成都小巷 (已結業)

出色湯底😋雖然其實食唔出麻醬味，但個麻酸辣好正，湯底所有味真係融為一體👍尤其是酸菜係真係鮮甜嘅😋大滿足😋揀左中辣對我黎講係啱啱好本身想揀豬軟骨但嗰日無☹️要左雞扒同炸醬，雞扒有4-5塊，唔嚡但邊邊薄嘅位比較乾☹️炸醬就係偏辣椒醬嗰種辣，都ok米線黎講只係配角，雖然滑但幼身同唔係有咬口，所以存在感唔高，份量超多所以$4-50 可以食到好飽都幾抵👍

餐廳:成都小巷 (灣仔).地點:灣仔巴路士街5號地舖.屋企人話想食酸辣米線，喺東區嘅酸辣米線多數都係連鎖，咁岩上社交平台 群組搵到間CP值高而且特別嘅酸辣米線，即刻要去啦😹.麻醬酸辣米線雞肉豬大腸中辣$45辣度其實唔係好辣？本人譚仔食小辣，但係麻醬酸辣米線自己真係未食過覺得幾好食，係酸辣米線再加擔擔面嘅配搭，喺香港我自己就未食過啦，另外雞肉份量不太多，不過都係加幾蚊，唔會投訴，味道好味過譚仔，豬大腸入味，炆到好軟身， 我嗰日食有大約五舊.雲南酸辣米線蘿蔔秘製腩肉中辣$43雲南酸辣米線屬於比較上淡味嘅，辣度如上，我覺得麻醬酸辣米線啱我口味多啲不過屋企人都話好食，秘製腩肉自己就唔太喜歡啦冇乜特別，另外蘿蔔都甜嘅.貓屎咖啡加$6 屋企人叫咗杯貓屎咖啡，米線店有貓屎咖啡飲跟餐加$6係平嘅👍🏽.熱檸茶加$6.Cp 值及夠飽: 我哋兩個人食咗$100,價錢真係優惠而且夠飽，CP值高，讚👍🏽.翻啅:會再去☺️ 無論係性價比定味道都一定會再去，自己就一定會再叫麻醬酸辣米線

第一次食蒜泥白肉係冇蒜泥㗎只有豬肉同辣椒豬軟骨又硬 湯底一般般 唔係好食得出酸辣味小食話要走芫荽蔥全部都無走睇食評本身都有啲期待而家真係冇下次失望失望好失望🌚🌚🌚

今日來到灣仔嘅一條小街，特別想食中式嘅辣，又唔想食小菜，就黎左呢間品嚐成都既米線😊！ 見到間舖面好似普普通通，好平常冇咩特別，食客、人流都唔算多，但係我畀個舖名「成都」吸引住，估唔到令我😍心心眼！麻醬酸辣米線🍜 $30本身已經跟左肉碎、芽菜、酸菜、花生、芝麻、芫茜，未食之前一睇已經知道好足料，叫左之後勁大碗麻醬湯底又勁吸引，呢個價錢已經知道好抵食！味道香，色味深，份量大，入口綿！仲有得畀你選擇辣度，非常吸引！另外可以再加配小食，我配咗豬軟骨（＋$8）， 豬軟骨份量多，咬口爽，醃得又入味，麻醬酸辣又配合得啱啱好！價錢平民抵食❤️推薦程度🌕🌕🌕🌕🌖

今日中午突然想食酸辣米線，諗起附近有一間叫做「成都小巷」嘅米線鋪，於是就揀佢了。店內環境一般，我地兩個人入到去先知要卡位搭枱，不過繁忙時間都無計，於是照搭，好彩個店員都好識做咁喺中間加返塊隔板，咁就大家都安心啦~點菜方式係好似車仔麵店咁寫紙仔，米線湯底種類有好多，有麻辣、酸辣、清湯、蟲草花雞湯米線等等，所以就算你唔係食辣嘅人都可以入嚟試下佢唔辣嘅湯底！筆者嗌左雲南酸辣小鍋米線，配鮮冬菇同埋豬軟骨，一上菜果下被佢嘅份量嚇親！因為真係好大碗，雖然餸嘅份量唔算多，但勝在米線份量夠多，所以一定夠食！而且湯底好好味，酸辣度適中，唔會出現酸遮左辣/辣遮左酸嘅情況，呢樣野係好難能可貴架~(個人認為呢間餐廳比起啲大型連鎖米線鋪更加好味，所以米線呢家野，小店唔一定比大鋪差架~)價錢方面，兩個餸嘅小鍋米線加一杯凍華田，盛惠$49，價錢嚟講算係好良心的了，呢個價錢你想喺今時今日嘅香港地中午食到飽而又味道唔錯嘅食物，唔係咁容易搵到架咋，所以真心推薦「成都小巷」！

