方榮記沙嗲牛肉專家

營業中

休息中

星期五晚約左成班舊同事諗住試下九龍城啲火煱店， 最後去方沙嗲湯底好出名既方榮記，由於當晚星期五人比較多所以訂了位都要等左一陣。大約十五分鐘安排到枱，一入去就點左方榮記最出名嘅沙嗲湯底，然後點手切牛肉，手打蝦滑，雲吞，招牌炸魚皮，響鈴，大光麵，加拿大桶𧐢。幾個男人仲有吾少得既啤酒。沙嗲湯底真糸好濃好夠味，牛肉都算新鮮有牛味口味都彈牙蝦滑食得出系用新鮮蝦打既雲吞都系用新鮮蝦桶𧐢都吾算細隻食到最後就拍埋個大光公仔麯每人消費350

自問我都係一個飲食專家，難得有間鋪又叫自己專家，決定會一會佢🤪 九龍城方榮記應該好多人都聽過佢地專食沙嗲火鍋，咁多年都仲保持到受歡迎水準，俾個讚！手打墨魚滑，公仔麵，雞肉都係同沙嗲湯底絕配沙嗲湯底火鍋當然係必叫 🤪 但佢哋個爐比較高，食嘅時候會不斷感受到佢嘅熱力！建議冬天先去食！識食一定會加茜，同邪惡公仔麵！每條麵麵掛滿沙嗲汁！方榮記雖然有稍微加價，但都係性價比同港式風味好高既餐廳，值得推薦！

當朋友通知訂了方榮記為聚餐點, 我心中一喜, 因為又有機會食好嘢了. 兩年前來過這裏, 現在亦印象深刻; 最精彩的當然就是他們的沙嗲湯底了. 這個沙嗲湯底, 和食物點在沙嗲醬的感覺完全不一樣. 因為肉汁完全滲透在食物裡, 基本上和點在表面的唔同. 坊間好像也有食店跟他們做, 但是沒有一間做得比他們好食物的選擇也有花樣, 我個人認為本地牛雖然價格平啲, 但係我覺得肉味更濃. 其他的海鮮也很好這裏的地方是屬於舊式食店, 唔好期望這裏有任何新的設備; 不過在這裏不是吃裝修, 所以錢花在食物的質素上我認為更加物超所值可以一來再來

慕名而來，但係真係食到一把火。食物方面，我覺得實在係名過於實，味道真係好一般，得個鹹字，冇咩沙爹香味，但係又食到個人又鹹又滯。叫左碟手切牛展$298，質素真係好一般，完全唔值3舊水。佢一開頭咩都冇問就比兩碗豉油我哋，埋單先發現收醬料費$16/位，而且我哋完全冇用過碗豉油，因為個湯底已經鹹到我係咁飲水。我哋兩個人食左差唔多$800，而且基本零服務，上餐具都係就咁劈落張檯度，作為客人真係完全冇覺得比人尊重過。咁既價錢我真係寧願去食連鎖店，坐得舒服又有服務，味道又唔係真係特別好，咁既價錢好食既打邊爐其實好多選擇。一坐低個阿姐問我我哋要咩湯底後就即刻比兜生菜我地，咩都冇講。佢比碟生菜我地果陣，我哋係完全未開始叫食物。第一次來幫襯，咪以為碟菜係送既囉，埋單先發覺碟菜要收錢$35。而且碟生菜上到來發現好多沙，冇洗乾淨，我一路都以為係送既所以都冇出聲，而且都係淨係食左幾條。都唔係錢既問題，但係我哋冇叫過，阿姐擺低又完全冇問我哋要唔要。咁我哋咪同個阿姐理論，話我哋冇叫過，但係個阿姐堅稱我地一早應該講話唔要，食左就要比錢。大佬，第一次來鬼知你地咩意思，就咁擺低又冇問人要唔要，咁咪以為係叫湯底送既囉，真係

