昌記

營業中

休息中

每次去茶餐廳都必點各種多士但這麼厚的多士可能只有他家才吃得到吧…真不愧是號稱全港最厚多士！！所以為了這一口，就算專門來跑馬地也很值得～平日去整個街市都沒什麼人但上到熟食中心一開門發現他家已快坐滿了人點單的阿姨也很親切 會給我們介紹因為厚多士是現烘還是等了一會～說實話，看到時的真實厚度遠比拍出來更驚人…一定要趁熱吃！抹了花生醬和煉奶的表面 被烘得香脆迷人咬下去裡面依然保持著麵包的軟熟這種大口吃碳水帶來的快樂真的讓人太滿足了…我一個人可以吃一整份！除了厚多士，看推薦還說必點雪菜肉絲米粉～因為和別家不同的是他家用了新鮮雪菜！而且裡面的肉絲也比人家粗 算是肉條了～我還另外加了豬扒…其實在香港真的很愛吃各種茶記覺得這種簡單又不做作的食物大概才是最能打動人心的吧～對了記得要早點去哦！因為看到下午6點就關門了

昌記4點收舖，我3:15坐低叫下午茶，雖然姐姐們趕住執緊場，但都冇黑面，叫我慢慢揀，今時今日其實好難得😂昌記厚多士係全港第一厚多士，的確係非同凡響，不過又唔洗專程特登過嚟食喎。*油砂厚多士+熱奶茶 $37厚多士烘到外層脆而不乾，足足2吋厚令內𥚃保持鬆軟，回彈力略為不足，依然合格。抹醬五選一，牛油+砂糖/煉奶+花生醬係熱門選項。油砂有牛油香，又有糖粒沙沙口感，可惜份量略少，唔夠邪惡啊！熱奶茶茶香比奶香濃啲啲，入口順滑，但較薄身，都係一杯好奶茶！

Bookmark 左好耐，一直的唔起心肝去食💩心諗咪又係啲啲但個厚多士都真係出乎預期嘅好食面脆內軟係真架🤩🤩佢嘅軟唔係濕嗰種，係生吐司嗰秨軟🤩🤩🤩雪菜肉絲米—— 一大賣點因為係自家製雪菜係幾好食可惜個人無特別鐘意雪菜🙈奶茶茶底都幾淡🙈

有誠意的蛋牛多，位於跑馬地熟食中心，其實都係簡簡單單的茶記食品，首先講吓杯茶先，去到茶檔點都要講杯茶熱奶茶茶味夠，奶味做到平衡，之後叫過蛋牛多，麵包薄身夠脆但係又唔乾，鹹牛肉份量同雞蛋啱啱好，食落去簡直係以前大排檔的味道，唯一缺點就係雞蛋比較熟咗少少，係呀不過呢啲都好過人味道，環境如果計熟食中心來講呢度都算好乾淨，樓底高夠光猛洗手間有冇異味，地下又唔會濕冧淋，總括來說呢類茶鐺應該要保留，有機會下次要再嚟

跑馬地街市熟食中心嘅昌記價錢貴少少 畢竟係跑馬地樓面姐姐有醒目 一入門口就俾佢招呼坐低只知道厚多士最出名但想食麵 左搵右搵時姐姐俾咗份舊報導我參考咁就揀咗雪菜肉絲雪菜樣係明顯同平時食開嗰啲唔同但我又唔覺特別好味熱檸水飲晒呀姐主動問洗唔洗加水咁細心㗎咩😳

層幾可時.記得係澳門食過一間茶餐廳.餐廳名稱.我要慢慢睇番啲舊食評及相片.該餐廳出名食超脆厚多士.多士厚得嚟.好似豆腐磚一般大.因為記憶中已經模糊.近日喺OpenRice發現跑馬地熟食中心.有間食店都係食厚多士出名.今日準備前往試吓.交通實在有點吊腳.搭完地鐵又要轉電車.好在電車總站嚟熟食中心唔遠！呢間（昌記）係熟食中心嘅2樓.扶手電梯一出就見到.昌記啲侍應姐姐服務態度熱誠.招呼周到！點餐如下：（下午茶）1. 沙嗲牛肉公仔麵 X1 $38元 配：奶醬多士.熱奶茶。2. 五香肉丁公仔麵 X1 $38元 配：奶油多士.熱奶茶。3. 奶醬厚多士 X1 $20元🚶🏻‍♂️👉📌昌記 (跑馬地)跑馬地毓秀街2號黃泥涌市政大廈2樓熟食中心1及5號