因為最近一直想搵唔同嘅米線食咁啱一連兩日都喺灣仔星期日去到門口發現無開所以今日再去多次見openrice全好評所以就揀左依間去試我叫左個噴火麻辣米線，中辣而餸方面係參考左之前嘅食評叫咗蘿蔔，麻辣腩肉同豬軟骨落單後大約十分鐘左右就到首先一定係試左個湯先不得不讚既係個湯真心好香唔會太咸，而麻同辣都好到位得一啖入口我直頭覺得好濃郁之後就開始食餸極之失望既位開始接二連三咁黎麻辣腩肉有三塊除左一塊係肥膏同肉都均勻之外其餘兩塊都只得肥膏咁滯其次就係豬軟骨完全唔似之前嘅食評所講又林又入味一碗有三舊，係每舊都硬到我好似食緊瘦肉咁仲要係勁乾之後就到蘿白舊舊都有渣，好誇張但問心都甜嘅真心好失望米線方面都合格嘅軟硬適中，再配合埋肉碎的確不錯由於男友係嗌左個酸辣米線加豬軟骨加生菜下午茶餐個肉乾到佢真係食唔到最後我地加多左個蒜泥白肉值得一題嘅係個酸辣米線個湯其實都好好我同男友都覺得好味的黎到眼見有好多芽菜墊底除咗面頭幾塊有汁多其他汁都喺哂碟底我地嗌左多蒜好笑嘅位來了唔知咩嘢原因啲蒜係冰過直頭係一舊舊夾得起嘅食落去除左面頭幾塊有味之外下面個d都係白烚完全無味的總括而言除咗湯之外所有都令我好失望我直頭覺得浪費左個湯

新手post叫左雲南酸辣中辣轉左薯粉因為個姐姐話米線要等一陣因為未煮腍由於時間關係所以轉左薯粉講返湯底吾算咸但會有少少口渴中辣有啲吾夠辣酸味ok吾濁喉豬腸睇落好大舊以為會好難咬點知好腍，中間有肥膏好香但如果吾鍾意肥腸嘅建議諗清楚先叫腩肉好大塊但得3，4舊都係好腍，入味蘿蔔大舊，腍，好甜冇渣 整體有8分

太耐無食米線，所以做定功課搵埋媽咪嚟試，成都小巷唔係響大街，所以連住灣仔嘅媽咪都唔知佢嘅存在。成都價錢都幾親民，$4x一個lunch連飲品，店員又親切，下次可以再幫襯。🥢蟲草花鮮滑雞湯米線 $45⭐️⭐️⭐️⭐️誠意之作，估唔到有咁多雞同菜，雞唔肥又非常嫩滑，米線軟硬度適中，湯底又唔咸，媽咪表示滿意🥢雲南酸辣小鍋米線 (冬菇+豬軟骨) $43，凍檸茶 +$6 ⭐️⭐️⭐️⭐️我唔食得辣，但又想要少少酸辣味同多啲酸菜，同店員講佢哋即刻話無問題，出嚟個湯超好味超啱心水，豬軟骨入味又腍，冬菇乾淨無沙，我非常滿意二人共消費：$94

👍🏻雞肉腩肉噴火麻辣米線 $43麻辣湯底果然係噴火，嗌左小辣已經夠辣夠麻，麻辣味好香🌶🌶🌶不過油左少少，唔敢飲埋啲湯呀🤭雞肉值得一試！肉質超嫩滑，煮得岩岩好，未食過一間米線既雞肉可以咁粉嫩🤣👍🏻麻辣腩肉就唔推介了，加$8但得兩舊，肉質鞋但肥膏多，又無麻辣味😶米線偏淋，份量好多味道：8/10性價比：8/10-📍#成都小巷 灣仔巴路士街5號地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #灣仔 #灣仔美食 #灣仔好去處 #灣仔打卡 #九龍灣美食 #油塘美食 #銅鑼灣美食 #麻辣 #酸辣 #酸辣米線 #麻辣米線 #茂蘿街7號

