拾味正宗刀削麵館 (渣甸街)

營業中

休息中

Visited here with my sis on our bday after going to the Ocean Park. .We got Spicy Smoked Knuckle & Spicy Honeycomb Stomach with Sliced Noodle and shared. With an even portion of fat and meat, the knuckle was smoky and savoury. The honeycomb stomach was chewy. Medium spiciness which complemented nicely with the ingredients. The sliced noodles was served with huge portion, but they were a bit soft. .The staff was not that attentive. We needed to call for several times to finally get some help.

今日去銅鑼灣入去幫襯下, QR code落單, 有d選擇困難🤣最後揀左麻辣手撕雞刀削麵, 等左一陣先送來麻辣手撕雞, 我揀左少辣, 正常啦又唔係特別好咬口個只肉質🤔隔一陣送上刀削麵, 佢係粗個只, 先飲啖湯, 勁熱😅第一啖有d咸, 再飲都有d味, 再慢慢一口一口刀削麵, 份量也好多😋會夠飽, 不過如果大家喜歡好滑的感覺佢又唔係🤣 但食完好口渴😅😅要找野飲先得

去咗拾味山西刀削麵食晏，正！熱拌刀削麵嘅麵條勁有嚼勁，夠Q彈，攪埋舒服嘅擔擔醬，微辣但足夠惹味，啱晒心水。豬頸肉脆到卜卜聲，豬脷又唔係好鹹，咬落根本無豬騷味，正呀！凍豆漿呢，甜得嚟唔膩口，好過癮。再嚟個酥炸雲吞，炸得外脆內軟，食落有聲有色，再點埋醬，嘩，一流。說曬話，呢處食物都係靚仔檔次，出奇唔貴，撈埋喺銅鑼灣咁方便嘅位置，值得推介👍🍜🥢！

TLDR: 質素差劣，服務仲要係再差一級。入門見到開電視播佢老細手作刀削麵嘅採訪節目，以為應該有返咁上下質素保證，點知副眼鏡跌咗去對面街。前菜小食：首先上枱嘅係小食涼拌萵筍，加埋個份量應該兩隻匙羹潷得晒，目測應該有兩片打邊爐嘅萵筍片切絲嚟食。個汁係合格嘅其實。主菜：備注要腍啲嘅熱拌刀削麵，捧出嚟竟然係完全唔透心嘅，中間仲見到麵粉團質感，仲係好粉，根本就完全未熟透。食物評論: 煮不熟，份量亦偏少，味道差。服務：同個侍應講，仲要繼續辯駁叫我淨係食湯麵算吧啦，不如唔好再嗌乾撈，笑咗。之後拎咗我張單去扮溝通，然後原封不動放返喺我枱面完全冇跟進過。你要撐嘅一係型到尾唔好跟進，你要有跟進嘅唔該俾返少少誠意真係早啲動作跟進。最後最後碗麵我冇食到，要求而家買單走人，死死地氣過嚟我講話換過米粉？多謝晒唔需要，直接埋單走人。我食乜嘢我自己話事，唔需要你教。備注：有時候有啲顏色食店俾人標籤或者睇死做唔掂唔係冇原因嘅，想幫你都幫唔落，好自為之生下性。

今日收工嚟咗銅鑼灣食刀削麵，天氣涼涼地最啱就係食碗湯麵，佢哋Menu都幾多選擇分咗幾款刀削麵，有湯刀削麵、麻辣刀削麵、熱拌刀削麵、冷拌刀削麵，仲有上海菜飯可以揀🤩我哋今次就決定試吓佢嘅C餐，可以揀一款餸分開上，我哋就揀咗口水手撕雞，另外一碗就要咗麻辣豬頸肉刀削麵，飲品就要豆漿同埋凍奶茶口水手撕雞刀削麵🍜$62佢嘅刀削麵都幾大碗，夠晒兩個人食，口水手撕雞個汁酸酸辣辣，開胃惹味，雞肉一絲絲唔會鞋，好入味麻辣豬頸肉刀削麵🍜$60豬頸肉外層燒得好香脆，面頭仲加左蒜蓉同辣醬，麻辣揀咗少辣唔算好辣啱啱好，食落都係好惹味🤤刀削麵另外仲加咗個擔擔醬，食落好似擔擔面咁😆

自從在銅鑼灣工作以來，都不停找附近有什麼平靚正美食好去處！ 最近同事介紹有間平民美食在銅鑼灣的特色的越式餐廳🍴：拾味山西刀削麵館 ！其中同事說皇牌：紅油金錢肚刀削麵味道辣辣哋的自家醬實在惹味可口，金錢肚口感嚼勁帶爽，😋配以刀削麵豐富口感層次！口水雞口水雞的自家辣醬開胃惹味，而雞肉鮮嫩入味😍‼️另外小食溫泉蛋超滑溜、並再加$8 有特色飲品， 我點了薑母茶夠暖胃！拾味山西刀削麵館 地點： 銅鑼灣渣甸街44號地鋪

