春水堂 (東薈城名店倉)

營業中

休息中

從來未試過寫唔好既食評，今次一飲真係忍唔住，係好想飲珍珠奶茶既情況下搵到呢間野，等左15分鐘，珍珠無味，奶茶無味，完全無糖既甜味，好難飲，杯野飲原價$34，好彩我係外賣8折，如果唔係會仲嬲

忽然好想食台灣牛肉麵同埋飲珍珠奶茶，所以去咗春水堂。自助搵位、QR code落單，非常方便。服務都算唔錯，主動俾咗兩杯水。我哋叫咗一碗紅燒牛肉麵、一碗麻辣牛肉麵、一碟鹽酥雞、一杯杯芽奶茶🧋，仲要叫佢比多隻杯，一杯兩個人飲，店員都冇黑我哋面，其實都算係咁。大約$120 一位lunch ，價錢喺商場來講尚算合理。可以再嚟。不過牛肉麵面底轉左，以前係比較厚身、類似刀削麵咁樣嘅質地。但係而家變咗幼面，所以都係以前個面底好食啲

行左一陣街好累， 係東薈城見到春水堂門口又冇咩人排隊就入去堂食休息下。 叫左杯鐵觀音珍珠奶茶，味道好👍 keep 到茶香味，珍珠細細粒幾好。 另外叫左鴨舌 及 雞翼。 雞翼炸得好脆又熱，味道不錯。

晚餐想飲下野所以食春水堂，不過餐點加配野飲係無優惠的，全部都係單點價錢。酥炸豬排配他他醬便當 (89$) — 豬排略嫌少少硬，但配上他他醬都唔錯，其他伴碟嘅都係白洽菜。麻辣牛肉麵 (92$) — 冬天食夠晒暖，不過都真係幾辣，牛肉都算多。愛玉檸檬綠茶 (39$) — 叫咗少甜，好fresh好解膩，推介。黑糖琥珀珍珠拿鐵 (41$) — 無得揀甜度，不過都OK唔太甜，黑糖味濃，但成杯野都幾多奶泡，個底又有冰，飲落好細杯。

迪士尼玩完除左青衣就係東涌呢個商場食嘢想食台灣野就試下春水堂。以前黎食好似未有便當依家有幾款台式便當有埋小菜都唔錯仲叫左杯紅番石榴飲品好fresh而且甜度啱啱好嘢飲真係好推薦。便當嘅飯都幾軟熟雞肉嫩滑整體食物都幾好食

就係屋企人啱啱落機想飲珍珠奶茶路過見到OK啦入去試下晚上6:30左右啦其實都有幾台客嘅服務員叫我放低個篋喺一個位置之後就招待我哋入去坐四人枱我哋總共有三個人坐低好快已經叫咗三杯嘢飲同埋三碗台灣牛肉麵仲有叫咗一碟麻辣牛肚絲珍珠奶茶我冇減糖原來非常甜台灣牛肉麵比起出邊食嗰啲係唔同嘅，因為個麵比較幼身同埋比較腍口感好似阿婆冇牙都食到反而牛筋牛腩都係腍嘅都幾入味整體嚟講都OK不過都係好貴三個人食咗$481 如果俾我再揀，我寧願去茶木😂

東涌依間【春水堂】環境唔大，唔多枱，而且啲職員唔係好爽手，可以話有啲hea😓【滷肉飯】(細碗) 💰$32細碗嚟講份量算夠，味道正常【台式芋米糕】💰$28好好味！口感煙韌得來有啲似蘿蔔糕嘅質感，炸得香脆，每次嚟到會叫！【珍珠奶茶】💰$32我自己飲嘢嘅口味唔飲得太甜，所以依杯珍珠奶茶叫少甜啱啱好！始終依間分店喺outlet入邊，等嘅人會比較多，所以預咗要排隊。

春水堂本身係過江龍餐廳，係台灣食過個質素同價錢都頗高，同香港分店相反。一個牛肉麵至少要 $90以上，計埋加一，$1xx 走唔甩。而且其實同坊間台式小店既牛肉麵質素差唔多。如果間唔中要去東涌食一次半次都可以接受的 整體指數 : 6/10CP值 : 4/10回頭率 : 3/10價錢 : 7/10

去得東涌outlet，當然係盡力掃⋯⋯貨啦，唔食餐飽，邊有力逛街，仲有10幾分鐘至到12點，已經有一少條人龍，店舖有點少，好快就坐滿了。蒜泥白肉見幾十蚊叫嚟試吓，只係一般。鹵水拼盤所有都炆得好淋，老媽都食到，味道又香又唔會太咸，超推介。老爸叫嘅慢煮豬手便當，我試咗，淋至骨肉分離，好好味，老爸將湯內嘅肉丸俾我，一向對貢丸無興趣嘅我，都覺得好唔錯，肉質有彈牙感。嗜辣又怕熱嘅我當然叫個XO醬辣拌麵啦，青瓜絲令拌麵無咁「笠」口，XO醬食到有蝦干香，微辣好醒胃。之前已試過嘅蕃茄蜜凍飲，今次走糖，飲到蕃茄酸，好解渴消暑。屋企人第一次去春水堂食都讚不絕口。