沙爹牛肉麵你食得多啦，沙爹牛肉火鍋你食過未？我都係第一次食沙爹牛肉湯底，口感十分奇妙。特別係放公仔麵落去，啲麵吸晒啲沙爹汁，十分惹味。記得要加水啊，不係嘅話會咸得滯另外重嗌咗個乾炒牛河，炒得幾有鑊氣，好好果

方榮記係一間老字號食沙嗲牛肉好出名嘅食律.但近來啲負評太多.啲食物質素及人物及服務態度.都存在太多問題.今時今日講求服務及食品質素.希望店家留意吓及檢討下自己嘅生意之道.我唔希望又有懐舊老店消失.本來我諗住同家人一齊食方榮記鎮店之寶沙嗲牛肉及火鍋.現上述的原因.唔想家人有個唔開心嘅經歷.所以取消這個念頭.但我心有不甘.決定今日午市走一轉.睇吓環境及食物質素.再下決定.來到方榮記已經接近中午十二點.其實環境地方都好大.地方都可以話整潔.有啲似懷舊酒樓格局.每一枱都擺放咗一個炭爐及一張午市餐牌.侍應服務態度都係咁差.晚市就唔知道！喺度我發現佢哋啲午市粉麵飯餐.非常超低食.祗要$34元.呢個時期.食個下午茶餐都唔此呢個價.坐低咗一陣見到好多街坊及地盤工人進入光顧.眨吓眼已經把舖內坐咗一半人有多.原來這個是街坊食堂。📌 方榮記沙嗲牛肉專家 (九龍城)九龍城侯王道85-87號地下今日點餐如下：1. 乾炒牛肉河 X1 $34元2. 星洲炒米 X1 $34元

沙嗲火鍋湯底勁好食勁濃郁個湯底好神奇，加左幾次水但個湯底都仲好濃郁！估計餐廳係鍋底落足沙嗲料沉底，所以加幾次水都完全唔會溝淡個沙嗲湯底基本上落咩落去個湯底都係好食，沙嗲味重之餘，仲唔會蓋過食材本身既鮮味！特別鐘意落菜同響鈴索曬d沙嗲湯😋😋$58有成30粒珍珠蠔仔，抵玩又好食😍😍星級牛肉唔使$300但有勁多塊！高質第一次聽大光麵，緊係要試下佢，可能我自己口殘，覺得同其他公仔麵冇咩分別。特登唔加水落埋個大光麵諗住大光麵索曬d沙嗲湯會好正，點知太鹹同太濃味😅下次加左水先落麵就岩岩好😍

好耐冇返HK，就諗住食間沙爹肥牛火鍋。本身要一個沙爹湯底，老闆就話加10蚊有個上湯，結果埋單原來係一煲兩個湯底同兩煲兩個湯底差10蚊。完全言語上誤導。服務又差單單持住係老店先咁樣。真係唔建議食

方榮記最出名就係沙嗲牛火鍋，但本人不嬲麻麻哋沙嗲湯底。反而對佢哋lunch幾有興趣，冇諗過可以咁平，$34一盒炒粉麵，就決定買黎試試佢。-乾炒牛河 $34份量幾足，滿滿一盒。炒得都幾有鑊氣，牛肉份量唔算少，牛肉係醃到好冧嗰種，整體幾好食，仲要咁平。推薦 -沙嗲牛炒麵 $34炒麵係脆麵底，要靠個汁浸林少少個麵食。呢款沙嗲牛應該同火鍋湯底嗰隻唔同，雖然唔算超濃味，夾埋個炒麵食都OK。呢個價錢嚟講，非常抵食。不過打電話過去落單嘅時候，店員哥哥態度就麻麻地🫣。

我過往都有幫襯，但今次再去完全兩碼子的事，事緣點了一碟脆肉鯇魚腩，但混合咗普通鯇魚腩，同店員理論對方回應脆肉鯇冇得睇只怪自己唔好彩，其二店舖寫明有1小時30分鐘用膳時間，但食完1小時左右準備飲杯茶等待消化，店員即刻催促你埋單，同埋攞住膠桶好晦氣收碟，同佢解釋店員即係話出邊好多人等枱，咁你唔好黑紙白字寫明1小時30分鐘用先啦！這個是原則問題，性價比完全唔值！

第一次試呢一間舖頭，嘢食又唔係平又唔係特別出色，服務態度十分之差，坐又唔舒服，環境衛生都唔係咁好，最重要最重要嘅就係未食完就叫人買單走，唔會再去幫襯…………….

