方叔叔重慶老火鍋 (PopCorn 2)

營業中

休息中

有留意開為食妹👧🏻嘅朋友仔 對「方叔叔」一定唔會陌生 方叔叔一個月食一次都唔會厭😎申請做會員 可享湯鍋免費👍🏿過多幾日氣溫下降🌬️適時進補係時間啦 湯底選了鴛鴦鍋🥣羊肉湯拼山珍菌湯✨羊肉軟腍 行氣滋補 食完個人暖笠笠🥳菇菌湯底養生必選🫶🏻鮮拼九宮格✨鮮黃喉✨珊瑚蚌✨鹵豬手✨鹵金錢肚✨麻辣牛肉絲✨黑松露墨魚滑✨豬肉貢菜滑✨香菜牛肉滑✨鮮竹笙手打蝦滑一次過可以品嘗九款食物 岩曬心多多嘅為食妹👧🏻鹵豬手和鹵金錢肚滷得非常軟腍 三歲定八十都咬到😂麻辣牛肉絲辣度十足 食得辣先好試😮‍💨鍾意方叔叔食物可選半份/一份 鍾意方叔叔食物新鮮好味 每隔一排搵方叔叔是有原因的🙆🏻‍♀️鰻魚（白鱔）（一份）串鮮蝦（一份）嫩牛肉（半份）桂花蚌（半份）手釣鮮魷（半份）淮山條（一份）鮮腐竹（半份）現炸豆皮（半份）藕片（半份）鮮滑魚麵（半份）

又一個人享受美食😋雖然天氣準備回暖，但想食火鍋嘅想法都未消退！依然叫鍾意食嘅雞腎～配上烏冬！既然有肉（羊肉），梗係叫菜（娃娃菜）～今日心思思想食鵝腸就嗌咗半份，當然仲有飲品楊梅汁方叔叔推出咗會員，可以儲分又有優惠用😙下次同人嚟食先叫九宮格，價錢唔錯，但感覺好大，驚一個人食唔晒🥲目標盡快約人一起嘗試期望好耐🤤🤤🤤🤤嘅羊肉湯同九宮格！！比一隻手都大！爭啲飲唔晒有啲食物都會標明幾分鐘，比較貼心後尾未飽又嗌多半份肉

天氣寒冷，入咗去將軍澳阿妹屋企諗住打邊爐，但佢話好凍唔想去街市，又買又洗好麻煩，附近有間方叔叔重慶老火鍋，餐廳設計簡約優雅，火鍋湯底具特色，配料又新鮮，今晚就去食火鍋好過啦！一入座先送上熱麥茶和雪耳紅棗糖水，先潤下喉。鴛鴦麻辣鍋，湯底係每位$38元，如果想有特色一點每位只需加20元。麻辣揀普通辣，另一邊揀養生花膠雞鍋，天寒地凍有碗靚湯滋潤下，超正！湯底係用豬骨熬煮，加入鮮雞件、花膠、蟲草花、杞子等，啖啖湯都係精華，味道鮮甜，雞件嫩滑，花膠滑溜骨膠原豐富。飲完湯就可以食火鍋啦！季節限定：鮮拼九宮格有珊瑚蚌、鮮黃喉、鮮竹生手打蝦滑、手打香菜牛肉滑、手打豬肉貢丸滑、黑松露手打墨魚滑、滷豬手、滷金錢肚、麻辣牛肉絲。一次過試晒九款新鮮爽口彈牙食材，真係好抵。黑豚腩肉：油脂分佈均勻，吃起來滑潤不澀，口感細嫩。白鱔新鮮，切得厚薄適中，肉質爽彈之餘又沒有泥味。手打魚籽蝦滑以新鮮蝦肉手打而成，加入魚籽增加口感，味道鮮香滋味，質感彈牙。長城小白豬午餐肉比一般午餐肉高質，色澤鮮明，肉質細嫩，火腿成份都不少。鮮滑魚麵口感彈牙，魚味濃郁。潮汕手打牛筋丸口感爽口彈牙。唐生菜清綠爽脆。重慶炸酥肉，即叫即炸，口感酥脆

