意八餐廳 (已結業)

今日工作比較忙，晏左放lunch, 結果5:45才得閒出去食，但黃大仙中心嘅餐廳5:00後多數已計晚餐價錢，但呢間6:00前仍有下午茶叫，仲要份量同lunch一樣，唔會少左，外賣仲有9折，由於已經有好多人排隊等覺食，咁我就外賣返公司慢慢食今日叫左百里香烤雞忌廉扁意粉配熱奶茶只需$36今時今日呢個價錢想食得飽都唔易講返味道先烤雞加左百里香好入味，而且有落左好多啡菇，成個意粉更香，係略嫌個忌廉汁比較稀，意粉淋咗少少，好易斷，但坦白講收$36有此質素已經冇嘢好挑剔

同朋友係黃大仙食lunch, 平時見到好多人等位，今日星期六下午2:30唔使等位法式紅酒香茅會牛肋條配珍珠飯牛肋條切到細細粒似一口牛咁，所以炆得好淋同入味，食到碎香茅，D汁送飯一流，另外碟邊做伴碟嘅少量菜亦係先用蒜蓉炒左，好多餐廳為咗方便，好多都係白烚甚至放生嘅菜就算，呢道連伴碟菜都炒過，好有誠意墨西哥瘋狂辣肉醬焗扁意粉肉醬少少辣好惹味又香濃，意粉上放左芝士一齊焗，扁意粉亦好掛汁，撈埋食好美味

今天中午去到黃大仙逛街，然後在中午時候便去到意八吃午餐。當時看到人龍很長，但是取票後不到10分鐘就可以入座了😝餐廳環境很寬闊很有格調，而燈光偏暗，感覺有點高級。我們看了餐牌後便點了烤雞茄子百里香焗珍珠飯和一杯特飲。下單後不到5分鐘就上菜了。看到這碟飯時便感到很豐富與滿足，因為看上去很足料，忌廉芝士也很多，而自己本來也很喜歡吃芝士的，當吃下去有一種拉絲的感覺就感到很棒，而烤雞也很多，可惜不是很入味，裏面還有不少嘅菜和茄子再配上芝士一起吃就感到很豐富。🤤玄米綠茶啫喱冰冰的綠茶很香，啫喱的口感也棒，帶有綠茶的味道，再加上一些玄米一起喝口感就很棒了❣️總括而言，用餐體驗也不錯🙌食物環境也不差，價錢也不貴、所以下次也會與朋友再過來吃。😝👍

本人係早餐時段，叫左碗蕃茄湯煙鴨胸公仔麵時，發現一隻吾該出現既蟑螂係碗麵度，個職員好搞笑咁話，死囉，攞走左碗面，換左碗一模一樣既麵俾我，我想講，要係有蟑螂，佢橱房個湯底都係有，真心反胃，已通知食環署跟進，對員工處理手法好有問題，真心嬲左，吾會有下次幫襯

每次經過呢間餐廳，都好多人排隊食。難得今次冇乜人排隊就入去堂食。😳😳味道真係唔錯，不過坐得就真係有啲唔舒服，座位非常窄，連腳都伸唔直。🤧🤧今次叫咗米蘭嘅肉醬意大利粉，非常多汁，肉碎份量都好多，意粉亦都唔會太過林。🧐🧐另外叫咗杯朱古力飲，原本以為會有啲忌廉喺面，雖然發現係冇嘅，不過都幾好飲。🤩🤩總括嚟講，其實味道唔錯，價錢亦都唔貴，不過坐得實在太唔舒服，所以下次都係外賣算啦唯有🤣🤣

自從上一個post 食25／6發現新大陸知道有呢間嘢後，直到25／7為止已食了三次，＜依家少左去果面監堂都少左過去食了😪😔＞而且總會每次至少叫呢個扒餐，（有時兩個都叫扒餐添🤪。）成個商場呢間Cp值好高拉麵就不過不失，唔好太有要求。其中有日男士唔夠飽，叫多份🍕🍕Pizza, 細件到呢🍕🍕🍕，一上枱已冇，影唔到相，Sorry.....意外發現坐入一條巷，冷氣會涼一點🤣，晚市6:20pm前好入啦，唔係就要等位了。

唔使講食下午茶必選一定係佢！而家疫情期間外賣仲有九折，所以通常都係外賣多，咁樣計落就會抵啲，平均每個餐平三至四左右。基本上下午茶嘅選擇都幾豐富嘅，想份量細啲嘅都有，可以睇返最下底嘅餐牌。下午茶個人推介有幾樣一定會食：1.百里香忌廉雞皇焗珍珠飯（外賣會正啲）2.原茄烤豬扒焗珍珠飯（都係外賣正啲🤣）3.香辣橄欖油煙鴨胸炒扁意粉（下午茶Menu👇🏻）最後講多句，佢個湯飯麻麻哋，有啲似杯麵嘅湯汁撈咗落啲飯度咁，有興趣都可以試吓😂

