成都小巷 (已結業)

因為返工係喱頭，我就經常嚟喱間米線食lunch，唔同湯底幾乎都食過，最推介係麻醬酸辣米線，佢呢度嘅米線就算你咩都唔加，都會有肉碎。都只係二十幾蚊。好抵食。依加真係搵唔到二十幾蚊可以食到Lunch嘅地方啦，除咗麥記超值套餐之外……喱度米線份量多，加上配料選擇多，唔係淨係得連鎖米線果啲配料。麻辣腩肉和豬軟骨都係我常叫嘅配料，麻辣腩肉好惹味，豬軟骨都煮得軟淋入味，以呢個價錢嚟講，食物質素真係唔錯。餐廳環境雖然地方唔大，但衛生整潔，比人觀感都幾好，不過想坐得舒服當然推介外賣啦，外賣速度都幾快，5分鐘就有得攞，想節省時間又想節省金錢嘅就真係推介食呢間米線啦。

平時食晏時間都會去食米線，一黎我好鍾意食米線啦，二黎就係食米線比較經濟啦，長期糧尾都無辦法啦。今日點咗1碗雲南酸辣小鍋米線，要小辣。跟餐加飲品都係加6蚊，梗係加埋啦。碗米線本身有肉碎、芽菜、酸菜。餸就要咗炸醬、芝士丸同豆卜。豆卜係食米線必點架啦，索晒D湯，正。炸醬同芝士丸就正正常常啦。灣仔呢間米線舖頭可以食雞煲，有機會夜晚無咁趕時間可以試下食，二人餐都係每位$200，有雞煲仲包幾款配料，應該都夠食，約下同事去食先。

好耐之前同朋友上過深圳食過椰子文昌雞, 個種滋味一直念念不忘不過最近疫情問題都唔敢上大陸, 所以都無機會再試朋友同我講係灣仔食過一間食椰子雞既都幾好味, 就約左一日去試啦味道同深圳食既差唔多椰子令個湯底非常清甜, 個湯一滾起侍應就幫我地裝左碗湯俾我地飲住先, 清甜得黎又帶些少肉香雞件都好嫩滑, 口味清清地又幾好食, 有時候唔一定要食重口味先過癮既同埋雞件既份量都幾多, 真係足足半隻, 無呃秤除左雞件之外, 跟餐既安格斯牛小排都唔錯,份量都係唔少架~牛肉味豐富之餘仲入口即溶再食埋薯粉、手打丸同什菜籃, 夠哂飽

成日都係食街知巷聞嘅米線，今次就試下呢間小巷米線。次次都係揀果幾款配料真係好厭，想試下特別嘢，發現呢度有蟲草花雞湯米線，都幾養生下。一於就叫嚟試下先啦。湯底清甜，雞都煮得幾滑，蟲草花配米線，口感幾好。適合偶爾想食啲清淡嘢，唔想食咁重口味嘅人。朋友就揀咗麻辣水晶紅薯粉，佢話隻辣味都整得幾好，夠麻又唔會太辣。配上麻辣腩肉食得幾過癮。我好奇都試咗兩啖，同我果碗完全唔同風格，惹味好多！不過雖然係小店，但環境都讓人覺得乾淨明亮，坐得舒服嘅。

冷冷的天氣❄當然配熱辣辣的雞煲🔥雞煲我又嚟啦🤤🤤🤤🤤🤤.兩位窮小子係灣仔周圍遊🐠想食個平靚正飽飽二人餐😢見到小店入面咁多人幫襯🥰餐牌仲要有個$399 2人餐😎一於食呢間🤤唔飽唔走😋性價比幾高嘅二人餐有半隻麻辣雞煲,一碟安格斯牛小排,一碟手打丸,一份什菜籃,一碟薯粉 仲有飲品🥤🧃碟碟都有返咁上下份量 飽哂😂 好抵食麻辣雞煲🤤難忘的美味之火🔥秘制醬汁入哂味 配埋 用心烹飪嘅滑雞香辣滑嫩😋小妹最愛的境界❤加埋薯粉 吸埋啲汁 簡直一流😛👍🏻.牛小排🥩大塊厚肉💪🏻雪藏唔會結哂冰❄同時 新鮮😋牛肉味重一塊接一塊❤口水都流哂🤤

聖誕節用多左錢💸💸💸 lunch要食得經濟少少成都小巷都俾我bookmark左一段時間 就趁今次機會去試下本來想揀返雲南酸辣米線 但見重慶酸辣有花生🤤 最後都係轉軚 加左個唔辣既腩肉 再加多左甘蔗汁甘蔗汁：開始以為係自家製，原來是罐裝，甜甜的，很解辣米線：第一次食重慶式酸辣， 唔知係咪正宗，好重香料味，個人口味下次都係揀返雲南酸辣，不過都好味，尤其啲炒花生🥜腩肉：醃過既豬肉，唔會太鹽，還好不過份量只係適中 食量大少少既 可能要加多幾個餸先夠飽喇

