德國餐廳 (Mikiki)

營業中

休息中

雖然叫德國餐廳，但同隔離間西班牙餐廳似係同一間，菜式相似，員工兩邊走。$780 2個人，貴本來唔緊要，因為我放工想食餐好。點知全部好難食！八抓魚沙律的八抓魚片好un ! 配大兜勁多生洋蔥青椒，多唔代表係好。西班牙海鮮飯，全部海鮮勁UN, 飯好粉又難食，味道又無乜，俾勁多飯我都無用！羊架算係正常起碼咬得開，但說不上好食。飲品：水果茶勁甜似飲糖水，芒果汁勁怪有膠味，陣膠味留係我口成個鐘好想嘔。就算我係另一間本地人開既西班牙餐廳都好好食，所以唔係港人煮西餐唔正宗問題，係大廚同老闆對自己無要求，難食到我食左一半嬲到走！

室內好大油煙，冷氣唔夠，豬手無味又唔夠熱，完全唔知點解咁多好評………………..完全無心機食，食唔夠一半就走人，埋單都要百幾蚊，早知去食麥記好過……………無下次。

一入到去，就聞到好大陣油煙味，本來想轉場但先生話好耐冇食德國豬手所以試吓揀左兩個位，諗住遠d個廚房，點知幾乎完全冇冷氣的。你知出面幾熱，唯有坐近d入面跟著有兩隻flies 飛嚟飛去叫左個傳統德國白豬手(non fried)，冇乜味，要靠點mustard。d酸菜絲太酸&唔好味。薯仔沙律薯仔非常大舊&硬。only sausage好食仲有個西班牙海鮮飯海鮮不太新鮮&硬，飯冇香料味Total $5xx真是很差的體驗又貴又唔好食環境又差成餐冇乜心機所以冇影相返到屋企，第二朝經過d衫仲一大陣油煙味太嬲所以決定要寫出嚟環境：0/10分食物：1/10分價錢：1/10分服務：5/10分

曾經食過呢間德國餐廳嘅豬手，覺得一般，所以今次試下其他菜式。砵酒燴牛肋條牛肋條炆得夠淋，而且好入味，比想像中好味。配田園蔬菜，得少量車厘茄同脆肉瓜。燒牛肉沙律因為同行者節食中，好難得呢間餐廳有沙律供應，抵讚。分量算係中規中矩，燒牛肉係微溫，唔算濃味；沙律菜有三/四款，唔錯太新鮮。整體不過不失。今次光顧，食物質素正常，選擇亦充足，有沙律可以選擇。店內環境一般，不知是否餐廳外有植物，用餐時有蚊螆騷擾，可能需要設法改善。

300幾蚊一塊肉眼，薄到茶記扒都厚過佢，又無牛味，食梳打肉？要3成比7成😵‍💫，好心知塊扒薄就咪煎咁耐啦。。3百幾做到咁差，良心呢？食你不如食對面茶記雜扒飯好過。個香草三文魚意粉又差，香草係多，但唔係靚香草，唔多食得出香草味，成餐飯最好就係煙三文魚片，因為係嗌貨唔係自己煮🫤 500幾埋單一個人食到成肚氣。最後悔就係無影低證據，完全唔明點解有好評，又貴又難食，食樓上薩莉亞都冇咁差。塊扒得兩個5蚊銀厚，如果唔係last Oder 左，我一定叫佢換or退。廢事阻住人收工啦。

📌Das Bier德國餐廳Das Bier招牌有德國豬手🍗德國腸、斧頭扒🥩當然仲有多款德國啤酒🍺餐廳的紅磚牆、木枱木椅富有德國風情✨設有室外或室內座位，坐室外可以吹吹風嘆啤酒🍻感覺寫意✴️German Pork Knuckle w/ Sauerkraut & Potato Salad德國咸豬手配酸菜及薯仔沙律 $238咸豬手是一道傳統德國菜🍖配上蜂蜜芥末醬、酸菜等配料，口感香濃豬手皮烤得金黃香脆，帶咸香，肉質嫩滑多汁，配上芥末醬更為美味😚伴碟的酸菜絲及薯仔沙律口感清爽開胃剛好平衡豬肉的油膩感❣️✴️ Super Sausage Platter德國超級香腸拼盤 $198德國腸口感豐富且多汁，拼盤有幾款不同口味的香腸，包括原味、香草味、香辣味等🌶️德國腸外層烤得微微酥脆，內裡保持豐富肉汁，配上芥末，味道更有層次✴️Edelweiss店員推介的生啤，帶花香味好易入口，配上咸豬手及德國腸非常適合❣️

