德國熱狗

營業中

休息中

熱狗係香港愈黎愈普遍嘅同時，款式亦愈黎愈多，但係依然最鍾意懷舊款熱狗。記得細個讀書時，學校附近一間舊式快餐店專賣熱狗，人氣到不得了！放飯放lunch時間，人龍長到出門口！今日再黎返「德國熱狗」，人情味不變，尋回懷舊味道🤤好多款！選擇困難症就要睇定先喇！🤡點了一個細芝士腸+車打芝士套餐，揀咗薯條，配一包紙包飲品$47作為芝士控，呢款岩晒，由腸到包都充滿芝味，但又唔會滯，醬汁自己落🌭麵包烘得外皮香脆內保持鬆軟。跟餐薯條炸但唔油👍🏻另外點了墨西哥肉醬薯蓉（$28），黎到呢到呢個係必點！2點左右黎到，呢碗係最後一碗，真係好彩🙈薯蓉食到薯仔粒，係每日新鮮壓成。好多肉好多汁！用料十足$28大大碗，女仔食晒其實會好飽🙈抵👍🏻老闆娘仲好nice👍🏻所剩無幾既快餐店，要食就趁早喇！

讀書時代在這間「德國熱狗」附近，曾經留下過不少足印的餐廳，好像「美而廉」、「紅寶石」、「金牌」、「雅閣」等，現在已一間一間地消聲匿跡，就只有這間堪稱為香港第一代熱狗專門店的「德國熱狗」小食店，碩果僅存，仍然屹立不倒。不過這天早上，我雖然又再來到這間小店子懷舊一番，但我吃的，卻不是現在價錢已升至 $47，包括一款可配以不同香腸的熱狗、薯條、薯餅或配料和任何一款 $7罐裝飲品的「自選套餐」，而是在早餐餐牌上數款不同配搭的早餐中點了一款由「瑞士切肉 + 洋蔥碎蛋 + 伊麵 + 熱飲」組成的早餐（$30），就坐在小店中靠近一壁牆邊的向牆座位上，在擠逼的環境中，與其他街坊熟客一起各自享用我們的早餐。 所謂「瑞士切肉」無非是在自助餐中常見的「雜凍肉」的其中一款夾雜著其他材料，顏色較為漂亮，有紅有綠的凍肉而已，不過在早餐中能夠吃到，就的確是另類和特別。堆成圓球形的「洋蔥碎蛋」也特別，凍的碎蛋黃白分明，中間夾雜有少許洋蔥，吃來感覺不俗 ，也是坊間少見。而即使是伊麵，即使只是超市中的包裝出品，也沒有一般茶餐廳的即食麵、通粉、米粉那麼千篇一律，了無新意。更何況，要是不吃伊麵的話，即使不吃米粉、通粉或多

午巿的德國熱狗餐廳，氣氛casual 又親切。餐廳很小而且有點簡陋，開放式的廚房，連收銀也只有4位亞姐工作。只有5,6個坐位，全部面壁，裝潢停留在80年代。見到人人都吃熱狗，不如拗下頸，叫個黑椒豬扒包？連薯餅盛惠$27。所有食物都是即叫即製，不消5分鐘，熱辣辣既豬扒包已經有得食。包面先煎香，熱得熨手，吃下去又熱又脆的口感比連鎖快餐店那了無生氣的麵包好上百倍。加上2片調味得宜的黑椒豬扒，好吃。少許瑕疵的是豬扒過於乾身，肉味不濃，主要是吃調味。但這種餐廳的定位就是這樣: 做街坊和學生的生意，你不會預期它給你一塊鹿兒島黑豚，然後賣$100吧？把街坊價的食材用心做好，整體而言已是瑕不掩瑜。亞姐親切亦是這裡的賣點。$27的價錢，給你100分的誠意，這小店值得推介。