意八餐廳算係一間價錢合理性價比高嘅平民餐廳，特別係早餐時段嘅價錢都係相當吸引，而且款式都算豐富唔同類型都有。平時食早餐多數都會嚟呢一度食，而我平時特別鍾意食嘅係佢嘅美式早餐系列嘅豬扒或者雞扒餐，配熟蛋煙肉，仲有個蒜蓉牛油厚多士添。我推介豬扒餐嘅原因係因為佢個豬扒整得軟身，唔會太乾，食落去一個字正！另外佢嘅「重量級」全餐嘅特大香脆牛角酥都係整得唔錯嘅，配埋個滑蛋其實都幾正㗎。另外要注意，有啲餐係跟茄汁豆嘅，唔鍾意食嘅就可以提前走咗佢先。（👆🏻早餐餐牌）

今日晏晝喺呢面做嘢想快啲食完繼續開工就是但搵咗一間野黎食因為呢間唔使等位所以就入咗去見我餐牌焗飯食物影得不錯而且價錢都好平所以就叫咗個焗豬扒飯 連埋凍飲都只係50幾蚊等咗一陣個飯好快就嚟到賣相睇落唔錯計時嘅份量都好足只可惜飯底嘅飯非常之乾基本上你唔加嘢飲係會口渴死豬扒都算鬆軟唔會係咬唔開嗰種所以咁嘅價錢其實係唔錯

經常係呢度上堂，都係1／2樓食多，今晚太悶了决定上三樓望望，意外地發現意八，係寶琳食早餐多，記得CP值好高，好彩6點幾入唔算多人，食完七點幾出面已好多人等位。望到有扒餐＄82仲唔洗加一，本來好想食，但呢幾日都係夏至，商場唔夠冷氣，佢呢間餐廳都麻麻地🥲，入去都要自己加把風扇，所以我只叫拉麵算，派豬隊友食扒，唔錯，有隻煎蛋，又有個飯，冇印象有得轉意粉。小建議：如果有得加錢跟嘛個湯就更好。🤭小食款式少左D ,甜品好多都話sold out😱😱😱個拉麵一般冇驚喜，🍕🍕🍕好平但唔敢叫。我叫左個利賓納啫喱，真搞笑成舊佔了半隻杯，又飲唔到冇粗飲管……特飲款式同樣多反D就好。

今日真真真嬲到爆！！！原本就已經好肚餓，咁我13:03分到啦。跟住13:06分落嘅order，去到13:20分個時已經覺得唔妥，點解遲過我黎嘅都已經到佐？跟著一路追單一路追單，搵過好幾個人。都係要去到1點半先上餸？？？？喂大佬，你地個牛扒都淨係等15分鐘咋喔，我一個常餐你要我等5個字？？？我唔知係我黑仔定點啦，我有呢個時間等你慢慢整我去食咩唔好黎食你願其他人黎食個時唔會同我一樣咁黑仔啦，真係嬲到震，肚餓到想喊

主打菜式是意大利和日本美食及特色Fusion菜，價錢亦大眾化蒜香蜆肉煙肉天使麵天使麵柔軟，蜆肉鮮味配上煙肉，蒜香味亦十分濃郁龍蝦汁海鮮意大利飯配料十分充足，配上濃濃龍蝦汁，每一口飯都很入味😋🦐洛神花玫瑰茶顏色鮮豔漂亮，味道清香甜美

疫情期間好多餐廳為咗增加消量，都會推出外賣折扣意八都唔例外，外賣自取有九折優惠，本身已經好平嘅午餐，又再抵食啲蕃茄焗豬扒飯$49大食妹一向最鍾意嘅蕃茄焗豬扒飯，$50有找包埋嘢飲分量十足，豬扒亦都非常之大嚿，但係冰凍豬扒冇咩味，味道就麻麻哋啦個焗飯落咗好茄醬，酸酸美味都幾好食煙鴨胸炒天使麵$51改良左的中式style 天使麵，食落以為食緊星洲炒麵D fd，其實幾好食的，不過真系唔似食緊天使麵醬汁酸酸地，幾開胃，賣相雖然是中式嘅星洲炒米，好食最緊要

呢間餐廳真係次次都需要排隊，今次都好多人，不論係平日定假日，唔通真係甘抵食同甘好食？忌廉煙肉菌王燴意大利飯 - 個米，係普通米🥲🥲🥲而且都唔係燴飯，好乾！飯低就有少少白汁！就好似食左一個頹飯甘樣。日式芝麻烤雞玄米炒飯 - 呢個就好有驚喜，好夠鑊氣，呢個質素就對得起個價錢，唔錯既。

ITa MoMo黃大仙分店抵食又大份❤️外賣自取9折優惠等左5分鐘到有得拎👊🏻🍴蒲燒鰻魚炒珍珠飯珍珠飯做得不錯👍🏻鰻魚又燒得好好食👅浦汁味道剛剛好👍🏻🍴帆立貝海鮮龍蝦汁意大利飯份量比較大，細食嘅朋友就一定食唔晒😆龍蝦汁好重味，非常充足，食完啲飯之後仲有啲龍蝦汁喺底！味道的確唔錯👍🏻海鮮味非常鮮味🧡帆立貝唔硬，有蝦有菇有魷魚做配菜，非常滿足👅👸🏼純粹個人感覺味道🌕🌕🌕🌕🌖環境🌕🌕🌕🌗價錢🌕🌕🌕🌕🌗