帶左狗仔坐戶外位，侍應唔多留意下出面，㩒鐘又等好耐都無人理，之後叫左個三文魚意粉等左50分鐘，賣相差，味道一般，價錢又貴，熱情果茶又甜，唯一優點就係可以俾帶狗仔😓

5:30pm入座，間野唔大但得兩個客，晦氣男侍應就係想逼我地同佢地坐埋一齊，最後我哋梗係冇理佢，坐低即刻叫野，上菜速度都算正常，6:15pm 加order 牛扒，已經問咗晦氣男大約要幾耐，佢話10-15分鐘，👌🏼接受就落單，點知等到6:50都未到！我哋趕時間話唔要，竟然話唔得，其實約咗人6:30係mikiki ，最後真係等唔到，佢地外送上去俾我，7:20pm 先送到！果個晦氣男侍應，唔該佢唔想做就唔做啦，我明天會打去投訴

記得呢一間德國餐廳以前係好食的，而且有好多分店，不過衣家執吓執吓好似唔見晒，原來新蒲崗Mikiki仲有，於是入去幫襯，可惜食到一肚氣，D野麻麻地都未係最大件事，佢D Waiter服務差先至夠晒致命。食方面就叫咗個All Day Breakfast，整體唔夠熱，好彩D腸仔嘅味道都OK，不過當然如果再熱D味道會更理想啦，另一樣野係件多士唔夠脆，似乎係整定喺度而唔係即叫即焗。佢個薯餅比較油，不過呢樣係常見嘅，出面好多地方都係咁，油淋淋，相對黎講呢度已經OK了。黎Das Bier梗係要飲Bier啦，叫第一杯，正常，第二杯，超多泡，梗係叫佢換啦，個Waiter即刻黑面，其實我又無嘈又無鬧，只係想要返我應有嘅野，都合理卦。唔知係唔係我心入面有條刺啦，佢換杯新嘅比我等咗好耐，搞到我驚佢加料(可借都飲了半杯)。

午餐想吃牛扒，即場吃一定比外賣好吃，奈何這天我一定要外賣，預計牛扒由取到手至吃入口，會打折扣；但⋯⋯都想吃喎！照買啦😁~~~~~~~~~~~~~~~~~~~~~~~~~~~~~~🥩牛扒炒蛋意粉🍳🍝 $51⭐️⭐️⭐️牛扒⭐️⭐️炒蛋⭐️⭐️⭐️⭐️首先，價錢極抵👍🏻👍🏻有兩塊，超值！給牛扒2⭐️，原因是很鹹！其實肉質不錯的，相信廚師有考慮到這是外賣，牛扒入盒後仍會被餘温煑熟，所以煎扒時不會煎得太老👍🏻同時也煎得香，入口也吃到香味。由取走到入口，仍然是暖的👍🏻炒蛋非常嫩滑，不乾柴不老，所以給4⭐️。意粉軟硬度都👌🏻。$51 吃到德國餐廳的牛扒蛋意粉（雖然不是德國菜），還包飲品，抵！侍應服務態度好，友善有禮。～～～～～～～～～～～～～～～～～～～🎉同場加映：戶外有堂食座位，連雪白的大狗狗🐶也要嘆吓🥳😁👏🏻

其實平時呢間餐廳都唔多去！但係有朋友話想試仲話要請我食飯，咁就去食下啦！咁當然要叫主打嘢德國鹹豬手，西班牙炒飯，白酒青口呢幾樣嘢啦！簡單講，食係好食嘅，幾樣野都不過不失，但係價錢如果可以平啲咁件事就會開心啲啦！因為畀得起呢個價錢喺呢一區周圍都仲有好多選擇，俾佢更出色嘅都仲有㗎，咁所以希望可以改善一下價格啦！

Today, I went to try this restaurant for German food. The taste was bad and the lemon tea was bitter. 🙈😔 No next time. Score for food: 1 (1:very bad, 5: very good). 今日去新蒲崗試下德國腸。估不到可以這一麽難吃。檸檬茶也十分苦澀。🙈🙈

