新景象快餐 (已結業)

用餐時間（2:53pm lunch）follow@wojengyea/@wo!正嘢 for more food info🐒 支持我哋發掘更多美食 😋嚟得舊式快餐店，識食一定叫炒野或生炸，今次叫咗個生炒牛肉飯走蔥$40，廚房即炒鑊氣十足🥘個老火湯清清地幾好飲，而且碗湯好足料（豬骨、眉豆、蜜棗、合掌瓜），好似媽咪煲啲老火湯咁正❣️個炒飯炒底（落咗蛋炒），成碟嘢落咗生菜絲、牛肉粒粒，成個炒飯超好食😋 阿哥仔會嗌咪「生炒牛肉飯」，可惜錄唔切音（錄咗個沙律雞翼），成件事玩味十足 🤡 鍾意舊式快餐店嘅你又點可以錯過！

諗住喺麗港城嘅人對於新景象都完全唔陌生，除咗落點食之外好多時間都會叫外賣，而且價錢都好實惠，比起出面餐廳食都平十幾蚊。記得今年年頭嘅時間店舖好似曾經火燭過，之後就裝修起來，所以而家店舖感覺非常之光猛。自己經常都食佢哋嘅芙蓉蛋飯，不過今次決定試吓新野，就係炒米粉同埋咖喱牛腩飯。套餐仲會包埋一杯嘢飲同埋中湯。炒米粉嘅餸菜都幾豐富，淡淡都係滋味。而家呢牛腩飯嘅牛腩炆得軟身，配上咖喱汁都係一個唔錯嘅選擇。

裝修後的新景象，更見光猛，餐牌有些不同，但價錢依然是大眾化。我們一家三口點了兩個早餐，火腿鮑魚絲通粉，多士加煎蛋香腸，另一個是肉碎公仔麵，再加脆奶豬。最欣賞是脆奶豬，端上來的時候是熱騰騰，上面有足夠的牛油和煉奶，正！

是日晚飯叫咗外賣，呢間由細食到大嘅茶餐廳最近兩年轉咗手同轉埋名，但餐牌同味道依然，廚房工作嘅班底似乎都冇乜改變。新景象嘅晚餐每日都唔同，通常有5-6款俾大家揀，奉送熱飲同中或西湯，中湯就係排骨湯，西湯就定係羅宋湯(特別推介呢度嘅羅宋湯，落足料之餘仲要好香同辣)。是日叫咗個鹹魚雞粒炒飯餐配中湯同熱朱古力。先講碗湯，一樣落足料: 紅蘿蔔、佛手瓜、南北杏、粟米同排骨通通有齊，味道幾濃幾有老火嘅味道炒飯同樣多料，鹹魚同雞粒當然唔少得，落埋蔥同蛋花令成個炒飯香好多，食落口唔太鹹，而且就算外賣都仲食得出鑊氣!整體嚟講真係好抵食，成個餐都係四十幾蚊咋，抵到爛!

初黎麗港城住，搞入伙搞到一頭煙，諗住食個快飯以為呢間快餐同平時唔會差好遠，點知係離晒大譜晚飯時間多人我理解，咁咪等一陣囉，都唔緊要最大問題係個飯，好老實，普通一個西炒飯可以差成咁D油多過任何一間我食過既快餐店/大排檔而D飯係完全冇味，似係食緊用油浸完既炒飯基本上係極度差，唔知點解仲做到落去有生之年絕對唔會再踏足新景象，都唔會叫人黎食!

平日食不少焗飯，今晚食的焗飯令我不禁打一篇食評去讚揚佢！因為真係平，靚，正。首先焗飯連湯及凍飲只售40元正，重要係即叫即焗。我叫了一個焗粟米班塊飯，完成制作後還加上了芝士粉，加上炒飯底，又香又好味！我定必會再去回味一翻！