高質小店有驚喜～～～餐廳名稱：成都小巷 (灣仔)餐厅地址：灣仔巴路士街5號地舖～～～最近天氣很是寒冷 讓我和大舊都愛上了吃火鍋這天我們在朋友推介下 來到了灣仔這間有烤魚有小菜又有火鍋吃的小店吃晚餐😁～～～我們首先叫了椰子雞全隻 這個椰子雞煲非常大鍋 裏面的雞多得令我們吃一驚 湯底非常清甜有濃濃的椰青味 還有杞子 玉竹 芫荽 淮生等等 雞肉經椰青煮完之後鮮甜又嫩滑 朋友果然沒有推介錯 實在令人一吃難忘😆～～～吃完超多椰子雞之後 我們便開始叫打邊爐材料 包括有手打墨魚丸 山根 鮮腐竹 娃娃菜 薯粉和細安格斯肥牛😍～～～手打墨魚丸一共有10粒 每粒都非常彈牙 鮮味好出比一般在超級市場或是街市買到的墨魚丸好吃多了🥰～～～細安格斯肥牛雖然個名有個細字 但其實分量一點也不細 差不多足夠三至四人份量 每一片肥牛都切得厚度適中 入口爽而且肉味重 雖然份量極多 但是由於很好味的關係 我們也能全部吃光個清光😋～～～娃娃菜亦是必叫的配料之一 本來平平無奇的娃娃菜 經過鮮甜的椰子雞湯煮過後 變得極其不平凡 好吃到不得了 本來就鮮甜的菜味 顯得更加清甜☺～～～當所有配料都吃光之後 我們便在湯底中加入薯粉 吸收了

成都小巷 (灣仔)灣仔巴路士街5號地舖-----上星期同朋友去灣仔電腦城買嘢 買完之後路過呢間灣仔嘅小店 餐廳冇華麗嘅裝修 但係裡面依然人頭湧湧令我哋想入去一探究竟 所以最后就揀咗呢度食晚飯-大邊酸菜烤魚（$168）佢哋嘅酸菜魚分為三種份量 有細邊 大邊同埋全條 兩個人叫大邊已經非常夠食 烤魚有經香煎過再擺落酸菜湯汁入面烤煮 食落香脆又嫩滑 汁底有芫荽 番茄 白菜 辣椒 干辣椒 同金針菇等 味道豐富 越滾越入味 辣度仲可以自選 整體味道質素完全唔輸大型連鎖鋪頭 -蒜泥白肉（$28）白肉片片薄切 非常剔透 肥瘦均勻 汁底有花生 芽菜 蒜泥 白芝麻 芫荽等等 入口彈牙 且蒜香濃濃 -韭菜餃子（$15）粒粒都炸到爆脆 雖然熱氣 但又真係好食 類似炸雲吞嘅外皮 加埋中間爆餡嘅韭菜豬肉 就算熱氣都要食😊-----👶🏻B仔整體評價：8.1/10個👍🏻👶🏻B仔抵食程度：8.5/10個👍🏻👶🏻B仔環境評分：7/10個👍🏻👶🏻B仔味道評分：8.5/10個👍🏻👶🏻B仔回頭機會：8.5/10個👍🏻-----#swallowhongkong跟住我一齊吞食香港啦！🤤#swallowwanchai

今日去灣仔成都小巷食雞煲同埋火鍋 ，一入到去就叫咗個二人餐$399 招牌雞煲火鍋，雞煲我哋揀咗麻辣雞煲，因為唔係太食得辣，所以揀咗bb辣，個雞煲真係好香，入面有半隻雞，個味道真係好惹味，又係食到停唔到口，跟住食到咁上下就開始打邊爐，二人餐包咗安格斯牛小排，手打丸雙拼，雜菜籃， 薯粉，同埋罐裝飲品兩罐。 個牛小排好嫰好有牛味，而什菜籃就好大分量，食到個肚飽一飽先走。 其實呢度出名仲有米線，同埋一啲成都小食，如果唔想食雞煲嘅朋友，可以試下佢哋嘅米線，又係必食之選，而佢哋個烤魚又係好出名嘅，不過就要預早嚟試，因為賣曬就冇。

瘋狂打邊爐季節🍲兩個人食得唔多，一條魚一碟牛再加少量配菜剛剛好平時淨係lunch米線就食得多，一直都好想試佢嘅特色麻辣烤魚，而家呢啲天氣正啱晒麻辣湯底唔肥膩，食完唔會覺得口乾，小辣都好惹味條魚好正啖啖肉係啲骨多咗少少最驚喜係碟肥牛，$98但係食到高級火鍋店嘅料！份量又多另外蓮藕都好清爽，成餐都好滿足個價錢都好好好抵最緊要係真係好平，良心食店，記得上次咁樣食嘅價錢已經係10年前，對比起連鎖集團更加鍾意地道小店

星期四晚做考順女，天氣凍帶住老豆食好野，因為我想食雞煲，老豆想食烤魚，所以就一次過叫哂兩樣，座係到等的時候，已經嗅到廚房炒辣雞煲的香味， 當送上來台即夾兩舊雞肉來食相當入味，我們叫了小辣，d 紫洋蔥，蒜頭， 芫荽爆得好香。另外個酸菜烤魚煲，我們睇到時都覺得份量好大，沒有想過都有咁大邊魚肉，份量十足， 魚肉吸哂d 汁好入味， 我仲叫了響玲，唐生菜，羅白，米線呢d 吸汁一流的打邊爐材料，好耐冇試過同老豆兩人食得咁盡興了。