兩個人坐一角卡位，闊落舒服，未落單就先送一人一碗紅棗雪耳糖水暖下胃，唔算太甜，幾清潤。湯底揀咗鴛鴦麻辣鍋，加錢轉配季節限定羊肉湯。麻辣湯底以多種香料加上牛油熬製，鮮麻香辣，唔會得個油字，普通辣已經幾辣下，忍唔住要叫返碟鴨血過下口癮。羊肉湯羶味唔重，非常清甜，食之前飲返碗暖笠笠。叫咗另一款冬日限定鮮拼九宮格，精選九款重慶特色鮮料，包括鮮黃喉、珊瑚蚌、竹笙、滷金錢肚、滷豬手、牛肉絲、牛丸、豬丸、黑松露墨魚丸。珊瑚蚌鮮甜爽脆，帶海水味。滷味夠入味。鮮肉丸爽甜彈牙。除咗嫩滑嘅十秒牛舌之外，冇再叫牛肉，要留力食方叔叔推薦菜，包括幾款極之爽脆嘅內，稻田毛肚有嚼勁，鮮黃喉過癮，鮮鵝腸彈牙甘香。大刀牛肝口感似豬肝，味道就更濃郁。飲品叫咗Sapporo生啤，凍啲嘅話會更爽，另外仲有衝上雲霄百香果雞尾酒，酸酸甜甜，酒味唔重，大大杯。📍方叔叔重慶老火鍋將軍澳唐俊街9號PopCorn 2地下G49號舖

涼涼地嘅天氣最啱圍爐，於是就今晚到左位於#將軍澳#PopCorn～#方叔叔重慶老火鍋 ，食物種類繁多，新鮮質素高，最like係可以叫半份，啱晒咩想食d嘅我😛。點餐前店員會先送上一碗～微暖的紅棗雪耳糖水，讓我們先暖暖個胃，真窩心啊！羊肉併芫茜🌿皮蛋鴛鴦鍋，羊肉是滋補暖身的食物，呢個時節食就相當合適，羊腩的份量都多，煮到皮軟淋，很有膠質口感。芫茜皮蛋就啱晒嘅朋友口味。紐西蘭精品羊肉卷、手工牛肉絲，手打四寶丸，加入羊肉煲內味道好夾，肉質鮮嫩可口。另外柔軟的牛骨髓亦越滾越入味。餐廳嘅海鮮～新鮮yummy, 係必定要點的啊，鮮龍躉片、白鱔片、鮮魚膘，魚類有益梗要食多啲🤭。桂花蚌，肥美有光澤，滾耐左都冇乜縮水，超級讚啊。功夫萵筍片，簿簿的只需滾佢2分鐘，便可以食了，爽脆口感。皇帝菜，鮮翠清爽，健康之選。武隆苕粉，彈牙爽滑又煙韌，打邊爐都一定會食架。

{方叔叔重慶老火鍋 - $500/人頭}「辣味」係一種神奇嘅味道，因為佢係唯一一種味道可以令到你聽朝早在另一個出口再感受多一次！今晚食呢個正宗嘅重慶火鍋，真係帶俾我一個刺激又美味嘅體驗！九宮格麻辣大鍋正所謂「不麻不辣不叫重慶火鍋」，呢個用牛油熬製嘅火鍋真心令人一試難忘！又香又辣！係出色嘅湯底！鮮拼九宮格九種不同的食材，有幾款手打嘅丸，蝦滑釀竹笙，金錢肚，珊瑚蚌，黃喉，豬手等等！每樣食材都非常之出色，而且仲幾抵食！現炸豆皮起初以為呢個好似響鈴咁樣即滾即食！見到有個牌仔寫住可以淥1分鐘！即管試吓，有意想不到嘅驚喜，原來用麻辣火鍋咁樣炆煮1分鐘，真係要帶出濃濃的豆香而且口感一流！稻田毛肚 + 香滷豬大腸重慶火鍋其中一個出名之處就係食內臟！金錢肚、毛肚、大腸實在必不可少！每一樣都超高質，毛肚灼10秒即食，原來可以咁爽咁好味！牛蛙大鄉里從來煮田雞都煮到老晒，跟住個牌仔寫煮5分鐘，我原來未食過咁鮮嫩同埋滑嘅田雞肉！真係令人回味！紅糖爆漿糍粑呢個我推介大家無論幾飽都要叫！因為呢個真係我食過最好食嘅糍粑！外層勁酥脆，但裡面超軟糯！而且仲由裡面爆出美味嘅紅糖！實在出色！其實我哋仲叫咗