之前一直聽説呢間店的油砂多和雪菜肉絲好好食，但由於所在地方比較吊腳，所以一直都的唔起個心去試，終於今日都去試咗。之前睇食評啲人都話好爆場，所以都係抱住搏一搏嘅心態前往。去到岀奇地唔駛等，即時入坐。由於之前已諗好食乜，所以即叫，唔駛等太耐，食物上枱。先上豬扒雪菜肉絲公仔麵，雪菜唔會死咸，唔錯。塊豬扒味道也可以，但就比較薄，同埋淋到好似冇乜肉嘅質感。另外件油砂多真不錯，雖然我驚食唔晒，所以冇叫加厚油砂多，但都做到表面脆，中間軟，而且個牛油味好香，係食嘅時候啲砂糖有啲跌落黎，小小論盡，但整體不錯。另外杯茶走也不錯，茶味夠濃但不苦，成杯奶茶夠香滑，不錯。

奶醬厚多士$205cm 厚多士, 外脆內軟,一定要趁熱食, 唔好影咁耐相😌早餐自選兩餸粉麵 $38 （送熱飲/樽裝可樂）呢間雪菜肉絲好好食 因為佢用新鮮雪菜, 好清甜係我食過最好食嘅雪菜肉絲✨雖然係位於街市熟食中心, 但地方好乾淨 另外, 員工好有禮貌, 又唔會催你落單, 比起一般茶記嘅態度好得多～

個人真係超級鍾意食西多士❤️嗰日比我搵到呢一間茶記 有極厚嘅多士食🍞當然唔放過 而且價錢只係10幾蚊 真係抵到爛！佢淨係用左普通嘅砂糖同牛油🧈調味 雖然好普通 但係食落真係好好食😋而且多士烘到外面脆卜卜 包身又舊軟熟

跑馬地足足吋半厚奶油多、麵包炕到剛剛鬆脆、底面黃金、唔會一係炕到過硬、一係炕到烏卒卒、可以媲美一件黃金聖衣，誠意到十足、完全滿足一班麵粉超人好多朋友嚟到通常都會叫雪菜肉絲餐肉通或者沙嗲牛通，但係我通常會食沙嗲牛肉雪菜肉絲餐肉通（3 溝），點解？第一： 可以一次過滿足晒你三個願望第二： 如果你淨係嗌沙嗲牛，好多時候會因為過鹹，完全食唔到湯，等洗腎佢嘅通粉10分有誠意，脹卜卜，Al dente , 雪菜肉絲新鮮製、唔會死鹹、份量適中沙嗲牛肉有花生香、三舅的話可以一時間淨係食雪菜肉絲又唔會比沙嗲牛嘅味道搶走，食沙嗲牛又唔會比雪菜肉絲搶走。又可以獨立試吓個湯、更可以沙嗲牛球雪菜肉絲一齊試, 我問你死未（笑）魚片旦多： 聽落好簡單但係我又諗唔到可以咁樣食法、同樣黃金聖衣外觀，雞蛋煎得香脆、淡淡魚片、分量十足絕不馬虎