呢度主打港式茶餐廳快餐，menu上面有過百款食物俾你任君選擇，由於出名抵食夾大件既關係，成日都吸引唔少住喺附近既居民同埋喺呢頭做野既勞動階層幫襯。是日點左個焗豬扒飯外賣，可能因為撞正食午飯時間，堂食加外賣單做到無停手。亦都因為咁，個飯要等成差唔多半個鐘，以一間「快餐店」黎講呢一方面真係要認真要改善。焗豬扒飯($34)︰$34蚊有飯有湯重有野飲，今時今日既香港真係唔知邊度搵！雖然係咁，食物質素一D都冇馬虎，焗飯居然有兩塊大大塊既豬扒，而且肉質亦都唔算太差，絕非大集團果D甚麼「厚切薄身」丁咁大塊既豬扒之流。而焗飯亦都因為用左炒飯底既關係，令到口感大增。唯一要批評既係成個飯D咁多蕃茄等等既蔬菜都搵唔到，感覺上好似有少少唔多健康同埋「濟」過龍，不過尚可接受。在場所見其實好多野都唔係好efficient，好似佢地食物由廚房到俾D客既流程、外賣打包既flow，以至佢地處理送外賣等等既方法都唔多理想。睇黎佢地真係認真應該花少少時間諗下成個物流既流程，諗下點樣可以做多D生意之餘又唔會得失D客，咁就very good喇！

正月下旬•晴也是時候要發掘一下這邊吃下午茶的地方，除了麗港城商場內的幾間大集團食肆，也來了麗港城中心這邊，先在這裡吃個下午茶。不要説，就算是平日下午，這裡人也不少。下午茶由$22起，也不算貴。要了沙爹牛包，包是圓包，烘過，吃起來帶靭，不過塗滿牛油也好吃。沙爹味濃，牛肉滑身，也是這樣子。反而杯熱咖啡幾好，即磨的，幾香幾滑。下次想喝咖啡，來這裡。

第一次search呢間屋企樓下、客似雲來既快餐店，竟然得一份食評，有少許的驚訝～今日放學黎呢度食tea，其實係plan左黎食唔係行過見倒啱，因為呢間既野食可以話係邨內最經濟最抵食，特別係下午茶，較貴既炒粉麵份量等於正餐，都係$34樓下。而我食既係較平既一類，20幾蚊有交易，兼既好食架！呢個餐百聞不如一試，可以話富有心思。首先，奶油脆豬好大份好脆，奶油塗得好均勻，脆豬雖然脆但不至於令人食得狼狽，亦唔會用極支叉都吉唔過底。不過，如果唔鍾意食甜，不妨叫佢走奶，因為我個人認為可以淡返少少。其次，番茄湯通粉好足料。足料都係新景象既賣點之一，一來番茄湯入面都有5~6塊牛肉片；二來湯既質感頗稠，唔係果種食落就知係開出黎既感覺，而係真材實料煲出來（淨低既可能係晚市做例湯吧？）；三來通粉好彈牙，有咬勁。整體黎講個湯唔會好酸，好似係中和左食完個脆豬之後口入面既甜味一樣。另外，熱杏霜濃郁香滑，討厭杏仁味既我都唔討厭呢杯任品。未入口杏仁味先撲鼻而來，飲落相當滑兼有質感。如果同我一樣唔抗拒但唔太接受倒杏仁果種藥味，可以留待佢暖左之後先飲，陣味會隨之減退，就可以更賞心地去品嘗佢既甜味。簡言之，呢份餐唔會太鹹，亦唔

不知是不是新開張不久呢，竟然被我寫到第一篇食評！這間是一間簡單明快的快餐店格局，基本上菜式都不少，但都是連鎖快餐店的基本菜式。而價錢略平於連鎖快餐店，所以到下午茶市都是多人光顧。這間快餐店雖然店舖很深，但有天然光從外街透入來，和使用簡單而實際的燈管照明。沒有花巧的裝修，大都是快餐店密麻麻的枱椅，不過，坐落都不覺得擠逼的。OK的。再看看取餐處，是典型工廠食堂的格局：多用不鏽鋼陳設，而餐具更是放在一堆由食者自行領取。員工都很勤快，而地方很是乾淨。點了焗豬扒飯套餐，因為要焗製所以等一段時間，到時員工會在取餐處大嗌，你出來取食物。聞起來很香，但…漸漸聞到一陣焦燶的氣味。這款港式焗豬扒飯，小妹始終認為「大X樂」的焗豬扒飯最好，汁多味濃配料足。然而，這間店舖的焗豬扒飯，茄汁因為焗得過火而開始收乾，茄汁也焗乾而變得有一種焦燶味。配料只有幾片蕃茄，可是沒有洋蔥片也沒有紅蘿蔔片，如單是靠蕃茄會令整個飯的味道變得寡。另外焗豬扒飯的主角——豬扒，當然重要。可惜這天那件豬扒很瘦，再因為焗過火而變得很乾，沒有肉汁，又欠缺了肥脂所發出的甘香。豬扒質地較韌，飯也焗得較乾…所以…要一邊吃一邊奶茶送肚。