忠記粥品 (人和悅大廈)

營業中

休息中

忠記粥品位於銅鑼灣同灣仔交界 近住鵝頸橋以前成日經過都未試過係銅鑼灣返工後有日口淡淡想食啖粥🥱諗極都諗唔到邊度有粥鋪🧐🧐係OpenRice一search 先發現銅鑼灣係得三四間粥鋪一間係海王 一間係米芝蓮貴價餐廳另外一間就係忠記粥品去到發現忠記粥品鋪頭外痴曬唔同色嘅紙寫住有善心人士支持佢地派粥比有需要人士👀做善事有錢出錢有力出力✨✨雖然話有善心人士贊助 鋪頭出力派粥都係值得讚揚嘅👏🏻👏🏻💪🏼「皮蛋瘦肉粥🔥」通常去間粥鋪第一樣試一定係皮蛋瘦😎😎Weee~~~ 呢間嘅皮蛋瘦都幾好食！首先粥底非常綿 ！✨✨🔥但並唔係用食物調理機打碎嘅米粒個隻粥底（咁做可以快速煲到啲粥好爛但會似BB糊仔🤢）啲粥仲係睇到一粒粒米粥底調味唔係淡茂茂病人粥 都唔重味精🧂皮蛋同肉絲份量都比得多～肉絲真係撕開咗一絲絲 即使係老人家都咬得到🙏🏼一啲都唔會韌「鮮蝦腸粉🦐」一打開外賣啲蝦仁已經跌曬出嚟😂啲腸粉皮比較厚實又唔係咁滑應該唔會再叫腸粉啦😶‍🌫️😶‍🌫️而且加埋個木製外賣叉 超難篤嚟食😂

近10年銅鑼灣已經少左好多粥舖，呢間都開左好耐，見價錢冇連鎖咁費就入去試，無論係堂食/外賣人流幾多，入座後點了豬紅粥配豉油皇炒麵：豬紅幾大舊，粥底幾綿，炒麵夠熱夠香，而且個醬油落得幾足，色水幾好，未食已經好香好惹味，加埋麻醬更正。服務態度親切有禮，主動埋黎落單，不過八遲通壞左其實可以大張紙貼門口通知食客或者落單時跟客人講，咁就唔使見一個講一次，食左咁耐聽到佢講左10幾次以上，而且客人埋單先知冇八遲通付款，又要浪漫時間拎現金，除左咁大致上都冇咩問題!!!

lunch來叫個外賣，外面都聚集了不少上班一族，證明都幾受歡迎！抵食夾大份，20-30蚊一樣嘢左右，自己一個人唔好叫咁多😂！粥底很綿但保留米粒，可以自己加錢加配料diy，新鮮熱辣。有生滾粥和即熟粥可以選擇，有好多款式，前者貴一些。之前叫過南瓜粥同生菜鯪魚球粥也不錯，牛利酥新鮮炸好，好味！豆漿好大枝，唔會話太甜。炸兩香脆，腸粉滑溜好吃！蝦米腸好多料，腸粉有米味！整體cp值很高👍🏻👍🏻👍🏻

今日打算跟另外四位同事一齊叫外賣返公司食。同事話忠記粥店時不時都會幫助弱勢社群，咁就不如今日幫襯吓啦。我哋經app落外賣單。喺平台度落咗單之後到咁上下時間先落去拎。同事們去到等咗一陣就有得拎喇。我哋五個人，叫咗一隻鹹肉糭，一支無糖豆漿，一碗鹹蛋瘦肉粥，一碗皮蛋瘦肉粥，一碗艇仔粥，一碗生滾豬腰粥，一條油炸鬼，一個煎堆同埋一條牛脷酥。無糖豆漿都濃，啱晒健康人士。我就食咗生滾豬腰粥，豬腰幾新鮮，同埋唔會煮得太熟,幾爽口。好味。煎堆同牛脷酥就正正常常。同事們話隻糭，皮蛋瘦肉粥，艇仔粥同埋鹹蛋瘦肉粥都幾好食的。油炸鬼我冇食，所以comment唔到喇。想喺銅鑼灣食輕食嘅話，忠記會係一個唔錯嘅選擇。（食完曬啲粥同小食先記得影相，所以淨係得返支豆漿可以影😅）

是日想清淡一下早午餐都食忠記粥品 位置唔難搵早餐蝦米腸+鹹蛋瘦肉粥$42蝦米腸好足料，有唔少嘅蔥同蝦米係入面，我自己再加左麻醬甜醬😋好味道鹹蛋瘦肉粥，有好多瘦肉🤭鹹蛋份量就較少午餐三餸一菜湯公仔麵$48我揀左鹹蛋，貢丸，芝士腸，冬瓜鹹蛋足一隻，貢丸有四粒，芝士腸有4-6條冬瓜份量都好多，啲餸好足料，另外仲有小小幾甜嘅紅蘿蔔粒🥕👍🏻不過個湯底味道就麻麻地 浸味有小小奇怪如果湯底可以改善下就更好了