想去台灣又去唔到住唯有食台灣菜頂住先春水堂係世界珍珠奶茶始祖可以帶到最地道嘅台灣風味比我地✨豬手魯肉便當$92豬手肉腍而唔肥入口即化🤪魯肉軟綿綿香氣四溢配上滷蛋同埋雜菜真係好滿足😍

行街行到攰 去坐低食下野充個電先🍱 慢煮豬手便當一食就愛上豬手飯🫣真心推介必試‼️豬手肉質好~腍又嫩，咸淡道剛好好~入味好~膠，咬落去好有肉汁，而且無豬毛👍🏻🐓 黃金香酥雞每次都會叫黎食💛即叫即炸熱辣辣超香脆可口，外脆內軟鎖住肉汁好juice，肉質夠滑鹽酥味道唔會太重過咸🤤🍅 蕃茄蜜凍飲杯野間舖👍🏻本人又好蕃茄汁就試下，emmmm……蕃茄汁+蜜糖🤣🤣🤣第一啖檸檬酸味有點重會覺得怪怪地，但飲飲下都ok嘅可以接受，如果鍾意飲蕃茄汁嘅人 可以試下😂

成日見台灣餐廳用古早味來命名，意思即係話啲食物具有傳統的味道或氣息，令人回想起還去的時光，有一點點懷舊的情感。第一次食春水堂，我記得係在台北的某一個車站，不用排隊，直接入店。下午茶的時間，點了一大杯的珍珠奶茶。那個杯大得像happy hour 的啤酒杯，真的要用一個下午才能喝完。第二次光顧春水堂已經是這家香港店開幕的時候了。午飯時間，長長的人龍，所以通常都要12點就去排隊。食物尚算可以，份量是少了，但古早味還在。你們又食得出來嗎？食物推薦：1.珍珠鐵觀音奶茶 $34 (招牌)2.紅燒牛肉麵$88 (不太重口味)3.鹽酥雞翼滷肉便當$96 (咩都有啲, 雞都脆，滷肉味道岩岩好，係少貴, 女仔一定夠食)

今日晚上我嚟到位於東涌見到呢間春永堂就想試一試台灣菜。晚上人流不多，我用q r code開始點餐，包括有滷肉飯，酥炸豬扒配他他醬便當，半筋半肉蕃茄牛肉麵，朱古力珍珠奶茶同埋愛玉檸檬綠茶。大約五分鐘所有餸菜都已經送到枱上速度都算幾快，酥炸豬扒味道從化配上他他醬食落不會太滯口，便當還送上一碗帶有肉丸的湯，當我準備嘗試肉丸湯的時候，發現湯蓋裏面有牙籤套這是令我相當震驚，這間店舖外表很清潔但可惜送到來的湯竟然會有這種事情發生，這樣已經令我沒有胃口了，其他餸菜我也不願置評亦都不會再光顧。

排隊時只係8:15左右，等到8:45先有得入座。店員提及9:00 last order，無問題，咪即刻叫囉！都係食碗麵姐，飲杯珍奶姐。麵未食到一半話要埋單先都無問題。你以為佢會放過你，俾你安安樂樂食埋佢？不停行過來逐隻碗收你。收完就拖地，拉櫈，抹你周邊既枱，擰住支消毒野係你隔離噴！雖然我真係好鐘意食佢碗牛肉麵，但咁既店員咁既服務都係算啦！

春水堂係香港開左好多年，但最近小編先有機會去一試😜好彩當晚都唔洗排隊就入得去食😝食完真係覺得好掛住台灣既野食啊🥲🧋 珍珠鐵觀音奶茶 $34去得春水堂點可以唔飲佢地既招牌珍珠鐵觀音奶茶🥰果然好值得一試！鐵觀音奶茶好有茶香😉珍珠係細珍珠黎，飲完好滿足😚🔎評分：值得一試💯🍜 紅燒牛肉麵（半筋半肉） $88成晚最貴既主食，但完全唔值得叫🥲非常普通，半筋半肉都好淋既，但冇咩驚喜🥲只能夠說佢都夠晒大碗，但相比其他野食，就比較失色了！🔎評分：可以唔試👎🏼🍚 魯肉飯（小碗） $28雖然係小碗，但份量都夠小編同朋友分☺️啲魯肉都幾入味，有飯香，混埋一齊食好幸福🥰又平，真係超值了！🔎評分：值得一試💯🍠 黃金地瓜條 $33春水堂既炸物都好值得推介！上枱都係熱辣辣😍😍😍😍黃金地瓜條 係切得比較粗身，食到地瓜既粉粉口感，好正😚🔎評分：值得一試💯🍢 鹽酥杏鮑菇 $38杏鮑菇係小編朋友大推既！食完小編都想大推番比大家😍佢係用鹽酥雞既炸粉黎整既，素食既朋友應該可以滿足到你地食鹽酥雞既慾望😆杏鮑菇都非常飽滿😙 好juicy！🔎評分：值得一試💯