早兩日去開銅鑼灣，諗住食個快飯就返屋企。天氣涼涼哋啱晒食碗熱辣辣嘅湯麵，於是就入咗呢間喺渣甸街小巴站對住嘅拾味刀削麵館醫肚。一坐低店員就示意用QR code點餐，除咗點餐之外仲可以remark你嘅要求，例如多蔥少蔥，唔使怕尷尬，非常體貼！今次就叫咗個麻辣牛展刀削麵，湯底有啲似紅燒牛肉麵嘅湯底，唔係普通味精湯～刀削麵睇得出係用人手削，因為每條長短厚度都唔同，食落都幾煙靭👍🏻牛展醃得幾入味，份量都唔少，仲幾大塊！特別叫咗麻辣分開上，可以加少少落個湯麵度食仲惹味😋另外仲叫咗個糖心蛋，中間個黃仲好流心😍呢間餐廳價錢唔算貴，但係份量就好多！算係銅鑼灣性價比高嘅餐廳👍🏻

📍 拾味正宗刀削麵館 (渣甸街) (銅鑼灣)銅鑼灣渣甸街44號地舖-每次中午路過這家店的時候都大排長龍 很受上班族的歡迎，所以今天晚上就決定來試試看！🍜麻辣金錢肚+牛筋腩+肥牛 刀削麵 $80- 這碗湯刀削麵是以湯為主，配料則分開另上。我們還另外加了$20選擇額外的兩款餸😆。我點了牛筋腩，肥牛和金錢肚，牛筋腩魯的非常軟爛 牛筋的膠質感也很讚 很推這款餸，肥牛和金錢肚搭配他的麻辣醬也很好吃，非常適合搭配刀削麵一同享用，味道更加豐富🌶️。由於刀削麵是即叫即製，所以大小和長度都不一樣，但這一點並不影響口感。麵條有些許的彈性，不會煮得過於軟爛🍜。-環境 ⭐️ 4/5食物 ⭐️ 5/5推薦指數⭐️ 4.5/5

好耐無食過刀削麵，拾味刀削麵可以說是十分有水準的。之後疫情都係食拾味外賣多，今次就決定堂食。鐘意食刀削麵加上餐廳又有唔多款既刀削麵、又有菜飯、小食。主要食一個飯麵類都包一個餸。肚餓加多個餸都只係十元👍🏻平時都食開熱拌刀削麵，最正有微辣的担担麵醬，最正餐廳有得選擇多醬。豬軟骨够入味，而且大舊又份量多，十分够淋。手撕雞份量十分多再有麻醬味，立即食欲大增❤️凍咖啡：入口先感受到微甜的咖啡滋味，再加上咖啡的苦澀，味濃郁👍🏻

拾味正宗刀削麵館.味道：😋😋😋😋😋抵食：👍🏻👍🏻👍🏻👍🏻👍🏻環境：⚡️⚡️⚡️回訪指數：🤤🤤🤤🤤🤤/5.銅鑼灣食野 太多選擇 遇然想食麵食簡單一點～依間午餐 晚餐 都好岩食～仲要夠大碗 實夠飽😝同埋 平靚正 7十幾蚊 要多份量 吾易搵呀！.鐘意個刀削麵 夠煙韌 好上癮 彈牙口感～配料都勁多 可自選材料 或者揀餐廳推介～..自選✨.湯刀削麵 🌟🌟🌟🌟🌟 麻辣豬扒 $60 + 加香辣豬軟骨 $10 = $70朋友大讚豬軟骨 好出色 好特別 好欣賞秘製醬 .熱拌刀削麵 🌟🌟🌟🌟🌟 豬扒 $63 + 加香辣豬軟骨 $10 = $73豬扒雖然有啲乾 但係佢唔油膩 好適合食拌麵豬軟骨 超級欣賞 食到停唔到口..2人消費 $143.小故事：我叫朋友試吓我個擔擔醬 係咪好辣？佢話乜辣嘅咩？唔係甜嘅咩？🤣對於一個食唔到辣嘅人嚟講 幾可憐🥲...💫 #拾味正宗刀削麵館 #渣甸街#刀削麵 #豬軟骨 #銅鑼灣 #麵食 #豬扒 #香辣 #銅鑼灣美食 👩‍💻OP網址: https://s.openrice.com/QrbS0EM4A00~uKdABAA📍地址: 銅鑼灣渣甸街44號地舖..#米吃 #香港探店