🇭🇰方榮記沙嗲牛肉專家在香港屹立多年，最近燃起一種網紅風，有很多人都會來這裏嘗試沙嗲火鍋。😊這次，小廚神與大吃貨帶同家人，一起來到這裏吃傳統的沙嗲火鍋，一嚐究竟。😉☺️一坐下，店員便會馬上把沙嗲湯底端上來，還附加一籃需要付款的唐生菜。😎然後，我們拿起菜單，點選自己想吃的食物。我們點了很多不同種類的食物，大家可以看看照片。🐮這裏的手切牛肉令小廚神與大吃貨非常失望，牛肉並沒有順紋切，而且沒有牛肉香。質素跟我們在沙田盛記麵家相比，相差甚遠。🥲🥲🙈而且，店家本着賺到盡的形式，把貨品的下欄菜式給予食客。由急凍丸子到蔬菜，其實真的沒有一樣是小廚神與大吃貨想要特別嘉許的。🙈反而，大吃貨跟家人想特別提及這店家的主要。豬腰是粉的，沒有一般的爽口，還有一大陣酸臭及苦味。😡😡實在是我們吃過最惡劣和臭的豬腰。😠😠由於店家非常忙碌，而且人出入時不停碰撞，坐得非常不舒服而且服務非常惡劣。🤬我們也得急忙把食物吃然後離開，沒有再加/要求更換食品。☹️🥰唯一兩樣比較可取的，第一樣就是店家的炸魚皮，非常香口及可以吃出淡淡魚肉味。👍而且，這裏的沙嗲湯底確實有一手。😊只可惜味道偏鹹，而且有濃濃的味精，讓我們要不停喝飲料才能解決。

大隻仔今次覓食嘅店舖就係💥 方榮記沙嗲牛肉專家 💥 方榮記最出名就係沙嗲湯底，主打手切本地牛，最貴嘅「極品牛肉皇」二千幾蚊一碟，大隻仔就真係未食過喇，有冇朋友仔食過「極品牛肉皇」，質素係咪仲好食過日本和牛?？？方榮記反而午市好抵食，炒粉麵飯全部 $34起，午市免收加一，冷氣充足，地方夠大，午市一定有位。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 沙嗲牛河 $34嚟到方榮記梗係要試吓佢個沙嗲汁，沙嗲汁味道出色，十分好味，牛肉十分嫩滑，但用梳打粉醃製過既味道強烈，如果梳打粉味道冇咁重就會滿分。整體沙嗲牛河味道出色，鑊氣夠。🔥 乾炒牛河 $34相比之下，乾炒牛河冇沙嗲牛河咁出色，鑊氣不夠，味道正常，一般茶餐廳質素，份量偏少。溫馨提示：方榮記午市炒粉麵飯，份量比較少，比較大食嘅朋友仔可能未必夠飽。😅😅

沙嗲牛肉炒麵😆$34沙嗲牛肉炒河😋$34下午兩點前嘅優惠😋咁啱喺附近，就即刻走去食👍最緊要係即叫即炒😌牛肉份量好多😝最緊要係有鑊氣🙂我仲要連續食咗兩日😇味道依舊，真心抵食☺️方榮記沙嗲牛肉專家 (九龍城)九龍城侯王道85-87號地下

📍方榮記Have craved to come to 方榮記 for a very long time but did not have the energy to go to Kowloon City just for it. Finally gave it a try and as a Chiu Chownese, I have to say it hits exactly my childhood memories. I used to hate having satay hotpot as a kid as my father never let me add another ingredients apart from beef and veggies. Coming to 方榮記, brings back all the thick satay broth with loads of peanut butter in it. Absolutely amazing. My father was right. You just need some good beef, vegg