天氣凍冰冰食咩好？緊係打邊爐啦😆成日都想返大陸食椰子雞煲，今次唔使去咁遠，灣仔就有間平靚正喇！依間地道小鋪，雖然好豪華嘅裝修有時呢啲鋪頭反而更加有親切感我哋叫左二人套餐，都幾豐富，一個椰子雞煲，有什丸、一大碟牛肉，紅薯粉同埋雜菜藍個煲都幾有份量，我哋未加啲配料之前首先試咗個湯先，wow🤭好清甜喎，有好香嘅椰子味，好飲！另外煲入面嘅雞都仲保持都滑溜，份量都好多，係唔錯嘅要講下個牛先，勁大碟，脂肪分布平均，唔會太肥又唔會太瘦，食落都好有牛味最後個紅薯粉掛湯一流，可以食到每一啖都有椰子雞嘅精華，滿足😙今餐食物水平都幾好，呢個價錢絕對可以有encore嘅下一次

等到12 月終於見到首次氣溫降至12 度， 第一時間就係著件大褸， 約埋老友去食雞煲。大家都想慳住食，唔使去大酒樓， 又加一、 又茶芥 ， 加加埋埋未食都比左成舊水。 位於灣仔 店子細細，茶餐廳裝修， 中午賣特價飯，貼地價迎合一般打工仔。 晚上提供雞煲和特色美食。我和朋友就試了 雞煲火鍋二人餐] $399無加一、 無茶芥、無醬油， 無人消費二百蚊， 好OK 。 先上是[ 椰子文昌雞半隻] ， 隨後店員會放入椰子放煲內， 再煮一會就可以先喝湯， 雞件亦已經全熟。 油雖然略多， 但味道確是超鮮甜， 陣陣椰子清香， 超暖胃， 我們先每人喝了兩碗湯打底，再開始口雞，雞要襯早吃， 再煮就會變老， 雞肉唔算 太多， 但尚有雞味。 薄切  牛肉雪花很美， 油份豐腴，牛味足，份量也不小。  我個人認為雖然非手打， 牛丸和墨魚丸兩者， 以後者優勝， 較彈牙爽口。 內有四種蔬菜， 最岩打邊爐的當然首選金菇菜。  是無味道的東西， 口感煙煙靱靱 ，我個人不太喜歡， 情願食烏東。 罐裝飲品二罐係晚大部份客人在圍爐, 感覺好溫暖啊!

放工同同事走咗去灣仔,行過見到呢一間食米線嘅店舖,本身想食米線,跟住一坐低店員就問我哋要唔要試下佢哋個椰子文昌雞煲套餐,哈哈,見今日涼涼地,好啦就試下啦。由於同事唔食得辣,椰子雞煲就好岩佢店員即席開左個椰皇,起肉,倒落鍋,佢叫我地試下飲碗湯先,好清甜,好香!!仲好細心幫我地筆起d油,好多椰肉,又唔會口渴,估唔到一間細細既鋪仔個椰子雞煲咁出色至於d雞都幾滑,仲有娃娃菜,生菜同金菇,蔬菜好新鮮。手打丸我就比較鍾意牛丸,牛味重,彈牙!不過最正都係啲牛肉,有牛味,有雪花紋,質素好好。估唔到$399(不用加一)既套餐用既牛肉都咁靚,怕唔飽嘅話個餐仲有紅薯粉,同埋一人一罐飲品。我同事一路食一路不斷話個湯真係好好飲,而我就最鍾意佢個牛肉啦,講真當初入嚟真係冇乜抱太大期望,食落係有啲驚喜!!而且我哋入座嘅時間係晚上6點半左右,當時只有兩枱客食緊米線,而當我哋食緊嘅時候已經漸漸全場爆滿,仲有幾枱都係食緊雞煲添。小店座位唔多,而且都係行平實路線,如果要食裝修食排場,呢度就唔係咁適合,但係如果想食有質素嘅食材同細心既服務,可以黎呢度試下。眼見佢平時午餐都只係39蚊就有個飯,真心係灣仔呢區算係好抵,店員仲話好

前兩日同朋友去左成都小巷（灣仔），我同朋友都好想食熱騰騰的東西，我們叫了家鄉酸菜烤魚（大邊），等左一陣好香好期待的烤魚上台，烤魚上面放了好多西芹、香蔥，烤魚下面金菇、酸菜、娃娃菜、色香味俱全，燒魚系煎香左放上去，味道啱啱好，烤魚好滑，筷子🥢夾進口裡，魚的香味非常濃厚，從魚頭到魚尾都好入味，不過魚骨就比較多左小小，鐘意食魚的人應該唔會介意，我們另加了生菜🥬，薯粉，加埋魚的汁非常入味，價錢非常合理，下次可以再去試埋雞煲，各款米線同飯，地點都容易搵到