喺ig見到勁厚嘅奶醬厚多士好吸引，即刻weekend入去跑馬地食晏。熟食中心喺街市大樓二樓，搭𨋢上去一開𨋢門就有人問你幾位，因為成層有幾間餐廳，好似去咗遊客區要拉客咁… 一心諗住嚟食昌記，行到最尾最入嗰間就係。十二點幾嚟到已經滿座。侍應姐姐擔櫈畀我哋坐埋一邊等位，同埋睇定餐牌有咩食。聽講呢度嘅豬扒同雪菜肉絲都出名，用上新鮮雪菜，而非一般茶餐廳用嘅罐頭貨。食落雪菜唔會死鹹而且爽口，肉絲唔算好腍但勝有肉味豬扒煎得金黃賣相唔錯，肉質唔算好腍，味道中規中矩。沙嗲牛肉豬扒麵呢個組合好豐富，牛肉同豬扒份量都好多。沙嗲牛肉偏重口味但花生味唔係特別濃郁，牛肉嫩滑都唔錯聲稱係「全港第一厚多士」有足足5cm厚。可以牛油、花生醬、砂糖同煉奶任選兩樣。本身我揀花生醬加砂糖，但侍應姐姐有啲意見，可能太少人咁樣揀我細個喺屋企會咁樣整😂最後揀咗牛油加砂糖。多士表面燶得夠脆身，但唔會乾，麵包中間仍然鬆軟有彈性，用手指大力撳扁佢會完全回彈，根本同日本嗰啲乜乜生吐司一樣咁鬆軟！飲品點咗凍奶茶同熱奶茶，奶茶香濃而細滑，茶底幾出色總括嚟講食物質素唔錯，奶茶又好飲，而且價錢平。估唔到咁出名嘅舖頭啲侍應姐姐服務態度咁好又有禮貌。

今日試左油沙厚多士和熱咖啡走（煉奶）熱咖啡都幾香濃，吾錯。油沙厚多士，都等左一陣，麵包厚厚的，烘到外脆內軟，淡淡牛油香加沙糖甜甜地，麵包控一定喜歡，下次再去問下可吾可以留邊，因為本人十分喜歡食麵包邊的。另外，寫單姐姐和埋單叔叔都十分有禮。

① 油沙多士🍞 ($13)// 依個好抵食，$13就可以食到超厚西多🥳第一次食砂糖加西多原來都幾夾~無違和感💫西多有烘過表層，牛油同砂糖都搽得好均勻，砂糖會微微溶咗落牛油到 食落脆脆地幾得意👻 依個價錢諗唔到有咩可以投訴！//② 沙嗲牛肉午餐肉公仔麵🍜 ($38)// 味精感重，好鹹😂可能就係茶記快餐嘅精髓😂牛肉份量都幾多同埋軟腍~ 整體就係港式茶記質素 無咩特別//𝙁𝙤𝙤𝙙：🌕🌕🌕🌕🌗🌑③ 雪菜肉絲炒雙蛋通粉🍳 ($38)// 見到啲伙記係咁俾我地睇當年報導嘅雪菜肉絲通粉就心郁郁想試下😆，但都係一般嘅味道無咩特別🙈 整體味道偏淡//𝙁𝙤𝙤𝙙：🌕🌕🌕🌕🌘🌑④ 蛋牛肉三文治🥪 ($20)// 三文治烘底更好食😚 蛋牛肉都幾好食！價錢合理，相比西多士厚度即刻弱咗🤣不過都唔錯ᕕ ( ᐛ ) ᕗ//⑤ 奶茶（+$2）// 茶記一定要有奶茶🤎昌記嘅奶茶奶底重啲，可能因為叫咗少甜，茶香飲得耐都會淡淡散發出嚟💫 同其他茶記相比味道係有啲唔同～但小編係幾鐘意🥰//𝙁𝙤𝙤𝙙：🌕🌕🌕🌕🌕🌑.🍴昌記 (跑馬地)跑馬地毓秀街2號黃泥涌市政大廈2樓熟食中心1及5號

聽一位鍾意食多士嘅朋友講呢到多士好味，終於嚟試一試。朋友介紹「魚片芝士蛋多士」，雖然聽落有啲怪，但我本住冒險精神，一於試下。多士很香脆…讚讚讚！魚片、芝士和蛋沒什麼特別，但加起嚟又出奇咁夾，加埋香脆多士，確係好味😋奶油厚多士一到時，見咁厚覺得一見記飽咗，但無理由唔試下，一咬原來外脆內軟，「食邊」都唔會咬落去又硬又乾果種，火喉控制得真係好。掂！豬扒米相比之下中規中矩熱奶茶水滾茶靚又香滑呢餐整體好滿意，一定再嚟！ 不過大家記得星期日同公衆假期唔開架😊

雪菜好新鮮。食物很好味。姨姨好好人， 很友善， 溫柔和熱情， 招呼一流。砂糖牛油好多時好好味。食物很豐富。食到好飽。好抵抵抵坁抵食。交通方便， 環境乾淨。 下次我會再去。