羹勁大浸洗潔精味，隻碗都有少少。一開始仲要用嗰隻匙羹飲咗啖湯，跟住之後都冇晒胃口，好似隨時返屋企會中毒咁 🤮🤮🤮 諗住落少少辣椒醬冚咗陣味，點知辣椒醬唔辣冇味。碗麵嘅汤都唔知做咩，一啲肉味都冇。 叫咗個東坡肉，根本就係一嚿煮到好老嘅肥豬肉，又鞋又硬又肥 😶 另外再叫咗個蒜泥豬頸肉，點知食醋仲多個食蒜⋯全部蒜泥浸過醋，酸到冇人有。豬頸肉都炸到硬晒😥 而家返到屋企，仲有少少肚痛，好似就嚟嘔咁，今次真係大檸樂 💩
繼續閱讀
哈!今日係誤打誤撞，錯有錯着之下又食得番呢種麻辣拌麵，真係好食到嘩咗幾聲。今日食呢個係熱拌麵，係市面比較少有，我係食咗個叫熱拌麻辣東坡肉既刀削麵，味道有麻辣既辣味，再配上東坡肉既油脂香同埋肉香，拌上刀削麵煙煙韌韌既口感，簡直就係味覺既震撼，神級好食好味!呢個熱拌本身跟擔擔麵醬而冇麻辣醬既，係蛋蛋要求老闆後加麻辣醬同埋蒜頭
繼續閱讀
睇嚟好多小店都被佢嘅外貌低估，原本冇抱任何期望，但求食返碗熱辣辣嘅麵暖胃，誰不知有意外驚喜！😍 講緊嘅係位於天后電氣道嘅「晉皇山」，主打即叫即削刀削麵🍜價錢平實，單餸刀削麵由$45起，除咗湯麵亦有冷熱拌麵，眾多花款都離不開刀削麵😋 配料亦係令人花多眼亂，由麻辣牛𦟌、燻蹄，到口水雞、醉雞、越式春卷等都有涉獵，相信食多幾次都未必可以試得晒佢嘅拿手菜式😳🤤《 東坡肉熱拌拉麵 》 $57 4.5 / 5意想唔到東坡肉份量咁大😳 手掌咁長同成吋厚，仲要打孖兩塊，相當闊佬😍 東坡肉嘅醃料芳香，帶有陳皮味；入口即融，肉質細嫩😋 熱拌配搭四川擔擔醬先甜後辛，拉麵完全索晒汁醬，越食越起勁😋《 豬軟骨熱拌刀削麵 》 $57 5 / 5 🌟🌟🌟🌟🌟哩度嘅刀削麵相信係食過當中口感最好嘅😍 手削先會食到嘅形狀、厚度不一，入口更有層次；麵質煙韌有彈性，而且好掛汁👍🏻 豬軟骨同樣份量豐盛，肉入味而骨嘅軟硬適中，唔會太淋仲食到爽脆嘅骨感👍🏻《 麻辣牛腩拼手撕雞 》 $65 3 / 5麻辣汁有麻但唔夠辣，不過牛腩嘅五香味重，肉綿密🤤 手撕雞就差啲，碎濕濕，亦索唔到辣醬味🥲 成碟性價比低，每款圍翻起都30幾蚊，但份量較少，研究過後發現加多個餸都係$10好似仲抵🧐 ———————————————🏠環境舒適度：💛💛💛👅舔脷回頭度：💛💛💛💛💛📸打卡able度：💛💛💛💛🙇🏻♀️服務滿意度 ：💛💛💛💛———————————————
繼續閱讀