經常會到勝利道睇寵物嘅我，每次睇完之後都必定會到呢間熱狗店食嘢。我鍾意幫襯呢間熱狗店嘅原因好簡單，因為佢哋賣嘅熱狗好味之餘，價錢亦都大眾化，而且店員對客人嘅態度好親切，差唔多次次去幫襯，都會聽到d店員同街坊傾計。今日我就叫咗個1號餐 肉醬熱狗加薯餅（或可選薯條)，＄30肉醬熱狗比我想像中好味得多，麵包超級鬆軟又夠熱；肉醬份量都好多下配埋茄汁增加左肉醬嘅甜度至於腸仔就係一般嘅廚師腸，其實都唔差嘅，不過如果係脆皮腸就更加好喇。另外，我自己都好鍾意食呢間鋪頭嘅薯餅。每一次食嘅薯餅又或者薯條，水準如一夠熱夠脆，亦都感覺到d薯仔好新鮮，質素比麥當勞嘅薯類產品高幾班。

之前朋友介紹個D間德國熱狗，平時好多人排隊就冇試到，但今日見到唔多人排隊就試下啦。雖然舖仔細細，只有約7-9個位左右，但食飯時間經常都滿坐，最好都係叫外賣或者人少少食會方便D。原本想試下薯蓉，但剛好個日賣晒，唯有試返熱狗。熱狗腸有好多款，今次試左珍寶辣味燒烤腸 + 燒烤醬 配薯餅。珍寶辣味燒烤腸腸皮夠脆，而且肉質都唔錯，值得一讚係麵包外脆內軟，燒烤醬味道偏咸，下次可以試其他醬。薯餅都係新鮮即炸好好味。跟餐有罐裝飲品，但都可以加$2 轉樽裝飲品，於是都係要左個道地解茶。最後見到好多人都叫匈牙利辣味腸，下次都要試下先。整體而言，雖然價錢唔平，但勝在多款同味道唔錯，得閒試下都唔錯。

唔講唔知道，原來油麻地行去何文田方向，有一間小小的地舖，簡簡陋陋的小店，可以吃到德國風味既熱狗。當日星期六下午，店不少附近的學生黎買午餐加上間舖好細間，坐位很少，所以都等左一陣位。睇見memu有好多唔同既熱狗腸，睇得我花多眼亂，都唔知道試邊款好於是叫左個脆皮煙肉火腿腸，加肉醬；男朋友則要了辣肉腸加肉醬。跟餐還有飲品和薯條，我們要了薯條和薯餅試下。首先上左炸物，炸得岩岩好，唔會過燶。薯條：外脆，內裡好多著仔肉！這薯條比起外面快餐店吃到的大有不同。很滿足！薯餅：如果薯條有９０分的話，這個薯餅便有９９分了！外面睇落好似好多炸粉，但咬落又是啖啖著肉！剛剛炸起新鮮熱辣，就算放耐左都仲會脆口的！而且不會很溜。可以話暫時黎講係最好食既一間薯餅。薯餅薯條食到一半，就到主角－熱狗上場了！醬料的話，店員姐姐會問要咩醬，唔洗怕食到ｄ自己唔想食既醬料。（除了肉醬是額外加錢）脆皮煙肉火腿腸，加肉醬脆皮煙肉火腿腸：很香很夠味道，可能是煙肉本身有少少"un",變左條腸仔口感咬落都un少少而脆皮也不算很脆皮肉醬：這個肉醬真係冇得輸！夠多肉醬之餘仲要多醬汁，味道又match，超好味啊！肉醬多到完全夠cover晒成個包，