天氣得十幾度，即刻想去打個麻辣邊爐！方叔叔重慶老火鍋今個冬季仲主打鮮拼九宮格拼盤同羊肉鍋，今晚特登嚟試吓個九宮格，仲有食佢出名嘅麻辣鍋！😚一坐低店員已經奉上雪耳紅棗糖水🤩感覺好滋潤！鴛鴦麻辣鍋超正，普通辣都好夠辣，唔使返大陸都食到正宗嘅麻辣鍋味道！蕃茄湯好開胃鮮甜！季節限定仲做緊羊肉湯，任何惠顧每人加$20就有，想進補就啱晒！鮮拼九宮格拼盤$228個拼盤勁豐富！有嫩牛肉、稻田毛肚、鵝腸、大刀牛肝、鮮豬心、鮮黃喉、功夫萵筍片，全部都好新鮮！同埋用料比較特別，唔係成日都食到😋真係值得試吓！手打魚籽蝦滑（半份）$58手打蝦滑好爽，夠晒彈牙！配上魚籽好有口感！功夫萵筍片（半份）$28萵筍片切到薄身長條一片片，可以好快就煮熟，夠腍又吸湯！武隆茗粉（半份）$28 鴨血（半份）$48武隆茗粉好似超級粗身嘅薯粉，配麻辣湯超煙靭！最啱就係配埋麻辣鴨血咁食🤩黑豚腩肉（半份）$48黑豚腩肉油脂分布均勻，淥熟完都唔會好韌，好食！芝士腸（半份）$28 芝士丸（半份）$28朋友超鍾意食芝士，呢度有芝士腸同芝士丸就啱晒！手打四寶丸（半份）$58四寶丸手打唔係機整嘅都幾有誠意，特別墨魚丸嗰粒好彈牙！韭菜豬肉水餃（半份

好耐冇去方叔叔打邊爐，呢到係出名食麻煩，午市有套餐仲唔使收湯底，仲抵食。最近出咗秋冬湯底同配料茶位/醬料 $20有簡單醬料係枱上，可以自製醬料碗🌟鴛鴦清湯鍋 $38/位蕃茄湯+羊肉湯 加$20元/位呢到湯底係按每位收費，試咗新出既羊肉湯 每位加$20。有幾件羊肉，湯幾重藥材味，羊肉唔羶
🌟美國Prime牛小排(半份) $138🌟美國牛板腱 (半份)$98 🌟十秒牛舌(半份) $58
🌟紐西蘭精品羊肉卷(半份) $58
肉類都多選擇，牛小排油脂多較軟滑，牛板腱較牛小排瘦，十秒牛舌薄切淥10秒就食得，唔會靭，羊肉正常🌟鰻魚(白鱔)(半份) $58白鱔新鮮，肉質爽彈，幾抵食🌟腦花(半份) $35
🌟鮮鵝腸(半份) $68
🌟稻田毛肚(半份)$78🌟珊瑚蚌(半份) $68另外試咗啲推介既火鍋配料，腦花口感好似豆腐，鵝腸、毛肚同珊瑚蚌口感都係偏爽脆，點少少辣會更好食🌟鮮竹笙(半份) $38
🌟唐生菜(一份) $28
🌟武隆苕粉(半份) $28苕粉即係薯粉，食落幾q
🌟洛神花鮮橙特飲$48🌟水仙烏龍檸檬茶$48超大杯特飲，2個人飲一杯都飲唔曬

今日夜晚去咗食方叔叔，入去店員從帶座到我們坐低，她就一邊為我們介紹蔥蒜醬油同有新嘅羊肉湯（有興趣想試 ）一邊斟蕎麥茶。但細佬想食大骨，最後叫咗大骨麻辣湯底。叫了好多野食，由靚仔店員推介嘅牛板翼丶炸豆皮、檸檬茶丶鵝腸、珊瑚蚌、桂花蚌、紅糖糍粑丶炸穌肉等等太肚餓，便直接開始吃，沒影太多相。下次再食先影平日夜晚都比較靜，所以食起上嚟都好舒服，店員見到茶湯不夠，都會過嚟幫手加湯加茶。單獨影底紅糖糍粑，第一次食。食第一啖就流紅糖出嚟好好食，下次都會叫

同朋友聚會嚟咗方叔叔打邊爐到店唔多人，環境舒適！同三五知己嚟啱晒，可以坐下食下傾下計，待應服務又夠貼心，可能店內不是太多人，一坐低會有每人一碗雪耳紅棗糖水，甜在心，再嚟點咗個花膠湯窩一上枱滾起就試下湯先，都幾夠味，之後點了火鍋料，嫩牛肉、黑柏葉、蝦滑、墨魚滑、菜類丸類等等食物質素唔錯，估唔到粟米好好食，夠甜！讚👍🏻大多數火鍋料都可以叫半份，人小小就啱晒，又可以試多D野，我地仲帶外來蛋糕為朋友慶祝生日，完全冇收費，欣賞，整體用餐開心，食物方面味道唔錯👍🏻會再嚟幫襯😋