今日約咗媽咪撐枱腳，呢排疫情好咗少少，出嚟行行街食食飯放鬆吓，搵間高級餐廳獎勵吓大家，放工就約埋媽咪嚟到呢間西班牙餐廳撐枱腳，餐廳高檔擺設西班牙風情格，侍應熱情有禮，安排十分舒適嘅座位給我們😍餐牌上的推介：特色烤乳豬，見到都勁想食，果然冇令我倆失望並且有驚喜添，成隻乳豬脾烤到金黃香脆，咬落真係索索聲，非常入味，外脆內嫩，媽咪都話正👍，送啤酒非常匹配， 媽咪點左慢煮鐵板燒八爪魚，亦做得相當不錯，八爪魚爽口彈牙，八爪魚的鮮甜，淡淡的燒汁配上黑胡椒非常美味可口，連圍邊的伴碟菜，也做得相當不錯翠綠爽脆西蘭花，爽甜多汁的蕃茄仔，濃香的薯蓉😍不得不提的小食西班牙醃製青黑橄欖，餐廳秘製的，鹹香甘香，越食越滋味超滿足👍🥰

帶埋狗仔黎到mikiki搵食 諗住搵間可以有互外位又特別啲嘅餐廳 點知選擇唔多 因為大部份連鎖店黎唯獨呢間有特色啲 所以試吓有brunch 同lunch menu價錢上完全唔貴！有啲驚訝叫咗個set A 可以揀飯/意粉/田園沙律仲送飲品添▶️香煎青衣柳配刁草芥茉籽汁 ($62)份量正常 賣相好唔錯魚柳煎到金黃色 仲放咗啲小豆苗起面旁邊有青豆同車厘茄意粉都幾多 有白汁 味道方面 魚柳質感比較厚實 唔會好散 仲可以切到一片片食食落都幾滑 好食🐠外面少少脆意粉不至於煙韌 但係都唔錯 佢個白汁幾好味 唔太稀 同時唔會好鹹或者好溜啱啱好👍🏻咁樣個意粉就唔會好乾或者冇味雖然食唔到芥茉味 但係食到啲好似藜麥咁嘅嘢 幾得意蔬菜就比較油 同埋冇乜味▶️西瓜汁 (+$13)佢有超多果汁揀 唔肯做定係咪鮮榨 不過佢真係有西瓜榨 同埋味道唔假又唔會太甜飲落好消暑解渴同埋都幾大杯🍉-味道質素好唔錯嘅德國餐廳😋服務態度好環境都幾好 唯一係互外會有人食煙 否則好舒服 狗仔都開心 可以望風景🐶CP值超高 份量大 足料又好食 竟然只係$62 仲要包飲品！絕對係平民美食

平時好少食西班牙菜，去交收啲嘢難得黎新蒲崗見佢又有間西班牙餐廳就入咗去試吓。成間餐廳都幾有feel，有室內或者室外可以揀黎坐，因為同男朋友兩個人想靜靜地食餐飯所以揀咗室內，如果一大班人黎食揀室外吹吓水飲下酒應該幾正。對西班牙菜冇咩了解，聽得最多都係西班牙海鮮炒飯，所以就叫咗黎試。另外想食下肉，所以就叫咗個燒雞同埋德國香腸拼盤。德國超級香腸拼盤($188)佢有幾款唔同嘅香腸，唔識分係咩品種，自己覺得白灰色最大條嗰種香腸最好食，肉身好飽滿同埋好香，另外紅色大條嗰種味道都唔錯，細條啲嗰幾款就比大條嘅鹹d。薯條係粗薯，外脆內軟炸得啱啱好瞬間就俾我哋清晒。另外一提就係佢仲配有一堆味道鹹鹹地甜甜地嘅菜，食落都幾特別，係其他地方冇試過，可以中和左肉既油膩感。西班牙海鮮炒飯($188)海鮮種類都幾豐富，有青口蝦同埋蜆肉等等，仲有檸檬可以加入去飯到。炒飯食落味道比較清新，飯粒粒分明軟硬度啱啱好，份量好充足兩個人食絕對夠晒。燒雞($238)擺得好靚嘅燒雞，超大一隻，仲配左一個濃郁嘅番茄醬。建議上菜之後即刻食，先可以感受到香脆嘅雞皮，食落啖啖雞肉唔會話好油膩亦都唔會好多骨。分量又係勁多，三個人分都仲可以。個