成日行經呢間小店，一係中午好多人，一係太晏佢收左檔，永遠就唔到時間去試佢。呢間鋪收6pm, 今日真係心血來潮，見鋪頭無乜人，唔洗排隊，一於唔肚餓都試試佢。但係我覺得佢啲野食都偏貴，一個套餐：熱狗+薯餅+飲品=$47 ，咁樣睇落mos burger 同麥當勞好似好抵食。我無買成個餐，淨係成日見人推介，所以想試下佢啲熱狗，但佢賣得最平都要$32，而我就係試左最平個款熱狗落左單佢會問你要咩醬，我要左芥末同茄醬，我印象中佢仲有bbq 醬、酸瓜醬、沙律醬等等，你可以揀幾款醬，重口既話可能你話要落晒佢都得hahaha 就咁睇個熱狗，我真心第一下sad 左，條脆皮芝士腸會唔會係迷你左啲？我心諗早知order 個正常size 既大腸因為佢呢張相既賣相真係唔多吸引，連條腸都見唔到，精髓黎咖嘛！不過既然都叫左，就試下佢咩料子啦！包身：熱辣辣軟綿綿既熱狗包脆皮芝士腸：幼係幼左啲，但係口感外皮的確脆，香腸味亦唔會太鹹，係好食既。車打芝士：對於芝士控既我黎講，我覺得好食，而且佢仲係可以拉絲拉到唔斷咁濟，因為個熱狗入面真係放左唔少芝士yum yum 芥末醬：鹹鹹地酸酸地，無咩辣味，有少少青結味，我個人對呢個醬麻麻

今日中午我們去咗何文田勝利道嘅「德國熱狗」買外賣自取食！我們買咗香蔥豬柳腸熱狗嘅腸皮好脆身，肉汁都幾多，配上炒香咗嘅洋蔥一齊食，令到味道更加芳香惹味，包質亦好鬆軟！德國肉餅包嘅包質好外脆內軟，肉餅都幾厚身，味道好似煎香咗嘅午餐肉咁，但質感比較爽口！黑椒豬扒包嘅豬扒肉質好鬆軟，香辣嘅黑椒粒，令到味道更加醒胃！火腿煎蛋公仔麵同腸仔煎蛋公仔麵嘅公仔麵唔係好爽滑彈牙，而且質感比平日食開嘅「嚡」咗啲！

去徳國熱狗食熱狗,究竟德國係咩味道,我唔明…生活真好抽象…入到店內第一時間叫左個熱狗,好期待,然後用刀叉切開,諗住食得斯文小小,朋友好大聲咁喝停,食熱狗係咁食架…用口大啖食第一口咬落去,麵包外脆內軟,加上德國辣肉腸重有應該係秘製醬汁,真係好好味,難怪朋友經常來食

今日下午我們去咗何文田勝利道嘅「德國熱狗」買外賣自取」食！我們買咗黑椒豬扒包、珍寶芝士腸熱狗同家鄉白腸熱狗！黑椒豬扒包嘅豬扒肉質好鬆化，唔會有好「嚡」嘅感覺，加埋香辣嘅黑椒一齊食，真係好惹味！珍寶芝士腸熱狗嘅腸皮好脆身，入面有粒粒半溶嘅芝士，令到味道更加惹味！家鄉白腸熱狗嘅腸皮亦都係好脆身，肉汁都幾多，肉味亦好香濃！他們嘅包係即叫即烘，熱烘烘嘅包質相當鬆軟！跟餐嘅薯條炸得相當金黃香脆，唔會有好油膩嘅感覺！

相信好多人都介紹過呢間德國熱狗小店，早幾日咁啱又經過，好多年冇黎喇！咁多年黎，人流永遠都係咁多。熱狗腸種類非常多，最後我要咗脆皮煙肉火腿腸。熱狗即叫即製。首先烘熱個包，再滾熱腸仔，最後選擇醬汁。包面少少脆口，入面熱辣辣，非常軟熟。腸皮薄而脆，腸肉亦食得出濃濃嘅煙肉味，就算配埋醬汁都唔會掩蓋咗本身嘅肉味。可惜嘅係我冇要埋芥辣醬，否則味道同口感一定會更加平衡。唔緊要！下次再食！

店名：德國熱狗地址：何文田窩打老道67號D,Shop C好味指數:7.8/10價錢:$22肉醬撈丁肉醬和麵的份量夠多，肉醬味道適中，不會太酸亦不會太淡。麵很爽口，不會腍，整體不錯！店名：德國熱狗地址：何文田窩打老道67號D,Shop C好味指數:7.6/10價錢:$40細芝士腸+車打芝士熱狗包薯條及罐裝飲品車打芝士熱狗芝士夠多且軟滑好味，而腸亦頗香，不過沒有什麼特別，配合沙律醬是一個好搭配。薯條炸的夠脆，所以特別好吃。 