對於近年嘅飲食習慣改變令到我主食由飯轉換為米線, 對於返灣仔嘅我來講, 要搵好食嘅米線算係一道難題吧....皆因灣仔食肆林立, 但偏偏米線鋪量比較少, 而且都係屬於連鎖式, 味道雖然不錯但食得多都會厭棄, 咁岩有同事介紹左一間響橫街嘅米線鋪, 咁就決定一探究竟去到先發現自己經常經過嘅一條窄巷, 因為門面似賣港式粉麵茶餐廳類同所以總擦肩而過, 同街都有車仔麵檔同馬來亞餐廳, 不過今次就決定係佢啦呢碗係麻醬酸辣米線配麻辣腩肉, 小辣同加底, 應同事告知呢間餐廳嘅份量未必能滿足本人食量需要, 所以特此加底, 相信大家見到張相嘅效果都非常滿意吧湯底方面, 係幾有麻醬嘅味道, 食起來麻醬對於酸辣嘅影響係正面而且係相輔相成的, 因為麻醬嘅鹹鹹的加上花生嘅香味頓時令到酸辣湯嘅質感升華, 呢度嘅酸辣湯有d 似荃灣嘅唯x 雲x 川, 不過就冇咁多油, 湯底有大量肉碎花生, 飲起來似豬肉湯, 而配餸方面滷得入肉果幾舊就係麻辣腩肉, 唔計品相只計味道係一流嘅滷肉, 不過本人覺得唔算辣, 而且麻味欠奉, 不過配上湯底再食就會帶豬肉嘅甜味, 係好好食但只係個名唔太夾而米線因為加底之後差不多填滿成個碗, 不過就算

第一次嚟試吓，揀咗麻醬酸辣米線，出奇地比我想像中好食(因為坊間有好多整得唔好食)！而且有好多唔同嘅配搭和選擇，夜晚仲有雞煲打邊爐，希望有一日可以搵多個朋友一齊嚟試~ 😋

行山行左接近六個鐘頭，筋疲力盡，終於搭車返到灣仔，就想食米線，補充下體力。搵到呢一間成都小巷，見佢就腳，又冇乜人，就快快脆脆食碗米線。我本身都唔係好食辣，仲要係麻辣，但係見我朋友叫得咁開心，就豁出去試吓，最多飲多幾啖水。我叫咗一個麻辣米線，BB辣，再加墨魚丸。朋友叫咗一個重慶酸辣米線，再加秘製腩肉。我哋一人都叫咗一杯凍檸茶，解下熱解下口渴， 我覺得都唔算太辣，可以接受到，彈得三粒墨魚丸，比我想像中少，有啲失望。

糧尾既時候成都小巷都會成為我既Best friend皆因佢既lunch真係三個字形容哂 : 「平靚正」佢地午市特價飯套餐真係幾抵架$39有薑蔥霸王雞、蘿白牛腩、白汁雞扒、鴨腿湯飯等等...有成8款選擇想轉下口味食米線又得我就鐘意食佢地既麻醬酸辣米線酸辣得黎又帶有濃濃既麻醬味, 個陣味真係香濃得黎又幾特別配菜方面我通常都係要麻辣腩肉同豬紅麻辣腩肉好入味, 真係唔好睇少佢薄薄一片以為無料到....豬紅唔會一夾就散, 有少少硬度之餘仲好索味, 都係一個唔錯既選擇黎架~

今日lunch time同班同事喺會議室食飯，每人都買自己想食嘅午餐。 我就唔係咗一間叫做成都小巷嘅米線。 佢嘅米線湯底主要分6款,包括雲南酸辣小窩米線,麻醬酸辣米線,麻辣米線,重慶酸辣米線,噴火米線同埋清湯米線. 其實你問我，我都唔係好知佢點樣分六款嘅口味，但係我通常只係會口叫雲南酸辣小窩米線， 佢裏面嘅配料包括肉碎，芽菜,酸菜,韭菜等等， 所以都好香口下， 啖啖米線都酸味味， 另外配咗雞肉同埋腐皮草配料， 但係依兩個盤了嘅份量都相當少 腐皮得兩,三片細細片， 每個餸五蚊但係我哋覺得佢都幾孤寒吓呢。。。欣賞佢嘅係佢會將米線同埋湯分開唔會令到啲米線發脹 食落去口感都會好啲！

今日去咗灣仔交收，好彩賣家無遲到，唔使喺街邊呆等。不過攞完貨已經差唔多12點，今朝趕住出門口又無食早餐，個肚好餓，都係食個快餐先返屋企。路過見到成都小巷，睇menu見到除咗米線之外，都有其他飯餐，夜晚仲可以食雞煲。雖然未知想食乜但係見到價錢相宜又有位就馬上入去啦。同店員講咗要口水雞飯之後決定改變主意，轉要米線，好彩佢都係笑下，無話唔高興。湯底要麻辣，加咗豆卜同雞扒，其實佢都有幾多配料揀，而D配料好似車仔麵咁，有豬皮，豬大腸，雞翼尖...雞扒煎得很香脆，味道幾好，同麻辣湯都幾夾。米線質感唔錯，唔會太淋。