影片
港鐵土瓜灣站A出口, 步行約2分鐘
繼續閱讀
電話號碼
68591069
營業時間
今日營業
06:30 - 19:00
星期一至日
06:30 - 19:00
以上資料只供參考, 請與餐廳確認詳情
食家推介
今日去開紅磡，一早plan好先去土瓜灣，Encore Day and Night個ADB先，點知去到先發現週三例休😓。灰爆之下諗住求其搵間茶記算數，但係又唔甘心山長水遠冇好嘢食，Search咗一輪比我搵到間食石磨腸粉，去到發現冇堂食又係灰咗🙄，但係又係行咗好耐先去到，所以就買咗個叉燒腸同豆漿($25+6)去公園食，再買多三個叉燒包（$20/3），叔叔問我要熱定凍，原來可以揀凍，自己拎返屋企蒸👍🏼，要留意只收現金💴。果然塞翁失馬，焉之非福😌，呢個石磨腸粉真係好好好好食😋。首先份量好大，腸粉非常滑，叉燒粒好多，仲加咗生菜可以解膩🥬，加埋豉油同自家蒜蓉辣油簡直係錦上添花🌸可惜係冇咩機會會去土瓜灣🥺，但係如果行過路過我都會想再食過🤭。
繼續閱讀
同朋友經過呢間小店, 朋友介紹話呢間小店嘅腸粉,蒸米粉好食又抵食。既然嚟到,就買嚟試試。這間小店鋪面不大,外賣形式。倆人買了一盒新鮮肉片腸, 一盒上素雞蛋蒸米粉。因有很多電話落單嘅關係，員工話要等大概二十分鐘。等候時，買了燒買來頂肚餓（$10/8粒）。燒賣唔錯, 夠彈牙又有魚味。 新鮮肉片腸 $24. 腸粉份量不少, 淋上甜豉油, 腸粉入口超滑, 夠軟身, 有米香, 係有水準另一盒上素雞蛋蒸米粉, 份量都夠大, 足料, 味道都ok。但我覺得跟其他食店叫嘅米粉差不多。不過咁嘅份量賣$30, 係幾抵食。
繼續閱讀
土瓜灣好多小店好食，知道呢度石磨腸粉好出名，特登搵日去土瓜灣嚟個美食一日遊，真係有驚喜，係我食過最好食嘅腸粉舖頭細細，只做外賣，一早嚟已經有條小人龍排隊。今次叫左招牌美國安格斯牛肉腸，腸粉皮薄又滑而且最鐘意佢煙煙韌韌口感！肉都算多再加上配埋甜豉油同埋佢地秘製蒜蓉辣椒醬，每一啖都有肉+菜+姑，好惹味！而且份量都幾大，我無食早餐嚟絕對可以當一餐，下次一定會再嚟！
繼續閱讀
朋友推介土瓜灣有全港最好味嘅石磨腸粉，終於有機會嚟買到，呢到係一間小小嘅鋪頭，只做外賣，即叫即整，唔可等嘅就可以提早打電話嚟order定再拎，都好方便！密汁叉燒腸💰HK$25腸粉皮好薄好滑，入口煙韌，叉燒嘅甜度同埋肥瘦都好適中，而且有生菜喺腸粉入面，更加增加咗口感，感覺再健康啲～豬肉雞蛋生菜腸💰HK$25呢度豬肉腸都好出名，雖然聽落怪怪地，但其實啲豬肉係豬肉碎嚟嘅，加埋雞蛋，整體口感都仲係咁嫩滑，個人覺得豬肉腸比叉燒腸更好味～啲石磨腸粉撈埋甜鼓油再加呢到嘅蒜蓉辣椒醬，真係冇得頂！中意食辣嘅人，一定要試試呢到嘅蒜蓉辣椒醬～
繼續閱讀
最近品嚐了一碗叉燒石磨腸粉，讓我對這道美食留下了深刻的印象。腸粉的質地非常綿滑，入口即化。它們用石磨工藝磨製而成，保持了腸粉的柔軟口感，而且不會黏在一起。這種獨特的製作方法使得腸粉更具彈性，更容易入口。最令我驚喜的是這碗腸粉的油脂度非常適中，不油膩。它們掌握了火候的平衡，讓腸粉保持著濃郁的口感，同時不會給人沉重的感覺。這讓整個食物體驗更加愉悅，讓我能夠盡情享受每一口腸粉的美味。叉燒亦都唔小，肉質都OK。
繼續閱讀
您可能會有興趣的...