成都小巷 (已結業)

平時食晏時間都會去食米線，一黎我好鍾意食米線啦，二黎就係食米線比較經濟啦，長期糧尾都無辦法啦。今日點咗1碗雲南酸辣小鍋米線，要小辣。跟餐加飲品都係加6蚊，梗係加埋啦。碗米線本身有肉碎、芽菜、酸菜。餸就要咗炸醬、芝士丸同豆卜。豆卜係食米線必點架啦，索晒D湯，正。炸醬同芝士丸就正正常常啦。灣仔呢間米線舖頭可以食雞煲，有機會夜晚無咁趕時間可以試下食，二人餐都係每位$200，有雞煲仲包幾款配料，應該都夠食，約下同事去食先。