呢日去咗銅鑼灣行街 見到呢間刀削麵店價錢相宜 就入咗去食 估唔到食食吓竟然全店滿座 咁受街坊歡迎㗎喎😮 刀削麵仲要係師傅逐條逐條即場削出嚟 真係即叫即製幾特別麻辣豬脷刀削麵呢碗係湯嘅刀削麵 餸料係分開另上 我哋仲另外加咗$10要多一款餸😆 麻辣豬脷同埋牛𦟌每一片都切得好薄身 好適合點完麻辣醬再配刀削麵食 感覺更加入味🌶️ 刀削麵由於係即叫即製 所以大小長度都不一 不過一啲都唔影響口感 都幾煙靭 而且唔會煮得太過軟腍🍜 豬軟骨熱拌刀由於朋友唔鍾意食湯嘅刀削麵 所以佢揀咗熱拌😚 熱拌嘅醬料用上咗四川擔擔醬 食落口其實唔算太辣 但係幾有後勁 豬軟骨煲得好入味而且軟腍 豬頸肉先炸過 所以食落口外脆內軟好Juicy 個人覺得熱拌比較有特色🥰 都幾推介大家試呢個凍豆漿凍熱豆漿同埋熱飲都係加$6就有啦 味道唔係太甜 同刀削麵食都幾夾呢間餐廳嘅刀削麵真係幾有口感 麵條彈牙 如果大家想食有嚼勁嘅刀削麵 就可以嚟呢間試吓啦😎

麵團經過多次揉搓後，再以人手以刀具削麵，一條條厚薄不同的麵條，直接削入沸水內烹煮。這樣削出的麵條，邊緣較薄口感軟滑，中間較厚柔韌有口感。《拾味山西刀削麵館》位於銅鑼灣渣甸街，以麵食為主，有刀削麵、拉麵、米線/年糕，配餸選擇非常多，價錢都係由$4x起。廚房以半開放形式，可以見到廚師手工削麵。花雕醉雞刀削麵，加配雜菌醉雞另外以碟上，上枱先聞到陣陣花雕清香，雞肉熟度剛好，色澤微帶粉紅，入口肉質嫩滑兼帶有花雕酒香，刀削麵柔韌有口感，雜菌配上帶鮮香的豬骨湯底，簡單配搭，清爽好味。

🎆大晚上想吃宵夜但又不失隨便，🍝就算去到銅鑼灣都未必一定隨處找到。🍜位於銅鑼灣渣甸街的一間正宗刀削麵館到了晚上依舊未打样，👬客人還是一台接一台的入庭，就知道這裡一定有好吃的。🍜刀削麵是即叫即削，在廚師的熟練操作下，面團被搓揉成細長的麵條，隨著刀子的滑過，薄如紙片的面片落入鍋中。餐牌選擇很多，正常/麻辣湯麵，熱拌，涼拌，溫泉蛋木耳，甚至菜飯也有提供，完全滿足大家口味。📱QR code下單後，食物很快送上枱。🥩麻辣肥牛刀削麵 $60 + $10上海雲吞 + $10凍檸樂🥬刀削麵以純正菜籽油烹調，刀削麵的麵條筋道有彈性，湯汁濃郁，軟而不黏，越嚼越香。🌶️麻辣肥牛選了少少辣，入口辣度剛好又帶點刺激，而且牛肉片很大塊。🥟雲吞皮薄，豬肉餡料碎菜餡料十足。整體來說是一碗挺有風味的刀削麵。📍拾味正宗刀削麵館 (渣甸街) (銅鑼灣)🏠銅鑼灣渣甸街44號地舖⏰11:00 - 23:00🚙港鐵銅鑼灣站F1出口，步行約2分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkiger

#fatchubelly 灣仔📍拾味山西刀削麵館大大碗，超滿足。係芸芸選擇中揀食邊款麵已經好唔容易，真係有太多想試😋💥熱拌刀削麵今次揀左牛筋腩、豬頸肉同金錢肚牛筋腩好淋，好入味豬頸肉有驚喜，煎香過再放上麵食到最尾都仲係外脆內軟😋麻辣金錢肚係愛辣人仕首選金錢肚口感剛好，超入味 好岩配麵一齊食刀削麵係師傅即場削麵質好有咬口💥刀削麵自由配個湯清清地同配料好夾揀了上海雲吞同四川擔擔醬上海雲吞係自家製菜肉比例配搭剛剛好四川擔擔醬好開胃配麵一起吃真是無敵

晚上10PM係銅鑼灣覓食好多店都Last order或者閂門，經過見到渣甸街有間刀削麵館有好多客人食緊就入去試下，入到去仲未閂同好好彩前一位客人係單人，店員都即刻執左個二人搭枱位都叫唔洗排隊。今餐叫左一碗雲吞試下，一碗50元有十隻，每隻雲吞都幾大粒下 ，雲吞皮都幾煙靭，而湯底係普通味精湯底加蔥花好重咸味，越食會越口渴。但整體而言係晚上餐廳閂得七七八八仲有一間餐廳可以整到碗熱辣辣嘅雲吞出嚟已經十分滿意。