回味無窮的邊爐七寶札幌生啤任飲優惠！一嚐回味 牛肉拼盤確實是物超所值這份拼盤中的牛肉新鮮多汁，每片都帶有獨特的香氣入口即化的口感令人難以忘懷呢個價錢有好多肉類款式價格，這絕對是一頓物超所值的享受搭配的日本七寶札幌生啤更是爽口解渴，完美地搭配了牛肉的風味鰻魚（白鱔）的滑嫩肉質和適中的調味使其成為拼盤中的亮點之一。油條的脆口與芝士丸的層次豐富的味道相得益彰，是令人愉悅的小點心選擇。湯底麻辣的選擇為整體提供了多樣的風味，價格也相當合理品嚐小郡肝串串，燒烤的鮮嫩肝串令人回味不已總這是一頓令人滿足的用餐體驗，食物質素優秀

呢排見到七寶札幌生啤任飲👍🏻真係超級抵去呀兩種湯底一邊辣鍋，一邊牛骨湯❤️啲稻田毛肚，啲肉質鮮嫩，一啖啱啱爆出濃郁嘅牛肚味，真係舒服啲。$148係值得嘅再嚐啲桂花蚌同鮮鵝腸，呢度海鮮好新鮮👍🏻份量係夠，特色味道都有，尤其鵝腸香濃珊瑚蚌同功夫萵筍片清新唔油膩，啲蔬菜都係新鮮嘅品質保證！當然唔少得啲現炸豆皮啦，半份$38唔算貴，個脆口加埋火鍋湯底，啲味真係好❤️最後試啦潮汕手打牛筋丸，啲肉質有彈性，入口唔肥膩總括黎講，啲價錢算合理，食物質素唔錯。下次想再嚐埋其他款式，整體黎講係一次愉快嘅用餐體驗！

突然間心思思想打邊爐，一個人過咗嚟食方叔叔。服務員嘅態度都非常好，見到煙比較大，會幫我搞返細佢。因為平日所以都比較靜，食得好舒服。食物都好新鮮，一杯大嘅檸檬茶都好抵。值得一試嘅炸穌肉

方叔叔重慶老火鍋喺香港第七年～共8間分店@unclefonghotpothk 由即日起至11月9日期間凡惠顧四大天王或Sapporo生啤 即可無限添飲推出季節限定🐮一嚐回味牛肉/ 一品海鮮拼盤眾所週知方叔叔好少出拼盤 要把握機會 超抵食·🥘雙併鴛鴦鍋(重慶辣)。大骨滋補鍋。麻辣湯底雖然沒有勇氣挑戰最紅的九宮格麻辣大紅鍋但曉宇鴛鴦鍋湯底🌶️可選普通麻辣或重慶辣配大骨滋補湯/ 番茄湯/ 山珍菌湯/ 皮蛋香菜鍋並每人奉上碗雪耳糖水 一解重慶的辛香麻辣·🍻Sapporo生啤火鍋又點少得飲品？適逢方叔叔7週年任飲優惠最平只需$38便能無限時暢飲 真係愈食愈渝味·⋯⋯⋯⋯⋯⋯⋯⋯季節限定⋯⋯⋯⋯⋯⋯⋯⋯🥩安格斯牛板翼這部位的牛肉味獨特濃郁 油香豐富 肉汁飽滿帶有少許的筋 所以口感軟嫩適中 且富點嚼勁 ·👅藤椒牛舌在醬料的加持下牛舌沒有任何腥味 肉質細滑同時展現出麻 辣 鮮 香 脆！十分推薦 很有驚喜·🐷西班牙黑豚梅肉鮮嫩的肉中夾雜著細緻油花 肉質爽口且幼滑肉味濃郁 涮下麻辣湯底 更能突顯其鮮嫩美味·🦪美國桶蠔美國桶蠔勝在肥美大隻 口感滑溜 食落啖啖肉即使長時間烹調也不會影響其鮮味 亦不會變韌·⋯⋯⋯

Uncle Fong Hotpot restaurant has got a convenient location, which everyone can notice when they walk out from the MTR station. Last week, my family and I just want to try something special that we decided to have a try on Chongqing Hotpot, and that was an authentic dining experience.The exceptional service at this restaurant has truly impressed me. From the moment I arrived, the staff were kind, attentive, and accommodating to all my needs. They went above and beyond to ensure that my dining exp