「紅寶石」沒有了，「雅閣」消失了，「金牌」不見了，就連「美而廉」也搬遷了，中學時代的快餐記憶已幾乎被時間洪流沖刷淨盡，留下來的好像就只得這間「德國熱狗」，特別教人珍惜，特別教人眷戀，特別教人感到唏噓。懷著這特別的情意結，這一天，又再漫步蹓躂於這中學母校附近的街上，就在這兒吃個早餐。小小的店子仍是舊時的格局，並沒有太大的改變，點過早餐之後，左看看，右望望，張望狹小店子內的環境，過不多時，我的早餐已然整好，可以拿到貼牆的層板上，然後坐在高身椅子上用餐。吃的是四款 $29早餐中的 B餐，是「脆皮豬肉腸 + 炒蛋」的組合，再在多士、薯餅、伊麵、米粉、通粉或茄汁豆中，選擇了甚少吃到的伊麵做早餐。這早餐的脆皮豬肉腸樣子不像長身的肉腸，反而像午餐肉，味道帶少許紅椒的辣，炒蛋頗為滑溜，份量也多，配以難得一吃的伊麵和凍奶茶，懷舊一番，已經心滿意足了。這間以傳統德國肉腸和熱狗馳名，屹立多年不倒，人情味既濃，也盛載有自己點點回憶的熱狗快餐店，我一定會久不久來吃東西，特別是你的美味熱狗的。

這家小店無可避免成為很多人學生回憶的一部份，誰叫附近學校林立，熱狗快餐自是學生哥的午飯目標。難得是這份回憶在今時今日仍然能夠原汁原味去回味，因為店子環境萬年不變，就連店員阿姐也似是吃過防腐劑，樣貌說不出多少改變店子很窄，格局也不主張堂食，但是牆上架起闊度僅跟熱狗長度相約的板子，配上五六張高椅，讓少量客人有幸在店裡第一時間享用出爐美食。這小店多年來人氣頗高，這次能覓得一座位實在是天公作美。店裡有二十多款腸供選擇，不知從何時開始如果當天不吃薯蓉必點香蔥豬柳腸，貪它除了腸還有洋蔥作配料，感覺更划算。醬料選混醬，就是什麼都來點，原因如上，窮鬼心態默默作崇多年.......點餐後麵包放在煎爐上熱過，因此口感微脆帶暖，雖然麵包質素平平，但阿姐人手加工應記一功。咬下豬柳腸，印象最深是腸皮的脆與腸肉的爽口彈性，味道平易近人，沒有膻氣，濃淡剛好，配上洋蔥的甜與口感及各種醬料，每方面帶來的小小美好加起來是莫名的滿足感！薯餅熱哄哄的上來，拿起時是燙手的，薯餅表面比較硬，內裡的薯肉是大顆的粒狀，整體還是不錯，但覺得稍欠嫩度。然而這裡的蕃茄醬一試就知跟滿大街上的不同，味道特別清甜，質感比平常的蕃茄醬要稠，我猜是

星期日，放左學，由公開大學步行往旺角，途經勝利道，見到一間熱狗店，門外大約有4至5人在排隊，於是上openrice check下這間德國熱狗店甚麼來頭，嘩！不得了，竟然是一間極多好評的食店，於是我立刻跟住一齊排隊，試下這間熱店！排左5分鐘，點左個洋蔥豬柳熱狗餐，但收銀姐姐話無晒薯條了，無辦法啦，唯有單叫熱狗啦第一口食下，豬柳腸好香，真係好有豬味，條腸本身亦都好脆，好有口感，而芥辣味都好正，不能可能自己唔係好鍾意茄汁，覺得ｄ茄汁太多了個熱狗包熱度剛剛好，下次一定會試下其它口味！