今日想食清淡小小打電話落去叫外賣自取好快就有得拎第一次叫呢間既湯飯$48生滾湯飯 三個餸+一個菜叫左 🥣咸蛋+豆卜+菜心+紫菜幾有誠意 個湯唔會太鹹 啲餸都比幾多好抵食 呀甘多個餸

真係有比較有傷害！忠記粥品，門口等外賣嘅人數較多，已經係個值得一試嘅參考指標。一碗豬紅碎牛粥$22、一碗鹹蛋粟米粥$22，加多件牛脷酥$10，打開個蓋一睇已經高下立見。首先，米量明顯足料啲，唔係水汪汪；其次，有薑絲，見微知著。扯開話題，提到薑絲，不如講吓殭屍，唔講女優。殭屍由來，其中一種講法嚟自湘西趕屍，相傳當地人落葉歸根返鄉落葬觀念好重，所以會請趕屍匠將屍體運返鄉下。由於湘西山路崎嶇難行，不宜用車、擔架等方法運送屍體，因此趕屍人會為屍體著上闊袍大袖嘅黑色壽衣，然後將屍體前後排排企，再用兩枝竹竿分別穿過屍體左右衫袖並將手臂綁喺竹竿上。趕屍人一前一後抬住兩枝竹、串住一排屍，加上趕屍隊一般喺夜晚開工，所以睇落就好似一堆屍體跳下跳下、彈下彈下咁。經過啲三姑六婆加鹽加醋嚇小朋友，就變成殭屍一說。仲有，睇《殭屍先生》，林正英趕屍會搖手鈴🛎，電影渲染成指揮殭屍行動。實際上趕屍人搖手鈴，係想提醒附近居民有屍隊到，快啲迴避，同時綁好屋企隻狗，唔好衝出嚟咬啲屍體，米飯班主嚟㗎，任何損傷冇糧出，到時粥水都冇得食呀❗️好，講返碗豬紅碎牛粥，係有味㗎，終於唔使自己加鹽加醋落胡椒，好滾動。另外，佢個豬紅好食，唔係

買一碗外賣魚腩粥，足足等咗40分鐘….隔離嗰女仔叫碗白粥，係一碗白粥都等25分鐘食客又唔係多，真係好癲呀。重點係個個手腳都好慢，所有嘢都拖住嚟做…無下次，唔會再幫襯！

忠記都開左好多年，同埋突然想食粥第一時間都係諗起佢，同埋佢有一個湯飯/湯米都好鐘意食！但係比較清淡，☺️食得重口味多都會想食返啲粥😁一如既往都係keep住水準唔錯👌每次食油炸鬼都係新鮮熱辣👍🏻正

想食忠記既粥好耐，今日試下佢地既生滾滑雞粥，中午食晏時間人都好多，門口都是等外賣的人已經電話落打，去到都等5分鐘左右，頭尾都成15分鐘。😆😆 不過食完都覺得值得餐牌在門口，大家可以睇清楚先叫我就叫左個生滾滑雞粥，加個即蒸肉片腸粉。食左一半先記得影相😝$32真係抵食，雞好滑，粥夠哂味👍🏻👍🏻唔想只食一個粥，我仲加左個即蒸肉片腸粉：肉片係幾滑，睇得出有心，肉片都多加埋鼓油既腸粉都好好食😋😋

叫咗三餸湯飯已經要等成半個鐘拎到返嚟嘅嘢又錯嘅打電話問佢點解冇唔知喎你問事頭婆啦依家好多野都無返貨冇既唔緊要係咪應該打電話話俾個客聽冇芥菜都係冇一個啫叫三餸有一個冇都唔係好多我可唔可以比三份一錢丫

見到天冷冷，諗住叫個素湯飯暖下身好多蔬菜都無貨，但老闆補左其他蔬菜給我都好足料下！但最幣無落鹽，係廚師唔記得落定不嬲佢地嘅湯飯都係唔興落鹽剩係俾咗一包細豉油落完都冇味好難食

店鋪沒有人，店外有幾個等緊外賣，我只是叫一個炒米粉以為應該唔洗等好耐，點知得等左20分鐘都未有，以後唔會光顧以間分店，浪費時間。店舖有幾個阿姐，但無人收錢。等既時候真係好想唔要$13就走🤬🤬

我嗌咗個粥加窩旦外賣，去到鋪頭已經問有無加窩旦，戴眼鏡又話有，我打開個蓋，又話沉咗底，見佢答甘快甘肯定，就信錯咗佢，返到發現根本無，打去話搵番佢同佢無咗旦叫佢退番錢，竟然同我講喺個底到熟咗，我連旦白都搵唔到。最後食都底都無

今日腸胃不適，外賣點了滑牛粥，炸兩，1245去取，1240到達，示意店員有得取未，未有，那就等一陣，門外不太多人，想應該不會太耐1300先去問一問店員，未有再等1310,再追，巳經很久，而且其他等外賣的人也散去，巳經是新一批的客人在等待……1317, 我的号碼是002,但我看到006的巳經放在枱上待取，取貨時間是1315!忍無可忍，終於要强力投訴，才開始煲粥底！又發覺炸兩冇粉皮，才開始蒸！你們是不想做生意，請早開聲！